///// #البارت احدى وســـبعون /////

ج2


من سمع الكلام نسر عاط " منو هااااي يمة ؟"

بسرعة طبگت الموبايل " هااا هاي هديل بس ابد ماانطيتها مجال والله "

رد " وليش اصلا تحجين وياها "

ردت " شمدريني بالاول امها حجت وياي ودور اخذتها من امها تبجي وتگول اعيش خدامة بس اربي بنتي وكلشي مااريد "

هز ايده " مافكرت ببنتها قبل .. اصلا وجودها من عدمه نفس الشي .. احذفي رقمهم وبعد ابد لاتردين عليهن اذا خابرن "

دخلت لجوة جانت عذورة گاعدة..
" شلون صرتي ؟"
ردت " شلوني ماادري اشو مااحس بتحسن "
رديت " قابل ترديها بسرعه ماصارلج هواي من بديتي العلاج .."

دخل نسر وراي بعصير الفواكه .. غمضت عينها
" لاحبابين مااريد "

رد " مو بكيفج "

تركتهم وطلعت اشوف البنات ..
جانت دنو تلعب وي ملوكة ..
شافتني ابتسمت " ماما شوفي ملوكة تضحك "

گعدت يمها احجي وياها والعب .. صايره تنتبه وتضحك
اجو بيت عمهم وقصي وياهم ومرت قصي ..
اجو يشوفون عذراء ..

كعدنا البنات وحدنا واجت بيداء هم دايما تجي بعد العشا ..
حتى نسر طلب منها ترجع يمنا وتاخذ الطابق الفوگ كله الها هي وولدها ..

سألت رغد على هديل.
" اگلجن مرت نسر الثانية صدگ طلگها ؟؟"
ردت بيداء " اي صدگ "
ردت " وهاي بنتها خطية شلون تحرموها من امها "
ردت بيداء " ليش شامريها بالشارع غير يمنا ومحد مقصر عنها "
ردت " مااعرف اشو احسها صعبه ام تنحرم من ابنها ..
ماگلتلجن اختي حامل وراح تنطيني الطفل .. گالت ولد بنية هو الج .. لان عندها سته وهذا صار بالغلط "

سألتها عذراء " لعد خطية شلون تاخذيه وتحرميه من امه "

ردت " هاا لا هذا الوضع يختلف . اصلا هي بس تجيبه تنطيه الي وهي گالت اريد اذبه واعقد .. گلتلها جيبي وانطيه الي وعقدي ليش حرام تذبه ع الاقل اني اربيه "

سألتها اسراء " مو ع اساس مرت عمي تريد تزوج قصي"
شهگت " بيش طالباته يمة .. اصلا گلتلهم احرگ روحي اذا فكر يتزوج .. كلتلهم اخذله بنت اخوي عمرها 30 سنة ماقبلوا گالوا خاف بيها حرام وحلال ماندخل بهيج امور .. تحلم ازوجه غريبه وتاخذه مني ماادري شذر شلون قبلت "

سألتها بيداء " يعني اذا زوجتيه بنت اخوج ماراح تاخذة منج وخاصه هي اصغر منج "

ردت " لا ع الاقل هاي بنت اخوي مو غريبه وولدها ولدي يعتبرون مو مثل الغريبه "

ضحكن البنات " والله رغد مانعرف شلون تفكرين هي بعد الضرة مرة سواء قريبه او غريبه "

بسرعة قلبت الحجي عليه اني ونسر وصارت تگلي انت شنو مربية البناته روحي عالجي نفسج وشوفيلج طفل

اشرتلي عذورة .. " شذر مشايفه علاجي وين اريد اخذه"

كمت بسرعة وراها .. واسراء تركتهن بقت بس بيداء يمها صرعت راسها بالسوالف .
ودور تگلها ماتفكرين تتزوجين المن باقيه هيج ..

ردتها بيداء " يااا شبيج دادة يعني من جنت شابه مفكرت اتزوج هسا لمن ابني بطولي وعلى وشك زواج افكر اني بالزواج "

لزمت راسها عذراء " يبوووو الله يساعد قصي عليها "
اجت رساله الموبايلها ..
فتحتها ابتسمت ..
سألتها " شنو سر هالابتسامة "
ردت " تعاي شوفي هذا الرقم كل يوم الصبح يدزلي صباح الخير وبالليل مساء الخير او تصبحين على خير وابد ميحجي غيرهن ورغم ماارد عليه بس مستمر شله خلگ "

رديت " احم احم معجب سري"
ردت " لو يدري بيه على حافه الموت مايتورط "

عطت بيها " اسم الله شنو هالحجي ليش هيج متشائمة"

اتنهدت " لان تعبت "
رديت " وين ذيج عذراء الكلها حيوية.. "
ردت " وج ماتحمل الالم .. يعني بس ما اخذ مسكن اتأذى ساعات احس حتى المسكن مايمشي بجسمي بعد"

رديت " والمسكن هم مو زين هواي "

طلعوا بيت عمهم ..
نومت ملوكة وفرشت الي والنسر بالاستقبال ..
سحبني الحضنه وغفة على صدري..
" اشتاقيتلج واشتاقيت الريحتج والبيتنا وگعداتنا .. من يوم مرض ملوكة واني ماشبعان منج .. "

باوعتله " انت قربك مني وانفاسك من تنام يمي كلش كافي "

ابتسم " بس اني طماع مااكتفي بالقليل كلما تنطيني اگلج هل من مزيد "

ضحكت " وشذر ماتگول لا النسرها "

ضحك " يعني معناها اجاني الضوء الاخضر "
هزيت راسي سحبني الحضنه ..

وصارت اجسادنا تتلوى .. فأبحرتُ مستسلمة للمسـات محبوبي .. فلم اكن قادرة على كبح ذلك البحر الهائج الذي جعلني اغوص بأعماقه ..
واتلذذ به كأنه قطعة سكر تذوب بطرف لسانـي..

عذراء :
بكل مرة اخذ العلاج اتأذى اكثر .. صرت ابجي واعيط
بس حسام ماتركني ابد…
رغم دوامه وعيادته .. لاحظت اهتمام بيه مو طبيعي
وفهمت ليش كان يحاول يبعدني عن معتز سابقا ..

كان دايما يحذرني بطريقة غير مباشرة بس مااسمع منه واصده ..
لان كان حبي اعمى او يمكن حكمت عليه بسبب مريم

قررت ارجع للدوام لان احس البيت يخنكني بس بأيام العلاج اخذ اجازة احسن ..

داومت الكل تحمد السلامتي ..
گاعدة بالمختبر رن موبايلي ..
باوعت هذا حسام ..
رديت " الو "
رد " شلونج اليوم ؟"
رديت " احسن "
رد " لاتبقين بالبيت اطلعي للحديقه الصبح اشتمي هواي تمشي لاتبقين نايمة "

///// #البارت الثاني والســـبعون /////
ج2


عافها ودخل للاستقبال .. راحت وراه تركض ..
" لو ترجعني البنتي ومااطالبك بأي شي .. او تنطيني بنتي اخذها وياي "
اجيت يمهم ومااعرف ليش كسرت خاطري من تبجي .. اشرتله باوعلي ورد ..

زين !!
ترجعين بس محرمة عليه وماارجعج الذمتي يعني مااعقد عليج حتى ماتطالبيني بشي بيوم من الايام .
هااا شگلتي ؟؟

انصدمت مااتوقعت هيج يگلها .. صح كسرت خاطري ولان ام .. بس مستحيل انسى السوته بيه او بنسر ..
تهمتني بشرفي وفرقتنا ورادت تموته ..

ردت عليه بسرعة..
" اي موافقة "

سألها بأستغراب " يعني ابوج يقبل تجين تعيشين هنا بدون عقد "

ردت " اني اقنعه "
ردت امها " ابوج لو تموتين مايقبل .. يذبحج ومايخليج ترجعين هيج "

رد نسر " هذا العندي .. مال ترجعين مرة الي مستحيل ارجعج انلدغت مرة منج ومااعيدها بعد "

طلبت تشوف بنتها ..
ملوكة بس شافتها صارت تبجي عرفتها بسرعه رغم هواي مشايفتها .. بالكوة اخذتها خالة وسكتتها ..

اخذت امها وطلعت ..
باوعتله ودرت وجهي ودخلت ..

اجة وراي ..
" شبيج "
ضحكت " شبيه شنو .. اشرتلك حتى ترفض لو حتى ترجعها "

رد " منو گال رجعتها .. اني ذليتها واذا رجعت صدك تتحمل الذلة.. شفتي ملوكة شلون بجت عليها .. ملاك مريضه مو مثل دنو ربتيها انت وتعودت عليج "

رديت " لعد خليها عند امها ليش تاخذها منها "

رد " وعلاجها فهميني .. مستحيل انطيها ملاك .. وبعدين اعرف ابوها مايقبل يعني اني نطيتها شرط تعجيزي فلا تشغلين بالج "

رديت " باوع نسر .. من عمر 16 سنة واني اشوفك سند الي .. شما سويت سامحتك وقابلتك بطيبة گلب سواء انت او اي احد يأذيني ماحقدت يوم على احد .. وماانكر ملاك قاهرتني وحرام تنحرم من امها .. بس مو معناها ترجعها .. كلكم حتى خاله من تحجون تذكرون السحر السوته وبس .. ماتذكرون انه هي طعنتني بشرفي وردت اموت بسببها .. شلون تثقون بعد بوحدة مثلها .. وهي شنو فرقها عن مريم اثنينهن اتفقن عليك ودمرن بيتك شمنتظر لمن يهدمنه كله "

رد بعصبيه " شبيج شذر انت تفهميني لو لا .. ماترجع شبيج واذا صارت معجزة وابوها وافق .. اصلا راح تكون حالها حال اخواتي بالبيت او اخليها يم بيداء علمود ملاك وعلاجها بس والا مستحيل اباوع بوجهة انت عندي كلشي بدنيتي شلون تتوقعين افضل حثالة عليج .. "

رديت " لا تستغل طيبتي نسر .. ولاتختبر حظك مثل كل مرة . اذا دخلت مرة هديل برضاتي .. فهسا مستحيل تدخل الا على جثتي لو طلاگي .. وانت اختار بعد "

ردت خاله " يمة يكلج مايريدها علمود بنته "
ضحكت " انت وحدة من الناس خاله لو بجت الج بسرعة تجين تنگين ع راس نسر ياخذها "

ردت خالة " ادري بيج راح تبقين تلوميني "

رديت " لعد الوم منو گليلي . نگيتي ع الطفل واريد ازوجه وهاي النتيجة ..
استغليتوا سكوتي وطيبتي وياكم ومانصفتوني ..
فوگ تركني انزف وردت اموت ومحد اجه وشافني ..
لو ماخاله تجي جان اني ميته .. وفوكاها بدل ماتسألين عليه .. صرتي تسألين على خالتي ومنين .
اي عندي اهل بس تركتهم كلهم لان اذوني .. اختاريتكم انتو اهلي وحبيتكم . اعتبرتج امي والبنات اخواتي وتالي بكل مرة تصير شغله كلها تدير وجهها عني..
انطيني يوم اذيتكم بشي او حفرت من وراكم .
الوحيدة التعاملت وياي بطيبة گلب هي عمة خديجة رغم عرفت اهلي وكلشي عني بس اعتبرتني بنتها "

قاطعتنـي " يمة كافي موتي نفسج هذا كله ضامته بكلبج علينا شبيج انهديتي "

اتنهدت " لا ابد والله ماضامة بكلبي عليكم بس هاي الحقيقه .. والحقيقه مرة .. تعبت من اتصرف وي المقابل بحسن نية وهو يتصرف وياي بالعكس "

رد نسر " كافي لاتفرفحين الترديه يصير "
رديت " المفروض انت تعرف الاريده بدون مااحجيه "

تركته ودخلت للغرفة ..
باوعتلي عذورة جانت تعبانه ووجهها اصفر…
" زين تسوين اذا رجعت اني هم ماابقى هنا اروح وياج"

اتنهدت وسكتت ماردت ازيد همها ..

گمت سويت غدا ..
دااغسل الخضرة اجة حاوط خصري بذراعه وسحب شعري وشم رگبتي ..

ابتعدت عنه ..
ضحك " هاي شنو الحلو زعلان بعده "
باوعتله " هذا مو زعل الزعل الحقيقي بعدين تشوفة "

رد " وحق الخلقج احبج .. وانت بكفة والدنيا عندي بكفه .. شنو هديل او غيرها مايوصلن الاضفر رجلج "

سكتت عنه ..
ضحك " يابة تخبل الغيرة عليج تموت .. لو ادري مخلي هديل تجي من زمان شو ماجنتي تغارين قبل ؟"

رديت " منو گالك مااغار .. بس جنت بأمر واقع وماشفت شي عليها حتى اخرب حياتها . بس بعد الصار الوضع تغير .. نسر اكثر واحد تعرف اني شگد انظلمت اياك تظلمني بعد "

صار يشاقيني ويسوي حركات ويحضن… ابتسمت بثگل مااتحملت ..

اجت دنو من الدوام هسا هي بالسادس ابتدائي تحب الدراسة كلش حتى دراجتها عالية ..

طلعت ورقة من جنطتها " ماما باجر گلولنا اجتماع الامهات قبل الامتحانات يردون يجتمعون بيكم "

ثاني يوم اخذني نسر ورحنا ..

///// #البارت الثالث والســـبعون /////
ج2


‏لا سلطة لنا على قلوبنا .. هي تنبض لمن أرادت ..

فالقلب عبارة عن عضلة في جسم الانسان نحاول جاهدين ان لا نجعل لها القدره على التحكم بناَ كثيراً ..

ولكن بعض الأشياء تدفن فى اعماق القلب ونردم عليها بتراب إدعاء النسيان لكنها تظل حية عالقة فى الوجدان تظهر فجأه لا نستطيع التحكم فيها ....

سمر :
بعد وفاة هاجر .. البيت ماعاد مثل الاول .. حياتنا تغيرت ماعاد حتى تجمعنا مثل قبل ..
مرت عمو عامر تمرضت وشحالها بغياب هاجر .. عمو عامر حتى مايجي بعد للبيت الا بالليل او مايجي اصلا

بيبي وجدو تعبانين حيل .. ومن رجعت من المستشفى سكنت غرفتها ماطلعت بعد ..

جنت اسويلهم الريوگ او الغدا واخذه للغرفه .. وين جانت قبل تجمعنا كلنا يمها بالصاله..

اما ارشد فمثل عادته يطلع الصبح يجي بالليل ياخذ قمورة يمة ينومها ومرات تنزلي بالليل تنام يمي ..

من اشوفه بهيج حالة اتأذى .. بس مابيدي شي اسويه حتى مااگدر احجي وياه لان هو ع گد السلام ويصعد

ملابسه امه تغسلهن .. بس مرات تگلي انظف غرفتهم لان البنات امتحانات ..

صعدت للغرفه فتحت الباب .
جانت مرتبة بس ملابس ع الكرسي اكو .. تذكرت هاجر من تگول ارشد ارتب مني .. اني من اريد حاجه اگلبها للغرفة گلاب ..
وهو يجي وراي يرتب . نظفتها وشلت الملابس اشوفهن نظيفات لو لا ..

فتحت القميص جذبتني ريحته .. قربته على خشمي اشتمه .. اشتميت ريحته وغمضت عيني ..
سرحت وياه الاحلامي .. تخيلت بيوم هالريحة راح اشتمها عن قرب .. بيوم راح يتغير كلشي ويصير هذا مكاني وقمورة بينا..

الريحة خلتني انسى نفسي لدرجة انفتحت الباب واني
ماادري ..
" وين صرتي لسا "

بسرعة انتبهت شمرته ..
ضحكت " طلعتي مو هينة.. بله من شوكت "

رديت " سحر مو لگيتيلج فرصه تحجين بيها "

طبگت الباب ودخلت صارت تگلب بالقميص " اوووع شتشتمين بي بله .. انتي مو صاحيه طبعا "

رديت بعصبية واني اجمع بالملابس " يلة كافي سدي الموضوع اني اطلع احسن الي "

اخذت الملابس وردت اطلع ..
" وج شعاجبج بهذا هم شايف نفسه وهم اكبر منج وعندة بنيه هو هذا ذوقج ..هسا لو من ذولاك الاثنين عاد اهون "

تركتها وطلعت مااتحملت استهزائها بيه كعادتها .. بس خفت لاتفضحني لان اعرف تصرفاتها بعد ماتنحزر تغيرت كلش ..

شغلت الغسالة وبديت اغسل ملابس شكو ملابس موجودة غسلتها بدون استثناء بس اريد انهزم من نضراتها .. صارت كلما تشوفني تبتسم وتلمح وكأنه لگتلها شغله تتونس بيها ..

حتى الغرفه لليل يله دخلتها وياي قمورة ..
شافتنا ابتسمت .. " شكد حياله واني اكول شألها خلگ متحملة طفله وتعبها تالي طلعتي راسمه على ابوها .. بس ياترى هاجر جانت تدري لو لا "

سكتت عنها ..
دا انوم بقمورة .. اندگت الباب توقعت وحدة من البنات .. سحر نايمة ومخليه رجل على رجل ..

انفتحت الباب فزت من مكانها وعاطت ..
" شبيك متستحي تدخل هيج ماتگول اكو بنات بالغرفة"

رد ارشد بعصبية " صوتج لج وربي اكصه للسانج مو دكيت الباب شبيج متسمعين مو هاي اختج وياج "

ردت " وانت اصلا شعندك جاي عندك شي دز البنات لو ماكو ذوق بهذا البيت "

رد " استغفر الله . لاتخليني ابتلي بيج بهالليل مخلي الذوق الج .. اخر من يحجي بالذوق انت لاعندج احترام لجبير ولا لصغير "

اشرلي " سمورة انطيني قمر خليني اروح "

شلتها بهدوء نطيتها اله .. اخذها وطلع ..
حجيت وياها " انت شلون هيج تحجين مو دگ الباب اشو ماتحترمين احد "

ردت " اي طبعا لا تدافعين مو هذا الحبيب الخفي شي طبيعي متنطين بي .. بعدين مخليه الاحترام الج .. طفي الضوة خلي ننام يله "

سديت الضوة ونمت .
فعلا ماتستحي صايرة .. ماكفاها المشاكل وي هنودة اجت هسا تكملها ..

ثاني يوم اني انظف المطبخ وهي تغسل بالطارمة من الصبح .. لان احنة بثمانية نگعد تصير هوسة الصبح بين البنات للدوام وهم كلهم شغل ودوامات..

رفعت دشداشتها وتغسل بالطارمة ..
شفتها طلعت " سحر نزلي دشداشتج الولد بعدهم بالبيت لايطلع احد يشوفج "

ردت " اليطلع يكح يسوي اي شي مالي دخل .. "

ضجت حيل منها ذيج المرة سوتها وهنودة تعاركت وياها لان احمد دخل وگلتلها متعمدة حتى تغريه

بس هالمرة لا .. بعدني ممكمله طلع ارشد للكراج علمود سيارته ..
مر من يمي وسلم " صباح الخير سمر "
رف گلبي رديت " صباح النور '

شافها دنگ بسرعه وراح للگراج .. وهي ولا عبالك ..

سحبت الصوندة منها " بعد متغسليها اني اغسلها ادخلي يلة وبعدين ماجنتي تگعدين من الصبح شگعدج ؟"

ابتسمت " ليش لازم غرتي لان حبيب الگلب شافني .. اعترفي غرتي لان اني احلى منج وعندي انوثة وجاذبية اكثر .. لدرجة انت وهنودة تغارن مني "

هزيت ايدي " انت مريضه مستحيل تكونين صاحية "

تركتها ودخلت .. وقررت اتجنبها لان اعرفها راح تستفزني بكل دقيقة ابتعدت عنها بلكي تنسى وتصرفاتها تغيرها…

عذراء :
اعلان حب حسام كان بمثابة هدف للعبة كرة قدم بالوقت بدل الضائع ..

///// #البارت الرابع والســـبعون /////
ج2


حسيت الخبر مثل الصاعقة اجاني ..
ركضت گعدت نسر وهو نايم ..
فز " شكو ؟"
رديت واني معصبه " وحق الله لو اجت واستقبلتها ماتشوف خيالي بعد هالمرة تخسرني نسر فهمت تخسرني "
رد " هي منو شبيج ؟"
رديت " هديل منو غيرها ؟"

گام من نومه مفزوع " شجابها لهنا "
رديت " مهزومة من اهلها امها خابرت الخاله "

گام بسرعة حجة وي خاله .. حجتله الحجته امه ..
دخل جاب موبايله واجه ..
" هاي مو صاحيه ابد ابتليت بيها خوما ابتليت "

خابر الابوها .. رد عليه يعيط ويتهم نسر عود هو الگايللها تعاي ..

نسر تعصب عليه " اني مو اجيتك وطلكتها بعد شلون اكلها تعاي .. اذا بنتك ماتگدرلها اني شنو ذنبي ابتليت اتزوجتها "

ابوها تعصب وگاله خليها يمك خدامة ذلها اكتلها شتسوي بيها سوي اني بعد ماعندي بنيه ماتت ..

طبگ التلفون بوجه نسر ..
صفنت بوجهة " وهسا شتسوي "

رد " خل توصل ونفتهم "
رديت " شنو توصل .. تحجي صدگ .. اذا خلت رجلها بالبيت ماابقى بي "

اتنهد " شذر شبيج وياي تشوفيني ميت على رجعتها بس انطيني صبر "

تركته ومشيت للمطبخ .. النار تغلي بيه اول مرة احس بهيج شعور ..
اندكت الباب توقعت هي اجت .. فتحت دنو الباب ..
دخلت وبيدها جنطتها وشكلها شحاله .

سلمت .. صارت عيني بعين نسر منتظرة شيحجي ..
گام من شافها " انت شلون تطلعين من دون علم اهلج "

ردت " انت مو كلتلي احجي وي ابوج وتعاي .. گلتلك مااريد اي شي منك بس بنتي "

عاط بيها " گلتلج احجي وي ابوج مو انهزمي منه .. وبعدين حجيت هيج ردت اعرف كرامتج لوين توصل لان ماكو وحدة تقبل تعيش خدامة وبدون عقد .."

بقت تبجي وتتوسل " حرام عليكم گلتلك انطيني بنتي ماقبلت .. وين اروح هسا .. كلشي مااريد منك حتى لو تأجرلي بيت صغير عسى ما غرفه ومطبخ واني وبنتي نبقى بي "

رد عليها " من شوكت هيج مهتمة البنتج "
ردت " وليش مااهتم مو بنتي هي .. حرام عليك تحرمني منها "

اتنهد " خلي ابدل واخذج الاهلج اكيد ابوج يقنع بي احجي وياه "

ركضت تتوسل بي " لا حباب والله يموتني والله .. خاله حبابه لاتسوون هيج بيه .. اعيش خدامة الج بس خليني هنا .. وانت وشذر مالي علاقه بيكم ولااوصللكم .. او خليلي بيت وحدي اني وبنتي "

سكت وبعدها رد " هسا ادخلي ويصير خير خلي اشوف حل "

انصدمت من حجة هيج… هي دخلت غرفتها واخذت بنتها الحضنها ..
مااتحملت درت وجهي بسرعة ..
وصحت " تعاي دنو ماما لمي ملابسج "

اجة .. وراي " شذر لاتكبريها خليني اتصرف اهدي "
ضحكت " شأهدأ .. هي جايه ومتأكدة ماتشمرها بالشارع .. وتعرف بغيرتك ماتسمحلك الهيج جايه ومرتبه وضعها. سبق وان گلتلك اذا داست رجلها البيت اني اطلع .."

رد " اهدي ادزها يم بيداء مااخليها هنا "
رديت " ماتفرق عندي المهم رجعت الحياتنا .. كلتلك تخسرني وهاي فعلا راح تخسرني .. اخذني البيت عمة اني ودنو .. وهاااا دنو وياي ولاتحلم اخليها هنا "

حجة شكد وحاول يقنعني ماقبلت ..
" شبيج هي محرمة عليه ومطلگها واذا تبقى فحالها حال اخواتي .. "

ضحكت " الى متى ؟؟ يوم يومين ثلاثة .. وتالي تبدي حيلها وتسحبك الها.. مو ردت تموت بسببها شلون تقبل ترجع شلون .. طعنت مرتك بشرفها شلون تقبلها ترجع "

اخذت غراضي وطلعت وخاله وراي تكلي ارجعي لاتخربين بيتج ..
درت وجهي " انخرب بيتي من يوم الجبتيها لهنا انت حتى ماساندتيني وگلتي مااريدها بالبيت بقيتي ساكته"

وصيت دنو تروح البيت مشتاق ..
حتى ماقبلت ياخذني هو ..

رحت البيت عمة ..
ااااه يهالبيت شوكت استقر بيك بدون مااجي زعلانه
خابرت خاله حجيت وياها ..
جانت حالتها فد مرة خطية ماتگدر تحجي .. سكتت ماشكيتلها همي ..
سالتها شبيج ..
" لج امي هاي الاشهر الاخيرة تعبتني حيل ودور شكل عندي ضغط حمل .. الدكتورة گالت لازم نسويلج عمليه لان الضغط يكتل الطفل ..
انطوني علاج وابر .. وحددتلي موعد العملية ..

فرحت " يعني اخيرا راح يجي ولي العهد .. "
ردت " الله كريم "
رديت " لعد اني خيطتله ملابس تخبل اجيبهم واجي يمج .. "

دزيت رساله اله حتى ميكول طلعت من وراي ..
" رايحة الخالتي مريضه وعلى وشك ولادة "

رحتلها جان السيد خطية مبتلي بالبيت .. من اجيت سلم وطلع ..
گال " اخذن راحتجن واي شي يصير خابرني "

طلع السيد نظفت البيت كله ..
هالمرة زينب گامت وياي زينه .. وحبت دنو لان كم مرة اجي واجيبها وياي ..
رتبت البيت سويت كبة وخليتها بالمجمدة تفيدها عشيات ووقت العازة ..
جهزتلها كلشي .. بس بالي يم نسر وسوايته وياي ..

خابرتني عذراء ..
" انت وينج شلون تطلعين من البيت لج هي المفروض ماتطلع "
رديت " اخوج اختار هيج معناها حبي مو كافي حتى يختارني "

ردت " هو وينه اخوي .. اخذ ملابسه كلها وراح يم بيداء وانت ماهي .. وهي ماخذه راحتها ..
اني هم ماابقى وگلتلج "

رديت " وين ترحين قابل هي خلتنا امام الامر الواقع "
ردت " لعد خلي البيت الها وبعد اذا اجت اسراء هم ماتقبل ..

///// #البارت السادس والســـبعون /////
ج2


طلع جدو واني التهيت بملابس زمن .. اريد اكملهم قبل زواجها ..
خابرت خاله ..
" هلو امي شلونج "
رديت " على الله انت شلونج الحسن شلونه "
ردت " زين ويگول اختي الجبيرة ماتسأل عليه "
رديت " حقج وحقه بس ماشاء الله جنها المصايب بس علينا تركض نريد شهر نرتاح ماكو "
ردت " استغفري ربج كل هذا اختبار .. اكثر من الصارلي والحمد لله بالاخير جبر خاطري بالحسن وابوه واخواته"
رديت " الحمد لله واني شوكت يجبر خاطري "
ردت " والله حلمت بيج حلم يخبل البارحة .. "
رديت " ياالله .. ماتجيبين البنات وتجين يمي "
ردت " مو اليوم خليها الباجر السيد يروح للبصرة واخليه يجيبني اني والبنات يمج "
ثاني اجت خاله من الصبح جابهم السيد وراح ..
سويت ريوگ وگعدنا كلنا ..
دنو فرحت من شافتهن… تحب بنات بعمرها ..
زينب متغيرة حيل مو ذيج الجانت ماتباوع حتى بوجهنا .. ماتخلي اخوها ينزل بالگاع ابد .. خاله تگول وياي بالبيت ابد ماتخليني لو الاخوها تشيله عني من اشتغل "
واخيرا خاله صبرت ونالت .. زوجها انسان صالح وصاروا عندها اثنين بنات وولد ..
سألتها على امي " ماكو خبر عن امي "
تنهدت " ذيج المرة اجونا بيت سعد .. ومن حجيت وياه غير الموضوع مايقبل يحجي "
رديت " زين ليش معقولة كاتلها ؟"
ردت " لا مااعتقد بس احس وراه شي .. والا لو منهزمة صدگ جان ماسكت لا هو ولا عامر "
سألتها " خاله لفت نظري شي ؟؟ خالو سعد نگول اخته ونزلت راسه وسبب موت ابوه منها وهيج يسوي .
عمو عامر ليش يسوي هيج ؟"
اتنهدت " مو عمي جان رايدني العادل وسماح العامر "
سماح من يومها تكره عامر وتگول متسلط وعصبي لو يحلم مااتزوجه من هي وصغيرة تكرهة بس هو لا ..
لدرجة من صار الصار تأثر اكثر واحد بينا حتى اكثر مني وحلف يكتلهم اثنينهم… وعمي راد يجبر خاطرنا اثنينا ويزوجنا البعض بس لا اني قبلت ولا هو .. ورغم عمي زوجه الام هاجر وهم گرايبهم مو غريبه بس بقى حاقد عليهم "
رديت " واني اگول ليش هيج يكرهة .. ااااه ماما ااااه دمرت نفسها والحولها كلهم "
ردت " هي هاي الدنيا كلشي نشوف منها .. صح اني سامحتها وبريت الذمة الها واله بس ماانسى .. الطعنه من اقرب الناس الج صعبه حيل وتوجع .. وهذا الصار وي عامر "
بقت طول اليوم يمنا ..
بالليل سهرنا سوية .. وحجيتلها عن جدو هو راح يتصرف..
ايدتني بالموضوع " زين سويتي خلي يعرف عندج اهل صح هو طول سنين جان سند الج بس مو معناها يدوس عليج وشوكت يحجي وياه ماگالج ؟"
رديت " گال من يجي ارشد لان ملتهي براتب بابا ينقله للبنات والبيت هم .. صدگ معقولة ماما رجعت للبيت ؟"

ردت " مااعتقد ولو صدگ وعرف ارشد مايضم على عامر لان ارشد وعامر مثل الاصدقاء مايضم واحدهم ع الثاني شي "
مااعرف ليش غياب ماما شاغلني حيل .. حتى لو ماجانت زينة وياي وباعتني بس تبقى امي ..
ثاني يوم خاله رجعت البيتها ورجعت الوحدتي .. خابرت مثل عادتي وسألت على هذال .. ماكو اي خبر وعذورة گالوا احسن شوية ..
بعد كم يوم ..
اندگت الباب قوي ..
استغربت .
فتحتها نسر وجان وجهة مايتفسر ..
سحبني ودخل بيه لجوة ..
همست " نسر شبيك منا دنو .."
صاح دنو بابا ابقي بغرفتج لتطلعين ..
رديت " شبيك نسر "
رد " اني شذر اني تشكيلي الجدج وتخليني طرف ثالث بينا "
رديت " بس انت الدخلت اطراف هواي بينا انت الصاير مدري شبيك بينما السالفه مايحتاجلها تفكير "
رد " كلتلج اصبرلي "
رديت " شصبر هاي صارلنا شهر من اجت شسويت انت"
رد " عبالج سكتت .. رحت ابوها مريض وعمامها يگولون رجعها على ذمتج وعسا ما تحبسها بغرفه مالنا علاقه هيج بنت مانريدها .
گلتلهم يابة بنتكم طعنت بشرف مرتي ورادت تموتني وتسوي حيل من وراي .. يگلولي هي وحدة من الاثنين لو تكتلها انت لو احنه "
رديت بعصبيه " وهسا شنو شنو فهمني .. يعني تبقى هيج تخسرني علمودها مو هذا قرارك "
رد " شلون اخسرج علمودها اصلا هي والعدم بالنسبة الي .. وحتى جدج حجيتله وكال ماتريد بنتنا طلكها وبيت جدها مفتوحلها وتعيش براتب ابوها وورثه "
اتنهدت ..
باوعلي " يعني قابلة تعوفيني .. اموت وحق الله اموت مااتحمل لحظة دونج .. افتر وادور على هذال وتفكيري يمج "
گعدت " اني التعبت نسر اني .. انت الحل يمك اختار واني احترم قرارك ياتختارني ياتختارها "
رد " انت طبعا بدون نقاش .. بس اسمعيني… صح غلطت بحقي بس اهلها وعمامها يگولون اكتلها مانريدها وجنت مقرر لو اخذوها اخلي ملاك تروح وياها واسبوع يمها واسبوع يمي .. بس بعد الصار مااگدر امن على بنتي هم مريضه وهم تتعلعل "
رديت " يعني تبقيها "
رد " لا طبعا.. شوفي واسمعيني .. واني گلت هالحجي الجدج وخله الخيار الج وارشد شاهد وحتى گلتله اكتب تعهد او اي شي تريدة شذر انه هديل ماترجع الذمتي "
سألت " وشنو هالحجي الشهدت عليه "
رد " بيت بيداء يبقى الها مؤقتا بين ماابوها يصير زين ..

///// #البارت الاخيـرررر /////
#قوارير_من_فضة ج2
#بقلمي_شمس_السعدي ..

الحياةُ مواقف و تجارب ... فيها شهد النحل .. و سموم العقارب ..
و فيها شهامة غريب و خذلان الأقارب ....
هناك مواقف أيقظتنا و صنعتنا من جديد .. و هناك علاقات توقعنا منها الكثير ووجدنا منها القليل ...

هذه هي حياتنا ..
نتذوق مرها ونصبر لمذاقها الحلو ..
كنت بين خيارين بعد ماهذال خيرني .. اولادي واهلي وحياتي الاتعودت عليها ..
والهروب معه لبلد مانعرف شنو راح يخبي النا بعد مابلدنا خذلنا ..

رغم الخذلان العشناه هنا .. بس احس كياني وانتمائي ببغداد .. صعب اتحمل يوم مااشم هوى بغداد ..
لو من اطلع بزدحامات شوارعها واتمعن باللوحة المرسومة امامي ..

اطفال يرحون للمدرسة والفرحة مرسومة بوجووهم ورجال كبير حامل عدته ورايح المحله ..
لو مجموعة من طلبة الجامعه الواگفين منتظرين الباص
بغداد بحركة مستمرة ضوضائها كان مثل سيمفونية موسيقية تعزف اجمل الالحان ..

رديت بتوتر " هذال انطيني وقت ع الاقل احجي وي عمي واشوف وضعي "

رد " بس الاولاد بوصايتج .. ليش خايفه ؟"
رديت " ماخايفه بس هم حقهم ترى هم اولادهم ومايقبلون مااريد اطلع بزعل "

رد " بكيفج هنا .. انطيج اسبوع بين مااكمل معاملتي مال تقاعد "
رديت افهم من كلامكم تگلي انه حتى اذا مامشيتي اني رايح مووو"

رد " اموت هنا ومااروح وحدي .. كل عقلج اني خايف من الموت . خوفي عليج انت والولد. هالمرة اخذوني المرة الثانية يمحونا كلنا اني وياج والجهال .. البلد مبيوع هنا .. النزيه لو يقتلوه لو يصير وياهم واني مستحيل اتنازل وانذل الهم "

ماما جانت ناذرة تسوي غدا الرجوع هذال ..
عزمونا ورحنا كلنا ..

كانت جمعة حلوة .. اخواتي وازواجهن كلهم ..
حتى غيداء رجعت تنور جمعاتنا بعد وقت طويل ..

مهيمن كمل تجهيز الكوفي بمساعدة نسر .. صح هواي كلفه بس كان راقي وبمكان راقي ايضا..
قرروا كم يوم يسوون افتتاح اله ونروح كلنا ..

بعد ماكملنا غدا .. انجمعنا بغرفة ماما والرجال بالاستقبال بقوا ..

عذورة تشكي من الحاح حسام الزواجهم ..
ردت ماما " امي وافقي الولد تعب وهو منتظر ورايح وراجع ع الاقل تبقين تحت رعايته وگبال عينه ..
اخواتي كلهن ايدنها ..
وشذر ردت عليها " باعي حالتج شلون من يجي لو من تطلعون شلون توردين وتضحكين .. علاجج ودوائج يم حسام وببيت واحد ثقي راح كلشي يتغير وثانيا متعرفين العلاج يطول او لا شنو ذنبه الولد شاب شعره وهو منتظر ..

بعدها ابتسمت اني وفجرت القنبلة ..
" اي عاد خليني احضر زواجج قبل لانسافـر"

هنا الانضار كلها توجهت الي ..
" تسافرين شنو"
ردت ماما " شنو هالحجي وين ترحون "
اتنهدت " هذال قرر نسافر بعد الصار مايتحمل يبقى هنا"
ردت بيداء " تتركون بلدكم واهلكم علمود ناس فاسدة اذا انتو هاجرتوا وغيركم هاجر من يبقى بالبلد بس الفاسد والمرتزقة "

رديت " وقابل هو البلد شلونه .. اطلعي واتجرأي وانتفضي ع الوضع جبناها سنين من نظام النظام اسوء شنو الحصلناه شو بس قتل وموت ودمار .. وبعد وبعد العراق مايهدأ ابد .
اذا هالمرة زوجي رجعلي سالم شيضمن بالمرة الثانية يرجعلي "

سألت ماما " وولدج شلون ؟"
رديت " طبعا اخذهم وياي "
ردت " يعني ماخذين قراركم ومنتهين "
رديت " لا والله اصلا ماقبلت بس بعدين فكرت وشفت كلام هذال منطقي "
سألت " وعمج وليث راح يوافقون تاخذين الجهال "
رديت " طبعا ابلغهم بس اولادي بوصايتي وهو متنازل عنهم "
ردت بيداء " صحيح بس هم مطمأنين لان انت هنا اذا رحتي شلون "

سكتت وفعلا حرت بردة فعلهم ..
اجت اسراء گالت الولد هم يتناقشون بنفس الموضوع ونص يأيدوه ونص لا ..

سألتها " ونسر شگال ؟"
ردت " كال الشي يخصكم بس اذا هنا ماتريد لاتجبرها لان مااگدر افارگ وحدة من اخواتي "
وهذال رد عليه " يمعود اشو صار نت وفيس اكو ونتراسل ونتخابر ماكو شي صعب بعد "

اجة نسر اشرلي گمت .. اخذني للغرفه الثانية وحجة وياي ..
" سمعت من هذال تردون تطلعون .. انت قانعه لو لا "

رديت " صح صعبة عليه اترككم .. بس خلي نفسك بمكاني وانت اكثر واحد شاف حالتي بغيابه .. اشهر ومااعرف عايش لو ميت .. مادامكم بخير احمد الله بس اذا صار شي الهذال مااسامح نفسي ..
مو معناها تركوه يعني نسووه خايفه بيوم وليلة يطلع ومايرجعلي بعد .. لو يقتلوه ..

اتنهد " يعز عليه مااشوف وجهج وضحكتج .. لو من ننجمع وانت بوسطنا .. "

دمعت عيوني " اني الراح افتقد ابوي وحضن اخوي الدافي "
رد وخانگته العبرة .. " سبق وان گلتلجن انت فقارتي الظهري مستقيم بيهن .. كل وحدة بيجن تنكسر ينحني ظهري .. مااگدر اكلج ابقي سعادتج اهم عندي ومثل ماكال هذال اكو انترنيت بعد وفيس ونتواصل "

حضنته وبجيت مااتحملت .. هذا اخوي الماغفت عينه عنا ابد .. تعذب هواي علمودنا .. سفري وي هذال مو راحة النا بس وانما اله هم .. لان ما اريده يبقى شايل همنا لو يصير بي مثل ماصار بعد ماهذال انفقد تعذب بينه وبيني وتأذى من شافني مكسورة .. "

#لقطه

حباب انطيني الاسأله والله مالي خلك اقره ...

التفت اليه بنظره غضب : اكسر راسج اذا رسبتي هلكورس صدكيني اخليج تعيدين السنه سمعتي ....

يووووو شجاك حباب والله مالي خلك اقره ...
شنو بشنو فالحه انتي بشنو فهميني ...

باوعتله بتسبيله فالحه بلحب ..

صاح بيه صوت وعيونه جانت تجدح نار : ساااااره مره ثانيه تخليني اضربج والله واني ممسويها وياج . صيري ادميه واحترمي نفسج وخلي لروحج شويه قيمه ....
.
.
#تنويه

القصه حقيقه تتكلم عن بنت يتيمه وحب لابن عمها...

*لازم تعرفون انو احداث هاي القصه تبدي من سنه ١٩٦٥ يعني بأختصار طويله واحداث العراق الي مر بيها هواي وبلاخص ابطالها

اما بلنسبه للابطال حيكونون هواي وحسب السنين ما اكدر افصح عن الكل بس الام وثنين بنات . ما اكدر اكول منو البطل بس تقريبا حكول ساره بأسم البنت الي نقلتلي القصه ....

فكل ما موجود مذكور من قبل اصحاب القصه اني ما الي دخل بي لا سياسيا ولا عقائديا ولا فكريا ولا دينيا
مراح انحاز لاي جهه سياسيه راح انقل القصه مثل ما وصلتني


#البارت_الاول

1965 سنه الولاده لعمر الثانيه عشر

*

#البارت_الثاني


1978
..
.

انكضت العطله مال السادس ابتدائي واحنه بأقبال سنه جديده علة حياتي . وصارت بدايه الدوام وصلت للاول متوسط وابويه كام نقلني من المدرسه الابتدائيه لمتوسطه خاصه بلاكفاء لان جان معدلي قوي وداومت اول اول يوم سالت وحده من البنات بلثاني متوسط : اجتي المعلمه .

ضحكن عليه اي معلمه هههههههه عبالها لسه بلابتدائي .

اني ما فهمت شكالن . وحده من البنات كالت بعد ميصير تكولين معلمه تكولين مدرسه . ومن توصلين كوليه تكولين الاستاذه او الدكتوره . ااااووف يوم العيد اوصل للجامعه .

سألتها انتي شسمج ...
اسمي وديان ....
امممم اهلا وسهلا ....
وديان عامر موسى . طالبه ابوها دكتور اسنان وكلش انفه سألتها شكد معدلج ...

طبعا تحجي وتعوج بحلكها اني معدلي ٨٠ .

اهاااا خوش ...

وانتي شكد معدلج ...

اني معدلي ٩٦ ....

واوووو ....

تركتها مصدومه بمعدلي والي خلاها تلين وياي بلحجي وهيه تكلي تكدرين تشريحين اليه بعض المواد ...

ضحكت عليها : هو احنه لسه ممستلمين كتب تردين اشرحلج .
عفتها ورحت واستلمنه ذنيج الكتب الملخه تملخ .

.
اقتصر دوامي على الاجتهاد والمثابره واسمع سولف البنات بلفرصه . وهنه يسولفن عن سفراتهن وملابسهن . مع وجود نزعت مراهقه بداخلي ولد حب الجمال والانوثه بأعمافي وصرت مكابله المرايه من الصبح لليل . حته من اشرح لروحي اتخيل نفسي مدرسه او معلمه واخصر دشداشتي على جسمي والوي برجليه والجواريب تارستهن بصدري واني امشي واتخيل روحي جميله الجميلات . ومن اروح للمدرسه ينطني البنات طاقه من القصص عن الجمال والابراج الي بدت تكتسح العالم .

يوميه ارجع للبيت اسحل بروحي سحل . مهدود حيلي .
الى ان اجه يوم صادف محرم وامي كل سنه بيوم الامام الحسن تطبخ تاجينه وفوكاودجاج وتمر ولبن وتوزع لجوارينه . اني امشي واشوف ولد اختي حميده يوزعون بلصواني .
فتحت عيوني ومنتبهت للعالم هلاااا شوكت اجيتو بعد كلبي .

اسمع صوت ورايه يقلد عليه : هلاااا ثوكت اجيتوووو
البرصه .

التفتت اله غميته . اغبر امداك ...

خزرني حييييل فتح عيونه عليه وهو مبتسم كانما يكلي والله جنت متمنيها هاي الحجايه ....
اشرلي على حنجه بتوعد : اني اعلمج ....

طبيت رافعه صدري شيريد يسوي هلحقير خل يسوي .
تلكتني امي . ها خير شبيج ....

ماكو شي والله ....

احجي شبيج ....

عرفت اسمه من امي بلصدفه وكالت جاسر اسمه .من خلال سؤالها اليه هم بعد صاحلج جاسر البرصه .

يا جاسر ابن ام لواء ....

اي هم بعد تعرضلج ...

لا يوم محجاها وياي بعد ابد .

.
نقضي وقتنه بهلايام كوله نمتحن اخر السنه للاول متوسط منتظرين على نار شوكت انجح واخلص .

واني انتظر البنات يسولفن عن فلم السهره اليومي الي يغركوني بي وهنه يسولفن عن الافلام الجنبيه مال راعي البقر واني اشرحلهن في سبيل يسولفلي عن الفلم بلتفصيل
ويسولفت اليه واني ودي اطك من القهر وعزمت بس ارجع من البيت لازم اشوف حل افتح بي التفلزيون . لان هذا اخر يوم للامتحانات واني شلون شسوي ؟

ورجعت اركض للبيت واشوف جاسر واكف بلطريق ويا ٤ ولد نفس عمره . اول ما شافوني شكلو خط واحد بين اديهم وبنصهم جاسر . خففت مشيتي واباوعله بخوف . عفته ورحت لواحد من الولد . وخر بلا زحمه اريد اروح للبيت .

جاوبني : نوووو

عفيه شنو نو الله يخليك اهلي منتظريني .

جاسر : تعاي من يمي اسويلج طريق اذا ما اجيتي مراح نفتح الطريق عليج ...

انت مالك شغل بيه سمعت وخرو لا اعيط هسه ....
بس اوصل اله اكول لابويه يشوف ابوك على هاي سوالفك ...

يممممه خفت ....

بلا زحمه افتحلي الطريق اريد اروح .....

تعاي من يمي واني افتحلج الطريق .....

بهلاثناء فتح الباب لواء ...

تعال هينه يول شلك شغلها يمها روحو يلا .
هدو رواحهم ومريت من يمهم رحت للبيت واسمع لواء يرزل بي وجاسر مستمتع عبالك جاي يكرز حب مو جاي يرزلون بي .

اني طبيت للبيت وحاطه ايدي على كلبي وسكتت ما كلت لاهلي خوفا من العلويه خاف يجيها يوم الخميس ولنهه طابك عدها الواير .

انرعبت منه كلش . بس ما وخر من حماسي اتجاه التلفزيون واني اتخيل تحيه كاريوكا وهيه تلبس بدلت الرقص المشرشبه والمخلعه وتقدم الرقصه بأبهى صور الانوثه . والي خلاني اتشجع واطالب بحقوقي اريد تلفزيوووون .

وكان الجواب تسكتين لا انبطلج من المدرسه .

هاي الجمله جان تنقر عندي ناقوس الخطر . والمصيبه من سمعت امي تكل لابويه : خل تبطل كافي هاي راح يلحسن مخها من وره الافلام .

وابويه يجاوبها : جاهله بعدها علويه . سايريها .

انطيتهم مهله واتفقت بيني ما بين نفسي انو يوميه احجي جمله وحده عن التلفزيون وابدي اشجع اخوتي يجيبو حتى ما اضغط عليهم وتكون خسارتي فادحه .

في يوم استلام النتائج بلرجعه شفته كاعده بلدجه مال بيتهم وشفته

باوعلي وصاح ( بروصه بتي كل البنات تزوجن بقيتي اتي )
وهو وجماعته يضحكون واني احس كلبي ينزف .

#البارت_الثالث


#تكملة 1978

_______

* وحده من الاخوات سألت ليش همه وين عايشين اني ذكرت انو اهلها من طويريج واستقرو ابغداد يعني فقط ليلى المولوده ابغداد من بين اخواتها ....

شي ثاني اني احداث هواي عكبتها خو مو اضل اكتب ١٠ باراتات انو جاسر يضل يركض وراها وهيه ساكته متحجي فلازم اختصر . ومثل متعرفون اني تلعب روحي من التمطمط كوه هلمره جريت كل بارت سويته الفين .
.
.
.

بلليل انتظرت السيد واجه * هلا علويتنه الصغيره خل نشوف نتيجتج *

طلعتله النتيجه اركض وشافها ومعدلاتي كولهن ناحجه اقل درجه عندي ٨٩ بلرياضيات .
باسني حيل وكلي شتردين اجيبلج .

اريد اريد اريددددد .،

فضيها ....

اريد هااا صدوك بابا اريد دفتر مذكرات حباب ....

هههه صار من عيوني اجيبلج دفتر مذكرات .

وثاني يوم جابلي بابا السيد احلى دفتر مذكرات وبديت اكتب بي ايامي وذكريات طفولتي وسلالتي المحمديه . الي متفاخره بيها . وجنت دائما اخط بأيدي ( ال ياسر )
.
كملت وسديت دفتر المذكرات وحطيت راسي ع المخده واني افكر بجاسر لحد ما اجاني بلحلم حلم شنو ما اتذكر . بس اتذكر هواي صيحت هواي بجيت بحيث كعدت مقهوره . وما اتذكر الحلم بلضبط شنو جان .
صبحت ضايجه ومزاج معكر ....
وثاني يوم جابلي بابا السيد احلى دفتر مذكرات وبديت اكتب بي ايامي وذكريات طفولتي وسلالتي المحمديه . الي متفاخره بيها . وجنت دائما اخط بأيدي ( ال ياسر )
.
كملت وسديت دفتر المذكرات وحطيت راسي ع المخده واني افكر بجاسر لحد ما اجاني بلحلم حلم شنو ما اتذكر . بس اتذكر هواي صيحت هواي بجيت بحيث كعدت مقهوره . وما اتذكر الحلم بلضبط شنو جان .
صبحت ضايجه ومزاج معكر ....

امي : كومي تريكي ...

اي هسه هسه ...

وجع شبيج كعدتي من النوم مطنكره

ليلى : سيد عبد الغني ..

امي : علويه حسني الفاظج احسن الج ....

علويه بشوشه ماعليج دا احجي وي سيد عبد الغني اني .

التفتت امي لابويه باشاره عيونها * هاي شنو هلجيل هذا الصلف عمي . خواتج لحد هسه من يجن يبوسن بدينه وانتي حته اسمنه تحجي علني ....

علويه بشبوشه اسكتي احب اسمائكم غير .

للللللليله .....

اكوووول انتم ليش تصيحولي ليله اسمي ليلى مو ليله ..،

اييي صح عيني حقج ساكنه ابغداد . سمعي ولج تره تكسر راسج ...
سيد عبد الغني : علكيفج وياها علويه هاي الكمر شعدنه غيرها ...

سيد متشوفها جاي تتماده بلكلام .....

ميخالف غلى كيفج مكالت شي هاي نسمه الروح ....

كولي علويه ليالي شنو تامرين :

بابا متاخذنه للسينما والله صديقاتي يكولن نروح ....

لا مترهم بابا وهذني البنات لتمشين وياهن ابدددد

ليش يا بابا يا حبيبي . شبيها بس فهمني ....

ما يصير بويه انه رجال محافظ ما ترهم ....

بابا الله يخليك اكو سينما موجوده خل نروح الها ...

كتلج لا ولتلحين ....

سكتت غصبا عني وكلبي محترك . طلع ابويه رحت لامي .
علويه .

هااا ...

يا بت رسول الله ....

التفتت اليه وتخصرت : خير اليوم شعندج ...
يمه لخاطر جدج محمد الله يخليج السينما اسمه *سميره ميس * كولي لبابا خل نروح .
هفتني بلخاشوكه وطرت اني من مكاني لتطيح بيه .

ليله هلحجي اذا سمعته مره ثانيه تره يصير مو خوش حجي وشكول لروحي رايحه للسينما بعد بس هاي مسويتها ....

يوم شجاج يعني شلون اكتل روحي ...

اجتني مصرفه رداهنها وشايله نعالها . شو تعاي لزمتني طاحتلي دك .

عليمن تكتلين روحج على سينما وهلخرابيط هاي وفوكاها تحلفني برسول الله جان استحيتي مدام هو جدج من تموتين شتكولين اله جنت سايبه من سينما لسينما ....

يوم شبيج هسه شنو شسوا حرام بس اريد افتهم ...

هذا لهو عن ربج تضلين تفكرين بيهن ثم الهنود كفره يعبدون البقر انتي شنو هم مثل غنم مكه بس المهم تركضين وي البنات وشيشوفن كون انتي تشوفين .

عفتها ضلت ادردم وتحجي واني كلبي فاير افكر بلافلام الهنديه والمصريه الي صديقاتي يسولفن عنه و
* فريد شوقي * الي يكسر الباب بضربه وحده من ضرباته .

ااااخ وين الكه مثل فريد شوقي يربي .
.
تمر الايام و قصه السينما تكبر بعقلي وتقليد البنات لتحيه كاريوكا يدخلني لعالم خاص بلانوثه واحس روحي ممثله ولاظواء عليه . واول خطوه اتخذتها هيه تطويل الاضافر .

#البارت_الرابع

1979 الى 1983
_______________

سنه ١٩٧٩ عرفت انو جاسر نقبل بالكليه العسكريه الاولى الموجوده ابغداد بلرستميه . ويكون قبولها من السادس اعدادي ( الادبي والعلمي )

* لواء وجيهان* صار عدهم ولد بنفس السنه والي اسمه * ظاهر لواء سلمان * اول حفيد لجده سلمان الي كلما يكبر يترقه من رتبه لرتبه بلجيش . هو وابنه لواء .
وهذا الي خلاه ينتقل لبيت اكبر واوسع وتارك هذا البيت لابنه لواء *ابو ظاهر * وطلع بس هو ومرته وعائلته الي متكونه من ٣ نفرات هو وزوجته ويزن ...

سابقا احنه عبالنه يزن يكون ابنهم بس
بعدين اكتشفنا من خلال وحده من الدلالات انو يزن او ما يسمونه سلمان الصغير * على اسم جده * يصير ابن لواء والي تكلفت ام لواء بتربيته بعد ما توفت امه بيوم ولادة . وهذا الي خلاه شديد التعلق بيها ومتمسك بيها . ولمن شالو اخذو هلطفل وياهم

يعني بأختصار . الطفل الي نولد بسنه ٧٩ مو اول حفيد الهم !!

من خلال حديث امي عرفت المره ام لواء ما عدها بس ثنين ولد وهيه كلش مستعز بحفيدها * يزن *
الي لطالما شفنا محط عنايه الجد والجده . وقليل جانو يطلعو لان يخافون عليه .

بيت ابو لواء جانو مميزين كلش بلمنطقه ملابسهم كلش مرتبه ونضيفه واحنه وياهم من دون الناس ما النه كل اختلاط بلجار .

امي بس تروح بلواجبات توجب وتجي بدون حته متنقل خبر ولا تسمع خبر منهم بأعتبار هلشي غيبه وهيه علويه وهلشي تستحي منه لان من سلاله رسول الله . حسب متكول : شكول لجدي رسول الله واني كاعده كدام الناس ادور كالات .

فهذا الي خلانه معرفتنه قليله بلجوارين .

وانتهت سيره بيت ابو لواء من فرعنه شويه شويه .

اني نجحت للثالث متوسط وقريت قرايه مال كفار قريش كمت احس روحي اله شويه واكل بلجلاد مال الكتاب ومواد صعبه وهواي ومدرسه الاكفاء مدرساتها صعبات ونضامهن صعب فضليت كلش اذب روحي ع المدرسه .

كل يوم خميس اشوف جاسر يم الباب مالت بيت ابو ظاهر * بيت لواء اخو *

كل يوم خميس اشوفه . وهو يصيحلي تعاي خل احاجيج تعاي .

اني اركض اخلي خطواتي تتسابق وي الريح ولا اوكف يمه .

الى ان مره من المرات كلي تعاااي خل احجي وياج بشي . وجانت بوكتها الدنيا ضهر بلصيف كلش وجهي صاير طماطه من المشي والحر وكلي تعاي محاجبته لمن اجن وكف كبالي تحركت للجهه اليمنه تحرك ورايه تحركت للجهه اليسره تحرك ورايه اخر شي كلي اوكفي خل احاجيج . وكفت صعدت عيوني اله واشوفه يحجي وياي ويكول : اني اعرف اسمج ليلى . واني كلش احبج من جنتي صغيره فأنتي شنو رأيج بيه ؟؟؟؟ ...

جاوبته بسرعه حته يهدني : ابن عمي سيد يريدني واحنه ما ننطي للعوام ،..

شنو يعني سيد وعوام ...

يعني انت رجال عامي مو من نسبنه واهلي ما ينطوك ...

نصه راسه اليه وكلي : انتي موافقه بيه . مالج شغل بهلحجي هذا .
نصه راسه اليه وكلي : انتي موافقه بيه . مالج شغل بهلحجي هذا .

لا مموافقه . اني ما مقتنعه بلزواج حاليا ....

وشوكت ناويه تقتنعين بي ؟

من اخلص كليه ، اكلك عفيه وخر لا واحد يشوفنه !!!!

ليلى اني اخذج واذا رحتب لغيري اكتلج تره ....

عفته ورحت بدون جواب . وهو يصيح انتظر جوابك خوششش .

هاي جانت اول شراره حب يطلقها بكلبي ، اول مره اسمع كلمه احبك تختلف عن الي جان يكولها
اول مره احس واحد متقاتل عليه مثل * شكري سرحان * او *فريد شوقي *

وهاي الانتفاظه الي بكلبي هدأت من بعد ما انكطعت اخباره وهو قل يجي للبيت ورجع مره ثانيه بيوم من الايام وهم سألني نفس السؤال : انتي ليش متفتهمين شكد احبج ؟؟؟ ...
هاج هاي الرساله اقريها وكوليلي ردج هم برساله ..

اخذتها وفلتت .

طبيت بدون غده ولا شي ركضت للحمام طلعت وقريتها كاتب بيها :

حبيبتي ليلى ♡♡♡

اني كلش احبج والي وياج ذكريات لمن جنت متعمد اقهرج من جنتي صغيره حته تعصبين واشوف عيونج الحلوه . حبيتج لان انتي تختلفين عن بناتنه كلهن . يا ريت تكوليلي شنو رايج اذا اجيت وتقدمت الج للخطوبه واني مستعد كلشي اوفرلج .

جاسر وموقع جوه .

اني فرحت من شفت هلرساله هاي ورحت تغديت وكملت وطول ما اني اكل محتاره شلون راح ارد عليه . بلاخير كمت كتبت بلورقه وقررت ابيع شويه ثكل :

اني ما اكدر اناسبك ، لان اهلي ميقبلون يزوجوني اله لسيد ، و ولد عمامي يردوني . فاذا تريد تنظر انتظر هاي مسؤليتك اني ما اكدر احل واربط ، وابويه ميقبل على هيج سوالف ، ولا تضا تعترضلي لا يشوفني واحد من الجوارين .

.

واتلقه الرد يوم الخميس . والي جانت الرساله بلجنطه واني ارجف لا يشوفها احد ونحل الكارثه على راسي .

بعد مرور اسبوع وكل معتاد كل خميس اشوفه وجابلي بيها رساله ثانيه .

#البارت_الخامس

1984
__

تعودنه اني وجاسر اذا جنت اريد احجي ويا اصعد فوك اخلي حجابي بلعوده . عوده محطوطه بلسطح بلبيتونه فاذا اريد احجي ويا اروح اشدها بي . وهو يشوفها يصعد . واذا كلش كلش ميفتهم . اكتبله رساله واكطفها . وهو عود ياخذها ويجاوبني هم بطريقته . اما من فوك السطح لو من وره الباب ع السريع . لو بيد ظاهر * ابن لواء * يودي بيده حجي واني هم اودي بيده .
لحد ما يوم شفته منتظرني .

ها جاسر شبيك ....

اني اريد اروح لدوامي . افهميني خل اخطبج واروح .
جاسر الله يخليك اجلها فدوه لعينك خل اخذ شهاده السادس . ...

يابه اني صارلي تره فوك ١٠ سنوات احبج خو مو انتي تضلين هيج يا عيني خاف بغيابي يصير شي ....

ميصير شي . هسه انت فاتح اهلك ولمن تضبطهم تعال فاتح اهلي ....

يصير خير الله كريم .

........

هذا اخر حديث بيناتنه دار ونزل جاسر لدوامه . وجاسر جان بمركز مرموق بفضل السيد الوالد الي جنه نشوفه صدفات يجي لبيت لواء قصص وروايات عراقية كرار صلاح. ويجي اخر اناقه لابس البدله الزيتونيه وعلامه المثلث الاحمر بملابسه وحذائه البرتقالي . وهو وسلاحه وكرشه والحزام جوه الكرش . بس مع هذا تحس بي هيبه وشخصيه واول متشوف يدخل على كلبك الرعب . .

بس مع هذا ابو لواء مشفنه منه نهائيااااا غير الاحترام .

اما بلنسبه لوضع جاسر فأني اختلفت افكاري عن ما جنت مراهقه يعني شلون هيج حسيت بعقلي نضج اكثر . او حسيت انو افكاري تثبتت ع الشخصيه الي متمنيتها اليه . وهاي الشخصيه تختلف تماما عن جاسر والمصيبه شلون اكله ما اريدك لان اني اساسا اخاف منه اكثر مما اخاف منه
.............

جاسر

...........

احنه عائله متكونه من نفرين وبعدين صرنه تلاثه بعد وفاه ام يزن زوجة لواء . مو بس زوجته وحبيبته جان يعتبرها روحه وعمره وحياته وكل جوارحه . بعد ولاده يزن الصغير وخبر وفاته رفض استلام الطفل .

وهذا الي خلا ساكت صعب المراس ومجان غير بس الجيش يكدر يحتوي هلقدره الهائله من الغضب . فختارله ابويه انو ينخرط بلجيش . وهو هذا كاره . وتخرج من الكليه العسكريه وتبعته اني بنفس الكليه .

.
والدي من رمادي الاصل . امي بغداديه الاصل . حته كلامها لازال تحتفظ بلهجه البغاده الاصليه . ثنيناتهم احتفظو بلهجتهم الاصليه . واحنه بدورنه اختارينه اللهجه الي تريحنه . والي زاد باختيارنه للهجه عيشته ابغداد بعد ما انتقلنه لبيت اوسع بلقاهره . وتركنه ورانه بيت يحمل بي لواء ذكريات مع زوجه الراحله وخوفا على مشاعره هممنه بلرحيل وجان هذا خيار السيده الوالده .

الي تكفل تربيه * يزن * ابويه وامي . بأعتبابهم اجداده .
همه اعتبرو ابنهم الثالث . وحته ليحس بفقد الابو والام . علمو عليهم من الطفوله وفهمو انو هو اخونه الثالث . هواي حاول يتقرب من لواء بس لواء جان خايف منه او حته خايف يشوفه . وبما انو جان سلمان طفل صغير وحسب ميكولون ان الطفل يحس بلمشاعر . فاختارني ان اكون اقرب اله من لواء . بسبب مشاعر لواء الي جاي توصله .
تميز يزن بنباهة عقله وفكره منذ الصغر وهذا الي خلا مرغوب من الكل . وحديث الكل . انو هلطفل اله مستقبل بلحكومه العراقيه .

والدي * سلمان * جان يفكر انو يكون اله يد بلدوله وعهد . وحته بده يملي براسه هلافكار . وهو من الطفوله رافض هلفكره .

بااابااا ما اصير بلجيش . اريد اصير مدرس ....

يشتاط ابويه غضب : اشش يولد الجبان . انه مفكر بيك شي عظيم . وانت تفكر بلتدريس .

ماااا بابا ما اريد اصير بلجيش ...

.
.
.

هههههه مرات اضحك شلون الجد يتنازل لاستاذ يزن الصغيرون .
اشو احنه مجان يتنازل ويانه نهائياااا ؟؟؟!!!
بس يلا هاي بعد غريزه الجد .

بعد انتقالنه بنهايه سنه ١٩٧٥ الي شفت جوارينه وعرفتهم وجان من ضمنهم بيت ابو تحسين الي عدهم بنيه عباره عن فاكهه مو طفله . بيضه بياضها ناصع . اول شي جنت اشوفها تختلف هيج مجرد لعبه جميله بعدين من صارت مراهقه وبدت معاني جسمها تبرز من خلف العبايه حبيت تملك هلمهره الجامحه . وهيه بقوتها وخزرت عيونها الي رفضت سد الطريق عليها . او حتى مناداتها بلبرصه .
شراينها تنط من وجهه عيونها تفتحهن الزراك يصير بحر صافي . واؤلؤه عينها تصير بحر من دم من تصير عصبيه . صرت ادرس بكل تفاصيلها . اعشق كل جزء بيها . مهوس بيها . مهوس بحب ربما قد يبوء بلفشل ويتسبب بقتلي . لان اذا ما تزوحتها بلعين واغاتي اتزوجها جبر !!!!!!!؟؟؟؟؟

.
.
اول يوم طبيت للبيت اهلي واني محتار شلون راح افاتح ابويه بشغله ليلى .

فكرت مالي غير هاي الطريقه : يوووم

ابويه وامي التفتو يسمعوني ...

ها شكو ....

اكلح اريد ازوج !!! .

اي بلخير . لكيتلك مره لو لا ...

لا ما لكيت ....

شوفي اريد مرررره عيونها زرك وشرط اريدها بيضه ثلج .
لتكليلي تصلي تصوم بت كناس بت زبال بت هارب من الجيش .

#البارت_السادس

1985


خفت اصعد فوك منه ليروح يسوي بيه دكه . ما اعرف جان شعوري قلق جدا من ناحيته .

لحد ما اجه ابو لواء لابويه . اني بهليوم بديت اقره على روحي السلام . صعدت طايره وهو لاكاني فوك ويكلي وينج ليش متصعدين ....

جاسر امي متقبل شكت بيه ...

شكت بيج ؟؟!!! وين اني صاراي كومه مشايفج وين شكت بيج ....

جاسر متقبل والله اصعد ....

شعده ما بده متصعدين ؟؟!!!!

حسيته شك كمت اتملص ....

انت مو وعدتني ما ابجي ؟!!!

اي وعد وكد وعدي ....

لعد اهلي يكلولي اذا قبلتي بي نتبره منج ....

ههههه لج ليلى اني احبببج تعرفين شنو احبج .....
واذا قبلت بيك راح اخسر اهلي ...

ليلللللى اذبحج والله اذا تحجين هلشكل صدكيني ....

يلا لعد تعال اخذني ونفذ وعدك لتخليني ابجي ...

حبيبي الله يخليج حاولي تقنعين اهلج ....

مجاي تقنع ....

اي غير اعرف شنو السبب . يعني لان شغله مذهب ...

لااا من يوم تفتيش التبعيه ولسه اضن ابويه شايل بكلبه من لواء . .....

واني شدخلني بلواء ....

جاسر لعد مو اخوك هذا .....

حياتي صارله هلحجي ٥ سنوات شنو القصه .....

الله يخليك حلها انت بدون ما انكتل اني ....

لا حياتي ما عاش الي يضربج . الله يحلها . بس انتي حاولي .

جاسر اني راح اوعدك اذا سألوني اكلهم موافقه بي بس غيرها كلشي ما اكدر اسوي ....
الله كريم ...ادعيلي حبابه .. صار اني اعرف شلون احلها ....
.
.
.
.

ليلى ......

مرات ترتكب خطأ بدوم متحس بي وخطأ حبي لجاسر ما اكتشفته اله لمن كبرت و وعيت على روحي .

جاسر احبه ولسه احس اكو مشاعر عندي اله . بس خوفي من اهلي او من حجم المصيبه مصيبه الحب الي وكعت روحي بيها هو الي مخليتني ما اكدر اتصرف صح .

ما اتمنى اتزوج غيره . ولا اريد ازوج احد
اغاره عليه وما اتحمل اسمع يزوج غيري .
احب اهلي ما اكدر اخسرهم بسبب تصرفي
احبه واموت عليه بس لازم اتخله عنه .

وهاي جانت الافكار الي تجي ابالي . هواجس هواي اجتي ابالي بلفضيحه وشراح يصير كدام عمامي لو درو اهلي احب واحد بلامن . وبيت جدي من النوع الملتزمين دينيا . بس مرات واحد ميحسب حساب لشي .
تركني جاسر ونزل من السطح مجرد ما كال : اني راح احلها . حسيت جان اكو واحد يمه . ضليت واكفه بمكاني والخوف انرسم على شكل كحله بعيوني . وصرت اتوقعه راح يطب كدام اهلي ويكول لو اخذها لو افضحها بلمنطقه . ما اعرف ليش هيج اجاني هلاحساس ....
.......

جاسر ......

نزلت من السطح ولواء واكف يريد يسمع ردت فعل ليلى . وهز يكلي شنو هلزباله هاي باشاره مني اخليها تزحف هيه وابويه لجوه رجليك ....

لووواء اكلك احبها احبببببها . انت تجي تكلي تزحف جوه رجليك . هاي ليلاي متجي لبيتي اله بصفه اميره ....

هههه والله يا جاسر انت ما خذتك العواطف هواي . هاي نصابه هيه واهلها اسمع مني خيلها ورايه واني اخليهم يزحفون جوه رجليك ....

.
تركت لواء يحجي وحده طلعت لبيت اهلي واني ارجف من الخوف . خوف لا افقد انسانه ما شفتها بيوم غير زوجه اليه وام اولادي الي لطالما جانت حديث فكري وانيسه خلوتي .

رحت بوجهي لابوها .

رحت للمحل ما لكيت غير المصريين . سألت عنه وكالو : المعلم مكاش اليوم ....

رحت لبيتهم دكيت بابهم طلعلي السيد : ها عمي . بوجه مكلوب وميبشر بخير .
عمي ممكن احجي وياك ...

كول عمي ...
(حسيت بي ميريد يطببني )

حجي مو مال شارع ..

غصباً عنه كلي : تغضل ....

طبيت للبيت وهو اجه ورايه للاستقبال وجابلي ماي . كولي عمي رايد شي ....

الله يخليك عمي انتم رفضتوني ليش اكو سبب؟؟؟

لا عمي ماكو سبب كل ما بلامر ابن عمها يريدها
..

زين عمي ممكن اعرف منو هذا ابن عمها ...

اكلك بويه البنيه ما موافقه وهاويه ابن عمها . ..

( عرفته صار نيته يزحلكني وقررت ادخله من باب ثاني ) :لا عمي صلي على محمد . عمي اني بتك من زمان هاويها ورايدها . الله يخليك لتحرمني من نسبكم ....

بويه انت تدري بلوضع مو امان . فرجاءا وليدي . توكل وشوفلك مره احسن من بتي لو تفيدك جان اني كتلك ....
اني مقتنع بيهة حتلو متفيدني ....

صار عصبي بس متمالك اعصابه كوه : بويه بتي بيها صرع على عقلها شي . ما اكدر اطيكياها ....

لعد شلون ابن عمها قابل بيها ....

مقابل بيها اكو واحد ياخذ مخبله ....

مخبله شلون جاي تدرس. ...

حس على روحه جفص من كلي مخبله راد يتلافها بكل وسيله : هيه مو مخبله تجيها نوبات صرع جنون .

استنفذت كل قوتي واني اطبله منا يطلعلي منااا خبلني فقدت اعصابي : عمي لخاطر الله لتكلفرني . البنيه كلشي ما بيها . متقبل ليش انطيني سبب واحد ...

ما انطيكياها . بتي واني حر . بعدين انت دين ديانيه وانطيك بتي . وانت كدامي تصيح لتكفرني . اذا بربك تريد تكفر . وابليس بطغيانه يخاطب الله ويكله فبعزتك . انوب انت واحد صعلوك تريد تاخذ بنتي وكدامي تكفر . جان استحيت على روحك . بطنك متروس حرام اولاد البعث .

#البارت_السابع


1985 _ 1986
.
.
..

هدوء سادت ابيتنه بدون اي كلام وابويه ميكدر يحجي بس امي قصص وروايات عراقية كرار صلاح
علامات التزليغ بوجهها كفيل انو يمحي حياتي ويذكرني بخطأ الي ارتكبته معلنه اماهم ندمي على تصرفي في لحظات ضعف .

يحاجيني بنبر صوت ناصيه كانو يتوسل بيه : ليش هيج بويه ليش ما فكرتي بيه من حبيتي هلمهتلف هذا . ولج اشفتي بي بس فهميني اشفتي بي ...

يابه الله يخليك والله معندي شي ويا . بس هو كلي اخطبج واني رايدج .
امي تبجي بدموع حارقه : روحي راح ترحين لجزاة اعمالج .

يوم انتي مو تدرين بي كم مره تعرضلي . .

بس ما ادري بي مواعدج بلعرس وانتي صايره بطولي اخر مره حاجاج الولد لمن جنتي بلاول متوسط ....

يوم والله معندي شي ويا .

ابويه : هسه حتلو معندج شي ويا . ابو مبين من تهديده لنه ياخذج جنه لو يذبنه بلسجن . واني ما عندي سلطه ....

امي : راح اسالج سؤال وجاوبيني الحقيقه ...

اي والله ...

شكد يحبج ؟؟؟

ما اعرف يوم والله اني احس جاسر ميحبني احسه مجنون بيه ....

اي خوش . اني ما اكدر اشوفج بعد . او احتمال ميقبلون . او ما اكدر اوصلج . بس اوصيج استغلي هلشي ....

شلون يعني ....
اني هسه شفته من كله ابوج جيب سيد يعقد الها ما اريد هلشيخ ما اعترض . فلي اريده منج لتستسلمين اله ولتخضعين ابد ضلي ممنوع . وتذكري كلمه كل ممنوع مرغوب .

ميخالف راح اتذكر هذا الشي .
جاوبتها حته بس اطمنها . واني ما اعرف اساسا شلون راح اصير ممنوع حته بدوري راح اكون مرغوب !!!!!

كومي يلا ينتضروج ....

طلعت امشي برجليه الي تخط ورايه وكلبي وعقلي الي يصارخون ورايه لبيت اهلي لمستقبل مجهول ما جنت متمنيته هجي وبهاي الطريقه . اجمل شابه من شابات اقربائنه اتزوج حته بدون سابق انذار ولا حته لحكت اشوف اخويه واسلم عليه . زواج اشبه ما يوصف بلفصليه او الهديه .

طلعت للطارمه وبيدي جنطه بيها كم غرض اليه . وصار بوجهي ابو لواء . وكفت كباله .

وهو كاعد رجل على رجل حذائه البرتقاليه بارزه وحاطها مقابيل وجهه ابويه .

باوعلي مشمئز مني وهو يوصف لحاسر شكلي : دحك الها زين على هلنمش هذا ساحل روحك .

وجاسر يجاوبه : كل كلبي ملكها .

.
اول لقائنه اني وابو لواء جان لقاء فاشل . كرهته وكرهني واني متأكده هلنتيجه مراح ترضي الطرفين . بلنسبه اليه كرهته لان مخلي حذائه بوجهه ابويه . اما هو فكرهني لان اني مو بنسبتهم ولا من مستواهم او ما يقال حزبيه او بعثيه . بس ابويه الي جان مسجل بلبعث هيج تسجيل كلاوات ينطي اشتراك ويجي لان حزب البعث مو بحال انتماء ابويه وانما بحال الفلوس .

.
.

صعد بسياره لاندكروز وصلت لبيت ابو لواء . وطبيت استقبلتني ام لواء .
.
هذا جان اليه اول يوم ابيتهم . وجاسر ما عافني ولا دقيقه كل شويه يسال شلونج وتجاوله عيوني المتروسه دمع .

شبيج.كلبي ....

ما ردت اتزوج هيج ...

يا حياتي خو انتي تدرين ابوج ميخلينه نزوج اله بهاي الحاله * اني حنت كاعده على قنفه وهو نزل قريب عليه وشال ايدي وباسيها * ليلى انتي روحي انتي بدايه امل حب بحياتي ليلى لتبجين الله يخليج . صدكيني وعد بس هليوم راح تبجين . من باجر مستعد اخذج لاهلج ويوميه انتي يمهم وشتردين اني موجود . ليلى لج افهمي حبي الج ....

بس اهلي جاسر احسهم مهضومين ...
باعي حقهم صحيح طريقه زواجنه حانت محلوه . بس شوفي بعدين من يشوفوج مرتاحه صدكيني مراح يمانعون . ليلى مراح ازعلج بيوم ولا راح يجي يوم اكلج ليش تخلفين بس بنات او مراح يجي يوم اكلج ليش ما كويتي ملابس ولا راح اكلج اله تجين اطبخين ولا راح اكلج اخدمي امي لو تخدمين اهلي . صدكيني ليلى هاويج ....

سكتت مجاوبته .. واني اشوفه متلهف لحياتنه المستقبليه وما اعرف اذا جان وعوده صح او خطأ ..

عافني وكام مدري منو صاحله . تأخر يلا اجه . واني هيج مدري ليش كلبي كام يخبط كمت احس الدنيا ادور بيه كل شويه اريد اشرد . اريده يجي شويه من يحجي وياي احس بلامان بس من يعوفني يضلن افكاري يموتني . اجه مره ثانيه يدور عل البردات شافني وسألني :

خو مضايجه ...

عندي حجي وياك هواي ....

والله بس افرغ لان ااناس على جيه .

واني اهم من الناس جاسر . لان عندي حجي وياك ..

صار من عيوني حبيبتي بس اصبريلي خل اكمل كم شغله .

شويه واجه اخويه ايمن وهو يصيح شنوووو هو بوك خو مو بوك . وينك لك .وشراينه منططات بوجهه طلعو كلهم اله اني بس سمعت صوته عرفته . ركضت ما قبلت ام لواء اطلع : تعاي هنا زلم لطلعين ....
وخررري عني ....

تعاي ماما ميصير هيج تصرفين .....

شو هديني هددديني اخويه اريد اشوفه . هديت ايدها وطلعت لكيت ابو لواء يصيح اخذووو .

صحت بصوت عالي : وين تاخذو ويننننن .

شافني جاسر ارتبك : طبي ماكو هيج حجي .

جاسر اريد احجي وي اخويه على كتر .

ابو لواء : عاجبك هلدونيه هااااي من وره راسك هلرديه اطب دارنه ....

ايمن : ماكو غيركم رديه .

#البارت_الثامن
__________

1986

_______

اني كاعده ابيت اهلي واسمع صوت صريخ . شويه وطبت امي تصيح . وايمن يفرفح .

اجيتهم اركض . ها وين جنتو شسولكم ....

امي : شعندج هناااا . ارتاحيتي هسسسه ارتاحيتي من عافنه ابوج وراااح . ارتاحيتي من دكايكج وسوالفج المكسره ...

شنو وين عافيه . يمه شبيج يممممه احجي ....
ولج مااااات ابوج وج ماااااات .. .

ليش منو كتله فهموووووني . كولولي منو كتله ... منو .. ابو لواااء منو فموني حبابين لخاطر الله كولولي ....

ايمن جرني لحظنه : ليالي ابويه انطاج عمره . وصاني بيج . الله شاهد .

خيي كول غيرها . كول دتجذب عليه . كول دتتشاقه وياي . جاي تعاقبوني مو . وين ابويه راح للمحل .
خيي لخاطر الله بس حاجيني ...

ايمن يصيح لمرته ودموعه على خده : محاسن دير بالج عليها ...

وخرو عني محد يكمشني . ايمن تعااال بداعة اخيتك . ابويه وين ..

يا ناس لتخبلوني . كمت اجر بشعري . واشوف امي تملخ بروحها . وتصيح سوده بوجهي عليك رحت مكسور الخاطر مكسور الجناح ... منين جتك هاي الطلابه .

لحظات ما اتمنى لاي انسان يعيشها . صعب تعيش شي براحه وبسعاده في حساب سعادة غيرك وهذا الي صار . صارت سعادتي في تعاسه عائلتي وفقدان اب لطالما عوضني بحبه وحنانه . وما اجه ابالي يجي يوم من الايام راح اخسره . ويسلبني الموت اغلى ما املك . كل الي اذكره منه بس حبه وحنانه واني حته ما اتذكر كتله احبك . حب الابويه ما عشت ويا ما شبعت من حظنه بطيشي وغبائي سلبت روحي مني .
كل الالم الي مريت بي ميجي لحظه للي صار بأيام الفاتحه واني اشوف عيون العالم تباوعلي بنظرة حقد وكأني الفاجره الساقطه الي من وراها ابوها مات . وتجمعن اخواتي وهنه يسمعني الكلام الحاد الجارح ......

واجاوبهن والله متندمه والله متندمه . والله لو يرجع بيه الزمن فلا احجي ويا والله راح اموت من القهر
..

من خلال عاداتنه بلفاتحه نوكف بلتسلسل امي وانوب حميده وزينب اختي انوب اني ومحاسن وعماتي كبل امي . بس سمعت امي تكل لزينب . لتخليها توكف ويانه . خل تروح وي رجلها شكلها ما اريده اشوفه ....

حميده : يمه منا ناس مترهم الناس تتورج علينه .

وامي تزلخ بخدودها وتصيح . راح مني راااح شيفيدني راااح بعد .

يوميه بلليل وره متهدأ النفوس اصعد فوك بلسطح . اخذ سجاتي واصعد واضل ابجي . يابه سامحني . يابه والله غلطت . يابه والله ما جمت متوقعه هجي يصير . يابه الله يخليك ارجعلي . يابه مروتك ما عندي غيرك . لمن اشبع بجي اقراله سوره قرأن واغفه ع السجاده . اخر يوم بلفاتحه . خفت من الناس الي راحت وحسيت راح اضل كدام الاتهام . اخاف من ردة فعلهن عمامي عماتي امي اخواتي فلححي الحقيقي لسه بعده ما طلعو . واني الي بيه مكفيني يمكن الومه الي حاي الوم بيها روحي تكفيني اعيش دهر كامل بحزن .
وبلفعل اول ما بده بلهجوم عمي ابو كرار : انتي شعندج هنا . رجلج هنا . اجانه بلفاتحه مكيف . شويه ويجي ترحين ويا .

مو هسه عمو * سوتي اريد اكمل كلامي واكله وره الاربعين * ....

صاح بصوت عالي : لحظه وحده متضلين هنا بعد . ترحين . ام تحسين يا ام تحسين .

امي مبوشه لان بأعتبار عده : آمرني خويه ....

هاي راضيه تضل عندج ....

كلبي وربي غضبانين عليها ليوم الدين . ومشكوله ذمتكم اذا خليوتها تجي لفاتحتي .

عافتني وراحت .... لا يوووم لا مروتج يممممه ركضت وراها طبكت باب الغرفه بوجهي .

يوووم يمه الله يخليج بس احاجيج . يمه بنيتج اني اهون عليج . يمه فدوووه روحلج فتحي الباب يمممه يووووم حبيبتي بس خل احاجيج ....

سحلتني زينب تعاي وياي .. وخري بس خل احاجيها .

سمعيني ...

زنوبه بس خل احاجيها حبابه انتي حاجيها ...

اسمعينيييي ....
صفنت عليها ودموعي تارسات عيوني ونازلات على خدي واناشغ وهيه تكول : هسه الوضع حرج خلي الايام تمر تعاي واعتذري منها وره الاربعين .

خل اضل هنا . زينب ما اكدر اروح ....

سمعيني زينب روحي . هسه صعبه وحته الناس تضل تسولف بيج وبسالفتج وكل ساع واحد جارحج بحجايه . اسمعي مني ....

اني ما حبيته والله ولا عشكت ولا سويت شي غلط ويا . والله مسويت شي والله ....

روحي وبعدين نحجي ....

فهمتني انو جاسر جاي للفاتحه وطاردينه عمامي ومتفقين ويا اخر يوم الفاتحه يجي . وهو ما حذب خبر اخر يوم الفاتحه اجه . طلعت وره ضهري احس الف طعنه وطعنه . استحيت اطلع كدامهم رافعه راسه . طلعت واني شارده ومقهوره ومجروحه ومنزله راسه . صعدت بلسياره بلوره منزله راسي حته ما سلمت واني ابجي واندب حظي النحس . خابت امالي انو نجي واراوي اهلي جاسر يحبني ومقدرني .

#البارت_التاسع
1987

______

ابى الحزن ان يفارق قلبي لعااام كامل من الحزن والالم . حزنا على من هو احن الناس بي . حزنا على من خلد في قلبي فقابلته بلعصيان والتمرد . رحل ولم يسمع مني كلمه احبك . كم اشتقت اليك ابي العزيز .
كم تمنيت لو كنت بجاني الان .
اااااااه وكم ااااه لذكرى حرقت بفقده احشاء قلبي .....

.
.
.
مرت سنه كامله ماشافت عيوني الفرح واني بهمي ما متناسيته نهائياااا . وصبى جاسر وياي . هواي حاول يتقربلي بس اني ما قبلت جان كل مره يحاول يتقربلي . اصده وافهمه ..
جاسر انت شنو وعدتني . اريد بدله واريد صالون ....

اي حياتي بعد شوكت مو صار النه ٨ اشهر ع هاي الحاله يا كلبي هم حسي بيه ...

جاسر اني اريد افرح انت وعدتني اني البسها واني فرحانه وهسه كلبي ميطيني افرح لمن ادور سنه ابويه ....

مو هواي يا كلبي والله هواي . ولج الموت بلجمله واني اخاف فرحتج الي منتظرتها تنكلب عزه ....

جااااسر مروتك اني والله ما عندي بعد بس انت سند ...

حبيبتي الله يخليج طاوعيني وفرحيني بلكي احصل وليد يشيل اسمي . الله يخليج ....

ما اكدر والله ما اكدر جاسر فدوه لعينك .،...

براحتج .

شال فراشه ونزل وحسيته ضايج وبده صبره ينفذ .

نايمين اني ويا . هو جوه فارش بلكاع واني بلجربايه ...

ليالي ...

هااا ....
خل اجي انام يمج ....

انت مو امان ...

تدرين شكد احلم بيج جنت كبل . هسه خاف اموت وتضل حسره بكلبي ....

اسم الله عليك . جاسر لتخوفني ....

بس خلي يكون بعلمج اذا متت ما باريج الذمه ....

جااااااسسسر ....

ليلى والله كل يوم اروح اكول بعد ما ارجع ومدامنه سنه جديده خليني ادشنها بفرحتي وياج ....

ما اعرف جاسر . عود كلت لمن ادوره سنه ابويه ....

يعني ابوج الله يرحمه . واني شنو الله يلعني ؟؟؟؟؟؟

جاسر لتحجي هجي ....

انتي اصلا بعد متكولين حبيبي .. ولا حياتي . مدري ليش محسستني اني عدوج .....

هههههه كوم يلا تعال يمي . كمت تتحجج .

* طفر من فراشه واجاني طاير . يمممه بارده بارده ومعوز صوبه ولج ماكو غير مريتي ادفيني ....
ههههه شعجب ابوك ميسويلك اعفاء ....

جنه نحجي بلصوبه شطفرتي لابويه ....

اي غير اعرف . شبيك ....

ابويه هسه يتمنه يفجر ايران لو يعرف يموت بس اهم شي العراق عنده . ابويه معتبرها مسأله شرف مو مساله حرب . مقايس ابويه تختلف عن مقايس العالم ....

شوف مو هسه نمت بصفي باجر تزود طلباتك . لمن ادور سنه ابويه وانت وعدتني تلبسني بدله ....

زين شنو رأيج باجر اجيبلج ارقه بدله . واحلى بدله واوديج للصالون . وشتردين اني حاظر . ولج والله نفسي بولد .

جاسر لا يمعود انت شدتحجي .

لخاطري لخاطري ليلى . كللي حبي وحياتي بزواجي منج وخل نتممه .

ما اعرف شويه انطيني مجال ....

راح اكل لامج عليج خاله هاي متقبل تنام وياي ....

هسه اصلا متدري اني لسه بعدني هيج ....
اني كتلج الج حد هلاسبوع بسسسس ....

مااااا ...

ليلى يعني انتي متحبيني ....

احبك بس ....

بس شنو بس شنو صارلج ٨ اشهر وانتي عايفتني اني وياج كاعدين يا دوب دقايق وانتي لابسه اسود ومو بحالي اذا تضلين هيج شنو يعني . باعي لواء يريد يزوج مره ثالثه واني لسه كاعد اتوسل ....

ميتزوج جذاب يموت على جيهان ....

ههههه يزوج ويطلع كبل .....

انتم الزلم كلكم هيج .....

ما ماليه عينه يريد يزوج غير .

شبيها مو عدها ولد ....

ولج الولد صار رجال راح يعرس عمه لسه يصفن . هسه شوفي يزن يعرس وظاهر ولواء ياخذله مره ثالثه واني ضال ادك حدادي .....

اوووف جاسر ....
صارلي ساعه احجي شعرايه وحده ما نهزيتي ....

دار وجهه ونام ضايج . واني بلليل ضليت الوم بروحي ما اعرف اكله يلا استحي . ادري بي بعد ميصبر فخلي لمن اطك عنده كلش . استحي اكله مستعده او يلا فخليتها للزمن .

.....
ثاني يوم دك منبه الساعه ربثنه ربث . وهو كام كالب وجه .

هسه اسويلك ريوك ....

اشرلي بأيده بلرفض : شكرا ما اريد ....

جاسر ....

عافني وراح . نزلت ورا لكيتع مسوي ريوك لروحه وجاي ياكل يحب البيضه ام العين مياكلها مخلوطه ابد : ها تريكت ....

الحمد لله . مو مكرم اكدر اسوي كلشي لروحي .....

جاسر شبيك هيج تحاجيني ....

مابيه شي ....

عافني وراح . صعد فوك . صعدت ورا : اكلك انزع قميصك خل اغسله .
كام وصار بوجهي حاجاني بنظره تهديد : لتغسلي سمعتي . اكدر اخدم روحي ....

جاسر ....
جاسسسر ...
مو وياك ليش متجاوب .....

لتحجين وياي مو وضعيه هاي .....

وضعيه شنو جاسر شبيك .

مخلص الحجي ليلى اني اريد حبيبه زوجه اريد اطفال اريد ولد هواي اريد بنات هووواي ما اريد خدامه . الخدامات وين يولن . فبكيفج بعد ......

#البارت_العاشر

#تكملة1987
................................

ما هو الاشوء في الاشتياق ؟؟

هل هو الانتظار !!! ام القلق !! ام المصير الغير معلوم .

نعم انهما الثلاث . فها انا انتظر رجوعك بقربي سالما . شاهدا ما طلبت من الباري التحقيق . مسلما لي امانتك .. تارك لي اطيافك .. نعم انها افه الاشتياق ....

.
صباح ممل وعلى كولة اهلنه *صبحتي* . صارت بدون صبح وكأنو فجاه هل علينه الضلام بعيني بغراق جاسر . تحولت الموده والرحمه لنيراااان تاكل احشاء قلبي . لاعنه لكل احد سبب في فراقنه وبعدنه . وماكو غير الاكل ينسيني هموهمي . اكل بفجع ريوكين غداوين عشاوين . وهذا الي نبه خاله ام لواء على وضعي : شبيج هليام وضعج مو طبيعي ...

التمن والمركه بحلكي : شبيه خاله ....

شو تاكلين من الصبح لليل وج خاف حامل ...

يا خاله شلقصه شصارله جاسر من راح مصارله ٣ اسابيع ...
هسه انتي متحسين هليام سمنانه لو لا ؟؟؟؟

اي احس . بس شسوي عادي .

يمعوده هنه اذا زادن اللحمات شيرجعهن ...

جيهان : يا خاله كولي غيرها منو بحال المعصعص . محد يريده . خل تسمن البنيه شكو وراها ....

ما عرفت شنو معنه كلامها غيره او حقد او على حسابي لان جان بسنه ٨٧ اصلا محد يريد الضعيفه بس سشوفوها ضعيفه يكولون هاي بت فكر . فلناس كلها دبب . ما اعرف احتمال خافت لا اكون صدك حامل واخطف الاظواء منها كونها ام الحفيد المقرب . الي من اجه الجد لحد الان وهو محتجز ظاهر ويزن ويا . الله اعلم بلنفوس شتخطط !!!

.

ابو لواء : اليوم ربوعتي جاين حظرو الاكل . اكل هواي ما اريدو ناقص شي .

ام لواء : حاظر عيوني ...
اكول ابو لواء يجوز راح تسمع خبر عن قريب ...

التفتت ابو لواء . واني وكفت الكرفسايه بحلكي مترضه تنبلع اباوع هاي عليمن تقصد ؟ هيه تباوعلي وابو لواء يباوع لمرته وانوب التفتلي عرف القصد عليه . رفعه حاجبه وكال : اااايِ يلا خل نسمع بشاير
ام لواء : باجر ابو لواء اني اخذها واجيبلك الباشره ...

جيهان صار الاحتقان بوجهه وهيج . وصارت تغطي عليه بكلامها : واني هم خاله اخذيني وياج يجوز ثنينه حوامل .

ام لواء : ياااااا صدوك حياتي يوم المنه قررتي واخيرا ....

عفتهن وكمت فبطني لا زالت تقرقر من الجوع .

.
وبين ما اني طلعت اسمعهن .

جيهان : على عيوني خاله هلقرار . واخاف من عمي خاف ينبه على هلموضوع . صاير كلش لواء فد مره من وحده لوحده ....

ام لواء : وج ماما انتي شبيج اكسبي . اركصيله ادلعي ...

جيهان : خاله انتي شتتوقعيني مثلا عايفته . مو مليت واني محافظه على جسمي ونعومتي واخاف لا احبل وميلكه خلوته يمي ..

ام لواء : عوفي يطير يطير ويرجعلج الله وكيلج . شقابل راح يخبص طلق لتخافين شاجوره متروس ابني واعرفه .
تعالت ضحكاتها ام لواء بيأس جيهان وهيه تلك العا : ميخالف عمي خل يدور كحاب بس والله ان جابلي وحده ميلوم اله روحه ....

ميجيبللللللج جيهان صيري عاقله يمعوده . لواء مخبل اتجفي شره . خلينه مرتاحين . هو هذا نهايته الحب غييييير ...

..
..

ضليت مصدومه من الحجي . فلي واضح عليه جيهان ولواء اسعد زوجين بلعالم هاي شتكول هيجي ليش هيج تحجي . ممعقوله . صارلي وياهم ٩ اشهر ممعقوله . وحته جاسر ممسولفلي عنه هيج عنده سوالف ؟؟؟
وخاف جاسر هم هجي !!!!!!

.
.
ثاني يوم رحنه نسوي تحليل وكعدت بلممر علما تطلع النتيجه سرحت افكاري ليوم امس : بعد ما جان يوم البارحه شاق بلعمل من خطار عني ابو لواء .
حسيت نزع كل طاقيه بيه واحنه نطبخ ونطبخ ونطبخ ونطبخ . والناس مجموعين . جان ودي اسألها اكو وحده تتقبل خيانته زوجها . وبنفس الوقت الخوف تملكني . يا ترى لو جاسر صار هيج يوم من الايام اني وين راح اروح ....
غمضت عيوني ادعي ربي لا تفجعني بجاسر . املي الوحيد ....

صوت منادي : ليلى عبد الغني ....

نعم ....

نفضلي النتيجه : حامل ....

شنوووو

النتيجه حامل ....

والله ....

هاكم اخذو النتيجه وراي مراجعين عفيه ادنو ...

اخذتها ام لواء تركض لابو لواء تبشره هو واكف منتظرنه بره : ابو لواء كلبي حامل ليلى حامل ....

ابو لواء : اها . بلمبارك يلا اريد منج اسد . وتشدين ضهري بحفيد ثاني ....

* هاي اول مره ابو اواء يحاجيني وهو يضحك اول مره من شفته وشافني . والي عرفته هو معتبر ظاهؤ حفيده وبس . يزن معتبره ابنه مو حفيده بس ليششش ما ادري *

صاعدين بلسياره ويزن وظاهر جوه وثنينهم يسألون .
ظاهر : عمه صدك حامل ...

اي حبيبي راح يصير عندك ابن عم ....

ظاهر فرح ويكل ليزن راح يصير عندي ابن عم . وكام يتشاقه ويا بلسياره .

يزن : دوخر ...

ظاهر : جدووو صيح بيزن ....

ابو لواء .

#البارت_الحادي عشر

1988

______

استقبلني جاسر بيوم الي نزل بوجه فرحان بس داخله ما راضي . حسيت بي وعرفته من عيونه وهو يكلي حمد الله على سلامتج ام ساره .....

باوعتله بنظره ولعل يشيلني ويسندني : الله يسلمك ابو حرب ...قصص وروايات عراقية كرار صلاح
الله يعوضك بلجاي بوليد يقر عينك ....

ضحك وباسني : ان شاء الله بوجودج يا طيبه ...

دا الصمت بيناتنه وهو يسألني تشبهج ولج . هسه اذا كبرت يصير كتل عليها ....

هههههه ما ازوجهال اله لواحد يشبه جاسر ....

هههععععهه انعل امه وابو اليوصل يمها .....

هاااا هسه صارت انعل امه وابو عبن بنتك . بس بت العالم وحد .....

بت العالم مقصر وياها مو مخليها بعيوني ...

حشاك من التقصير ....

صدكيني ليالي المثل جاسر بعد قليل . قليل الي يحب بصدك ....

جاسر ....

عيونه لجاسر ....

فرحان ....

ااااااه ااااه ليش اجذب عليج . فرحان بكومتج بلسلامه وفرحان بولاده طفله كامله والحمد لله . بس جنت متوقع وليد يعني وما مخلي ١% تجي بنيه ههههه مدري ليش هيج جنت ضامن ولد ....

يتعوض ان شاء الله ...

طبعا يتعوض . هو اني جايج وره الاربعين اريد وليد بعد ....

بيك خير ودلل .. تره هذا رزق ربك والحمد لله ....

ليلى تره اني عندي اهم شي ولادتج اهم شي كومتج بلسلامه وبعدين افكر بلجاي شنو .....

دا احسك ضايج هيج .....

اممممم ما اعرف ليلى اريد ولد خاف اموت ع الاقل يسندج ويحميج اريد ولد يكبر ويقره وصيتي الي راح اسلمها بيدج اله خاف اموت ....

جاسر حبيبي . اني ستوني جايبه الله يخليك لتجيب طاري الموت كدامي . ما اتحمل شي اسمه فراكنه ابد . محتاجتك ذخر اليه . شسوي بلولد وانت مموجود . اصلا كل حياتي شسوي بيها وانت بدونها . حافظ على روحك على حسابي على حسابي حافظ على روحك الله يخليك .

الموت بين عيوني يوميه . من اشوف الجثث والموت بين عيوني قصص وروايات عراقية كرار صلاح يموت كلشي بيه بس تضلين انتي كبالي متمني اليوم كبل باجر ارجع لحظنج .....

ما اعرف شوكت تخلص هلحرب ....

ما تخلص لمن تقضي ع الشعب العراقي كله . راح تصير حرب عالميه ....

.
بث حزنه وشكواه اليه واني هم احجيله عن خوفي وقلقي لمستقبلنه .
سرعان ما انقضت اجازته . وطلع اربعين سارونه بنيتي ساره جانت كلش ضعيفه بحيث حولناها ع الحليب . مجنت ارضعها .

وابو لواء كلما ينزل يستلم مهنه تعقيم الممات بوجهه الكئيب . ما اعرف احسه كوه متحملني .

اول ما ينزل تتحول ساره لغرفته . يجون يطلبوها تجي ام لواء : عمج يريد ساره .

رحت دكيت الباب ...

تفضل ....

عمي هاي ساره ....
افا افا افا افا هلا حي الله السلطانه ساره .. شلونج يولي . هلا هلا ساره خاتوووون هي هي هي هي ...

هذا جان استقبال الملكه ساره . كلما ينزل يشتريلها كلاده ذهب او محبس او فد قطعه ذهبيه . وتغنج بجمالها مع العلم هيه نسختي الثانيه واتذكر هو حان يعيب عليه . بس سبحان الي خله هسه ساره ملكه جمال بعينيه .

حته بعد ما حابت جيهان بولد وسمو عدي . ضلت ساره حديث الساعه عد جذها .

____
يزن ....
......

ها يابه لزمتها لهل فصعونه .....

ها ها هاااااا هاااي وانت يغيران منها يول ....

كول غيرها ياب شنهو هلدكمه هاي واغار منها . شو بلا جيبها خل اشوفها ....

لتوكع دير بالك عليها ....

شلتها واباوع عي نها الزرك جنها بزونه صغيره . حبيبتي بستها . هاك يابه تره اكطفها ....

لاه لاه لاه لاه لاه . غير اكص راسك وراها ....
اكولك ياب تره اسوي بيها سوايه اخوه يوسف ....

لو تموت ساره هاي الك . تربيها الك .. على الشي الي انت تريده تصير هاي .....

هههههه ساره بت اخويه غير هيج متصير ....

جاسر مو اخوك سمعتتت وحجي زايد لتحجي ...

هسه مثلا شوكت تريدني اتزوجها مثلا لمن يصير شكد عمرها ....

يصير ١٨ سنه تزوجها ....

خوش اني يصير عمري شكد ٢٩ سنه ؟ يعني شنو مجبوريني اخذلي وحده زعطوطه . بعدين هاي لسه عمرها شهرين انت شجاي تحجي ....

اذا استدعه الامر ١٢ سنه تزوجها ....

ههههههه انوب اخذ مراهقه .. اليوم تكلي احبك وباجر تكلي اكرهك .

صار عصبي كلش : هذا الحجي ما بي كل نقاش .

صار يابه تامر ....

.
.

سلام عليكم .
اني يزن لواء سلمان الجنابي ....

جدي احد ضباط الدوله العراقيه . معروف بولاءه للعراق . تميز بلصعوبه والصراحه . ميكدر يحامل احد نهائيااااا .
هذا جدي ابو لواء جدي سلمان هو ابويه عشت وربيت بحظنه ما معترف بلواء اب نهائيااا معتبره اخويه . اخويه الجبير هو وجاسر .

فتحت عيوني واني بحظن جدي ابو لواء ما انذطر يوم من الايام لواء تذكرني بزوج جواريب . نظراته تترقبني بس يخاف يحاجيني . دائما اتمنى اسأله ليش عفتني ؟ ليش ما ربيتني انت . اريد اساله عن امي . منو هيه شلون جانت هم عنده صوره الها لو لا ...

يا ترى المن تشبه .

هواي مشاعر شايل بكلبي واربد ابوحهن بس سبحانه وتعالى اله سبب وحكمه بفقداني والدتي .

#البارت_الثاني عشر


1988 نهايه حرب وحب

.
.
.
.

فقدتك حبيبا وابا واخا وزوجا وروحا كانت تحاوطني منذ ان غبت عني وقلبي لا يزال مشغول بك .
تاركتا كل ما يجري حولي ... متسائله متى اراك ؟
بعدك ارهقني ...
بعدك اسهرني ...
بعدك يقتلني ....
.

تعبر بيه الايام واني انتظرته جيته على فارغ صبر ...

وحته الصبر مل مني واشوف نهايه حبي غير معروفه .

عمي الله يخليك فدوه لعينك اروحلك فدوه ما سمعت خبر منه ....

ابو لواء بوضع لا يحسد عليه : ما اعرف يا عمي اني كلتلو للريس بلكي نشوفو ...

شتشوف عمي قابل هو اسير ...

اني خايف لا هارب من المعركه وينزل راسو وراسي كدام الريس ....

انت عمي كاتل روحك ع الريس مدتشوف ياسر ما اله ذكر . وانقطعت كل علاقه للعراق بأيران بعد وين تشوفه ....

راح يرجع ان شاء الله راح يرجع .

رحتله بتوسل : شوكت عمي كلي شوكت . كلي حته اصبر وياكم ....

اني عندي مباحثات بموضوع جاسر . عجل غير نتأكد هو اسير . ع الاقل اكتب مذكره بتبدل الاساره ....
.
.
ما خليت دعاء ما دعيت بيه ما خليت صلاه ما صليتها ولا مزار ما زرته وصلت بيه المرحله رحت لوحده من الكنائس ونحيت السيده العذراء : سيدتي بجاهج عد الله اريد ترجعيلي جاسر .

بضيم ومرار وامي كوه اشوفها . ساره تغار من كوثر . وكثر من جبتها لحد هسه ما طابت من مرضه لمرضه .

على هامش الحياة البائسه تخلو الساحه من الحرب لتجعل كل طرف يعاني بفقيد او اسير او جريح او شهيد . وانا من بين هؤلاء اعاني بفقد حبيب لي .

يوميه اضل اناجي حبي واسأله يا ترى انت وين !! يا ترى جاي تحس بيه مشتاقتلك . يا ترى عرفت صارت عندي بنيه . وما صار حرب .

يا ترى جنت حاس مراح يصير حرب يحميني وراك . مشتاقتلك . تعال ارجعلي اترجاك .

يوميه اكعد حلمانه بسماع صوت حذائه وبسطاله يصعدلي الدرج ويفتح الباب عليه ويكلي مشتاقلج . يا ترى صحيح مشتاقلي مثل مجاي اشوفك بأحلامي ....

واستمر وضعي لغايه سنه كامله ولحد نهايه ٨٩ واكو شهود عيان كالو اسروهم ونقلو الخبر لابو لواء . انو الفرقه العاشره تأسرة اغلبها ....

ابو لواء وهو يطمنه : عرفنه انو جاسر اسير وان شاء الله طلبنه نسوي تبادل ودرجنه اسمه بللائحه ...

عمي الله يخليك . معوكين الايرانين . ينطون ضابط ابن ضابط من القوات الحرس الخاص .
اسكتي يولي اني مو ناقصج . هو احنه نتعامل وي العجم لو عن طريق الصليب ....

اي شوكت يلا عمي الله يخليك ....

ام لواء : ابو لواء فدوه لعينك كلبي خلص على ابني راح اموت عليه ...

يا مره اني شبيدي . حالو حال الف عراقي . واجبو هذا . غصبن عنو وعن الخلفو . خلص العراق مابو زلم نشامه ...

طفرت من مكاني : عمي هووووواي اخذ العراق تره كااافي شبعنه تضحيه صار النه ٨ سنوات شفنه الضيم . شستفاد صدام كل بيت بي الف حركه كلب وكلب . هاي نار كل ام راح اطيح بملكه وسلطانه وعسى كل من تبعنه نار جهنم ببطونهم ....

يولي انتي عليمن تحجين ....

عمي اني اريد زوجي . شوفولي حل . مو انت قريب من صدام حسين . حاجي بلكي يشوف النه حل ...
ما حسيت اله راشدي اجاني .

صوتج ما اريد اهيسو بلبيت . اركحي ولا تزاكحين وصيري ادميه . ادور النسوان ادور مراجل ابيتي .

.
صعدت اركض من ضيم كلبي وشايله كوثر وابجي . واني ربي . يا رب خلص ما عندي صبر وطاقه . عليش اني ضاله هنا بلذل وره جاسر .

اخذ بناتي وارجع لبيت اهلي .

لبست عباتي ووحجابي ونزلت وره ما طلع ابو لواء .
خاله من رخصتج اني رايحه لأهلي .....

شنو وين شكو شعدج .

رايحه لهلي خاله بعد ما اتحمل هنا راح اموت والله عقلي راح يطك راح انفجر ...

يمه ابو لواء ميقبل ضلي واكسري الشر ..

خاله شعندي ضاله عود اذا رجع جاسر واني مأيسه ارجع ويا . بس مال اضل واني يوميه اهانه وذل ما اقبلها ......

يوم اعتبري مثل ابوج . هم كلبه محروك . قابل انتي احن منه. على ولده ...

أضف تعليقاً
اني بهذا الوقت بدت تنتابني نوبه جنون من مستقبل ما اعرف فصرت بعد ما احزر تصرفاتي شلون اتصرف . جاولتها بقهر ودموعي تجري : خاله والله راح اموت الله يخليج وديني لاهلي عاد جم يوم وارجع بعد ما اتحمل وضعي وحياتي روحي تاهت . احس نفسي معلكه لاني لسمه ولاني لكاع

استهدي بلرحمان امي استهدي بلرحمان . وصلي على محمد خو مو هيج انتي دتفقدين اعصابج ....
رجعت اخط بهدومي وروحي خايفه من كسر كلمه لابو لواء . خايفه من مستقبلي وي ابو لواء بدون لا ناصر ولا معين . واني وياي ثنين بنات لا اكدر اعوفهم ولا اكدر اضل وياهن . واهلي ضعيفين حيل كدام ابو لواء واعوانه وبدت تتراوالي يوم زواجي . وضعفنه وشلون طلعت . ما هدأ كلبي نزلت عفت الجهال ونزلت

.
*طراطيش حجي ينسمع بين ام لواء وجيهان ....

جيهان : شنو كاتله روحها ع النومه متضل وتنجب ...

ام لواء : خاله اسوكتي حرام البنيه جاي تستفكد رجلها ....

والله خاله مو بحال الرجوله بحال النومه .

#البارت_الثالث عشر
_______

نهايه سنه ٨٩ وبدايه سنه ٩٠

اختتمت بحرب قلبي وانهيار ملكي وسقوط مملكتي وأبتدأت بحرب بلدي وحرمان طفولة اطفالي من ابسط حقوقهم الا وهيه الابوه .....
اين انت يا من فرشت الي البساط من ذهب ....

اين انت يا من قلدتني بلياقوت والمرجان والذهب ...

اين انت ايها العجب من العجب كل العجب .

محتاره وامري وياك لا رايده انساك ولا رايده اصدك وحايره بروحي وذل كلبي واني اشوف النسوان كلها استعدل حالها اله اني .
مو كادره انسه نهائياااااااا . يا عالم يا ناس والله مايسويها . والله ما يعوفني . يا ناس هذا مغرم بيه . يا ناس هذا روحه من الدنيا اني . ما يغدرتي هيج ما اكدر اصدك ابد ....
اقتصرت حياتي ع البجي والنوح . اشتغل ابيت عيالي واكمل شغلي وارجع لغرفتي حبيسه الدار لا اطلع ولا امشي صرت اتحسر على شوفه اهلي . ويوميه اسمع ابو لواء يكل لخالتي احتمال اسير .

او مرات اسمعه يكول مستشهد . يكول الها صاحبه ويا يكول داست عليه الدبابه .

واني بين نار تشتاط بيه . غيض وغل وقهر .

صرت استوحش مكاني اشتاق لامي . بناتي مو طايقه اشوفهن . ساره خبلتني بحركتها كلش وكحه وهاي كوثر متتحرك كلش فاهيه وحده نقيض الثانيه .

غياب ابو لواء بلبيت لمده شهر كامل خلالي قلق . واستفسرت منه لخالتي ام لواء : اكلج خاله . عمي وين ؟؟؟

ااااه عمج بلكويت ....

شنووو شيسوي ....

رايح يشوف جاسر ....

وشيريد منه خلي مرتاح هناك ....

يمه اسكتي شنو هلحجي غير يشوفو . مدام ناس راحو متأكدين منه ....

حاولت الم ما بقه من كرامتي : واذا شافه شيسويله شنو يعني قابل ارجعله . لا بله يحرم عليه رجال طول ما اشم الهوه ....
وج يمه استهدي بلرحمان . هسه بس خل نعرف ارضه بسما وين ...

خاله اني اريد اروح لأهلي علما يجي عمي عود ارجع وي لواء ....

اي اصبري هسه يجي يزن ياخذج ...

اي ميخالف .

صعدت فوك لميت غراضي وملابسي وملابس بناتي وانتظرته لحد ما اجه . عرفته خالتي كايلتله عن روحتي وهو اخذني ويوصيني بلطريق . دير بالج ع البنات ابوي وصاني بيهم .

لتخاف يزن ما عليهن شي ....

صعدت بلسياره بلصدر يمه وموثر بحظني وسةره وره .
ساره : عمو ازن ....

يزن : ها عمو ....

اين بابا . وكت يجي ....

يزن : احجي عدل انتي نو صغيرونه ....

ساره : ماما اين بابا .

ليلى : كول وين بابا . لتكولين اين ... ابوج بلكويت يريد يرجع ابوج الثاني ويجي ....
يزن التفت اليه . شافني احجي بأعصاب . وهو يكلي لتخافين ان شاء الله ماكو شي ....

هو شنو ماكو شي يزن اهلك معتبريني خدامه . يعني والله حته ضلتي بعد يمكم مو موالمه . شكو شعندي رجلي وتزوج عليه ..

يزن : لا ابد ام ساره محد معتبرج هيج نهائياااا بلعكس . انتي احد افراد البيت المهم الموحود بلبيت وثقي انو ابويه كلش مرتاح لوجودج . ولو ما مرتاح
جان طردج من اول يوم سافر جاسر .....

الله وكيلج جيف يشوفني اسمع كلامه وما اعصيله امر . والله لو عاصيتله امر جان حار شسوه بيه . بس حظ ما عندي ....

هسه انتي اصبري والله كريم ....

اااااخ شصبر يزن شصبر صارلي ٣ سنوات والله طك كلبي بعد ما اتحمل يوميه عمي مسافر للكويت كل فتره وراح يدور عليه . الله اليعلم وين مكانه بيا اراضي . الله اليعلم ويامن . لو اسير جان كلنه ميخالف انتظر لو العمر كله ....

استهدي بلرحمان هسه هو ابويه كال ما ارجع هلمره اذا ما اتأكد جاسر أراضي وين ....

ااااااوف اوووف يا نار كلبي .....
.
.
وصلني لبيت اهلي ونزلت ودعني بلباب يوصي ساره اسمعي كلام ماما ولتصيرين وكحه وطلتين بره الشارع اذا شافج عمو لواء يضربج ...

لا ما طع (اطلع ) ميضغبني (يضربني ) ....

.
استمرت بقائي ابيت اهلي ٣ اسابيع ضبط . وخلال هاي ال٣ اسابيع هواي دعيت الله سبحانه وتعال. يبينلي خبر جاسر وين .

وبعد ال٣ اسابيع اجع يزن اخذنه .
يزن : اني واكفلج بره حظري البنات وخل نروح ابويه رجع ويريد البنات ...

ليلى : اي الزم ساره ما عندي شي بس الم ملابسي واجي ... تعال طب ...

لا واكف بره منتظرج .
.
لازم ساره بيدي . تعاي خل اصعدج. هوووباااا .

هل ادد هوغن ( خل ادك هورن )

يزن : يلا ددي ( يلا دكي . يحجي بلغه ساره )
ساره . كول طااااء ...

ساره : قااااء....

يزن : كولي : ط ط ط طاااء
ساره : ق ق ق قاااء ....

يزن : كول راااء ...

غااااء ....

يزن : كول ار ار ارررر ...

ساره : اغغغغغغغغ ...

يزن : هههههه . تعاي كعدي ودكي هورن بلكي تطلع امج من وكت .

* ليلى .....

لملمت غراضي وحاجاتي وسلمت على امي وطلعت اركض .صعدت بلسياره وهو وصلني لببيت .
نزلت من السياره . ستقبلتني خالتي .

ها يزن بشريني ....

شبشرج ام ساره ابويه مشبر الكويت شبر شبر وما اله اي اثر بلكويت لا صادرات ولا واردات ولا اي مكان ...

يعني شنو معقوله بلعراق ....

ما اعرف ابويه محتار بي ومحتار وياا ....
.
.
.
.
ابو لواء ....
.......

#البارت_السادس عشر

1993
_____

كمجلس تحقيق وكلها كاعده تباوعلي وعمي احد ضابط الحرس الخاص وشكو بكولات راح يطلهن براسي . وهو يسألني : شمدريها سااااره بهلحجي ..

ليلى : عمي تره حجيك يصير بدافع ادانه . واني صارلي عمر عايشه وياكم ما اتصور شفتو شي مني ...

اطلعين وطبين وحدج . وحجايه ساره مو خاليه

التفتت ليزن : عاشت ايدك ....

يزن مستنكر : شكووو !

ابو لواء : ههههه يولي ليكون عبالج يزن كلي !!! هاااااهاااي ول انتي لسه متدرين ابو لواء شنو . اني الرعب بحالو . اخاف تتوقعين يزن يصف وياج او سوزان . قصص وروايات عراقية كرار صلاح
عمي الله يخليك لتحجي هيج كدام الاطفال . ما اقبل هلحجي ....

امشي اطلعي هسه وباجر يصير خير ......

.
.
كمت من يمه واني منتظره شراح يصير هواي خالجني رعب بداخلي من كلامه لان عمي صعب ادري بي . ليل كله ما نمت واني اشوف ساره تغط بنوم عميق متدري بيمن طيحتني بيا مصيبه ما حسيت اله الباب ندك واني الليل كله ما نايمته .

منووو ...

ام لواء : عمج يصيحلج ....

اي عمه هسه انزل ....

رحت نزلت سويت ريوك وكملت ودخلت دكيت الباب .
صاح بصوته الخشن : دخلي ....

بجلسه بدائره مغلقه وغرفه ما كاد يدخل الها الضوه من كد العتمه وكأننا بغرفه استجواب في مديريه الامن العام وهو يهمس ويكول : اسمعيني كلش زين . هلحين هذا الحجي الي احجي تا تعرفين وضعج و وضعنه وغيرو ما يصير . عندج هل هلحل يا تاخذين لواء ابني يا ترجعين لبيت اهلج بدون البنوات قصص وروايات عراقية كرار صلاح ....
ههههه عمي الله يخليك . انت شجاي تحجي وبعدين انت ليش اخذت كلام ساره على محمل الجد اني هاي طفله . ومثل ما انت متفاجئ بحجيتا اني هم والله وما اعرف منين جابته . خو مو ادمر حياتي على حساب كلمه طفله ....

شوفي يبت العالم والناس اشهد ما بلله هاي عمر انتي عايشه ويانه ما شفت شي مو مريح . مطيعه وحبابه وانه بدوري حاسبج مثل بنتي .بس الي اريده تزوجين ....

قاطعته : عمي شزوج اني ماخذه عهد على روحي ما اخذ غير جاسر لو اموت . وبعدين شاخذ . اخذ اخو . انت اذا صدك حاسبني مثل بنتك . فما اتوقع تقبل تنذل بنتك بهلطريقه هاي ....

اسمعيني عدل هلحجي الي احجي . شي اسمه يزن بلبيت وياج ما ترهم بعد

قاطعته : ليششش . تره الحجي الي حجته سلسبيل كله كذب وافتره والله هو الي كاعد على كرسي الحق هو الي يحكم . واخذ حقي منها ومن لسانها .

اذا اكطعي دم وسيحي عرك . الج خيارين ترحين لهلج . تزوجين ....

نزلن دموعي وهو يكول لا تبجين . لواء احسن الج عنده ٢ نسوان ما يضل مربوط بيج واذا متردينو ولدي ما يكربلج ولا يحدر صوبج .

واذا ما موافقه اني ما احرمج من الجهال وهذا حق مشروع لج شوكت ما يعجبج تعاي شوفيهم . انتي عشتي وشفتي وضعنه وصارلج عمر ويانه اني احفادي معزتهم خاصه . ما افرط بيهم . تكدرين تجين بلنهار وتشوفيهن . وبعد لج مهله يومين اريد ترجعيلي ردج فكري وقرري
.
.
.

كمت من يمه واني شايل على جتافي جبل من الهم . ما كدرت غير بس استأذنته حته بس اروح لبيت اهلي اشوف امي ولعل الله يراويني حل بكلامها . ولاول مره عمي يقبل يوديني بدون اي نقاش . هو وداني بنفسه وكلي فكري بلموضوع . يزن شاب وبعدلو كدامو هواي يلا يزوج وما اريد اخليج كدامو .

جان كل حجايه يحجيها مثل السهم المغروس بكلبي . كلش استحي من روحي لمجرد انو اني شي مباح او محد اعتداء حالي حال المصاصه المكشوف عنها الغلاف ياهو اليجي يجلب بيها ...

.
.

وصلت لبيت اهلي . من نظراتي عرفتني امي : شبيح شكلج مو طبيعيه ....

والله يوم ما ادري منين ابديلج ....

يااااع .. ولج احجي اخذتي روحي ....

يوم عمي يريد يزوجني ....

ضحكت مستبشره : اي يمه وشكو بيها ...

هسه انتي ضحكتي غير تعرفين المن ؟؟؟؟ بس اريد افتهم . عليش مكيفه ....

ولج انتي ما حاسبه حساب العمر ؟؟؟ عمرج هذا اليركض ليهسا ما حاسبه حسابه ؟ وبعدين هاي شوفه عينج لو ما ايمن !! ويامن ساويني كاعده وياج لو وي رجل زينب لو وي رجل حميده لو ما الله انطاني وليد جاساويني مشموره والله اليعلم وين مكاني .....

يااا امي يوووم يمممه امااااه لخاطر السماواااات اني دا احجي وياج اريد تساعديني مو تعاي تصعبيها عليه .

ياهو الجاي خاطبج ؟؟

هههه والله لو تدرين منو جان ما ضحكتي ....

ابو لواء ما يخلي بزره عد غريب . لو ابنه الجبير لو ابنه الصغير .....