.
يالتضحك وتبستم ميغرني هذا الوجة
انا اعرف الجوة
ادري اعلى گلبك وجة يضحك بالف يا علي
ويبتسم بالكوة
غير انا ابن الكصب شتريد مني اقتنع
بالمنجل مروة
ربعك اجوني امس يحجولي عن الصلح
والزاد والخوة
ما داعي اشرح بعد كل الحجيته سهل
والكلته ما اوضحة
اتعنى للمكبرة اكعد بصف اي كبر واحجي الحجيته الك
عاتبني اذا ما صحى
كافي ابقى طيب گلب كلما ادوس الخجل
انداس بالمستحى
اني مشيت بدرب مو لان كاضي بخت بس غرني كثر الحجي
هاكثر ما تمدحة
سويته الي مو درب نفس الصراط الذي مذكور بالفاتحة
.
.
.
.
#شعراء_وذاوقين_الشعر_الشعبي
#فاضل_كريم
#ابو_تراب

.
.
شلون انا رضيت تسافر بعيد
وودعتك امس مدري شجاني
هداني الله وكلتلك الله وياك
انا ياريت ربك ما هداني
مابية بعد اتحمل فراك
ولا بية بعد اصبر واتاني
احس عمري بغيابك جثة تنشال
على جتاف الدقايق والثواني
يطشرني القلق بجفوف الضنون
وألم الروح بجفوف الاماني
شعجب العين ما طاحت على الكاع
لمن شافتك ب أحضان ثاني
اذا انت تحس بالغربة معذور
اليعوف ارض الوطن لازم يعاني
بس انا غريب بكل الاحوال
اذا اسافر واذا اضل بمكاني
.
.
#شعراء_وذاوقين_الشعر_الشعبي
#فاضل_كريم
#ابو_تراب

.
ليش اجيك
لا وحق اي دمعة نزلت ما اجيك
اشتريتك يا البعتني والزمن غشاني بيك
وصعبة ابيعك مو لان غالي ثمن
بس افكر من ابيعك راح اغشك المشتريك
.
.
#شعراء_وذواقين_الشعر_الشعبي
#فاضل_كريم
#ابو_تراب

مو من اقل دفعه تحشم الناس
اذا ماطحت بالك تشكي وتصيح
امس بعيوني اباوع ..شفت الشراع
مايمشي اذا مادفعته الريح
اثبت بالشدايد بالك تميل
شمعه الماتدوس ادموعهه تطيح
.
.
#شعراء_وذواقين_الشعر_الشعبي
#فاضل_كريم
#ابو_تراب

ليش اجيك
لا وحق اي دمعة نزلت ما اجيك
اشتريتك يا البعتني والزمن غشاني بيك
وصعبة ابيعك مو لان غالي ثمن
بس افكر من ابيعك راح اغشك المشتريك
.
.
#شعراء_وذواقين_الشعر_الشعبي
#فاضل_كريم
#ابو_تراب

.
اليحب من طرف واحد يكره الليل
وكون تصير جا من عمره شاله
بعدها غروب واسأل بال يمرون
بيش الساعة والليل شبقاله
اصعب شي تحب الما يحس بيك
شخص ما يوم جيت انت اعلى باله
احسد ضله جي ممدود على الكاع
واكولن كون اتمدد بداله
واتعمد امر من يمه مخصوص
خاطر بس خيالي يطخ خياله
.
.
#شعراء_وذواقين_الشعر_الشعبي
#فاضل_كريم
#ابو_تراب

البارحة ب لهفة كمت من التراب
ميت اتعنيت اشتم من هواج
ما تغيرتي رغم كل هالسنين
ضحكة عيونج ولذة مستحاج
والله دنيا ! شلون اشوفج من بعيد؟
مدنكة تمشين وطفل يمشي وراج
.
.
#شعراء_وذواقين_الشعر_الشعبي
#فاضل_كريم
#ابو_تراب