.
المثلي بجنحه كون يصاحب الغيم
مو يلتهي بجرحه شلون معيوب
منين الكى ستر ما يفضح البير
وانا شفته الحجاب يفرع الثوب
اليكرهني شحلاته يغثني بالطيف
ولا يوكفلي عثرة بنص الدروب
اريد اندفن شاعر حتى ما اموت
وبگلب الاحبهم ابقى محبوب
بعين العنده كلشي شبية محسود
وانا ما عندي وامشي بطرك الاسلوب
.
.
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
التهيت بجيتك وعفت المفاتيح
وكلتلهم شلون اكسر قيوده
وحسبالي بعدني وياك زعلان
الماي يسولف وياك بركوده
السجين الحفر حفرة وما تكفي
مو بطران بس يضمن وجوده
كتلي احبك ما كلت عنك ولا يوم
جان يمن علية حتى بردودة
امي بكثر ما شافتني تعبان
كالت منو العايفني اعلى موده
وكلتلها اليربي انسان لو راح
شلون يعيش ؟
كالت عيشة سوده
.
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
انا ما قصرت بس من بقيت وياك
المثلك جان يحلم يوكف بصفي
الخيانة تصير من تبدي الهدايا تضيع
الاثار بركبتك ضيعت حرفي
مأمور وعفت باب السجن مفتوح
مأمن حاسبك مو تستغل ضعفي
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
هاي جيتي من الصور بس ماعرفتك
ياهو المغيرك عليه ذمه بركبتك
ياهو تارس عينك وماخذ مكاني
وانا حطيت اسمك بكل الاغاني
وانت حتى بصورتك گالب خلقتك
هاي جيتي من الصور بس ماعرفتك
هاي جيتي من الصور تعبان اجيت
طالع من السجن بس ما عندي بيت
لهسه بالجامع ادورك من تغيب
وطفل بعيوني اشوفك مو حبيب
وكت هسه تشوفني وما تلتفت
وانا من جابولي عطرك ما متت
.
.
#شعراء_وذواقين_الشعر_الشعبي
#حيدر_حطاب
#ابو_تراب

امي بكثر ما شافتني تعبان
كالتلي منو العايفني اعلى موده
وكتلها اليربي انسان لو راح
شلون يعيش ؟ كالت عيشه سوده
.
.
#شعراء_وذواقين_الشعر_الشعبي
#حيدر_حطاب
#ابو_تراب

هاي جيتي من الصور بس ما عرفتك
ياهو المغيرك عليه ذمه بركبتك
شلون هيج تغيرت كلي شجاك ؟
انا جنت المحترك واركض وراك
ومن طفيت وشفتك مشربني ماي
مكيف شمدريني بالموت بدواي
ما معودني على هذا التزامك
ما ردت تشبكني بس بارد سلامك
شلون تنسى اسمي بعد ذاك الدلال
وانا كايل ل امي شنسمي الجهال
.
.
#شعراء_وذواقين_الشعر_الشعبي
#حيدر_حطاب
#ابو_تراب