.
فزاعة بحقل لا تحطني ماريد
اساسي بطين ومخوف العصافير
بعد بس العدل وياي اخلي
خشبة وما رضت عوج البسامير
واذا بعت الغنم ما يكرب الذيب
وعذري وياي لو ابطل النواطير
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شفت عصفور ميت كل جرح مابي
كلت هذا المنية شلون واصلته ؟
شلت راسي وشفت على الشجرة عش محروك
كلت هذا السبب والحركه كاتلته
.
.
#شعراء_وذواقين_الشعر_الشعبي
#سمير_صبيح
#ابو_تراب

منين اتعلمت للزمن ما تطخ راس
انا وليلي سهرنا وكام يسألني
جاوبته بصلافة وجني ما متعوب
ولا چنه الدمع مرات يخذلني
صبري وعازتي وجروحي والشوغات
وضميري وعزتي وهمومي خلني
اتحدى البرد بالچلة افوج الماي
اذا احس الجسر من اعبر يذلني
.
.
#شعراء_وذواقين_الشعر_الشعبي
#سمير_صبيح
#ابو_تراب

.
محد يحترك گلبه علية
ويمد ايده ويطفي النار بية
اذا ال بيتي ضدي شحال جاري ؟
يذب فوكي حطب وتزيد ناري
.
.
#شعراء_وذواقين_الشعر_الشعبي
#سمير_صبيح
#ابو_تراب

كبل جانت محنه وناس توصل ناس
وطاسه ماي عدهم جانت تغزر
عكست والنهر يطلب من الناعور
والخبزة بعد ما كامت تشور
قل في الوفى من علت شمس العوز
وضم راسه البخت والعاهر تشور
حقها الفوس تعمى وتحضن الزنجار
العصي صارت حديد وكامت تطبر
كاع الفاض ميها ونشف منها بساع
من يشتد عطشها من الوفى تفطر
.
.
#شعراء_وذواقين_الشعر_الشعبي
#سمير_صبيح
#ابو_تراب

رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن
.
.
#شعراء_وذواقين_الشعر_الشعبي
#سمير_صبيح
#ابو_تراب

شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
#شعراء_وذواقين_الشعر_الشعبي
#سمير_صبيح
#ابو_تراب

.
المصبرك شنو ما دام تعذيب
يسألني الضنون شبيك متوب
اهز ايدي واكلهن ماكو ربحان
اذا عفته انغلب ويروح مغلوب
.
.
#شعراء_وذواقين_الشعر_الشعبي
#سمير_صبيح
#ابو_تراب

حمدت الله وشكرته
المثلي تعوفه انت !
.
.
#شعراء_وذاوقين_الشعر_الشعبي
#سمير_صبيح
#ابو_تراب

ياهو انت ؟ اجيب الروح يمك واذلها
عيوني من تطيح ما ادنك الها
.
.
#شعراء_وذواقين_الشعر_الشعبي
#سمير_صبيح
#ابو_تراب

.
وبوجهي حطها الگلب
گلي انت بيك الذنب
تحط بية جمرة وهوه ؟!!!
كتله قسمتي بعد
ال تختاره بلسم الك
وتختاره يطلع جرح
وانا اختياري شطلع ؟
نفسه الجرح والدوه
.
.
#شعراء_وذواقين_الشعر_الشعبي
#سمير_صبيح
#ابو_تراب

وين الخلل بالزمن ؟
مدري الخلل بالبشر
محد يفسر هاي
الكبر خياله الضوة
ما اشوفه نفس الحجم
غيري اليشوفه هواي
.
.
#شعراء_وذواقين_الشعر_الشعبي
#سمير_صبيح
#ابو_تراب

.
بعدت طيوف حبك من الاطياف
وشلت لمسات شعرك من الجفوف
شضمن بيك سري ؟ وانت شفاف
وشجلب بيك وانت الرايد تعوف
ابد ميصير تين الاصلة صفصاف
وجذب ماي النهر ميجازي الجروف
مو صعبة اذا بستان ينحاف
بس صعبة الينطره وهو اليحوف
.
.
#شعراء_وذواقين_الشعر_الشعبي
#سمير_صبيح
#ابو_تراب

.
مو ذنبي ترى لبعض البشر ما الوك
لان طبعي صريح وراسي ما ادنكه
اللؤلؤ باللضم كلش جميل يصير
بس هو الحجي على الركبه التعلكه
.
.
#شعراء_وذواقين_الشعر_الشعبي
#سمير_صبيح
#ابو_تراب

الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شلك بالروح لو تدري ... ولع ضام
اتيهن من علية تچبل ... والاعظام
يصلن والاشد منهن ... والاعظم
ابرد والدماء تفور بية
.
.
#شعراء_وذواقين_الشعر_الشعبي
#سمير_صبيح
#ابو_تراب

.
حيره وما عرفت شلون وياك
تصفى ويمشن احساسين بالضد
عليه يصول شوكك وانا الاكيك
وعليك خيول ضعفي الجامحة تهد
جرحي وياك ما راويته للغير
مو قصة شماته وخوف من ند
حلو جرحك واحس تعلقت بي
واحسب لا تشوفه عيون تحسد
.
.
#ايهاب_المالكي
.
حيره تصير شجرة وتثمر يضربوك
تضل يابس حطب هم ما تضل مشمور
يلمونك نعم لو حرك لو منشار
لو تصبح وصل لو طعم للتنور
واذا ردت النجاة وكلت اريد الماي
لو تنحط جسر لو تنصب ناعور
المستنقع نشف ضل بي قليل الماي
بعد طكت شمس ويبين المستور
.
.
#سمير_صبيح
.
.
#شعراء_وذواقين_الشعر_الشعبي
#ابو_تراب

.
عجيبة الدنيا والاغرب ... دردها
التبجي سنون واليضحك ... دردها
يا الهي امانتك روحي ... دردها
دخذها من وكت و استر علية
.
.
#شعراء_وذواقين_الشعر_الشعبي
#سمير_صبيح
#ابو_تراب

بعينك صد علية بس بضميرك شوف
بوية تصيح هذا شكد حزن جارع
هذن هيج الشفتهن من عدا المضموم
اليشرح جثث ما يكدر يباوع
عمرة من المهد كضاه سكرة موت
عايش ضاهرة وبداخلة ينازع
شلون؟وليش؟ يمتى؟ وجائز! وميجوز !
قطيع من الهواجز بالصدر راتع
الخناجر لو حجت تكشف هواي اسرار
الطعنة والطعن والهدف والدافع
الحايط لو جفى بعود اخضر يسندوه ؟
من هسة اكلك ينحسب واكع
.
.
#شعراء_وذواقين_الشعر_الشعبي
#سمير_صبيح
#ابو_تراب

الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
#شعراء_وذواقين_الشعر_الشعبي
#سمير_صبيح
#ابو_تراب