.
اخذني وياك هناك ل ماي گلبك
بلكي روحي تنام
عصفورة جرف بلل جنحها الخوف
اخذني وياك
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
دنيا و وراها الموت وانا اصفنلها ؟!
شكثر ذلت ناس والله الا اذلها
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
كافي غيبة
كافي چلمات العتب على الناس يا روحي الغريبة
يالصفيتي بلا عقل ولعلتج ما تصح طيبة
يا الحسرتچ حسرة ام اثنين وافاها الكدر واصبحت ليبة
يا المثل دلة استوت ب وجاغ ما يخمد لهيبة
يا التضنين بعظم بلواج ما صارت مصيبة
هذا سهمج والسهم لوعات والخانه الوكت يرضى بنصيبة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
توصيني اعلى يا ذمة توصيني ؟
وحياتي انت ونبض يجري بشراييني
لونك مو دمع ما ضمتك عيني
لونك مو كحل ما شالتك عيني
يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
يواهس تضحك الدنيا على شفافك
يابو الليل الحلو اليلعب على جتافك
احس روحي تأمن بيك وتخافك
واحسك لغز شنهو انت وشنو اوصافك
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

اشتاگلي
المشتاك يطفى بماي عينه
ويشتعل بجفوف اديه بغير گلبه
ويبتشر والبيه بيه
الماي يخطف على الجروف وداع صدفة
ويعتني الهرش اليبس ما يعتنيه
اشتاگلي
اليعثر بظله يموت صاحي
واليعيش بلايا وعية بغير ظل
الشوك من ينبت بسچة يبات وبنادم يزل
اشتاگلي
جروحي غلاتي وعيبي صبري
ودفلتي السكته وحشتي بلايا هم
وحجتي الفشلة التطشني تراب ما يسواش لم
وهمي دنيا نبعت بيها بغيرك انت
وشنهو معناه الجرح من غير دم
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
بالكيف هو الگلب لمن يحب بالكيف
بالكيف ريح السفن لمن تهب بالكيف
الدنيا مرة بشته مرة بسموم وصيف
كلي شيشوف الجفن غير الدمع والطيف
يا هي يابو المستحى يا العينك ولاية
بيها الفرح والحزن يتلاكن حجاية
يصير ضاع العرف والجرف مل ماية
وعينك ولا كل عين
مشتني بين البين
لا نصح بيها الهوا ولا نفع بيها الحيف
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
طرت على الخاطر ايامه ... ومرت
وذكرته ونشفت رياكي ... ومرت
اعتصم مرات انا بصبري ... ومرات
اتضعضع والوسيعة تضيج بية
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
صوغني ولو من ليلكم نجمة تبات وياي
ولو طال السهر ويجيسها الوهواس
اطفيها بصبح والغبشة رشكه الماي
واشلعني ولع يدوي العطش بالروح
حتى انزع جلد روحي وارد لصباي
من يا صوت اصيحك والصدى يجاريك
واكلك مكدرت يالتكدر بلياي
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

كلها موسم حتى طبع الطير موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

اخذني وياك
هناك ل ماي گلبك بلكي روحي تنام
عصفورة جرف بلل جنحها الخوف
اخذني وياك
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
خذني بگليبك سوالف
خذني بعيونك حجي
لو ثكل حزن الليالي
يوكع بخدك بجي
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
اتلعثم من اشوفك ... واسطك انا
ومنو الوشوش بأذانك ... واسطكانه
تكلي وينك انت ؟ ... وسطك انا
تدور بالنبض تعثر علية
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
شتضن مثلنا الناس ترجف بالوداع
حتى الجدم مابي يثبت على الكاع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

سر وابتلي من احجي ومن اسكت يشيع
حصتي وعليه تنسام والشامت يبيع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
اعز من روحي اعزك وانت اعز مني
يا حسبه عمر خاويتها من صباي
بطلت صفنتي وما بطلت مني
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
هلي واخر مكاتيبي
كتبت الكم على الكاع
ابنكم باعته الدنيا ولا باع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
ونده روحي النسيم وليك حنيت
ومثل كَطره ندى بوردك تبديت
تمنيتك تجي بكَد ماتمنيت
وأكلك من عطشتك ليش ما جيت
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

واعلى واهسكم خبطنا الماي الازرك
طالبين بدين واعرض دينه
واعلى واهسكم لكينه الكصبه كعبة
نزور حزها ولو سفاهه بعينه
واعلى واهسكم عرفنه الموت الاول
واستحى وعينه انثنت من عينه
وجان ريح الخوف نفحة ريح شتوه
ولو شبچنة الكاع يعرك ليلنه
هاذبين وجانت الظلمة چوالي
تناثر الضحكة بحوافر خيلنه
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

كلها موسم حتى طبع الطير موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
.
.
#شعراء_وذواقين_الشعر_الشعبي
#عريان_السيد_خلف
#ابو_تراب