.
خل تفض
يا التلمح تريد نكلك وترفض !
ما عايز مريض يسوي هيج وياي
انا من كاعي متمرض
كسره ب بشر يسوى ولا مزاج يرض
اريد اخلص اريد اكطع
اليغمض عيونه ويبجي ما يسمع
طلعت روحي هاي وعود ما بادين
جا بأخر ايامي بيش راح اطلع ؟
.
.
#شعراء_وذواقين_الشعر_الشعبي
#علي_مهدي
#ابو_تراب

اكو حضنة ملاكه وحضنة وداع
ياهو تريد منهن من الاكيك
ارسمك ملتفتلي وتطلع اوهام
ملامح وجهي مافهمت معانيك
بثكل جرحك كبل خطواتك وياي
شنو شو عالزعل خفيت رجليك
.
.
#شعراء_وذواقين_الشعر_الشعبي
#علي_رشم
#ابو_تراب

.
احببتها لكنني لم اكتشف
زيف الوعود وانها متلونه
صدقت عاطفةً بقبلة قاتلِ
في خطة للجرح كانت متقنه
خانت ولم يبقى سوى عمرآ مضى
ضيعته في حبها سنة سنة
حتى ملامحها الجميلة لم تعد
تلك التي كانت بعيني فاتنه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
كون الگلب ينعت واعته
واشلع ضلوعي ويا سته
لو ينمرد بيدي مردته
وزتت حطب للنار ازته
الصوج بيه استاهل انا
لساني ما جريت اذانه
كون الوجع اندل مكانه
اچوي ولا حمل المهانه
ريت الهوا مكطوع ريته
ولا انطرد من باب بيته
.
.
#شعراء_وذواقين_الشعر_الشعبي
#محمد_ثامر
#ابو_تراب

.
يا مخرج الدنيا الدور هذا جبير مابيه
امثل واحد يضحك و مرتاح
وانا بصدري طفل ينذبح يوميه
انا خسران اريد اصرخ
انا مهزوم اريد اركض
انا عنوان ضاع بجثه منسيه
انا اخر حلم بعيون اليموتون
انا الثار البرد بجفوف راعيه
هسه الماله حق يفرح عليمن ماله حق يحزن
الحزن حاله احتياج انساني
مثل العطش مثل الجوع
ليش الناس علموني استحي منه ؟
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
مدري شلون عايش مدري شمتاني
ياريت الله ياخذني كبل لا ياخذ اخواني
وبصدري سوالف ضاله بصدري
وافتر بالشوارع دايخ ومصدوم
لو صاروخ يوكع يمي ما ادري
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
والله حاير
انا احبنها ضحكتك
وانت ما تضحكلي صاير
.
.
#شعراء_وذواقين_الشعر_الشعبي
#مالك_الباوي
#ابو_تراب

.
ردت اوصل گبل لا عينها تفيض
وگبل لا كطرة تنزل من كحلها
مشيت وخذت وياي المواعيد
القديمات الگبل جايبهن الها
ليلتها البحر بي صافن الروج
والغيوم الثكيلة التم شملها
ليلتها النجوم الفوكي قضبان
واقفاص البلابل مو مثلها
رجعت الها وكلت يلا الصلح خير
وكلت ما اخشن الروح اعلى خلها
فهمت طيبتي وجف الصلح ثار
وتصورت راجع حتى اذلها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
جان ابسط فعل منك
يخلي احساسي متطمن
اذكر شاورتني وصوتك يجنن
رجعت لبيتنه وكل عقلي اضم بالصوت
مخلي ايدي اعلى اذاني مثل اليأذن
.
.
#شعراء_وذواقين_الشعر_الشعبي
#يونس_محسن
#ابو_تراب

هاي جيتي من الصور بس ما عرفتك
ياهو المغيرك عليه ذمه بركبتك
شلون هيج تغيرت كلي شجاك ؟
انا جنت المحترك واركض وراك
ومن طفيت وشفتك مشربني ماي
مكيف شمدريني بالموت بدواي
ما معودني على هذا التزامك
ما ردت تشبكني بس بارد سلامك
شلون تنسى اسمي بعد ذاك الدلال
وانا كايل ل امي شنسمي الجهال
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
افهميني انا العطشان الج موت
دفهميني ولو مرة شتخسرين
طفل گلبي اجى وما شايل فلوس
وانتي منين ما اباوع دكاكين
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ثاريها الضنون تخيب وتخيب
من ضنيت بيك تصير الاوتاد
مضيف المبرد يغش المعازيب
ما سير عليه السيف لو حاد
جنت اتصور تفوز التجاريب
ودمعك ما تكضه جفون العناد
جدامك صارن بيوت العناكيب
و اخف من كتلك يلوكلنا ال بعاد
ايدي اعلى الصور والثانية تعيب
وبس الماي يكسر جنح الرماد
نفرض شككتهن خاف ما اطيب
شك الثوب فوك الميت شفاد
طايحلك نشد يعقوب بالذيب
ولا بير الحجى وكال انا سداد
انا ( اخ ) وحجوني بغرف تعذيب
ما هزيت شعرة براس جلاد
.
.
#شعراء_وذواقين_الشعر_الشعبي
#حسين_البهادلي
#ابو_تراب

وين الخلل بالزمن ؟
مدري الخلل بالبشر
محد يفسر هاي
الكبر خياله الضوة
ما اشوفه نفس الحجم
غيري اليشوفه هواي
.
.
#شعراء_وذواقين_الشعر_الشعبي
#سمير_صبيح
#ابو_تراب

كون المفارك حبيبة يرد علية
ونبص گلبة يسولف شصار بجفاه
وكلمن يحب من طرف ولفة يجية
بوجه يترس حيرته وتمطر سماه
حضنه العشاك ما بيها حرام
اليحب من محبوبته يفصل غطاه
.
.
#شعراء_وذواقين_الشعر_الشعبي
#علي_رشم
#ابو_تراب

يمكن مو وكتها بَس بَعَـــدْ حبيت
لا والمشكلة ماتدري بيه انــتَ
وحق عيونك الماحاسبلها حساب
اليحب من طرف واحد يحترگ سكته
انا متعود اخذ دور اليبجون
بس دور المدلل ... ماتعودته
اول مره احس بروحي مو صياد
شفت شفايفك وسلاحي تيهته

#شعراء_وذواقين_الشعر_الشعبي
#احمدعاشور
#zuse

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب

#شعراء_وذواقين_الشعر_الشعبي
#بشارالاسمر
#zuse

مليت والله من السهر ما صافي بالي
مليت حتى من الكمر مليت من حالي
صغيرون بس شايل قهر والضحك مو مالي
يوجعني گلبي بلا سبب والدمعة بعيوني
رايد يجوني السافروا حت لو يبجوني
شايل گلب شو كمت احب حتى اليكرهوني
.
.
#شعراء_وذواقين_الشعر_الشعبي
#منقول
#ابو_تراب

حتى لو يكثر خرابك
حتى لو تقسي ضروفك
اني اشوف الدنيا بيك
شعندي غيرك حتى اعوفك
.
.
#شعراء_وذواقين_الشعر_الشعبي
#منقول
#ابو_تراب

سميتك محنة وعاطفة واشواگ
لهو تگضي وكت شتريد سميني
واخذ شتلة غرامك يا عشگ ياشوگ
بس عاگول صدگ ينبت بطيني
وخليني اعلة بختك اني ما مجبور
بيدي انحت الهي واكفر بديني
بلبل وبقفص لتحطني بالبستان
يا غصن اليميل بنار يچويني
كبرت اعلة السهر يل مرودك سجين
شلي بكحلة غرامك كون تعميني
العشگ عندي عشگ ما عندي هيج وهيج.
اتانيك واجيك وما اتانيني
ودرت وجهي اعلة نيتي وشفت ضلك فات
وعلة طينة خيالك غمست عيني

#شعراء_وذواقين_الشعر_الشعبي
#سميرصبيح
#zuse

رضا العبادي :
مو مِن لواك الشَتة ومحد فزعلك غطة
ضميتك بنَاري..؟
چَا توصل لمرحلة تعيرني بأسرَاري..؟

يرد علي ابو نؤاس :
خَاب انا زرع الجَبل متعلم اعله البرد
بَس انت َعايز دفو وحطيتني بنَارك
تگلهم اعيرك ولك ؟ وانا وحك عشرتَك
من اگعد لوحدي ماسُولف اسرارك ..

#شعراء_وذواقين_الشعر_الشعبي
#zuse