ابد لا تنفعل وصيت الرموش
يا مايع بين ادي يا طيب الانفاس
نام انت عوافي اتغطى بالروح
وانا اغزل للصبح بخيوط النعاس
كضيت الليل كله اسله بأثنين
مرة بالجكارة ومرة بالكاس
كالوا اصبرلها وكلت لا بأس
انا محد فادني شكد عاشرت ناس
انا صندوك فضة مرصع هموم
ويسألوني شجاك مشيب الراس
تعب هاي الحياة هموم والألم
وعلى هالدنيا الله يساعد الناس
.
.
#شعراء_وذواقين_الشعر_الشعبي
#منقول
#ابو_تراب

صحتلك يا وصارت ... كبر يائي
واذا رائيت بالشط ... كب ريائي
حبيبي شلون تجرح ... كبريائي
وانا العايشلك وما عشت اليه
.
.
#شعراء_وذواقين_الشعر_الشعبي
#منقول
#ابو_تراب

شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
.
.
#شعراء_وذواقين_الشعر_الشعبي
#منقول
#ابو_تراب

شوارع باردة المابيهن عيونك
سوالف فاهيه الما بيهن شلونك
على كلشي اليحب يبچي
الگلب مرات هم يحچي
نعاين بالوجوه الرايده تشيل
دمعنا يطيح ما حاجه تساهيل
كمت ما اكومن لوحدي
همزين الله جف عندي
صارت جيتك ويا اليبعدونك
شوارع باردة الما بيهن عيونك
.
.
#شعراء_وذواقين_الشعر_الشعبي
#منقول
#ابو_تراب

الهـوه يلتـم علـيه منـين مـاذكـروك
وادگ رجــلي واظـل بـعـازة الـخـنگه
وأغــص بــريحتــك ماگمت اغص بالزاد
المــفارك النــسمة العــابرة تــغرگه
مـوبـس الصـواب النــفس هم كــتال
سـهم يـمشي الخــريف برية الورگه

.
#شعراء_وذواقين_الشعر_الشعبي
#منقول
#ابو_تراب

كف بعد عني وجوز ريحني وارتاح
مارد بعد وياك سن شايب وطاح
.
.
#شعراء_وذواقين_الشعر_الشعبي
#منقول
#ابو_تراب

طبينه الحرب واحدنه يطوي الكاع
ومن شفناك واكف ايد ماشلنه
جمعنه سيوفنه وردينه مو من خوف
جي شفناك واكف بالحرب ضدنه....

واذا لا سامح الله وياخذك تفكير
وانت بنص حرب وتروح من عدنه
ما نرجع لاهلنه بخير الا.... نموت
اذا مو بالحرب موتك اليكتلنه 🤍

#شعراء_وذواقين_الشعر_الشعبي
#منقول
#ابو_تراب

بهت لوني ارد اموتن ... وانت لوني
وشيفيد ان جودوني ... وان تلوني
بالانعاش انا ميت ... وانتلوني
كعدت من صاحوا بأسمك علية
.
.
#شعراء_وذواقين_الشعر_الشعبي
#منقول
#ابو_تراب

جارحني لا مو عن قصد بس المهم جارحني
بغيابك اتنفس عتب لو عاتبت سامحني
سهمك يدك ويا النبض ما يقبل يبارحني
نايم اون كاعد اون
وتزاعلن جفن وجفن
والله انا ذابحني الحزن
هلبت تجي تفرحني
.
.
#شعراء_وذواقين_الشعر_الشعبي
#منقول
#ابو_تراب

طاحَن بالخَريف أوراقي گِلت تهون
تانيت الربيع وطاحَت الشجره
أجر بيها بسَناسل ما اجت وياي
ويَه الغَير أجت بخيوط بَكره..
.
#شعراء_وذواقين_الشعر_الشعبي
#منقول
#ابو_تراب

شارد من الناس بعيونك دخيل
مختصر حزني الطويل
انطيني فرصة اتنفسك وانوب غيب
اعترفلك انا كتالي الرحيل
.
.
#شعراء_وذواقين_الشعر_الشعبي
#منقول
#ابو_تراب

عودني اعلا بُعدك و انت ابو الطيبات
بلكت علـ بُعد يمعود اتـعود..
..
#شعراء_وذواقين_الشعر_الشعبي
#منقول
#ابو_تراب

عيدين الي بدنياي
عيد الله و أنتَ
عيد الله باچـر جاي
بس أنتَ يمتى؟..
.
#شعراء_وذواقين_الشعر_الشعبي
#منقول
#ابو_تراب

الأجى وگلك خربنا.... وانتهينا
اجيبه گبال عينك..... وانت هينه
يون الدوح لكن..... ونته هينه
ونين يكزبر الميت عليه.
.
#شعراء_وذواقين_الشعر_الشعبي
#منقول
#ابو_تراب

ماعدنا لواگه ونمسح اجتاف
ماي اوجوهنا يشرف قبيله..
.
#شعراء_وذواقين_الشعر_الشعبي
#منقول
#ابو_تراب

كل ساع تعيل وياي وتكلي خوة
جنك تريد تطيح من عيني كوة
.
.
#شعراء_وذواقين_الشعر_الشعبي
#منقول
#ابو_تراب

صلف من خيروك ودنكت محتار
لو مختار غيري ولاكلت شختار..!

#شعراء_وذواقين_الشعر_الشعبي
#منقول
#ابو_تراب

لو طريقك نار كبره ..
أحترك كُلي واجيك♥️

#شعراء_وذواقين_الشعر_الشعبي
#منقول
#ابو_تراب

في شريعة الحُب:
من أحيا قلباً بعد موتهِ فهو له

#شعراء_وذواقين_الشعر_الشعبي
#منقول
#ابو_تراب

كون كايلي من الاول ما ادوم
جان ما جبت العمر كله انتظار
انت حليان بغيابي وانا وين ؟!
وجهي صاير هيمه من كد الصفار
ليش تحضن غيري مو تدري اموت
امي من تحضن اخوي كبالي اغار
.
.
#شعراء_وذواقين_الشعر_الشعبي
#منقول
#ابو_تراب