.
راح ابقى ذاك اليفتقد ويتابعك وينصحك
ماريد من عندك صلح
راح ابقى معتبرك ربح
واعشك ضحكتك حتى لو
تقرأ بوصيتي وتضحك
.
.
#شعراء_وذواقين_الشعر_الشعبي
#مهند_العزاوي
#ابو_تراب

.
هاي جيتي من الصور بس ماعرفتك
ياهو المغيرك عليه ذمه بركبتك
ياهو تارس عينك وماخذ مكاني
وانا حطيت اسمك بكل الاغاني
وانت حتى بصورتك گالب خلقتك
هاي جيتي من الصور بس ماعرفتك
هاي جيتي من الصور تعبان اجيت
طالع من السجن بس ما عندي بيت
لهسه بالجامع ادورك من تغيب
وطفل بعيوني اشوفك مو حبيب
وكت هسه تشوفني وما تلتفت
وانا من جابولي عطرك ما متت
.
.
#شعراء_وذواقين_الشعر_الشعبي
#حيدر_حطاب
#ابو_تراب

تسأليني اعلى حالي
وانا تعبان حالي
شيوصلني يمكم
وانتوا قصور اهلكم
تسد عين الليالي
.
.
#شعراء_وذواقين_الشعر_الشعبي
#منقول
#ابو_تراب

انا اريد احلامي منكم
يا الكضيت ايامي عدكم
جانن احلى ايام يا وسفة رحلن
.
.
#شعراء_وذواقين_الشعر_الشعبي
#منقول
#ابو_تراب

.
بيش اشتروك ورخصتني ؟
نمت بحضنهم جا وحضني
مرتاح كالوا من عفتني !
.
.
#شعراء_وذواقين_الشعر_الشعبي
#منقول
#ابو_تراب

ما لحكت اشوفك زين
تجيني شوية ب احلامي
انا تمنيت لو رسام
واكعدك ساعة كدامي
شسوي لعيني وتعوفك
بيتك سولت اجدامي
الموت ال بالحبل مرات يتأخر
ردت بسوارك اعدامي
انا بغيبتك لا قوة لا حولة
النسيان هم معروف ليش الغربة انا اولى
يوم يجرله يوم وما كدرت انساك
نسيانك مبين سالفة مطولة
.
.
#شعراء_وذواقين_الشعر_الشعبي
#باهر_الجنديل
#ابو_تراب

ما نادم عليك ولا على الصار
نادم على الگلبك ما عرف يختار
جبت بيدي عذابي
وخسرت اول شبابي
وخسارة يضيع عمري وارد خالي
ليش اسأل بعد شلي بسؤالي
.
.
#شعراء_وذواقين_الشعر_الشعبي
#منقول
#ابو_تراب

.
خذني بگليبك سوالف
خذني بعيونك حجي
لو ثكل حزن الليالي
يوكع بخدك بجي
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

يا طعم يا ليلة من ليل البنفسج
يا عذر يا مامش بمامش واحبك
طبع گلبي من اطباعك ذهب
ترخص اغليك واحبك
انا متعلم عليك هواي يا سولة سكتي
ويا طواريك من الظلمة تجيني
جانن ثيابي علية غربة قبل جيتك
ومستاحش من عيوني
وعلى المامش حنيني
.
.
#شعراء_وذواقين_الشعر_الشعبي
#مظفر_النواب
#ابو_تراب

ازاعلنه ورجعت من الزعل مخنوك
ما اذكر شسولفنه وشسويت
ركض صيح بچى شيذكر المحروك ؟
.
.
#شعراء_وذواقين_الشعر_الشعبي
#سعد_شميل
#ابو_تراب

انا اتمنى اجي يمك
واسولفلك على احوالي
واحط بأيدك وجع گلبي
واكلك ياهو كتالي
.
.
#شعراء_وذواقين_الشعر_الشعبي
#علي_الدلفي
#ابو_تراب

يمكن علية بشوفتك مستكثر
من تدير وجهك لو مدنك تعبر
نفسك هذاك وما تغير شي بيك
لو ما عيونك جا كلت كلك مر
.
.
#شعراء_وذواقين_الشعر_الشعبي
#عصام_كريم
#ابو_تراب

دخيلك لا تصدلي بعينك التذبح
انا مجرح كبل وارهم للمجرح
هدني بداعة الله ارحمني اترجاك
اي موضوع عن العشك لا تفتح
ولك موتني ذكرك غادر التفكير
شعندك بالعقل بس تسرح وتمرح
شلك بمتحاني وساعة ما قاريك
حتى من ارد اغشن بيك ما انجح
يسمر مالي حيلك وانت حسنك جيش
بطرك روحي شفتني وجايني مسلح
.
.
#شعراء_وذواقين_الشعر_الشعبي
#جبار_رشيد
#ابو_تراب

.
انا ابتديت الحجي اوصف جزيرة بحر
الصبح كلها ندى و بالليل كلها ذهب
لساحلها اجيت بلم مشرك يعبر حزن
ومجذافة كلش تعب
مدتلي اديها جرف شفت الجزيرة عجب
يحيط بيها الوفى وبين الجبال بترف
نايم شعرها كصب
نخلة الجذع يختلف ريش الحمامة خشن
عكس النخل مو كرب
و وسط الجزيرة خصر بي عين بس مو نبع
وعنها بمسافة عنب
گلي انت توصف مرة
لا كتله فاهم غلط
كتلك جزيرة بحر الصبح كلها ندى
و بالليل كلها ذهب
.
.
#شعراء_وذواقين_الشعر_الشعبي
#سمير_صبيح
#ابو_تراب

ليش راجع راجع انت احنا مو كلنا انتهينه
ليش راجع راجع انت شذكرك هاليوم بينه
كوة طيبنه الجروح
الما رضت بعدك تروح
واني اكذب والله اكذب لو كلت لحظة نسيتك
رحت ادور خلص عمري وما لكيتك
.
.
#شعراء_وذواقين_الشعر_الشعبي
#منقول
#ابو_تراب

من الباب اجيتك جنت شاريك
وعاف هواي گلبي وگلبك اختار
صار سنين احبك مو عشك يوم
حتى انساك سكته ووجهي يندار
الك بالروح حسرة تكطع الروح
والك جرحي اعلى طولي من البعد صار
انا بنار هجرك مشتعل ماي !
ماي ومشتعل بيش انطفي بنار ؟
.
.
#شعراء_وذواقين_الشعر_الشعبي
#احمد_هندي
#ابو_تراب

.
المهم تخلص وكلشي يهون بعدين
واصبر على الوجع بلكي تعود
كلها ايام تكضي وترجع تراب
واحلامك تموت وكلشي ينهد
حتى الخابصينك واليحبوك
رابع يوم ويذبون الاسود
خل حجيك بصدرك محد يفيد
شدة وتنعبر لا تشكي ل احد
.
.
#شعراء_وذواقين_الشعر_الشعبي
#عزام_الشمري
#ابو_تراب

العشتهن وحدي محد مار بيهن
لذالك لحد يسولف عليهن
انعم الله اعلى الايام شكشفت وجوة
صحيح أذني بس عاشت اديهن
.
.
#شعراء_وذواقين_الشعر_الشعبي
#محمد_الطالقاني
#ابو_تراب

ها يروحي لخاطر الله اليوم هيدي
ها يروحي الراح راح ماهو بأيدي
الدنيا ما اكدر عليها
زين مني وباقي بيها
ويا عيوني ولو يفيد الدمع زيدي
توسدت حزني اسولف للنجوم
وابد ما مرت علية الراحة يوم
منين ما اكلبها هم
واني من دم ولحم
الدنيا ما اكدر عليها
فضل مني وباقي بيها
ويا عيوني لو يفيد الدمع زيدي
.
.
#شعراء_وذواقين_الشعر_الشعبي
#منقول
#ابو_تراب

.
مسودنين
صاحت علينا الشوارع لا تجون
وصاحت الوادم ابد ما يستحون
مسودنين
تعرف الوادم حجينه بس تسد اسماعها
واحنه محد يشترينه وتركض اعلى الباعها
لا حجينه بالف شفه
ولا لبسنا هدوم ترفه
ولا كدرنا نعيش يوم ملونين
وباعنه الما يشترينه
وصاحت الوادم علينا مسودنين
.
.
#شعراء_وذواقين_الشعر_الشعبي
#محمد_الغريب
#ابو_تراب