Шағын қолданба 2.0: толық экран режімі, бастапқы экран таңбашасы, орын және тағы 10 мүмкіндік

Бүгін біз шағын қолданбалар тарихындағы үлкен жаңартуды іске қосамыз. Олар толық экран режімін, жазылу жоспарларын, басты экрандағы таңбашаны, сыйлық жіберуді, медиа бөлісуді, құжат жасауды, орынға қол жеткізуді, қозғалысты қадағалауды, эмоджи статусын орнатуды және т.б. алады.

Толық экран режімі

Шағын қолданбалар енді толық экранды ті немесе горизонтал бағдарда қолдана алады, қолданбаларға кеңейтілген саусақ қимылы мен бетбейнелермен көптеген ойын жанрларын орналастыруға мүмкіндік береді.

Құрылғының қозғалысын қадағалау

Шағын қолданбалар ойындарға дара басқару элементтерін қосу немесе иммерсивті VR тәжірибелерін құру үшін құрылғыңыздың қозғалысы туралы ақпаратты ала алады.

Олардың қолданбасы басқару элементтері үшін құрылғы қозғалысын қолданса, қажетсіз айналудың болмауын қамтамасыз ету үшін әзірлеушілер экран бағдарын бұғаттауы мүмкін.

Таңбаша

Енді құрылғыңыздың бастапқы экранында белгілі бір шағын қолданбаларға тікелей таңбаша орналастыра аласыз, сүйікті ойындарыңыз бен қызметтеріңізге бір басу арқылы қол жеткізе аласыз.

Орын рұқсаты

Енді сіз орналасқан жеріңізді шағын қолданбалармен бөлісе аласыз, бұл әзірлеушілерге қызығушылық нүктелері немесе оқиғалар үшін интерактивті карталар бар орналасқан жерге негізделген ойындар жасау мүмкіндігін береді.

Орналасу деректеріне қолжетімділік әдепкі бойынша өшірілген, бұл деректерді бөліскіңіз келетін әрбір жеке шағын қолданбаға арнайы орналасу рұқсаттарын беруіңіз керек.

Қолданбадан сыйлық

Қолданбалар енді өз жұлдыздарын жетістіктерді атап өту үшін сыйлық ретінде сізге сыйлық жіберуге қолдана алады.

Біз сондай-ақ сізге кім сыйлықтар жібере алатынын бақылауға мүмкіндік беретін жаңа құпиялық баптауын қостық, ол бейініңізде пайда болады.

Қолданбадағы эмоджи статусы

Осы жаңартумен Telegram Premium қолданушылары шағын қолданбалар ішінен эмоджи статустарын орнатып, басқаларға ойын ойнап жатқанын немесе таксиде отырғанын көрсете алады.

Шағын қолданбалар басқа қызметтердің API-ларын біріктіре алады, қолданушы музыка қосқанда , кітап ашқанда немесе фильм қосқанда оның эмоджи статусын бірден жаңартады.

Орын рұқсаты бар қолданбалар жұмыс орнында немесе кеңседен тыс болған кезде де статусыңызды жаңарту үшін қолданылуы мүмкін.

Әзірлеушілер сондай-ақ статус нұсқалары ретінде ұсыну үшін өздерінің жеке эмоджи жинақтарын жасап, шағын қолданбалардың вирус сияқты таралу әлеуетін арттыра алады.

Медиа бөлісу

Енді сіз медианы тікелей шағын қолданбалардан бөлісе аласыз, шақыру кодтарын, жеке мемдерді және т.б. кез келген чатқа жібере аласыз.

Сондай-ақ шағын қолданбалар хикаяларыңызға жариялау үшін медиа құрастыра алады.

Құжат жасау

Шағын қолданбалар сіз жүктеп ала алатын құжаттар мен файлдарды да жасай алады, мысалы: ЖИ генерациялаған бейін суреттері немесе аудиофайлдар.

Жазылу жоспары

Әзірлеушілер жұлдыз көмегімен өздерінің шыған қолданбаларына жазылуларды ұсына алады, контент пен мүмкіндіктердің бірнеше деңгейімен өздерінің күш-жігерін табысқа айналдырады.

Цифрлық өнімдер және жазылымдар арқылы алынған Telegram жұлдыздарын хаттар шегінің ұлғаю қолданбасы үшін немесе сыйақы алу үшін қолдануға болады.

Сондай-ақ әзірлеушілер боттар мен шағын қолданбалар арқылы Telegram жарнамаларынан сыйлық алуға құқылы.

Жүктеу экранын баптау

Әзірлеушілер @BotFather арқылы өздерінің шағын қолданбасының жүктеу экранын одан әрі баптай алады, қолданба жүктелуді бастамас бұрын көрсетілетін өз таңбасын және ерекше түстерін қосады.

Құрылғының аппараттық жасақтамасы жайлы ақпарат

Жақсырақ графиканы оңтайландыру және өнімділікті арттыру үшін шағын қолданбалар құрылғыңыз туралы негізгі аппараттық ақпаратқа, мысалы: оның өңдеу қуаты мен жады сыйымдылығына қол жеткізе алады, содан кейін ең үздік тәжірибені қамтамасыз ету үшін баптауды автоматты түрде реттейді.

Және тағы

Әзірлеушілер енді қолданбалар тақтасы арқылы өздерінің шағын қолданбасының кішірейтілгенін және қалпына келтірілгенін біліп, ауысуларды дұрыс өңдегеніне көз жеткізе алады.

Әзірлеуші болсаңыз, егжей-тегжейлі құжаттама мен өзгерістердің толық тізімі, соның ішінде шағын қолданбалардың бейін суреттеріне қол жеткізудің жеңілдетілген тәсілі және шағын қолданба деректерін үшінші тараптың растауын қолдау үшін мына бетті көріңіз.

Әркім қазірдің өзінде @playdeckbot, @tverse және @major сияқты қолданбалардағы кейбір жаңа мүмкіндіктерге ерте іске асырылуын сынап көре алады.

Бүгінгі жаңалық осы. Біз қазірдің өзінде шағын қолданбалар мен одан да көп нәрселер үшін келесі үлкен нәрсеге жұмыс істеп жатырмыз.

2024 жылы 17 қараша
Telegram командасы