خلك ما عندي اسولف صيحوا مغرور
كللهم بعدك روحي مذبوحة
انا جبت العمر صافن وافكر بيك
اهو المغرور غير يفكر بروحة
الحجت عني خلك ما تستحق طاريك
اشتهوا سرك وانا المفضوح ما ابوحة
مفاهيم ل هواك تخالف اليردوا
اعتقاداتي بغرامك هيج مطروحة
مثل ما عيب على الحرمة تشك الزيج
عيب يشكه زلمة وتطلع جروحة
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

متت ما اعرف اخبارك
امس مريت من دارك
ومن شفت الضوة طافي عرفتك ما متانيني
ما نرجع بعد عشاك
لا هالمرة ما زعلان ناسيني
مثل الطير باطباعك
تعوف المشتريك وترد للباعك
وانا بكيفي حبيتك انا مو صيدة اذراعك
.
.
#شعراء_وذواقين_الشعر_الشعبي
#حسين_محمد
#ابو_تراب

على كيفك ترى انا گلبي خلصان
وشايف من زماني اشكال والوان
ردت انسى الهموم وما نسني
فرد ليلة ابعدت وتذكرني
انا بعمر الورد والوجه تعبان
على كيفك ترى انا گلبي خلصان
.
.
#شعراء_وذواقين_الشعر_الشعبي
#الكاطع
#ابو_تراب

شكد صارلي ما شايفك !؟
ولا شايف الضحكه الي فوك شفايفك
شكد صارلي ؟ يمكن عمر
والصبر مل مني الصبر
ولا انت عايفني ولا اني عايفك
.
.
#شعراء_وذواقين_الشعر_الشعبي
#منقول
#ابو_تراب

جاني الخبر وانا اعلى ريجي
وشكيت گلبي وعفت زيجي
چي للنجف ودوا صديجي
.
.
#شعراء_وذواقين_الشعر_الشعبي
#منقول
#ابو_تراب

شيبه ب لبن وبلليل جنت التكطها
هسه ايدي بالماعون ماشوف احطها
.
.
#شعراء_وذواقين_الشعر_الشعبي
#منقول
#ابو_تراب

يوم الي رحت مني انخطف لوني
طلع دخان من گلبي وعمى عيوني
.
.
#شعراء_وذواقين_الشعر_الشعبي
#طالب_السوداني
#ابو_تراب

جم موت اجى وما متت
يا البيك سبع ارواح
وياك انا حرب
كلمن يشيل سلاح
تكتلني لو اكتلك
بالحالتين ارتاح
.
.
#شعراء_وذواقين_الشعر_الشعبي
#الكاطع
#ابو_تراب

وسفه الجنت ابو الها ... واخلها
مشت وبگلبي جم حسره ... واخ الها
صورها كمت اشيلنها ... واخلها
كبالي ونكعد نسولف عليه
.
.
#شعراء_وذواقين_الشعر_الشعبي
#منقول
#ابو_تراب

انا ما رايد مشيتك بس وداعآ
انت يا اغلى خسارات العشتها
انا الهاضمني ما ودعتك هواي
واكو حجايات ضلت ما كلتها
ما اچلب واكلك ابقى لا تروح
المهم تذكرني بس هاي الردتها
.
.
#شعراء_وذواقين_الشعر_الشعبي
#عزام_الشمري
#ابو_تراب

.
ماي و ماي ليش تفاركت وياي ؟
ومو طبعك دهن شنهو الجرى وتعزل
جدام موادعك ثكلها حتى ارتاح
مثل مشيت ضرير وبالرجل يكزل
المناطر سهل ينتظر ولفه يعود
المفارك اعظامه من اللحم تعزل
ما شبعان منك حنطة بالتسعين
فقير لشوفتك واستغني من تچبل

يون اعليك فص العين ... وانشال
جفنها وما رمش بجفاك ... وانشل
نحل جسمي وذبت يا حيف ... وانشال
اعلى ظهره الدود ينكل كام بيه
.
.
#شعراء_وذواقين_الشعر_الشعبي
#مهند_الشويلي
#ابو_تراب

ياهو انت ؟ اجيب الروح يمك واذلها
عيوني من تطيح ما ادنك الها
.
.
#شعراء_وذواقين_الشعر_الشعبي
#سمير_صبيح
#ابو_تراب

.
اتنسى اعلى وجهك ردت اشوفك
تجي ؟ لو بالطفل تطلع حروفك
خوفي انفضح جا وين خوفك
يا زين يا معدل يا هيبة
يا التسوى وادمنا القريبة
ويا التسوى تنكصلك كصيبة
خليتلك يم الله الجفوف
وادعيلك من الشوف للشوف
شلعوني شلعت شيبة زلوف
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
على غيرك جذب ما ترهم الروح
ومن غيرك يسد حاجة نظرنا
يا ابن الناس غيرك ماكو موضوع
هلبت بالجذب شخصك ذكرنا
نسولف بيك ل اخر لحظة بالليل
وترد من الصبح تشغل فكرنا
.
.
#شعراء_وذواقين_الشعر_الشعبي
#جبار_رشيد
#ابو_تراب

.
توادعنا وبچينا وغربه ردينه
ومثل موادع العميان
محد شاف ياهو اكثر بچت عينه
وحبسنا دموعنا وبينا مكسورين
بيض گلوبنا يبين الجرح بينه
ولهسه اعلى الصور والذكريات نعيش
طيبين شينسينه ؟!
.
.
#شعراء_وذواقين_الشعر_الشعبي
#عمار_سالم
#ابو_تراب

.
رايح وين ؟
احنا شفنا منك خل نشوف زين
رايح وين ؟
يا بعدين ترجع يا الكلت بعدين
.
.
#شعراء_وذواقين_الشعر_الشعبي
#جبار_رشيد
#ابو_تراب

بعد ما شلع گلبي وعافني بگلبه
دارت دنيا وتلاكينه يم دربه
انا توقعت على الاقل نظرة شوك
وعلي باوعلي مثل مباوع الغربه
ورجع يمشي ولا چنه
ورجعت لمرحلة جانت عليه صعبه
رجعت لشكو موعد ما طلعت وياك
بوكت ما دبرت لهدوم للطلبه
مجازف اشرد من الصف واروح وياك
جا هانت عليك الطلعه والطبه
.
.
#شعراء_وذواقين_الشعر_الشعبي
#علي_تالي
#ابو_تراب

شجاك ورخصوك برخص التراب
هذاك الجنت ما تنسام غالي
هكوتي بيك لانك ذهب تيزاب
حسافه يزنجرك حر الليالي
انا الردتك غريب وراد الاحباب
ويا ذلة الغريب بغير والي
.
.
#شعراء_وذواقين_الشعر_الشعبي
#سعد_محمد_الحسن
#ابو_تراب

.
وبوجهي حطها الگلب
گلي انت بيك الذنب
تحط بية جمرة وهوه ؟!!!
كتله قسمتي بعد
ال تختاره بلسم الك
وتختاره يطلع جرح
وانا اختياري شطلع ؟
نفسه الجرح والدوه
.
.
#شعراء_وذواقين_الشعر_الشعبي
#سمير_صبيح
#ابو_تراب

اجي والمكبرة تكلي ... هلا هنا
استريح ودمعك الينزل ... هلا هنا
المضيع هله يلكى ... هله هنا
واشوفنك مضيع جاي لية
.
.
#شعراء_وذواقين_الشعر_الشعبي
#منقول
#ابو_تراب