.
صبرت اعلى الجرح حد ما خذاني الشيب
وتحملت السنين وضكت ما ضكته
الحنضل والعسل والزين والمو زين
كلهن جربتهن وانت ذاك انت
خابط يا وكت ما يصفى بيك الرأي
تطشرني وتلمني العمر خلصته
الجنيته وياك شنهي و وين بيه تريد ؟
انا هلال بسماك شبيك نزلته
اليكفر بالنجم تنطي ضواك شلون !
اليذم الشمس لا تحلف بخته
وابن نفس الحضن يضحك بعالي الصوت
ولا چنه اخوي وامي راضعته
.
.
#شعراء_وذواقين_الشعر_الشعبي
#ولاء_الفرطوسي
#ابو_تراب

.
مرات اختنك لمن يجيني الليل
افك شباج صدك و اوكف اتأمل
صياد احس روحي والنهر وشل
اشوفك جاي لية واركض اتخيل
اوصل للنهاية وابتدي من أول
اذا رفضت ضنوني جيتك ع البال
اغافلهن واكلك ما عليك اقبل
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وين اهلي عليلة ما دكوا الباب
ترى صحتي علية وگلبي موزين
بسطنا وعلينا التمت الناس
بعنا عقولنا بسوك المجانين
تمنينا نموت بغير تعذيب
وعلى المذبح نطرنا صارنا سنين
فض الازدحام وقلت الناس
وما كدامنا بس واحد اثنين
يوصلنا السرة ويتأجل الموت
يم اركابنا وتعمى السجاجين
.
.
#شعراء_وذواقين_الشعر_الشعبي
#الكاطع
#ابو_تراب

وحق الزين اخوها ... واخته زينه
يا راسي تهلسه ونه ... واخ تزينه
تلاحكنه اشتهرنا ... واختزينه
الضحك من يومكم ما مار بيه
.
.
#شعراء_وذواقين_الشعر_الشعبي
#منقول
#ابو_تراب

.
افا كلكم جفيتوني ... و كلكم
نسيتوا رويحتي الجانت ... وكلكم
الماي خلافي طابلكم ... واكلكم ؟
هني لو بالمسى تغصون بيه ؟
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
اليحب من طرف واحد يكره الليل
وكون تصير جا من عمره شاله
بعدها غروب واسأل بال يمرون
بيش الساعة والليل شبقاله
اصعب شي تحب الما يحس بيك
شخص ما يوم جيت انت اعلى باله
احسد ضله جي ممدود على الكاع
واكولن كون اتمدد بداله
واتعمد امر من يمه مخصوص
خاطر بس خيالي يطخ خياله
.
.
#شعراء_وذواقين_الشعر_الشعبي
#فاضل_كريم
#ابو_تراب

.
فزاعة بحقل لا تحطني ماريد
اساسي بطين ومخوف العصافير
بعد بس العدل وياي اخلي
خشبة وما رضت عوج البسامير
واذا بعت الغنم ما يكرب الذيب
وعذري وياي لو ابطل النواطير
.
.
#شعراء_وذواقين_الشعر_الشعبي
#سمير_صبيح
#ابو_تراب

ليش مو جنت الصنم وانتم قريش شتوباكم ؟
ليش مو جنت الشمس وانتم ضواها شغيراكم ؟

اريد الليل ياخذني واتؤنس على طيوفك
واريد الشوك يخنكني واتلمس ندى جفوفك
مالي حيل استاحش وانت اعلى بالي
ومالي حيل رسومك تموت بخيالي
ما اريد وكلشي اريد
بس اريد الليل ياخذني عليك
.
.
#شعراء_وذواقين_الشعر_الشعبي
#عباس_الغالبي
#ابو_تراب

دوم بحزن ما افرح ... مسامير
نهاري ضيم والاكثر ... مسا مير
المخدة شرك وفراشي ... مسامير
انكلب ما انكلب نفس القضيه
.
.
#شعراء_وذواقين_الشعر_الشعبي
#دايم_الشغانبي
#ابو_تراب

يا تعبي الكم منو يتعبه ؟ ... بس امكم
مثلي وجبدتي انسمت ... بسمكم
لون مجبل وصاحوا ... بأسمكم
كمت وانشده ملك الموت بيه
.
.
#شعراء_وذواقين_الشعر_الشعبي
#كامل_النوفلي
#ابو_تراب

.
لو تجين ! جا لكيتيني ملح بي حوبه امي
وجا لكيتيني خضار
شويه تاني مروت العاشك نهار
باردة عيوني عليج وگلبي حار
منين اجيب الحيل والحك
وانتي تمشين بجدم مطلوب ثار
حتى لا يشوف الموادع
كون من يوصل محطة
يغمض عيونه القطار
.
.
#شعراء_وذواقين_الشعر_الشعبي
#علي_رشم
#ابو_تراب

بلش عمري يكصر والوجع كثران
ملابس عامل ومكتوبلي ادمر
اكول الله كريم وبعد ما مرتاح
صاحب فاتحة فوك الخسارة اخسر
.
.
#شعراء_وذواقين_الشعر_الشعبي
#منقول
#ابو_تراب

تشتاقلي وتختنك؟
لو قررت تنسى؟
اصدمني اريد انصدم
عشرتنا جانت صدك
لو تعتبر ونسه؟
هذا الاحساس الچـنت
اتـمنى ما احسـه.!
.
.
#شعراء_وذواقين_الشعر_الشعبي
#منقول
#ابو_تراب

صاير ما تحَن ؟
كلش هالأيّام وحيّل تغَيرت
بيك المُوده
تچر گَلبي وتحَبسة بطَرف الرمُوش
لا عَين التشُبگه ولا تهِده !
ترِد گلمن يحبك
چنحَه مَكسور بَس
مَكسور خاطِر لا ترده .
.
.
#شعراء_وذواقين_الشعر_الشعبي
#نائل_المظفر
#ابو_تراب

انا اريد احلامي منكم
يا الكضيت ايامي عدكم
جانن احلى ايام يا وسفه ارحلن
و تلملمن كلهن عليه تلملمن
همومي ويلي همومي ما يتوصفن
.
.
#شعراء_وذواقين_الشعر_الشعبي
#منقول
#ابو_تراب

.
وانا انسان ما اقبل اشوف انسان متعذب
البلبل ما يغرد من يشوف غراب
فوك التيل متكهرب
ملحه هدومنا مالات عشر سنين
مو سمران بس هنه علينه الوانهن تكلب
.
.
#شعراء_وذواقين_الشعر_الشعبي
#الكاطع
#ابو_تراب

.
ونده روحي النسيم وليك حنيت
ومثل كَطره ندى بوردك تبديت
تمنيتك تجي بكَد ماتمنيت
وأكلك من عطشتك ليش ما جيت
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

وين جنتي ؟
و ليش متأخرة علية كل هالسنين
و ليش ما طيفج اجى وفزز صفنتي
قبل تسع سنين مريتي اعلى عيني وما وكفتي
ليش من دك الجرس ما صارن عيونج فرصتي
ليش يا أول درس يفترض جنتي
ليش من كف العمر هسة ضهرتي
.
.
#شعراء_وذواقين_الشعر_الشعبي
#محمد_الغريب
#ابو_تراب

جنت صغير العبك ... مو ليالي
بمواسم جنت احبك ... مو ليالي
وانت گبالي خايني
اباوع وافرك بذني
اكض صفاحي أذني
اكض ضلوعي بزني
گلت ياربي موتني
عليمن عايش وباقي
احب واحد نفى اخلاقي
خنت وتكول ما خاين ... مو الي يالي
جاب شفايفك ذبهن علية
.
.
#شعراء_وذواقين_الشعر_الشعبي
#علي_البديري
#ابو_تراب

.
صرفنا سنين حبنا وخلصن تبذير
و على يوم النشوفك باجر نجدي
خذني وياك اريدك ما اريد الغير
كون بسدك اكعد واكعد بسدي
.
.
#شعراء_وذواقين_الشعر_الشعبي
#جبار_رشيد
#ابو_تراب