وكَع منك وجه بس انته عندك خير
ألي يدور بوجهك جم وجه يلكَه
ردتك تكَعد تصفي الضنون وياي
يا ضن النعوفه وياهو ألنشكَه
وأشطب يا حلم خل نفرض وجزيت
من راحات اديه شيمسح الشبكَه
كلشي من رحت ضل عكبك بلا لون
حتى الغيم الابيض والسما الزركه
رجعت اضحك عله اسنين الكَضن وياك
وعيون الشماته بفرحتي مصدكَه
شافوا ماي بيدي توقعوني أزكَيك
ما يدرون أطفي بشجره محتركَه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
اماني وللاسف بالواقع نكول
المؤكد ارجح من الما مؤكد
نعم يمكن تحت تأثير الفراك
وصدمته المو بسيطة وحالة الشد
على كل ً اذا رايح خسرناك
بغيابك دمعة نزلت چوت الخد
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
مرات اختنك لمن يجيني الليل
افك شباج صدك و اوكف اتأمل
صياد احس روحي والنهر وشل
اشوفك جاي لية واركض اتخيل
اوصل للنهاية وابتدي من أول
اذا رفضت ضنوني جيتك ع البال
اغافلهن واكلك ما عليك اقبل
.
.
#شعراء_وذواقين_الشعر_الشعبي
#ايهاب_المالكي
#ابو_تراب

ابشرك خلصوا ما بقوا عندي هواي
كل المشتريهم رخصوا بية
اصافحهم واحس ب اطراف اديهم غيض
كاتل منهم وما دافع الدية
بسد بوساتهم دفنوا شكد انياب
واكول يجوز جانت عن حسن نية
ويمر طاريي ويذكرولي الشينات
واصد لطيبة اسمي التنوكل نية
وانا الجنت اضل واكف بالاستعداد
من اسمع عزيز يفوت طارية
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكلوب اصناف
والعشرة الطويلة تريد نوعية
.
.
#شعراء_وذواقين_الشعر_الشعبي
#ايهاب_المالكي
#ابو_تراب

الادري بي من تبتعد
مدري شحس بحيرتي
صدري حفر بي خنجر ؟!
مكطوع شريان ابهر ؟!
يندفع شباچ الجفى
وبالروح شي يتكسر
اشتاكلك
بس الحجي المضموم الك يتبعثر
وبدون موجه احتاجلك
بالبر واحس بيك البر
.
.
#شعراء_وذواقين_الشعر_الشعبي
#ايهاب_المالكي
#ابو_تراب

بأخير ايام عشت بروحك هواي
ديرة شايلين و وحشه حسيت
ظلمه وريح بيها وصوت بيبان
وردت اطلع ولكن ما اندليت
طلاسم نظرتك فكتها الاعذار
وبعيونك شكد الغاز حليت
جنت تحجلي وايدي تهدم احلام
وبمعول دمعتي بقوة دكيت
بحيث من انتهيت من المواضيع
ذيج الساعة ما ضل كلشي هديت
فدى من ينجفي يكولون ع الماي
وفدوة شلون اكلك ما تبديت
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
احببتها لكنني لم اكتشف
زيف الوعود وانها متلونه
صدقت عاطفةً بقبلة قاتلِ
في خطة للجرح كانت متقنه
خانت ولم يبقى سوى عمرآ مضى
ضيعته في حبها سنة سنة
حتى ملامحها الجميلة لم تعد
تلك التي كانت بعيني فاتنه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
ردت اوصل گبل لا عينها تفيض
وگبل لا كطرة تنزل من كحلها
مشيت وخذت وياي المواعيد
القديمات الگبل جايبهن الها
ليلتها البحر بي صافن الروج
والغيوم الثكيلة التم شملها
ليلتها النجوم الفوكي قضبان
واقفاص البلابل مو مثلها
رجعت الها وكلت يلا الصلح خير
وكلت ما اخشن الروح اعلى خلها
فهمت طيبتي وجف الصلح ثار
وتصورت راجع حتى اذلها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

وكَع منك وجه بس انته عندك خير
ألي يدور بوجهك جم وجه يلكَه
ردتك تكَعد تصفي الضنون وياي
يا ضن النعوفه وياهو ألنشكَه
وأشطب يا حلم . . خل نفرض وجزيت
من راحات اديه شيمسح الشبكَه
رجعت اضحك عله اسنين الكَضن وياك
وعيون الشماته بفرحتي مصدكَه
شافوا ماي بيدي توقعوني أزكَيك
ما يدرون أطفي بشجره محتركَه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

ربك باقيات شجم سنة وياي
عزلت ل شوفتك وانطيته سهمه
رحت بس انا ما راضيلك تروح
ضعف موقف وكفتك ردت احسمه
حرت من وادعتني اتشاهد ؟ اشتاك ؟
بحروف الموادع جانت ازمه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
لا ينشغل بالك كلشي مابيه
مجرد بس اخذت بخاطري شويه
بس انا الاعجبك يوم لو يومين
ارجعلك الضحكة الكتلي مو هيه
اليثكلن ويا غيرك يمك انت خفاف
احن لشوفتك لو چيلتك بيه
اذا مو الك كلي المن الزله تطيح
والمن ضام حرورة الحنيه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
حيره وما عرفت شلون وياك
تصفى ويمشن احساسين بالضد
عليه يصول شوكك وانا الاكيك
وعليك خيول ضعفي الجامحة تهد
جرحي وياك ما راويته للغير
مو قصة شماته وخوف من ند
حلو جرحك واحس تعلقت بي
واحسب لا تشوفه عيون تحسد
.
.
#ايهاب_المالكي
.
حيره تصير شجرة وتثمر يضربوك
تضل يابس حطب هم ما تضل مشمور
يلمونك نعم لو حرك لو منشار
لو تصبح وصل لو طعم للتنور
واذا ردت النجاة وكلت اريد الماي
لو تنحط جسر لو تنصب ناعور
المستنقع نشف ضل بي قليل الماي
بعد طكت شمس ويبين المستور
.
.
#سمير_صبيح
.
.
#شعراء_وذواقين_الشعر_الشعبي
#ابو_تراب

.
لا تسأل شلونك ماشيه احوالي
مثل ما شلت خشمك شايلك بالي
جبت عمري انطعن واصفن بعينك زين
بس كون الكى دمعة بعين جتالي
مو سعرك ولكن گلبي راد اشريك
غالي وجنت اعرفك والله مو غالي
جنت غلطان من رحت بهذاك الرأي
من أمنت كاغد بالهوا العالي
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
انا كلي تناقض وانقسامات
وصراع وفوضوية ومو جد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك واجي اردود
احط للموعد البي ننسى موعد
بأشد حالات زعلي اتصالح وياك
سماي نجوم بيها وغيم يرعد
واجيك و بأعتقادك جابني الثار
وانا من ابعد عليك يجيبني الود
واثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبي ؟
كبل ما سامع اني الطيف يبعد
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
تصورت ينطون الاحلام ابلاش
تاخذ وما تنطي شي حسبالها
يكولون رجعت ضال بواهسها قيد
ماكو مفتاح اليفك اغلالها
وانا كتلهم بعد ما بيه حيل
ابني يومية قصر برمالها
كلولها تدور غصن توكف عليه
للخريف انطيته غصن الشالها
ارضت الدمعة كلت عصة هواي
ومهرة احساسي عثر خيالها
كلولها يكول انا ناسي ومن زمان
وهي زين اذكرت هنيالها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
عمر وياك ادور حل
جبيرة السما وين اسأل
اخاف اشرد وما اندل
الا ان قررت حسيت عمري الضاع
شفته الطير اثاري من يطير اسهل
اثاري العش عذر للما يعرف يطير
اكول شبي الشامت ما يريد ارحل
حركني الضن مثل لعبة الغميضان
ورى حايط الشوك بلوعتي اتختل
جنت لخاطرك تحلف بخلكي الناس
انازع واليمر يشوفني مدلل
حكت ل اغلاطك بنصين گلبي اعذار
ترفه تغار منها حياكة المغزل
.
.
#شعراء_وذواقين_الشعر_الشعبي
#ايهاب_المالكي
#ابو_تراب

حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكلوب اصناف
والعشرة الطويلة تريد نوعية
وين وين الالكاه بي جاي يبيع
وين ال انا منطي من هوا الرية
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
مات الهوا والبعد امسى مدفنه
احببتها لكنني لم اكتشف
زيف الوعود وانها متلونه
صدقت عاطفةً بقبلة قاتلي
في خطة للجرح كانت متقنه
خانت ولم يبقى سوى عمراً مضى
ضيعته في حبها سنهً سنه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
منك و انتهت للكيش حد خليت
لو يغمك بعد لو يترك اضفافي
انا مدليك بيه وفاكلك بيبان
ما دليت بيها ال بالحلم غافي
جنت ابحرلك بلا بوصله ولا ريح
لا للموج رايي ولا لمجذافي
جا ما لحته ضيي بدون ما اعليك
كلب ذاك ليلك بي شرح وافي
فارشلك ورد تحتمي جدامك بي
عن لا تنجرح بخشونة اجتافي
.
.
#شعراء_وذواقين_الشعر_الشعبي
#ايهاب_المالكي
#ابو_تراب