#فصليه واني صغيره

#البارت_الاول


اني اسمي درر عمري حالياً 21 سنه بشرتي لونها حنطي عيوني عسلي وكبار شعري اسود وكلش طويل رشيقه ونزاكه

اني بنت شيوخ احد عشاير الجنوب نسكن احدى قرى الناصريه من اول ماوعيت ع الدنيا واني اعرف اكو مشاكل بين عشرتنا وعشيرة ثانيه ودوم عرك وثارات اني عندي اخوان 2 واحد ايهم وهو مهندس كهرباء ساكن ابغداد ....ايهم عقليته كلش متفتحه وانسان راقي بمعني الكلمه واخويه الثاني ادهم وهو حاد الطباع وعصبي بي طباع الريف وحب الكاع وصل صف سادس ومكمل دراسته فضل يهتم بكاع بابا ويرعاها احنا عدنا هوايه اراضي بابا شيخ العشيرة وكل عشيرته تحت طوعه وامرته ولو احد كال مر الشيخ ضاري كلها تكوم توكف احترام له وتقدير وهو انسان تصرفاته تقريبا مثل تصرفات ادهم بس اني اخر العنقود عنده بالدنيا كلها طلباتي اوامر وهذا الشي كان يعصب ادهم منه ويكوله البنيه متنطي عين واختي الي اكبر مني كذالك متقبل على دلال ابويه اليه هي اسمها نمارق مزوجه ابن عمي وعايشه قريبه على بيتنا وعدها 3 اطفال بقت امي محجيتلكم عليها لان هي اكبر غصه بكلبي امي متوفيه وهي ع الولاده .

اثناء ولادتها اليه حالتها صايرة خطرة كلش وماتت هي حتى اني اعيش دوم اتمنى اشوف امي ولو ليوم واحد طبعا بابا سماني درر على اسم امي ابويه كان كلش يحبها حسب متحجيلي نمارق هم ازوجو عن حب بابا كان كلش يدللها ومن حبه لاامي سماني على اسمها حتى تبقى عايشه وياه ومن اول مابديت افتهم واوعى ع الدنيا بابا كان كل خميس ياخذني لقبر امي ويبدي يحجي وياها يكوللها شوفي درتي شوفي درر الصغيره شسوي وشلون كبرت عمري صار تقريبا 11سنه مرة صارت مشكله كلش جبيرة بين العشيرتين وصارت شغلات سلاح بابا اني كان عمري صغير تهسترت وحالتي موطبيعيه من الخوف بابا دزني لبغداد يم ايهم بقيت فترة هناك وبعدها مقبلت ارجع بابا جا لبغداد حاول هوايه حتى يرجعني وياه بس اني عييت ارجع وياه وهو من معزته بيه كال ابقى بعد كم يوم هنا ايهم طلب من ابويه ابقى يمه وهو يهتم بيه كاله نفسيتها كلش تعبانه بسبب المشاكل والضروف الي تمرون بيها عوفها هنا يمي وراح انقل اوارقها حتى تكمل دراستها هنا .. بابا مقبل ورفض الموضوع وكالي شلون وامج متردين تروحين عليها احنا مو متفقين كل خميس اروحلها طول ماالله ناطينا عمر
درر : بابا اجي الخميس وارجع السبت فدوة بابا الله يخليك والاه الجو هنا احلى وايهم يطلعني ويفسحني مو مثل هناك فدوة بابا مااريد ارجع خليني
الشيخ ضاري : ها ايهم شوف دلالك لوين وصل هسه درر متقبل ترجع ويايه
ايهم : يابه عوفها هنا واني ادير بالي عليها خليها تطلع وتشوف الدنيا بعدها صغيرة
الشيخ ضاري : هاي بدل مترجع انته لااصلك وتجي تكعد بمضافه ابوك وانته شيخ الشيوخ تريد اختك تجي يمك يايابه اني كبرت ومحتاجك يمي وانته تعرف باخوك بعده صغير ومتسرع ممال ياخذ الشيخه هو ويصير الامر الناهي انته بعقلك ورزانتك راح اسيطر
ايهم : يابه انته تعرف بيه اني كلش مالي بهاي سوالف المشيخه اني رجال ابن مدينه وعندي وضيفتي هنا شلون اعوف الي صارلي عمر ابني وارجع للقريه
الشيخ ضاري : اني تعبت منك ومن ان اكدر اقنعك ترجع لثوبك بس هسه يجي يوم وتندم .. صار يابه صار درتي تدرين بيه اني مااكدر ارفضلج طلب انتي جمارة كلبي ابقي هل الفترة يم اخوج والخميس اجي اخذج
درر : صار ياعيون درر انته اروحلك فدوة اني ... تعرفون سوالف البنات وحيلهم رحت اركض ابوس بابويه لان قبل ابقى ابغداد
بعد ماراح بابا رحت على ايهم كتله اريد ابقى يمك ماارجع للقريه ..خاف بابا ياخذني الخميس وبعد ميرجعني
ايهم : والله ياعيوني هاي بقت انتي وشطارتج انتي عندج حصانه يم الشيخ مثلي اني الفقير

يتبع ...

#فصليه واني صغيره

#البارت_الثالث


درر : بعد فترة كلش قليله بديت اتحضر حتى اروح لبغداد واستقر هناك كان لازم تروح امي نجمه لان اني مااكدر ابقى وحدي ..بقيت افكر ب علي شلون رح يبقى وحده وبدون امه اني مو لازم اصير انانيه وافكر بروحي لازم افكر بي ... طلعت للحديقه لكيت علي كَاعد يم الشجرة الي متعودين نلعب يمها مكانا المفضل كعدت يمه واحس هموم الدنيا كلها على راسه( علي كان اسمر ولون عيونه عسلي عيونه بيها براءة تحسر واني بهذا العمر ورغم الايام الي مرت عليه مستحيل انسى عيونه) ..همست بصوت مخنوك
علي شبيك ليش احسك ضايج
علي : درة ترديني اعرف رح تعوفوني وترحون ومااضوج
درر : اني اعرف من كلت تعوفوني تقصد امك 😔😔
بكثر ماكنت اريد اروح لبغداد بكثر ماهسه اني ضايجه وصوت بداخلي يكولي لاتروحين كنت مفكرة اني لو رحت لبغداد انته وامي نجمه تروح ويايه بس هسه كل شي تغير انته راح تبقى هناك وامك لازم تبقى يمك
علي : درر .. شنو امي متروح وياج
درر : بابا كال تروح بس اني راح اكوله خل تبقى هنا واي وحده من البنات تروح ويايه ععلي يكفي هذا العمر كله واني مشاركتك بامك مستحيل هسه اجي اخذها منك ..
علي : لا درر مستحيل الي تكولي امي لازم تروح وياج اني ماامن عليج هناك بدونها اني مضايج لان انتي مشاركتني بأمي هذا شعور بالدنيا من اسمعج تكوليها امي نجمه احسج قريبه مني درر لاتفكرين بيه اني رجال وتعرفين الزلم مينخاف عليهم صح مووو
درر : اكيد انته رجال ومينخاف عليك بس اني هم مو انانيه
علي : اااش اااش لاتحجين بعد انتو رح ترحون واكيد رح تجون كل اسبوع مو واني رح ابقى انتضركم وكل يوم يمر بدونج راح اكتبه على شجرتنا وكل يوم راح اكتبلج شسويت وشلون مر عليه اليوم حتى من تجين تقريهن اتفقنا
درر : اتفقنا واني عيوني مليانه دموع شلون راح اروح ...
وبعد يومين وبقت ساعات قليله على سفرتي دخلت على امي نجمه للغرفه لكيتها تحضر بغراضها وتبجي كمت ابجي على بجيها هي عدها الدنيا كلها تبجي ولاابجي اني
ام علي : يايمه ياعيوني ليش تبجين ( مسحت دموعها واني كلبي متفطر عليها اول وتالي هاي يتيمه ودمعه اليتيم صعبه ) درة الف مرة كايلتلج دموعج غاليه
درر : امي نجمه وانتي دموعج اغلى وكلما دمعج رح تنزل دمعتي تنزل قبلها ..ليش تبجين لان رح تروحين لبغداد وتعوفين علي هنا موو
ام علي : نزلت راسي واني مااعرف شكوللها للطفله اكول اي مااكدر اخالف اوامر الشيخ ..خاف ينكسر كلبها وتنقهر اكوللها لا شلون لا واني عيوني فاضحتني بقيت ساكته
علي : وتالي وياج درة ولج هاي دموع الفرح امي واعرفها فرحانه لان ماشيه لبغداد معليج منها ...
ام علي : صدك يايمه هاي دموع الفرح لاتخافين عليه ..
درر : ضحكت على ضحكتهم وطلعت من الغرفه وكتلها امي انتضرج جوة حتى نطلع لان مبقى وقت
علي : ردت درر تطلع من الغرفه حتى احضن امي حيل واشبع من ريحتها قبل متروح حضنتها وكمت ابجي يمه ديربالج عليها اني مامن عليها وياج
ام علي : يمه ارفع راسك الزلم متبجي وانتي زلمتي اذا مو راضي على مشيتي لبغداد ماامشي واكول للشيخ زلمتي مارضى على روحتي
علي : لا يايمه شتكولين .... شلون تعوفين درر بوحدها بغداد انه سامع هاي ولايه وجبيرة وانتي لازم اديرين بالج عليها وانه زلمتج ومينخاف عليه وراح ابقى انتضر رجعتكم على احر من الجمر ..

يتيع ...

#فصليه واني صغيره

#البارت_الرابع


درر : رحت لبغداد وداومت هناك بالمدرسه كمت اشوف البنات ولبسهم وترتيبهم ارجع للبيت ضايجه امي نجمه تسأل شبيج اكوللها احس الي هنا غريبين عليه هي تضحك تكولي لا انتي متعلمه على عليوي وسوالفه ..كافي يمه انتي كبرتي لازم تلعبين وي البنات وتطبعين باطباع البنات
وبعد يومين من وصلتي لبغداد اخذني ايهم للسوك اشتريت كومه شغلات ملابس مدرسه كلها جديده وستايل طبعا كله ذوق ايهم ... عطورات وقرطاسيه وشغلات كلش حلوة فرحت بيهن حيل وبعد فترة قليله تعودت ع البنات وصادقتهم كانت امي نجمه توصلني للمدرسه 🙊🙈 بس بعدها بنيه من المنطقه الي ساكن بيها ايهم صارت صديقتي وكمنا نروح ونرجع سويه تعودت على عيشه بغداد وجوعها واطباع اهلها وكنت كل خميس اروح للقريه طبعا اول مااوصل للقريه نروح نزور قبر ماما الله يرحمها وبعدها بدون مااسوي اي شي اروح اركض ع ابشجرة الكه علي ينتضرني هناك بدون ماارتاح او اغير ملابسي ابدي اقرة الي كاتبه اليه خلال الاسبوع لحد ماتضلم الدنيا يله ادخل للبيت طبعا هذا الشي كان هوايه يعصب ادهم مني بس ميكدر يسوي شي بابا ميبقله بابا هوايه حاول يغير اطباعي وطريقه تعاملي وياعلي بس مكدر بقيت اني درة القديمه ومرت بيه الايام والسنين وازوج ايهم بنيه من بغداد وصارو عنده بنات اثنين وصرت طالبه صف خامس اعدادي ويوم اني راجعه من المدرسه لكيت ايهم بالبيت ووجهه ميتفسر ... خير ايهم شصاير بابا بي شي انته وضعك موطبيعي ايهم احجي
ايهم : غيري ملابسج اني منتضرج حتى نروح للناصريه
درر : ايهم بابا بي شي والا ليش اروح للناصريه واحنا بنص الاسبوع <br>
ايهم : درر ابويه مابي شي بس ادهم بالمستشفى واحنا لازم نروح
درر : عزة العزاج صحت بصوت ليش شبي ادهم
ايهم : صوتج ليش اصيحين ... اخوج مضروب طلقه وهسه بالمستشفى يااما كَلت وياما حجيت فضو مشاكلكم وكفو بس ماكو فايده من الحجي يله خل اروح ترة تعبان وحالتي حاله
درر : خلال دقايق غيرت ملابسي وتوجهنا للناصريه وصلنا هناك رحنا للمستشفى كبل دخلنا شفت بابا بالممر رحت ركض عليه حضنته بابا مابيك شي مو انته زين
الشيخ ضاري : اي بابا اني زين لاتخافين عليه بس ادهم حالته خطرة
درر : بقينا فترة طويله اكثر من 3 ساعات واحنا ننتضر حتى تستقر حاله ادهم الي لفت انتباهي بالمستشفى بغض النضر عن الحراس الي قريبين منا كان اكو هوايه حرس حول المستشفى بكل مكان حسيت اي شي غريب وخطر هل المرة ومو مثل كل مرة ...حاولت افتهم السالفه شنو بقين اتلفت داير مدايري شفت علي من بعيد رحت اركض عليه ... علي شنو الي صار منو ضرب ادهم وليش كل الحرس
علي : درر السالفه جبيرة اكثر متصورين .. روحي يابنت الشيخ يم ابوج لايصير عليج شي ونبتلي
درر : علي هاي اول مرة تحجي ويايه بهل الطريقه
علي : درة كتلج الموضوع جبير تكاونا احنا وعشيرة ال عجيل وابن شيخهم اصاوب والشغله كبرت وراح تسيل بحر دم اذا مدخلت عشاير وشيوخ حتى تحلها

يتبع ...

#فصليه واني صغيره

#البارت_الخامس


درر : بقيت افكر بكلام علي والخوف ملى كَلبي خايفه على بابا واخواتي بقيت كاعده بمكاني وصافنه شفت بابا تقرب عليه كعد يمي وحضني
الشيخ ضاري : درتي تدرين انتي اغلى شي بحياتي واحلى شي بحياتي مااريدج تفاركين عيني ولادقيقه
درر : وانته شمعتي وضوه عيوني ياكَلب درر وروح درر .. بس ليش هيج تكول لاتخوفني
الشيخ ضاري : لا يابعد كَلبي شلون اخوفج وانتي روحي بس روحي للبيت هسه لان انتي تعبتي ورح ادز وياج حرس
درر : لا بابا ابقى يمك
الشيخ ضاري : ليش تعانديني ياعيون ابوج
درر : مااعاند بس مشتاقتلك بقيني يمك وبقيت بحضن بابا وبعد كم ساعه طمنونا على ادهم ودخلنا شفنا كانت حالته الصحيه زينه الحمد لله رجعنا للبيت طبعا تحت حراسه شديده وطول الطريق بابا عينه عليه ..وصلنا بابا كَبل راح للمضافه اني دخلت للبيت وايهم ويايه ...
نمارق : ايهم ابوك وحده بالمضافه واخوك نايم بالمستشفى وانته كاعد هنا وسفه
ايهم : انتو تعرفون اني مالي علاقه بهاي السوالف وميه الف مرة كتلكم انهو هاي السالفه والمشاكل بس انتو مُصرين على رأيكم تحملو النتيجه
نمارق : شنو مشمت بينا يابن امي
درر : نمارق كافي عاد انتي صدك تحجين عوفي ايهم ترة تعبان مو وكت هل الحجي
نمارق : انتي اسكتي بعدج صغيرة على هل الحجي انتي ترباة بغداد لاتعرفين عاداتنا ولاطباعنا .. اخوج هسه لازم يروح للمضافه ويوكف بضهر ابوه
درر : زين اذا هيج حلوها بينكم واني رايحه انام عفتهم وصعدت لغرفتي واني اسمع صوت ايهم يصرخ على نمارق ايهم كلش هادئ ومو طبيعته يصيح بصوت عالي بس اتوقع هي استفزته .. وبعد يومين وناس داخله وانس طالعه من مضافه بابا وادهم طلع من المستشفى سمعت واحد من الحرس يكول الحمد لله انحلت السالفه وانتهى بحر الدم الي بينه وسمعت كلمه فصليه ... شنو فصليه يعني شنو اوي اني شنو دهلي بهاي السوالف الحمد لله من عدت السالفه على خير يومين وارجع لبغداد ولدوامي .... بس لاسف مرجعت ومصار الي كنت متوقعته يصير
بعد ماصار الليل وفرغت المضافه دخل بابا واخواني للبيت تعشينا وكعدنا بابا كال درر بعد مترجعين لبغداد
درر : ليش بابا .. شلون ودراستي انته شتكول
الشيخ ضاري : نزلت راسي واني مكسور ومقهور على درتي الي راح تروح مني وشلون رح اكوللها هذا الشي مااعرف تقربت منها وحضنتها واني دمعه بعيني ... بابا انتي انوخذتي مني فصليه
درر : هههههه بابا اني سمعت هاي الكلمه بس يعني شنو منو ياخذني منك
الشيخ ضاري : احنا حلينا المشكله الي بينا وكان ثمن الحل هم ينطون مريه لااخوج ادهم واحنا ننطي مره للشيخ عباس ابن شيخهم واني ماعندي غيرج ...لاتكسرين ابوج وتنزلين عكَاله
درر : بابا انته شتكول يعني شلون هيج اني درر تنطيني هيج بهل السهوله هاي
ادهم : درر حبيبتي لاتحجين هيج وياابويه ... هو شنو ينطيج انتي رح تزوجين ابن الشيخ الي ميه الف وحده تتمناه
درر : اني ماتمناه ومو اني الي اتزوج بهل الطريقه
ادهم : شتريدين يابنت الشيخ ضاري شلون تردين تزوجين ..رفعت صوتي عليها
الشيخ ضاري : اششش ..منو انتو وتعلون صوتكم بحضوري كلمه كلتها وانتهت باجر تكطعين مهر على ابن شيخهم وتصيرين مرة الشيخ خلص الموضوع ينسد
درر: خفت من صوت بابا وكلامه شفته انسان ثاني قاسي وبله رحمه اباوع على ايهم املي الوحيد واحجي وياه بعيوني اكوله كول شي ..; وعيونه تكول مابيدي شي صعدت لغرفتي شبعت بجي لحد مانمت وكعدت الصبح على صوت رمي طلق وهلال

يتبع ...

#فصليه واني صغيره

#البارت_السادس

درر : شنو شنو ... شنو شبسرعه وكل هذا ليش
ام علي : يمه الشيخ يكول لازم تنزلين اسلمينوتحظرين عقد القران وبعدها نجهزج حتى تروحين لبيت زلمتج
درر : امي انتي شتكولين هو هذا هم حجى اني مستحيل ازوج بهل الطريقه 😔😔 وبديت ابجي
ام علي : لا يايمه لا كله ولادموعج تدرين دموعج اغلى من روحي بس يايمه لاتكسرين كلام الشيخ وتضيعين هيبه بين العربان ...هذا الشيخ ضاري جبير الكل وانتي لو مهما تكون غلاتج عدنه لازم تسمعين حجايه وتكونين تحت طوعه
درر : بقيت ساكته واني ماكلني الهم اكل ومحتارة بامري شلون اقبل واسكت لو ارفض واكسر هيبه بابا خصوصاً بعد ماهمه دزو بنتهم عروسه لاادهم ... صار امي راح اغير ملابسي وانزل
ام علي : يابعد رويحة امج هاي ترباتي ...يمه انتي بنتيتي الي بطني مشالتها واريدج تعرفين اني تمنيت اموت ولااشوف هل اليوم دوم جنت اتمنى البسج ثوب ابيض وازفج بأيدي <br>
درر : احساسي صعب بهل الموقف مااكدر اكَول اني محتاجه ماما بهل اللحظات هاي الي بابا كسرني بيها مااريد اكسر بخاطر الانسانه الي تعبت عليه وربتني واهتمت بيه اكثر من ابنها ... تالي سكتت ... وبعد شويه نزلت جوة لكيت البنات ونمارق مرتبين البيت وكل شي ومتحظرين حتى يسوون زفه ل ادهم وعروسته نمارق كالت دخلي سلمي ع البنيه .. الصراحه كلش مالي نفس اشوفها ولااسلم عليها بس دخلت مجبورة لكيتها كاعده سلمت عليها بثكل واول كلمه طلعت مني وطبعا بدون قصد بس اني كنت مذبوحه كتلها شبسرعه دزوج اهلج هي ردت عليه برد كلش فاجئني ..وكالت
لحظه الي يأمر ابويه الشيخ اني انفذ بدون نقاش ومن عادتنا الي يبادر اول ويدز العروسه يبقى دوم مرفوع الراس ... ها خير انشاالله شرفتي يازوجه الشيخ ادهم ..طلعت من الغرفه لكيت ادهم عند الباب وسمع كلامي
ادهم : درر اني ادري مقابله ع الموضوع ومو انتي الي تنطي فصليه بس هذا الي صار وانفرض علينا .. ماكو داعي اذبين قهرج بالبنيه وتجرحيها بكلامج
درر : زين تعرفون مو درر الي تنطي فصليه بس انتو نطيتوها ... مقصرتو ياخويه .. وين بابا شوكت تردوني اروح
ادهم : ابويه راح للمقبرة وكال من ارجع لازم نجهرج حتى ناخذج معززة مكرمه
درر : اكيد راح يشكيني ل ماما ....; لااتعبون نفسكم واجهزين شي حسب عاداتكم الفصليه بدون جهاز نو لو اني غلطانه
ادهم : روحي خيتي روحي قبل ماافقد اعصابي واضوجج
درر : عفته ومشيت رجت للحديقه انتضر بابا على امل يدخل ويكولي انسي الي حجينا البارحه .. شفت ايهم كاخذ جنطته وطالع من البيت ركضت عليه ايهم ايهم وين رايح
ايهم : راجع لبغداد هذا البيت مالي مكان بي مادام مالي كلمه بي ... اني دائما كنت اكَوللهم عوفو هاي المشاكل بس محد سمع مني لحد مارحتي انتي الضحيه
درر : ههههههههه روح الله وياك هذا كلام الشيخ ومحد يكدر يكسره

يتبع ...

#فصليه واني صغيره

#البارت_السابع


درر : رجع بابا للبيت .. محجيت وياه انتضرته هو يحجي ويايه بس مسمعت منه الي اريد سمعته يكول لنمارق اخذي درر للسوك والي تاشر عليه تاخذو الها حتى نوصلها بعد الضهر
سمعت كلامه شبعت قهر بس مااكدر احجي شي كل شي متوقعته بس بابا يعاملني بهل الطريقه هذا شي مو ع البال تنرفزت حيل دخلت عليهم ... كل شي مااريد اريد اروح هسه منو يوصلني
الشيخ ضاري : درر لاتسوين هيج بيه ياعيوني والله بعد مابيه حيل لاتهدين حيلي بعد هل العمر
درر : بديت ابجي من سمعت كلام بابا وباوعت بعيونه وشفتهم عرفت هو رايح باجي يم بابا مكدرت اكوله غير صار بابا اني بنتك ومن ايدك هاي لاايدك هاي والي تامر بي يصير شيخنا
الشيخ ضاري : ياروح الشيخ انتي ... انتي تدرين اوامر الشيخ تمشي ع الكل بس مو عليج انتي بس هل المرة الموضوع يختلف ..
درر : اعرف بابا والي تريده رح يصير .... بس كل شي مااريد......خلي علي يوصلني لبيت الي رح يصير زوجي
الشيخ ضاري : درة اني الي اوصلج بايدي انتي شمعه البيت ويوم الي رح تطلعين خلي ابالج رح تطفى شمعته <br>
تحضرت واخذت ويايه كم غرض اني اشيائي وملابسي كلها ابغداد جينا بسرعه ومجبت هوايه غراض طبعا نمارق لكيتها محظرتلي جنطتين مفتحتهن حتى واخذت ملابسي الي جبتهم ويايه واشياء بسيطه واخذني بابا قبل مااطلع اخر شخص شفته كان علي باوعت عليه شفت دمعه بعيونه طلبت من بابا ارجع اودعه بالبدايه رفض بس من شافني انقهرت قبل رجعت ..سلمت عليه ودعته ..كتله مااريد اشوف دمعتك اني اعرف رح تبقى داير بالك عليه وتسمع اخباري مووو ؟؟
علي : اكيد هذا الشي يادرتي ... روحي محروسه بالله يامرة الشيخ
درر : كملت طريقي وصلنا لبيت الشيخ نزلنا طبعا الكل طلع يرحب بينا ويستقبلنا واولهم الشيخ الاب مثل ميصيحوله رحب ابابا وطلب منه يدخل بابا رفض وتعذر لان حيل تعبان واني اباوع عليه تمنيته يدخل ويايه لمكان غريب واول مرة ادخله ..بس لاسف بابا رفض بوسني ودعني طلبت منه يدزلي امي نجمه بس كالي انتي كبرتي هسه ولازم تعتمدين على نفسج قبل ميروح كاله للشيخ درتي امانه يمكم وراح
دخلنا للبيت بيتهم طبعا كان قصر ميقل عن بيتنا واثاثه راقي ومرتب وطبعا خدم وهوايه ناس بالبيت ... اني مستغربه المكان ومحجيت وياشخص فبدت تحجي ويايه مريه كبيرة شويه بالعمر عرفتني عن نفسها كالت اني ام الشيخ عباس وهذني خواته زهرة وصابرين وطبعا جنتكم اكيد تهاني اكيد شفتيها
رديت عليها يااهلا وسهلا ... كالت احجيلنا عن نفسج خل نتعرف عليج احنا صرنا اهل بعد
عرفت عن نفسي بشي مختصر وكتلهم اني ساكنه ابغداد مو هنا فهي ضحكت كالت يايمه يعني جنتنا حظريه يا بختنا

اني اتبسمت ونزلت راسي ارتاحيتلها وحبيتها نوعا ما ... بعدها جا الشيخ وعقدلنا طبعا سالني من وراء حجاب كانت هاي العادات وعيب عدنا ... وبالمناسبه اني مشفته لهل الشيخ عباس وطبعا متوقعته كلش محلو وشي ضخم وكارهته قبل مااشوفه بعد ماخلص العقد اخذوني لغرفتي كانت كلش حلوة غرفة نوم كامله واشكال المكياج والعطور بيها ... دخلو عليه بنات اثنين والحجيه وخوات عباس كلش مرتاحيت لهذني البنات ... خوات الشيخ طلبو يساعدوني حتى ارتب غراضي اني كتلهم لاهادي هم مو هوايه اني ارتبهم ... فحجت بنت كلش استفزتني بكلامها اني صايرة اعصاب وممتحمله روحي وهي بدت تستهزىء ..وتكول عرفنا فصليه جا غير يجهزونج اهلج ... خاب غير بنت شيخ انتي
درر : والله ياعيوني بنت شيخ وغصبا ماعليج اذا مسامعه بشيخ ضاري ودرر بنته اسمعي هسه ... رفعت صوتي وكتلها اطلعي من الغرفه الحجيه حاولت تهديني بعد مشافتني عصبت وطلعتهم بقينا لوحدنا بالغرفه وبعدها شويه وطلعت بعد ماحجت شويه كلام عن عادات البيت وطريقه تعاملهم محبيت اسأل عن الشيخ حتى اشوفه او اتعرف عليه لان هو ممهتم ليش اني اهتم

يتبع ....

#فصليه واني صغيره

#البارت_الثامن


درر: بقيت بغرفتي رتبت غراضي وحاولت اتصل على بابا كان تليفونه مغلق اتصلت على ادهم اول شي مرد عليه بعدها حجيت وياه مطول بالكلام شي قليل وسده توقعته مشغوله وياعروسته بس بقى بالي مشغوله على بابا بعد شويه صاحوني على العشا اني مكنت جوعانه منزلت بقيت بغرفتي والصراحه محبيت اشوف احد منهم بعدها نمت محسيت على روحي ...
الشيخ عباس : بعد العشا افتقدت البنيه الي اعرف بس اسمها سألت امي عليها ..كالت امي موجودة بغرفتها ومحبت تنزل ..فكرت اصعد لغرفتها واسلم عليها بس تراجعت محلوة بحقي اني الي اروح لغرفتها ... رجعت طلعت للمضيف
درر : كعدت الصبح شفت الساعه تقريبا 11 غيرت ملابسي ونزلت كنت حيل جوعانه بس استحي اكول جوعانه اوف ياربي شلون بيه حاولت اروح للمطبخ خلال ماامشي وافكر بجوعي ممنتبه اصطدمت بشخص بدون ماارفع راسي واباوع عليه .. كتله متباوع على طريقك انته ... شو ماكو رد على كلامي رفعت راسي شفت شخص ياربي .. باوعت عليه العيون صفره تضوي وهو اشكر طول وهيبه فدشي يجنن
عباس: شنو انتي تيزاب ويمشي ع الكاع تريدين واحد تتعاركين وياه والله ياالله .. وخري بابا وخري ... اني عرفت هي معرفتني حبيت اشاقى وياها واغلس عليها ويكون اللقاء الاول بينا مميز وتبقى تذكرته بس ياربي مو بنيه كمر يمشي ع الكَاع ياربي وانوب لابستلي برمودة اشتعلووو اهيلتج
درر : هذا منو شو حجى كلمتين وعافني وراح هذا شكد مغرور 😱😱😱 معقوله يطلع هو الشيخ عبيسان ..لا لا مااتوقع كان حاول يتعرف عليه مو يجاوزني بهذا الاسلوب ...بقيت احجي ويانفسي المهم اوو شسويله ..والحمد لله عرفت اوصل للمطبخ وماشاالله لكَليت شلون هدوء بالمطبخ شي ممتوقعته ... بنات ونسوان كبار وطبعا وياهم ام الشيخ وكانو يطبخون للغده وكان الاكل كلش هوايه عرفت هم مسوين عزيمه او هيج شي عرفتي ام الشيخ عليهم كالت هاي مريته الشيخ عباس الكل يباوعون عليه باستغراب ونضرات موطبيعيه ... وطبعا بده الحجي من اكثر من وحده واني باهته بالنص مااعرف شرد عليهم ..الي تنتقد لبسي والي تنتقد كَعدتي متأخرة والي تكَولي هو هيج ابي يسلم مع العلم سلمت بطريقه كلش لائقه ..تفاجئت من انتقاداتهم اليه من اول يوم اتعرف عليهم تعصبت حيل وصرخت انتو شنو ومنو انتو حتى تنتقدون تصرفاتي ومنو الشيخ عباس ترة اني مو بنت شوارع اني درر بنت الشيخ ضاري ومااسمح لاي شخص ومهما كان ينتقد تصرفي او ينطيني اوامر سمعتي انتي وياها ... الكل بقى ساكت ويسمع الي داكوله خلال هاي اللحظات دخل نفس الشخص الي صادفته قبل شويه
عباس : الي كالته درر صح هي درر بنت الشيخ ضاري وهسه صارت مرة الشيخ عباس وممسموح لاي شخص ينتقدها او ينتقص من شخصيتها وهذا الحجي موجه للكل ماعدا امي هي الوحيده الي الها حق تنصحها..خلص انتهى الموضوع درر تعالي اريدج
درر : يايمه هو هذا عبيسان ...ياربي هذا طلع حلو وجنتل شلون راح اكضيها وياه يبووو ...هو مشى كَدامي واني مشيت وراه شفته متوجه للغرفه عزززة بعيني هذا وين رايح ..فتح الباب ودخل للغرفه انتضرني ادخل وراه دخلت سد الباب اول مارفعت راسي رفع ايده وضربني راشدي
عباس : يابنت الشيخ ضاري هذا الراشدي اول شي حتى يعرفج منو الشيخ عباس الي انتي هسه صرتي حرمته ولازم تصوني وثاني شي حتى صوتج بعد ميعلى على اي شخص كان من يكون ..اني كان اكدر اتصرف هذا التصرف وياج كدام الكل بس انتي مرة عباس وكرامتج من كرامته انسي هسه انتي بنت الشيخ ضاري ذيج البنيه الي ساكنه بغداد ومحد كدها من دلال ابوها الها انتي هسه ازوجتي وكل شي تغيرتي والي ازوجتي مو رجال عادي لا شيخ وكلمه ماشيه ع الصغير قبل الجبير ومرته لازم تكون مثله كلمتها ماشيه لان الكل يحبها ... هذا اللبس بعد مينلبس خارج حدود الغرفه وصوتج بعد ميعلى وقبل متحجين كلمه تفكرين بيها صار معلوم
درر : يعني انته تعرف اني منو وتعرف شسويت هسه اول بشر يمد ايده ويضربني وراح ادفعك الثمن وراح اخليك تندم وتعرف درر منو .. انهاريت وبديت ابجي وحاولت اطلعه من الغرفه واكوله اطلع من غرفتي
عباس : انقهرت عليها من بدت تبجي اني مو بهل القسوة حتى اضربها ومضارب احد قبل بس كلامها استفزني وكان لازم تعرف تصرفها غلط ..حاولت اطلعني من الغرفه بس ردت استغل الموقف لصالحي كتلها ..مثل ماهي غرفتج هي غرفتي ومن يعجبني اطلع منها مو بكيفج
درر : اي زين خوش حجى ابقى انته هنا واني طالعه اخذ راحتك

يتبع ....

#فصليه واني صغيره

#البارت_العاشر


الشيخ عباس: فريت راسي ورحت على باب غرفتها وصلت للباب دكيته على كيف ..همست بصوت ناصي درر نايمه لو كاعده ... درر ..
درر : اني كنت بعدني منايمه بس مالي نفس ارد عليه ..حاقده عليه
عباس : اذا كاعده حبيت اكولج اسف على الي صار الصبح بس لازم تحفضين كلامي وتحطي ترجيه بأذنج
درر : سمعت كلامه فرحت كلش بداخلي ...وتبسمت ..كَلت اي والله وكَام يتأسف عبيسان .. اي والله بعد تأسف
عباس : اوك لاتردين عليه ...بس هذا اكل خليته بالباب اني رايح وانتي اطلعي اخذي
درر : اي والله يمعدل ( تكلمت مع نفسي) ميته من الجوع تقربت ع الباب حتى اتأكد راح ..انتضرت شويه ماكو اي صوت ... فتحت الباب وشفت عبيسان بوجهي بالباب وابتسامته شاكَه الوجه يبوووو شوفو الفشله
عباس : ههههههههه لازم جوعانه بزونته; 😉😉😉 حرامات واني مجبتلج اكل .... اعتذر منج تسوين نفسج نايمه سمعتي بالاكل كمتي تركضين هههههههه والله ياالله
درر :اي وهسه شتريد
اني مجوعانه اصلا بس فتحت الباب حتى اشوفك رحت من يم الباب لان دتزعجني واني اريد انام

عباس : يعني مجوعانه ولاتردين اكل هسه مووو
وتعبانه وتردين تنامين لو اني غلطان 🤔🤔

درر: لا كلامك صحيح ومو غلطان مجوعانه وتعبانه واريد انام يله من رخصتك
عباس : هاا ولج شو جنها طردة .. وسفه يابنت الشيوخ
درر : والله اللبيب من الاشارةِ يفهمو
عباس: هم خوش ... تصبحين على خير عفتها ونزلت جوة واني طاير بيها طير ...رحت دخلت للمطبخ حظرت الاكل جتي امي سالتني لازم جوعان يمه هي طبعا متعوده عليه اني انزل للمطبخ واسوي اكل لنفسي ...
اي والله حجيه جوعان وكلت اكل شويه وانام ( الصراحه استحيت اكوللها هذا الاكل لدرر لان اول مرة انحط بهيج موقف خبلتني هاي البنيه هي وعنادها )
ام الشيخ : زين يايمه ليش مغيرت هدومك ودشداشتك راح تدمر اصعد لغرفتك وهسه اخلي البنات يكملو ويصعدو الك لبين متغير ملابسك
عباس : هاا لا لا يمه ماكو داعي هسه اكمله واخذه شنو حجيه قابل صغير حتى اوصخ دشداشتي
ام الشيخ : يايمه من فدوة رحت لهل الطول ... تمنيتك اليوم عريس واهلهل واطش الواهليه
عباس : شنو هاي حجيه جا انه مو عريس اليوم بالجذب ماسمعت هلهوله منج .... بس ولايهمج ياريحه الجنه بس خل تمر كم يوم لان سمعت عمي ابو درر مريض شويه واسوي احلى عرس وزفه واريدج تركصين ..
ام الشيخ : هذا يوم الهنا ... لا يايمه هذه مارجيتها منك المفروض تروح وتسال عليه وتزورهم الرجال داس عتبتنا واحنا لزوم ننسى الي صار والي فات مات ..واكيد ابوك الشيخ لو سمع بالخبر راح يمشي يزوره
عباس : اكيد يايمه بس خل اتاكد رجعو للبيت لو لسه بالمستشفى ونمرله انه والشيخ
ام الشيخ : ترباتي واعرفك يايمه .. معدل وابن اصول .. يله انه اخليك .. عفته وطلعت واني عرفت العشا مو اله وهذا للعروسه فرحت من كل كَلبي حسيته مرتاح وعيونه بيها لمعه
يايمه الله يهنيك ويفرح كَلبك يافرحتي من هاي الدنيا <br>
عباس : خلصت الاكل اخذته وصعدت مرحت عليها حبيت اشلع كَلبها شويه خليها بعد اجوع حتى اتوب من هذا العناد ... رحت لغرفتي غيرت ملابسي لبست تراكسود ورتبت روحي وعطر واخذت الاكل ورحت دكيت باب الغرفه
درر : ندكت باب غرفتي عرفته هو بالباب دكته مميزة وبطريقه غريبه .. حجيت وياه بخشونه بس بداخلي فرحانه ليش مااعرف ..يعني شلون اليوم منام شنو هل الازعاج اوووف
عباس : همست بصوت ناصي ... هل المرة صدك جايب اكل تفتحين الباب لو ارجعه
درر : اي مثل قبل شويه تكول جايبلج اكل وتالي تطلع تستهزىء ...روح مااريد منك شي كتلك مجوعانه ( اكول بداخلي لا والله ميته من الجوع وج كومي فتحي الباب )
عباس : لا والله هل المرة صدك جايبلج اكل افتحي ... افتحي يمعوده حار الاكل وانجويت .. وج بسرعه راح احترك <br>
درر : رحت اركض ع الباب فتحتها عبالي صدك احترك .. وهم طلع يجذب عليه هو لا محترك ولاشي بس هل المرة صدك جايب اكل وياه ... لابس تراكسود سمائي وهو ابيض ولحيته شكرة طالع يجنن والعطر احوووو قبل ميدخل غرفتي الغرفه انترست عطر بقيت صافنه واباوع عليه يعني معقوله هو هذا الشيخ عباس
عباس : يعني شلون ابقى واكف هنا الليل لو شنو بزونتنه تاخذين الاكل وتكولين الله وياك ☺☺☺
درر : لا اكيد اتفضل البيت بيتك ....بس وين رح نحط الاكل 🤔🤔
عباس: تعاي تعاي هنا حطيت الاكل ع السرير وتربعت وكعدت

درر : وين وين عبيسان شو كعدت انشالله تريد تاكل ويايه🤔
عباس : شلون شلون ولج شكلتي
درر : 😔😔 كلت انشاالله تريد تاكل ويايه مااحب احد ياكل ويايه☺
عباس : لالا مو هيج الكلمه الي قبلهن شنو كانت
درر : لا مكلت شي
عباس : ها مكلتي شي .. جني سمعت عبيسان
درر : ههههههههه ضحكت واني ميته خجل مااعرف شرد عليه
عباس : ولج يمه شنو هل الضحكه تخبل يربي (همست بداخلي واني مبتسم على ضحكتها الي رجفت كَلبي) ولج لاتكولين عبيسان كدام احد ولج اني الشيخ عباس والزلم كلها تهابني وانتي تكولين عبيسان
ولج تردين تفضحينا

يتبع..

#فصليه واني صغيره

#البارت_11


درر : ههههه لا لا توبه بعد مااكدر بس اني متعودة اكول عليك عبيسان ☺☺
عباس: لا عادي كوليها بس بيناتنه ... ياحلاتها من حلكج ..ابتسمت وباوعت عليها ضاعت كدامي هاي ام لسان الطويل احمرت من الخجل وكامت متعرف شترد عليه وطبعا صارت احلى واحلى وهي خجلانه .. حاولت ابسط الموضوع واطيح الميانه بيناته ... درر ماطول تكوليلي عبيسان اني رح اكولج بزونتي وبعد عقوبه لخ راح اكل وياج
درر: بزونتي ؟؟؟؟
عباس : بزونتي لا واحلى بزونه بعد ☺☺
درر : كلامه كان كلش حلو ويدخل الكَلب بسرعه هو يحجي واني متبسمه وميته من الخجل .... اوك هل المرة رح اخليك تاكل ويايه بس مو تتعود اول مرة واخر مرة زين

عباس : صار شيخه درر
درر : لا لا عفيه خلينا على بزونتي احسن ... يي حرام عليك راح اغير نضرتي عنك من ورة هل الكلمه وضحكنا اثنينا على كلامه بدينا ناكل ونسولف هو حجالي هوايه شغلات عن حياته واني طبعا دوخته من كثر ماحجيت وسولفت عن حياتي وعن طفولتي حجيتله عن علي وعلاقتي بي وسوالفنا.. طبعا كلما اكول علي احسه يضوج ويتغير لونه واني اتقصد كل شويه افتح سالفه جديده واذكر طاري علي حبيت نضرة عيونه والغيرة .. اخير شي متحمل الموضوع
عباس : شوفي بزونتي انتي هسه مرتي ميحتاج كل شويه اذكرج لازم تنسين حياتج القديمه وتتغيرين اعرف انتي بعدج صغيرة ومستمتعتي بحياتج بس وعد وعد راح اخليج تحبين حياتج ويايه وتعيشين كل لحظه بيها ..صح اني اخذتج فصليه بس اني كلش ماافكر بهيج مواضيع شوفي يابنت الناس هسه انتي مرتي وشايله اسمي وبمرور الوقت انشاالله تتعودين عليه وتتعلمين على اطباعي اني كلش مو عسر بسيط واحب البساطه بس اهم شي عندي صوتج ميعلى نهائيا وكل تصرف تتصرفي بحكمه ..اما بالنسبه لتصرفاتج ويايه بينا ولوحدنا الي يعجبج سوي والي تحبي كولي بس كدام اي شخص كان من يكون اني الشيخ عباس رجلج الي احترامه واجب متفقين؟؟؟؟؟ ..
ها واهم شغله هذا علي تنسي ومتفتحين طاري بعد ابد زين يابزونتي 😉😉 ... كولي صار
درر : صار ياشيخ عباس
عباس : لا لا حبيت عبسيان ازيد
درر : هههههههه صار عبيسان
عباس : حسيتها تضحك ومرتاحه حبيت اتقرب منها اكثر لزمت ايدها رده فعلها كانت غريبه سحبت ايدها حيل وتحججت نعسانه
درر : بمجرد مالمس ايدي شعوري صار غريب سحبت ايدي وحجيت بضحك يله ممكن تطلع من غرفتي اريد انام
عباس : محجبيت افرض روحي عليها وانزل من كرامتي اذا هي متريدني مستحيل اتقربلها .. ماشي تصبحين على خير بزونتي
درر : وانته من اهل الخير انتبهت ع الساعه صارت ب 4 الفجر يايمه محسيت بالوقت ابد وياه حطيت راسي ونمت بدون مااحس على روحي

عباس : بعد مارجعت لغرفتي بقيت صافن شويه بيها اني دائما كنت اسمع عن درر بنت الشيخ ضاري الي كان مضروب المثل بدلالها وهسه صارت مرتي وحلالي دعيت ربي يقدرني حتى اسعدها وافرحها بديت افكر حتى اسوي عرس وفرح مااريدها تحس بشي نقص او هي تختلف عن باقي البنات بقيت بصفنتي وفرحتي بيها لحد ماطلع الضوة موبايلي دك رديت عليه ... كان واحد من زلمنا وصيته يروح يسأل ع الشيخ ضاري .. كان فعلا مثل مسمعت حيل مريض وناقلي للمستشفى بس الي خلاني اتفاجىء ليش درر ماعدها خبر بهذا الشي انوب بقيت بقلق مكدرت انام اريد يطلع النهار حتى اشوف شلون رح اطلع بعد شويه نزلت للحديقه لكيت ابويه كاعد .. سلمت عليه صباح الخير شيخنا ... يابه السالفه كذا وكذا والشيخ ضاري مريض ونايم بالمستشفى ... انته شنو كَولك
الشيخ : عباس الرجال داس عتبتنا واحنا من اخذنه بته نسينا الخلاف الي بينا لزوم نروح ونزوره حتى تقوى علاقتنا بيهم

عباس : شورك وهدايه الله بس يابه بنته ترة متدري وماعدها علم بطيحه ابوها اذا علمت امي علمها لاتكول كدام درر
الشيخ : خوش حجي .. انطيهم خبر خل يحظرولنه ريوك حتى نتوكل
عباس: صار يابه تركينا ونبهت ع الي بالبيت محد يوصل لغرفه درر ولا يكعدها لان نامت متاخر كتلهم بس انتبهو عليها اذا تكعد حظرولها ريوك ( لان اعرف بزونتي كل همها الاكل )
وبعدها طلعنا نزور الشيخ ضاري بالمستشفى طبعا كانت حالته كلش تعبانه شفت ايهم وادهم هناك ايهم اسلوبه وتعامله كان راقي بمعني الكلمه اما ادهم حسيته محاب وحودنا عدهم بالمستشفى بس ميكدر يكول شي
طلبت من ادهم ادخل اشوف الشيخ واسلم عليه حتى نرجع .....دخلنا اني والوالد سلمنا عليه كان مابي يتكلم وشكله تعبان حسيته يسال بعيونه على در ر ..حبيت اطمنه عليها ... كتله عمي درر زينه وتسلم عليك حيل لايضل بالك عليها ترة بعيوني ... كان وقت الزيارة كلش قليل .. رحت على ايهم حتى اسأله هم ليش ضامين الموضوع على درر وبنفس الوقت الشيخ يسأل عليها لكيته متفاجئء من الموضوع

ايهم : شلون شنو هذا الحجي واني عبالي عدها خبر وانت مانعينها من الجيه لعدنا
عباس : لا خويه شنو هل الحجي بتكم ماعدها خبر ويوم الي تريد تجي لعدكم اني براسي اجيبها شنو هل الحجي
ايهم : كفو منك متقصر والله ابن اجاويد
رحت على ادهم سالت ليش محد ناطي خبر
ل

#فصليه واني صغيره

#البارت_12

عباس : رجعت للبيت واني مااعرف شكوللها ...سالت عليها كالو لسه نايمه ... صعدت فوك للغرفه بقيت متردد بين افتح الباب بين لا بس لازم اكعدها حتى اخذها لاابوها الرجال حالته تعبانه خاف يموت وانوب ابقى اكل بنفسي .. تالي دكيت الباب مره مرتين ماكو صوت ... صحت درر درر ... اذا كاعده لاتغلسين عليه ... هم ماكو صوت تالي فتحت الباب على كيفي اني ادري بي مفتوح لان عفته مفتوح وطلعت ...تقربت عليها شفتها نايمه ..مردت احرم نفسي من شوفتها وهي نايمه مثل الملاك بقيت اتأملها دقايق بعدين صحت عليها بزونتي ..بزونتي اكعدي
درر : كعدت من النوم على صوت عباس وهو يصيح بزونتي ... فتحت واني طافيه كوه فتحت عيني ... ها عباس شبيك شكو ليش انته هنا
عباس : صباح الخير ..يله ياكسلانه كافي نوم
درر : صباح النور
عباس : يله كومي لبين ماتغسلين وتغيرين ملابسج رح اكوللهم يحطولج ريوك حتى حتى نطلع
درر : وين اروح من الصبح
عباس : كومي ياكسلانه ياصبح اني اصلا منمت يله تحظري حتى اروح ... ها ومااحب الي تتأخر خلي بعلمج بس تتاخرين اغير رأيي .. يله بسرعه عفتها وطلعت ونزلت كتلهم حضرولنا ريوك ..وبعد شويه نزلت اميرتي وهي لابسه البنطرون والبدي والشعر المسبسب يخبل يبوووو ولج وين رايحين وانتي لابستلي هيج وج الاتخبلت يله اعوفج اطلعين هيج .... اذا نسوانه هيج صافنات عليج لعد الزلم شراح اسوي .
درر : نزلت راسي يم اذنه وشاورته عبيسان لعد شتريد البس

عباس : ههههههههههه ضحكت بصوت عالي بحيث الكل انتبه على ضحكتي ... طلبت من اختي تنطيها فستان او اي شي منها حتى تلبسه لان مستحيل اطلعها بهل اللبس هذا ..
ام الشيخ : شفت عباس وضحكته الحلوة من زمان مسامعه هاي الضحكه فرحت من كل كلبي عرفت كلبه رف ..
درر : غيرت ملابسي لبست فستان لونه بنفسجي فاتح ورفعت شعري فوك ونزلت حتى اتريك كعدنا ع الريوك وطول الوقت عباس يباوع عليه كلما ارفع عيني الكاه يباوع عليه
عباس : ياربي هم تنكرط بهل اللبس هذا شلون بيه هاي وين اوديها لو بأيدي اضمها من عيون البشر كلها بقيت طول الوقت اباوع عليها ... يله كومي عاد تأخرنا شكد تاكلين 😉😉
درر : هههه يله خل اروح الصراحه اموت واعرف وين رايحين
عباس : ههههههههههه ضحكت بصوت عالي بحيث الكل انتبه على ضحكتي ... طلبت من اختي تنطيها فستان او اي شي منها حتى تلبسه لان مستحيل اطلعها بهل اللبس هذا ..
ام الشيخ : شفت عباس وضحكته الحلوة من زمان مسامعه هاي الضحكه فرحت من كل كلبي عرفت كلبه رف ..
درر : غيرت ملابسي لبست فستان لونه بنفسجي فاتح ورفعت شعري فوك ونزلت حتى اتريك كعدنا ع الريوك وطول الوقت عباس يباوع عليه كلما ارفع عيني الكاه يباوع عليه
عباس : ياربي هم تنكرط بهل اللبس هذا شلون بيه هاي وين اوديها لو بأيدي اضمها من عيون البشر كلها بقيت طول الوقت اباوع عليها ... يله كومي عاد تأخرنا شكد تاكلين 😉😉
درر : هههه يله خل اروح الصراحه اموت واعرف وين رايحين

عباس : احنا نمشي والطريق كله اريد تطلع مني كلمه حتى اكوللها ابوج مريض وبالمستشفى بس ماكو مااكدر انطق كلمه وهي كذالك محجت شي
درر : بقيت ساكته انتضره يكولي وين رايحين بس هو ساكت .....تالي متحملت اسكت اكثر .. اكولك احنا وين رايحين ترة بعد مابيه اتحمل
عباس : بزونتي راح اكولج بس مااريد اي انفعال
درر : عباس احجي ترة وكفت كلبي ... كول بسرعه
عباس: شيخ ضاري شويه مريض وماخذي للمستشفى
درر : عباس بابا مريض شلون وشوكت واني ليش ماادري بدون تي شعور بدت دموعي تجري واكوله عباس استعجل .. ليش تمشي على كيف
عباس : درر اهدي ده امشي سرعه مااكدر اسرع اكثر من هيج مابي شي اني قبل شويه كنت يمه
درر : عباس انته كنت يم بابا واني مااعرف ليش ..ومنو كالك
عباس : اني اليوم الصبح سمعت وانتي كنتي نايمه رحت اني وابويه زرنا واطمأنينا عليه ... وهل جيت صحيتج وماخذج هسه اله .. مقصرت بشي ياعيوني ليش هل البجي وهل وصلنا المستشفى مبقى شي ... وصلنا للمستشفى نزلت بسرعه حتى بدون ماتلتفت عليه او تنتضر انزل وياها تصرفها ضايقني حيل حسيت اني مو مهم عدها بس رجعت عذرتها حقها وهذا ابوها
درر : دخلت اركض للمستشفى مشفت احد كدامي سالت على غرفه بابا ..عرفت رقم الغرفه رحت اركض عليه لكيت بابا حالته كلش صعبه وجسمه كله مربوط على اجهزة ... حجيت وياه فتح عينه وباوع عليه شفت فرحه بعيونه بشوفتي وياها نزلت دمعته ... بابا بابا ياروحي انتي ونفس البصدري ليش هل الدمعه ياعيوني من عمري على عمرك بابا اني اموت بلياك انته الي اليه بهاي تعرف . تعرف اني مالي احد غيرك بابا تعرف مو ... احجي واني متهستره ابجي ومااعرف شكول ... حسيت بابا يحرك بايده ويريد يحجي رفعت غطاء الاوكسجين منه حتى يحجي
الشيخ ضاري : (وبصوت كلش تعبان ونغس متقطع ) درتي ليش تأخرتي عليه جنت انتضر شوفتج
درر : ياروح درر انته اني هنا موجودة يمك بابا والله مااعرف بيك مريض مااعوفك بعد باقيه هنا يمك بابا لاتعوفني .. لزمت ايده بابا

#فصليه واني صغيره

#البارت_13

عباس جاي من بعيد رحت ركضت عليه حسيت روحي مشتاقتله وفاكدته ... عباس بابا صحى وحجيت وياه والحمد لله صار احسن
عباس : الحمد لله الف حمد الله ع سلامته .. حسيت كَلبي وكف بمجرد مالزمت ايدي بايدها
درر : بشعور لاارادي قربت ايدي ولزمت ايده وهمست انته شلونك اني اعرف مقصره وياك ....
عباس :( بصوت مخنوك ولهفه واشتياق ) هوايه مقصرة يادرر مكانج خالي
درر : ابتسمت ... انشاالله ارجع لمكاني بس خل تعدي كم يوم بعد ...
عباس : اصبر شسوي ماعندي غير حل مجبور اتحمل ... كانت بعدها الزيارة كلش قليله وشبه ممنوعه ع الشيخ وكفت ع الشباك الي كانت مكابلته بزونتي مع العلم حاقد عليه اكثر متتصورون واتمنى اكسرة ... سلمت ع الشيخ من بعيد حتى ارجع .... وبعدها صارت عندي ضروف وانشغلت حيل ..مكدرت اروح للمستشفى كنت دائما انتضر اتصال درر بس هي ماكو واني ماعندي رقمها بعد يومين رحت للمستشفى ملكيت احد سالت عليهم عرفت مطلعي للشيخ وماخذي للبيت من يومين .. اشتعلت بنار معقوله هيج اني مو مهم عدها اغيب يومين تمسحني من حياتها ولاكانما موجود ...اعصابي ثارت محبيت ارجع للبيت واني بهاي الحاله رحت للبستان وبديت اكطع بالشجر ذبيت قهري وحركتي كلها بالشجر واني اعصابي صايرة نار رغم كل مشاعري وحبي الها بهاي اللحظه احس كرهتها وتمنيت يمي حتى اعلمها شلون تحترم زلمتها ... بقيت بالبستان للغروب لحد ماهديت رجعت للبيت واني دشداشتي كلها وصخ وتراب تلكتي امي ... هايمه شنو هاي وين جنت .. انته مو جنت يم درر ليش هيج هدومك

عباس : اي درر ... عوفيني يمه عوفيني رحمه لااهلج رايح لغرفتي ولااحد يطب عليه والي يسأل عليه كولوله مهنا .. صعدت لغرفتي وبقيت افكر بيها هي ليش هيج اسوي ويايه اني حتى مأاذيتها بشي
درر : طلع بابا من المستشفى ورحنا للبيت واني بالي يم عباس مكدرت اكوله احنا طالعنا لان طلعتنا صارت ع السريع بعدها رحنا للبيت وهوسه انشغلت عنه شويه بس هم كل شويه انتبه على موبايلي انتضره يتصل بس ماكو استغربت من الموضوع
عباس : عدت عليه كم يوم واني على هاي الحاله عيني ع الموبايل واذني يم الباب انتضر منها خبر وبنفس الوقت غروري وكبريائي ميسمحلي اروحلها او اسال عليها وهي ممسويتلي اي قيمه وحتى مالي وجود بحياتها
درر : مليت من الانتضار معقوله عباس ميسال عليه .. رحت لاايهم .. ايهم بالي يم عباس شو من طلعه لا مر ولاحتى سأل
ايهم : والله مااعرف يجوز مشغول الرجال هو خطيه مقصر ويانا بالمستشفى انتي مكتيله احنا طالعين
درر : لا مصارت فرصه اكوله
ايهم : درر انتي شنو هل اللامبالاة الي عندج الرجال يوميه يجي للمستشفى انتي شلون متكوليله احنا طالعين ... لازم نتصل عليه فشله منه
درر : شلون نتصل عليه واني ماعندي رقمه
ايهم : عفيه ي المعدله .. خل اشوف ادهم بلكت عنده الرقم
درر: اوك انتضرك .. ايهم ايهم ممعقوله زوجه ادهم ماعدها الرقم .. اكيد عدها رقم اخوها
ايهم : هم صح .. همزين انتبهتي هنيالي ...
جبت الرقم مال عباس واتصلت عليه مرة مرتين وهو ميفتح خط
عباس : كنت نايم رن موبايلي باوعت شفت رقم غريب مالي خلك ارد .. مو مهم بعد ماخلصت الدكه انتبهت خرب يجوز هاي درر ... شلون مرديت عليها يعني انتبه شبيك .. رقم غريب اكيد .. رجعت اتصلت ع الرقم ... رد عليه شخص عرفني عن نفسه كال اني ايهم وتعذر مني لان مبلغوني عن طلعتهم اني اجاوزت الموضوع عادي وسويت نفسي ممهتم كتله عادي مصار شي المهم الشيخ هسه احسن ... سمعت صوت درر يمه حجت كالتله انطي اسلم عليه كَلبي دك بالدقيقه الف دكه من سمعت صوتها
درر : كنت متلهفه اسمع صوته اخذت الموبايل من ايهم وحجيت وياه سلمت عليه وطبعا من طولة لساني مااكدر مااعتب عليه مع العلم ادري اني مقصرة وياه .. كان رده كلش ثكيل عليه حسيت روحي شكد غلطانه بحقه بس معرفت شكوله ايهم عزمه ع العشا حاول يتعذر وكاله عندي شغل بس ايهم اصر عليه جاوبه اذا خلصت شغلي اجي ..اخذت الموبايل وبعدت شويه عن ايهم
عبيسان تعال مشتاقه اسمعك تكول بزونتي
عباس : لا ماكو داعي مو اله اجي سمعيها هسه بزونتي
درر : مو حلوة من تكولها واني اباوع عليك تطلع احلى ... عباس اني اعرف غلطانه بحقك وهوايه موشويه .. امانه اعذرني ولاتاخذ على خاطرك مني
عباس : انتي مو مقصرة اني مالي اي وجود بحياتج يله من رخصتج تعبان واريد انام شويه
درر : هي صارت عباس .... تريد تنام
عباس : يعني تعبان ماانام
درر : لا نام .. بس قبل لاتنام كولي تجي لو لا
عباس : الله كريم خل انام ومن اكعد يصير خير ... سديت التليفون ..ولج يا مااجي واني كَلبي مفرفح عليج مشتاق لطفولتج وخبالاتج ...مشتاق لكل كلمه تطلع منج . بلحظه وبكلمتين منها نسيت اهمالها واللا مبالاة مالها وحسيت لهفه بكَلبي اريد اطير عليها ... بقيت انتضر يخلص النهار وبلهفه احس الوقت صار شطوله وميمشي . .. ... صار المغرب لبست احلى لبس طبعا اني كشختي بدشداشتي وغترتي البيضه عطر وترتيبات .طلعت شاب انيق 😉
وعكب كل الكشخه وا

#فصليه واني صغيره

#البارت_14

درر : فدوة لكَلبك دومك واكَف بصفي وسندي انته ابويه الثاني ..هذا احساسي تجاهك
ايهم : ياعيوني انتي تربيتي ولج انته درة ريحه امي الغاليه
درر : بقيت انتضر عباس اطب واطلع للبيت واني لسه بقلق كلما يمر الوقت اقلق ازيد ..عباس اذا مجا للعزيمه يعني زعلان مني وراح تكبر المسافه بينا ..دخلت للمطبخ عود يعني معدله اشوفهم شمسوين امي نجمه كانت تطبخ كلشي معرفت درت وجهي وطلعت المطبخ ..شفت شجرتنا اني وعلي كدامي طلعت رحت عليها لكيتها احسن طريقه حتى اكضي وقت من زمان مقاريه الي مكتوب عليها ... بديت اقره لكيت هوايه كتابات اني مقاريتها ... من يوم الي طلعت من هل البيت وعلي كل يوم يكتب شي جديد كاتب تفاصيل دقيقه عن درر حسيتها انسانه مااعرفها واني اقره كتابات علي عنها خلال مااني اقره جا علي ... حط ايده ع الكتابه حتى مااكملها ... صحت بي وخر علي لااصير مكروه خل اخلص قرايه لبين ميكضي الوقت
علي : لا درر ممسموح تقرين كتابتي هاي الشجرة صارت خاصه بيه

درر : هاي الشجرة تخصنه اثنينا

علي : لا متخصج اني الي كاتبها وانتي مكاتبه حرف بيها

درر : بس كل حرف مكتوب اليه وهذا الي احنا متفقين عليه والدليل اسمي مكتوب ع الشجرة وبكل مكان
الشيخ عباس : الحمد لله والشكر راحووو ماكو وقت ادخل للبيت تاخر الوقت كلش حتى ماكات لشخص اني وين رايح صعدت السيارة بسرعه فتحت الجكمجه مال السيارة طلعت مشط وعطر اني بكل مكان احط مشط وعطر رتبت شعري شويه وطلعت ...مشيت سرعه مو طبيعيه حتى اوصل بسرعه والحمد لله وصلت باقل من نص ساعه.. نزلت كانو زلمهم بالباب .. محبيت ادخل واسبب احراج طلبت احد يصيحلي الشيخ ايهم والي لفت انتباهي الشباب واحد يباوع ع الثاني ويسال منو شيخ ايهم ..
جاوبت ابن الشيخ ضاري ... ها تقصد الاستاذ ايهم ..جاوبتهم اي هو صاحووو اليه طلع الرجال للباب الخارجي
ايهم : وسفه خويه صدك جذب انته من اهل الدار تدخل بدون أذن .. صحت بالشباب الي ع الباب ولكم انتو متستحون عايفين الشيخ عباس ع الباب
عباس : لا ياخويه مصار شي اني محبيت ادخل واسبب احراج
ايهم : اتفضل خويه اتفضل ... درر من زمان تنتضرك من العصر وهي تروح وتجي خبصنتنا
عباس : دخلنا للبيت واني طاير من الفرحه من عرفت درر تنتضرني يس مادامت فرحتي ... تقريب مندخل لمدخل البيت مااعرف شلون التفتت ع الحديقه شفت درر واحد مع شخص ... ايهم من رخصتك دقيقه .. هذا منو ويا درر ها هذا علي هم رابين سوه
عفته ورحت على درر واني صاير نار وهذا الشخص اني اتخبل منه بدون مااشوفه

درر : بقينا نتناقش اي وعلي اذا يحقلي اوكف يم الشجرة ولا لا حسيت كلام علي ونبرة كلها خشونه واول مرة يعاملني بهاي الطريقه ويكولي مرة الشيخ مو درة ... تعصبت منه حيل خلال هاي الاثناء حسيت اكو شخص ورايه وخلي ايده على جتفي من ورة درت ضهري شفت عباس بوجهي الدنيا مسايعتني من الفرحه .. ضحت بوجه حاولت احظنه بس هو بعدني عنه استغربت لموقفه
عباس : دخلي جوة وبعدين نتحاسب
درر : عباس شبيك
عباس : صحت بيها بصوت عالي كلت دخلي جوة ..انتضرت درر تروح ولزمته من ياخه دشداشته ... باوع .. درر مرتي واذا شفتك مرة ثانيه تفتر داير ميدورها ثق بالله متلوم الاروحك شايف هاي الشجرة الي انته مسوي دفتر ذكريات وربك اعلكك عليها وبنص بيت الشيخ ضاري .. اني نبهتك بعد ..عفته ومشيت واني عيوني تجدج نار اريد اخذها واطلع من البيت بسرعه بس مترهم مااريد احد يعرف بالشغله
علي : هددني وراح الشيخ واني مااكدر اكول ولاكلمه هو وين واني وين وهو حقه درر هسه مرته وحلاله ومن حقه يخاف عليها مني لان اعشكها واعشك كل حرف باسمها .. انداريت ع الشجرة وسحبت خنجري مسحت الكلمه الي جنت ضامه بأيدي عن درر كلمه احبج يابنت الشيخ .. كتبتها بيوم الي اخذوها فصلي واني جرت نهر عليها .. مسحتها وكون اكدر امسحها من كَلبي
درر : طول الوقت وطول مااحنا كاعدين عباس مرفع راسه ولاباوع عليه عرفته عصب لان شافني ويا علي بس هو حتى مسال هذا منو شلون يعصب بدون ميعرفه طول الوقت اني انتضره يباوع عليه وهو ولايمه
عباس : طول الوقت اني كاعد على اعصابي والكل انتبهعلى هذا الشي شكد محاولت اضم واكثر من مرة سالني الشيخ ضاري..... بويه محتاج شي واني اكوله مصدكت خلصنا اكل ..كمت غسلت ايدي وصحت على درر يله مشينا
درر : عباس وين اروح
عباس : لبيتج لو حلتلج الكعده هنا يابنت الشيخ ضاري
درر : اني مقصدت شي بس الوقت نتأخر خل نبات هنا والصباح رباح (عرفت عباس حيل ضايج مني من كالي بنت الشيخ معناها ضايج ومعناها رجعنا لنقطه البدايه )
عباس : تاخر الوقت .. سحبتها من ايدها حيل كتلها دقايق والكاج بالسيارة
درر : همست بصوت ناصي محبيت احد يحس على طريقه معامله عباس اليه ويكبر الموضوع عباس ايدي .أاذيتي ..صار بس انزل غراضي واسلم على بابا ونطلع

عباس : انتضرج بالسيارة 😒😒

درر : طلبت من امي نجمه تنزل غراضي لبين مااسلم على بابا ع السريع سلمت عليه وطلعت لكيت عباس بالسيارة

#فصليه واني صغيره

#البارت_15 #والاخير

عباس : بقيت انتضر واحس الوقت وكف مسافه كلش قليله ليش تأخرو عليه هلكد ..بقيت حاضن درر وكابس ع الجرح حيل ردت اوكف النزيف
خلال دقايق سمعت صوت سيارات وشفت اضويه ..كمت ركضت عليهم السياره بعدها مواكفه واني فتحت الباب ونزلت ابن عمي كان هو يسوق .. الكل تسالني شصار ومن ضربك احجي ... ولكم شحجى اني بحال الي ضربني هسه اكولهم درر مصوبه ركضت شلتها وحطيتها بالسيارة قبل مااصعد سمعت ابن عمي صاح شيخنا هاي منعديها ترة اليوم نهجم قريه الشيخ ضاري على روسهم ......
صحت بعلو صوتي وك شتهجم وك بنتهم ويايه ومصوبه مستحيل يهجمون عليه واني طالع من بيتهم وبنتهم ويايه ارجعو للبيو ويصير خير انشاالله ....
لا شيخنا مكملين الطريق امشي واحنا وراك ..
طلعت بالسيارة كل سرعتي واني عين ع الطريق وعين ع درر وكل لحظه احس كَلبي يريد بمجرد يتباطي نفسها .. بقيت حاط ايدي ع الجرح وامشي ... وصلت بيها للمستشفى شلتها ونزلت اركض احس اقدامي بعد متساعدني امشي الخطوة ليكدام احسها ترجع ليوه تلكونا الكادر الطبي حظرو السديه بسرعه ... اخذنا دخلوها عمليات واني بقيت انتضر على احر من الجمر ولد عمي يمي ميه الف سؤال سألو انته وين جنت ومنو صوب عليك وشلون .. واني سارح افكر بكلماتها الاخيرة من كالت والله احبك ..تمنيت تعرف اني اموت عليها قبل متفقد وعيها ... بعد شويه جوي عليه الممرضين كَوة اخذوني لغرفه التضميد لان مجرح بوجهي وايدي ضمدو جروحي وطلعت رجعت انتضر يم صاله العلميات شويه وشفت الطبيب طلع من الصاله ركضت عليه ... بشرني دكتور .
الدكتور : سلامات انشاالله مداخله الطلقه بعمق طلعناها وبعد شويه انشاالله تصحى وتكدرون تشوفوها ... بس لازم تقدم بلاغ عن الحاله لان دخلناها على مسؤؤليه المستشفى لان احنا نعرف
عباس : الله كريم هسه بس خل اشوفه اصلا مااعرف منو رمى علينا
بقيت انتضر هلكت من التعب واخيرا سمحولي ادخل اشوفها دخلت يمها نايمه ع السرير وجهها اصفر ولونها شاحب حيل بقيت اباوع عليها ودموعي تجرني لزمت ايدها كون بيه ولابيج اني كل الي صارلج من ورايه حسيت ايدها ضغطه على ايدي رفعت راسي كانت فاتحه عينها .. قربت ايدها من وجهي ومسحت دمعتي
درر : دموعك غاليه عليه مااريدها تنزل ...
عباس : الحمد لله ع السلامه ياعيوني سامحنى على الي سويته بيج والله مااقصد
درر : ماكو داعي تتاسف واني كل لحظه احبك ازيد واعشق نضره الغيرة الي بعيونك ... عباس اني
عباس : كولي عبيسان ياروح عبيسان وكَلبه
درر : عبيسان اني احبك لان انته تستاهل تنحب .. اني اعرف بحبك اليه بيوم الي كنت ويا بابا بالمستشفى وسمعتك .. تسال روحك هم يجي يوم وتكولين عبيسان احبك .. وهاي اني حبيتك وهم سمعتك من كلت اموت عليج من اول لحظه شفتج بيها .. بس بلحظتها حسيت راح اموت لهذا السبب غمضت عيني لان مااريد اسمع غير هاي الكلمه
عباس : ولج انتي لو باقيه مفتحه جان سمعتج كلام احلى بعد وج شعبالج جا انه معدل واعجبك .. بس انتي الخسرتي
درر : ههههه احجي هسه اسمعك
عباس : لا عيني لا بعد مااحجي استحي 😉😉😂😂😂
اكول بزونتي انتي مجوعانه
درر : اكول عبيسان شو انته كل همك الاكل اسمك تسألني جوعانه لو لا
عباس : مو اني جوعان ... مااكلت زين يم اهلج . . خفت لا انتي طابخه وانوب اسمم 😂
درر : لا والله ع اساس طاح بأيدك تاكل من ايدي .. عباس ترة تعبت وبطني توجعني حيل
عباس : ياعيوني ارتاحي لاتحجين .. والجرح لازم يوجع تحملي شويه وحاولي تنامين
درر : عباس اريد بابا .. خل يجي
عباس : محبيت انطيهم خبر بهل الليل وانتي تعرفين ابوج مريض ماكو داعي .. انشاالله باجر ننطيهم خبر .. زين عمري يله نامي شويه .. نامت درر واني بقيت كاعد انتضر طلع ضوه الفجر رحت طلعت للحديقه وبقيت افكر ياترى منو الي سوى هيج بيه احنا ماعدنا مشاكل ويااحد. . ومشاكلنا وي عشيرة الشيخ ضاري وفضت .. صفنت معقوله هذا ادهم .. لا لا ميسويها مستحيل بقيت بهل التفكير والقلق ياكل بيه .. درر صحت و ودت عليه الممرضه
.. دخلت للغرفه صباح الخير ياعيوني
درر : صباح النور .. عباس تعال هنا اريد احجي وياك ..
عباس : احجي اسمعج
درر : تعال تقرب عليه ... لزمت ايده عباس الكلام ثكَيل بصدري ومااعرف شلون اكَوله لو انته راح تتقبله او لا
عباس : درر احجي لاتخوفيني اني ممكن اتقبل منج كل شي
درر : ضغطه على ايده حيل انطيني وعد لو الي كلته صدك ..متتصرف اي تصرف بتهور
عباس : وغلاتك عندي مااسوي شي .. من ضغطه على ايدي باوعت عليها حسيت الخوف مالي عينها وحسيت الموضوع الي رح تكوله يخص الي صار ويانه
درر : اني شاكه ادهم هو الي هجم عليك
عباس : وليش هذا الاحساس منين جاج يعني . . ادهم شلون يهجم عليه وانتي ويايه
درر : ادهم حاول يمنعني اجي وياك ... اني تفاجئت من رده فعله  بس اني كنت مستعجله سمعته يكوله لاايهم لاتخليها تروح وياه .. ايهم رد عليه هو زوجها ليش حتى متروح وياه
عباس : وغلاتج عندي اذا تأكدادهم الي مسوي هاي الشغله

نات انتي ... وبعدها طلعنا من بيت اهلي بزفه وعرس وكان احلى يوم بحياتي رحنا لبيت الشيخ عباس ومن اول مادخلنا صرت مرة الشخ عباس رسمياً ... ومر اربع سنين على زواجي بعباس علاقتي بأدهم مقطوعه نهائيا بعد الي صار ..ومااروح لبيت اهلي نهائيا وعلاقتي بنمارق كذالك كلش سطحيه بابا دائما يجي عليه لبيتنا وكل خميس نروح نزور ماما .. اما اديهم فبعد الاحداث الي صارت رجع لبغداد واستقر هناك ووصارو بعد عنده اطفال اثنين واحنا دائما نروح لبغداد نزورة ... اما اني وعبيسان عايشين احلى حياة وصار عندي ولد سمينا وعد ..وهسه حامل وعبيسان لسه مُصر يصيحلي بزونتي ودائما يسالني نفس السؤال بزونتي مجوعانه ... ها ونسيت اكوللكم عبيسان يغار من اكثر متتصورون ودائما يكولي انتي تحبي اكثر مني .....




وليهنا وخلصت قصه #فصليه واني صغيره ️
انتظروني بقصص احلى واجمل😘

#فصليه_طب

القصه تتحدث عن فتاه حلمها ان تصبح طبيبه ناجحه وبعد عناء تحقق حلمها لكن بين ليله وضحاها تنقلب حياتها فهل ياترى هذا الانقلاب سيئا وينفي حلمها ام جيدا ويكمل حلمها لنرى?❤


#البارت الاول

مرحباا... شلونكم.... طبعا ح اعرفكم عن نفسي اني اسمي ياسمين عمري حاليا ١٩ بالسادس اعدادي طبعا عدت سنه تحسين معدل بس ع مود احقق حلمي واصير دكتوره واليوم اعلان النتائج ربي دخيلك اوكف وياي وكول لامنيتي كن فتكن يااارب قاطع دعائي صوت ماما
ام ياسمين:ياسوو يمه تعالي يله اجت مينا حبيبتي وينج
ياسمين: اي ماما جايتج
طبعا مينا صديقتي المقربه اني وياها صديقات طفوله حيل احبها وكاتمه اسراري خطيه حته عادت السنه ويايه ع مود لنفترق وهم بنفس الوقت رادت معدل احسن من معدلها مال العام المهم نرجع للاحداث
نزلت جوا لماما ولمينا
مينا:يللله ولج ياسو تاخرنه والله تاخرنه كولش
ياسمين: اي اي لتخبصيني واتوتر بروحي ميته
مينا: اي ديله
ياسمين ومينا:باييي
الام:باي يومه الله ينور طريقجن
طلعنه اني ومينو (طبعا هاي القابنه اني ياسوو ومينا مينو)
وصلنه المدرسه واحنه دم وكف بعروقنه😢
وصلنه ع نتائج واثنينه ناجحات شفنه معدلنه وهنا الصدمه اني معدلي يقبلني طب ومينا صيدله طرنه من الفرحه كمنه نكمز ونعيط بوسط المدرسه يارب واخيرا تحقق حلمنه ياااااارب الف حمد وشكر الك ياااربي خلص سنه التجي اني اداوم طب ومينا صيدله الفرحه مو واسعتنه طلعنا من المدرسه واتصلت ع ماما ابشرها
ياسمين: الووو ماما حبيبتي بااااركيلي باركيلي بنتج ح تصير دكتوره
ام ياسمين: كككلللللللووويش ولج يمه نضر عيني الف مبروك حبيبتي ومينو بشريني شطلعت
ياسمين: مينو هم طلعت صيدله
ام ياسمين: ماشالله يومه بنياتي الحلوات حبيباتي الف مبروك
ياسمين: ماما بهالمناسبه خ نطلع اني ومينا نفتر شوي
الام: اي حبيبتي روحو اتونسو الله يحميكم
ياسمين: طلعنا اني ومينا فرحانين ونمشي بالشارع ضلينه بس نفتر حتى ماكو مكان معين نريد نروحله بس نريد نفرح نتونس صارت الساعه ٤:٣٠
ياسمين: يله مينو خ نرجع هسه بابا وهيف ع وصول
مينا: اي يله حتى سامر هسه يرجع
ياسمين: رجعنه للبيت طبعا بيتنه وبيت مينا بنفس الفرع بس مسافه كم بيت وصلنه فرعنه تفاجئنه واني مينا انصدمنه وخفنه شفنه امي وام مينا وسامر وبابا وابو مينا كلهم بالشارع كملنه المشي بساع دخلنه الفرع ونشوف سامر واكف ومخلي ايده ع وجها
نقطع الاحداث خ اسولفلكم عني شوي اني ياسمين عايشه وي ماما وبابا واخوي حبيبي هيف طبعا هيف عمره ٢٦ سنه مخلص هندسه روحه رياضيه وكولش حباب يشتغل وي بابا وعندي اخت اسمها غزل عمرها ٢٤ متزوجه وعايشه بالبصره وي رجلها وعندها احمد عمره سنتين وحبيبي غيوثي عمره ٨ اشهر طبعا اني طولي ١٦٩ ادري طويله بس حلو طولي😂 وشعري فاتح كولش اشقر ورشيقه وبشرتي بيضا ناصعه وعيوني فاتحات جدداا ورموشي كثيفه بس مو طويله حيل يعني مثل ميكولولي اني حلوه ..نرجع للاحداث.. دخلنه اني ومينا والخوف ماكلنه جان وجه سامر ميبشر بالخير لان هو دائما يضحك ويشاقه واذا عبس يعني اكو مصيبه حيل جبيرررره واكعه علينه وهو وهيف جدااا اصدقاء واخوه بالرضاعه لان خاله ام سامر رضعت اخويه هيف وهيج يعني تخيلو ٢٤ ساعه همه سوه حته بالنوم والمنطقه تحلف بصداقتهم واخوتهم المهم وصلنه يم البيت
ياسمين:ماما شصاير شبيكم ليش هيج وجهكم
مينا: ماما خاله سامر حبيبي شبيك ليش معبس شصاير احجووو خوفتونه ولله
ياسمين: ماما دحجي شكوو بابا شبيكم ليش تبجون شصاير احد ميت
ابو ياسمين: بويه فوتو جوا وهسه نحجيلكم
ياسمين: دخلنه للبيت كلنه واني مينا متكاودات ووجوهنه صارت صفرا من الخوف
ياسمين: احجوو عاد ولله راح اتخربط
مينا: عمو بابا حبابين احجو ولله خوفتونه واحنه فرحانين بشهايدنه
ابو ياسمين: ياسو مينو بابا اسمعوني هيف دعم ولد اليوم الصبح و
ياسمين:شنووووو بابا شدتحجي والولد شلونه خما مات وهيف وين
مينا: عمو شنو دعمه احجي عليك لله شصار بعدين
ابو ياسمين: بس انطوني مجال اخذنه الولد للمشفى بس للاسف الولد مات ودزينه خبر لعشيره الولد وطلع ابن شيخ عشيره بالبصره وابو وعمامه حجزو هيف عندهم يكولون الدم بالدم
ياسمين: شنووووووو بابا هاي شدتحجي اخويه وين شنو دم بالدم قابل هيف متقصد بابا رجع اخويه اريد اخويه كمت ابجي بحركه واعيط تهسترت ووكعت من طولي
مينا: عزااااا العزاني صدك تحجون يعني شنو ح يكتلون غيث لا عمو حبابا شلون ميصير هيج يربي ح يكتلون اخويه!!!!!!!
طبعا بحكم هيف اخو سامر ف باعتبار اخو مينا هم احنه كبرنه ع هالحجي
..................................................................
ياسمين:
صحيت واني بالمشفى ويمي ماما وبابا ومينا يبجون
ياسمين: ماما وين هيف حبابه ولله اموت اذا يصيرله شي يومه ماعندي غير بالدنيا بابا حباب هذا سندي وينه بابا
ابو ياسمين: بنتي اهدي ربج يحلها

ياسمين: صارت الساعه ٧ خرجنه من المشفى ورجعنه للبيت
طبعا اني كبرت بعيده عن سوالف العشاير وهالحجي حت