#Adliya_xabari

Hurmatli fuqarolar!

✅So‘nggi vaqtlarda Adliya vazirligining telegramdagi @anticorbot boti orqali nikohni qayd etishda FHDY organlari xodimlari tomonidan nikohlanuvchilarni tantanali ravishda yoki “Katering” xizmatidan foydalanish majburiy ekanligi bildirilganligi, nikohlanuvchilarning roziligisiz tantanali nikoh uchun pulli xizmat undirilayotganligi kabi xabarlar kelib tushmoqda.

❌O‘z o‘rnida Vazirlik shuni ma’lum qiladiki, nikohni tantanali ravishda qayd etish yoki “Katering” xizmatidan foydalanish bu MAJBURIY EMAS, balki nikohlanuvchilarning IXTIYORIGA asosan amalga oshiriladi.

📌Nikohni qayd etishda quyidagi majburiy to‘lovlar undiriladi:
➖nikohni qayd etganlik uchun davlat boji – BHMning 20 % (82 400 so‘m);
➖gerbli guvohnoma berilganligi uchun yig‘im – BHMning 15 % (61 800 so‘m).

Shu bilan birga, aholiga qo‘shimcha qulayliklar yaratish maqsadida ularning ixtiyoriy xohish va istaklaridan kelib chiqib FHDY organlarida quyidagi pulli xizmatlar joriy etilgan:
1. Nikoh FHDY bo‘limidagi maxsus tantanalar xonasida o‘tkazilsa, xonaning toifasiga qarab quyidagi to‘lovlar undiriladi:

➖1-toifadagi tantanalar xonasida – 1 BHMning 100 % (412 000 so‘m);
➖2-toifadagi tantanalar xonasida – 1 BHMning 70 % (288 400 so‘m);
➖3-toifadagi tantanalar xonasida – 1 BHMning 50 % (206 000 so‘m).

2. Joyiga chiqqan holda (sayyor) nikoh qayd etish (nikoh marosimini restoran yoki boshqa manzillarda o‘tkazishni xohlovchilar uchun (transport xarajatlaridan tashqari)):

➖Toshkent shahri va viloyat markazlarida – 1,5 BHM (618 000 so‘m).
➖Boshqa tumanlarda: 1 BHM (412 000 so‘m).

❗️Hurmatli fuqaro, agar, Siz, FHDY organlari xodimlari tomonidan Sizdan asossiz ravishda ortiqcha mablag‘ undirish yoki noqonuniy talablar qo‘yish sharti bilan davlat xizmatlari ko‘rsatilishi holatlariga duch kelsangiz Adliya vazirligi tizimida korrupsiyaga qarshi kurashish bo‘limiga +99871 207-04-64 (ichki raqamlar 1321, 1322, 1323, 1324) qo‘ng‘iroq qilishingiz yoki @anticorbot telegram boti orqali xabar qoldirishingiz mumkinligi ma’lum qilinadi.

❗️Sizning xohishingizga asosan xabar beruvchining shaxsi sir saqlanishi ta’minlanadi.

✅Adliya organlari tizimida korrupsiyaga qarshi kurashishda qo‘shgan hissangizdan minnatdormiz!

👉Murojaat uchun qo‘shimcha aloqa vositalari:
☎️ 1008
📩 E-mail: info@adliya.uz

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Qonunchilikdagi_yangiliklar

❗️ Ko'chmas mulkda yashash joyi bo'yicha ro'yxatdan o'tgan shaxslar to'g'risidagi ma'lumotni tahrirlash tartibi belgilandi

Hukumat qarori (38-son, 30.01.2026-y.) bilan “O'zbekiston Respublikasi fuqarolarining yashash joyi manzilini hamda ularga tegishli ko'chmas mulkda yashash joyi bo'yicha ro'yxatdan o'tgan shaxslar to'g'risidagi ma'lumotni tahrirlash bo'yicha davlat xizmatini ko'rsatish”ning ma'muriy reglamenti tasdiqlandi.

✅ Reglamentga ko'ra, davlat xizmati quyidagilar bo'yicha ko'rsatiladi:

🔹 fuqaroning yashash joyi manzili to'g'risidagi noto'g'ri ma'lumotni tahrirlash bo'yicha murojaati asosida tizimda tahrirlangan qayd varag'i berish;

🔹 mulkdorning ko'chmas mulkida yashash joyi bo'yicha ro'yxatdan o'tgan shaxs (shaxslar) to'g'risidagi noto'g'ri ma'lumotni tahrirlash bo'yicha murojaati asosida tizimda manzil bo'yicha ro'yxatdan o'tganlar haqida tahrirlangan ma'lumotnoma berish.

🏛 Ichki ishlar vazirligi huzuridagi Migratsiya va personallashtirish departamenti va uning hududiy bo'linmalari mazkur sohada vakolatli organ hisoblanadi.

📝 Ariza beruvchi so'rovnoma berish uchun vakolatli organ yoki davlat xizmatlari markaziga shaxsan kelib murojaat etadi yoki YIDXP (my.gov.uz) davlat xizmatidan elektron shaklda foydalanish uchun ro'yxatdan o'tadi.

⏳ Vakolatli organga kelib tushgan so'rovnoma 3 ish kuni mobaynida ko'rib chiqiladi.

📜 Vakolatli organ tomonidan so'rovnomada ko'rsatilgan ma'lumotlarni o'rganish natijalariga ko'ra, tahrirlangan ma'lumot tizim orqali QR-kod qo'ygan holda tasdiqlanadi hamda shu kunning o'zida ariza beruvchiga xabarnoma yuboriladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot