يمكن مو وكتها بَس بَعَـــدْ حبيت
لا والمشكلة ماتدري بيه انــتَ
وحق عيونك الماحاسبلها حساب
اليحب من طرف واحد يحترگ سكته
انا متعود اخذ دور اليبجون
بس دور المدلل ... ماتعودته
اول مره احس بروحي مو صياد
شفت شفايفك وسلاحي تيهته

#شعراء_وذواقين_الشعر_الشعبي
#احمدعاشور
#zuse

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب

#شعراء_وذواقين_الشعر_الشعبي
#بشارالاسمر
#zuse

سميتك محنة وعاطفة واشواگ
لهو تگضي وكت شتريد سميني
واخذ شتلة غرامك يا عشگ ياشوگ
بس عاگول صدگ ينبت بطيني
وخليني اعلة بختك اني ما مجبور
بيدي انحت الهي واكفر بديني
بلبل وبقفص لتحطني بالبستان
يا غصن اليميل بنار يچويني
كبرت اعلة السهر يل مرودك سجين
شلي بكحلة غرامك كون تعميني
العشگ عندي عشگ ما عندي هيج وهيج.
اتانيك واجيك وما اتانيني
ودرت وجهي اعلة نيتي وشفت ضلك فات
وعلة طينة خيالك غمست عيني

#شعراء_وذواقين_الشعر_الشعبي
#سميرصبيح
#zuse

رضا العبادي :
مو مِن لواك الشَتة ومحد فزعلك غطة
ضميتك بنَاري..؟
چَا توصل لمرحلة تعيرني بأسرَاري..؟

يرد علي ابو نؤاس :
خَاب انا زرع الجَبل متعلم اعله البرد
بَس انت َعايز دفو وحطيتني بنَارك
تگلهم اعيرك ولك ؟ وانا وحك عشرتَك
من اگعد لوحدي ماسُولف اسرارك ..

#شعراء_وذواقين_الشعر_الشعبي
#zuse

انه شوگي اليتعب وما يستراح
شمعه ضلت للصبح معلوگه
وشوگي لو يمطر على البر والسفاح
ينبت ابين النخل وعروگه
الزهدي والبرحي خذن نفس اللگاح
لكدن اشوف الفرق بعثوگه
لا تنوج للغزاله بلا سلاح
ولا تغير بگاع ما مسحوگه
ولا تنود ويه الغنه وغناك راح
والربابه الهزتك مخنوگه
النار هزت بالجدر والفوگ فاح
وروحي گامت لك واهي محروگه
طيني احمر وانت طينك بيه ملاح
وخل نشوف بياحديقه البوگه

#شعراء_وذواقين_الشعر_الشعبي
#محسن_الخياط
#zuse

خلصت سنه چانت مو سعيده..
بلكي انعوض بهاي الجديده..
وبعيده وياكم انطفيها الشموع..
وبس عند الله كلش مو بعيده...
وحگ عيونكم كل ما يجي الليل..
ما يخلص واقرى نفس القصيده.

#شعراء_وذواقين_الشعر_الشعبي
#منقول
#zuse

وأنه بلياك مثل الصوج
گلها تصيح مو بيه
وينگروني !
مثل القسمة
گل ما فرقو ولفَين تهموني
شيبة بـ گذلة العشاك
بالموعد يصبغوني •••

#شعراء_وذواقين_الشعر_الشعبي
#منقول
#zuse

اخاف يفوت عمري عليك
ويعفسة الهوى ويعتگ
ترة الديوان لو هجروه
بس البوم بي ينغگ
وترة من يكبر الرمان
طبعة يهيج يتفشگ
وترة من يبرد التنور
تلتم خبزنة وتلزگ
وبعد من يلتوي البسمار
مابي حييل من يندگ
ترد عمري ترد اردود.؟
تحوي اشراع المزگ...

#شعراء_وذواقين_الشعر_الشعبي
#محسن_الخياط
#zuse

يعوضك الله بغيرهم لو فارگوك
يجوز لو راحو حياتك تستقيم
گوم لم روحك وبلش من جديد
وگول( بسم الله الرحمن الرحيم)
شوفلك حب يستحق واتعب عليه
ولاتضل قافل تريد الا القديم
ودير بالك تقتنع لو رخصوك
دوم خليك انت عد روحك عظيم
ولاتفك بابك بعد لمن يجون
الوادم اختلفت والمسامح غشيم

#شعراء_وذواقين_الشعر_الشعبي
#علي_نافع
#zuse

#عيسى_السوداني بـ 2019 كتب :

اريد اشرب جكارة واختنك بيها
واريد افتح جروحي وانفض البيها

رجع ب 2021 كتب :

خْلصت هالجكارة وانتهى الدخان
وانا ما حاس بيها ولا خلص فكري

عبالي اختنك من اخذ نَفسها اليوم
كملت الجكارة وانا ما ادري

#شعراء_وذواقين_الشعر_الشعبي
#zuse

مَحبوبتك خطابه اجَوهه ،
وامَها وابَوها ضايكوها ،
طبولها وتصَرخ لكوها ،
تأخرت عَنها وعيروهَا ،
ينرَاد فوك كلوبنه كلوبَ ،
هم يَله تحَمل ضيم الغروب ،
عمَري كضه وضليت مَطلوب،
ينراد حَيل وحيلي متعَوب ،
البارحَه ميت لكوني ،
ولو ما صَوركم جفنوني ،
من البجي نبحَت عيوني ،
يحسَدوني تعله جيوبي مَرات ،
ما دروا تارسهن علاجات .

#شعراء_وذواقين_الشعر_الشعبي
#منقول
#zuse

تگعد يمهم ويحچون بالمعروف والعفة
گمت من يمهم وگصوك موس تصير كل
شفة
مدري شمالها الوادم الصدگ بگلوبها توفى
شحيحة راي وادمنة
وادم عطشت الجوري وتودي الماي للحلفة

#شعراء_وذواقين_الشعر_الشعبي
#مرتضى_حرب
#zuse

ألزم صورتك واترسها صفنه وليش !

الناس العدها مثلي شمالها تگااطع ؟؟؟

وگفت أباب گلبك

لا هلا……
ولا رووووح….

لا لميتني ولا گتلي متراجع
لا نشفت دمعي ولا ترست العين
لا مشتري الخاطر لا كلت بايع

لهنا وأنتهت گلمن جروحه وياه
وطوينه الذگريات الضار والنافع

#شعراء_وذواقين_الشعر_الشعبي
#علي_عماد
#zuse