.
انا ما رايد مشيتك بس وداعآ
انت يا اغلى خسارات العشتها
انا الهاضمني ما ودعتك هواي
واكو حجايات ضلت ما كلتها
ما اچلب واكلك ابقى لا تروح
المهم تذكرني بس هاي الردتها
صعبة تروح هي المشكلة هنا
ويمكن ما اضل عايش بلياك
واذا لا سامح الله نكول ضليت
هنانه احسبني يعني مقصر وياك
اذا عدلين ما مقسوملي نموت
بلكت قاسم الله ونلتقي هناك
.
.
#شعراء_وذواقين_الشعر_الشعبي
#عزام_الشمري
#ابو_تراب

.
صاير ما تحن كلش هالايام
وحيل تغيرت بيك المودة
تجر گلبي وتحبسه بطرف الرموش
لا عينك تشبكه ولا تهدة
رد كلمن يحبك جنحه مكسور
بس مكسور خاطر لا تردة
.
.
#شعراء_وذواقين_الشعر_الشعبي
#جبار_رشيد
#ابو_تراب

.
طار وما كلت للناس ... على الطار
وشسولف على الجرح بالگلب ... على الطر
جنت وياك شايل خلك ... عطار
طفل ما تشتري وتلعب علية
.
.
#شعراء_وذواقين_الشعر_الشعبي
#جبار_رشيد
#ابو_تراب

يا من مكدر علية
غيرك فصالة صعب
جم دوب اخيط واشك
يا اللذتك بريتي
وين الكى مثلك هوا
لولاك والله اختنك
.
.
#شعراء_وذواقين_الشعر_الشعبي
#الكاطع
#ابو_تراب

الاودهم ليش مو مثلي ... ودوني
وعلية ضحكوا شامت ... ودوني
عدل واهلي على المغيسل ... ودوني
لان ما هيسوا نبضات بية
.
.
#شعراء_وذواقين_الشعر_الشعبي
#منقول
#ابو_تراب

جنت بالروح هسة تطلع الروح
كرهتك كد معزتك كبل واكثر
خط كحله جنت من عيني لليل
كبل لمن جنت بالراس تفتـر
رجلك بالرمل شحة نخل بيك
اذا تمشي بحديقة الورد يحتـر
صوجك صوفرت بچيت فلاح
لو تشرب نهر ماترجع اخضـر
.
.
#شعراء_وذواقين_الشعر_الشعبي
#علي_الشمري
#ابو_تراب

.
بعد يا صاحبي لا تحجي وياي
لان ما قدرت كل السوالف
امس ما سامحتني وانت غلطان
وخمس مرات اجيت وكتلك اسف
بس انا اعتذر وانت ابن القصور
قابل تعتذر ل ابن الصرايف !
على موقف غلط مني تبريت
وعيونك نست كل المواقف
خمس سنين الك شمعة انا ضويت
اضوي واشتعلك وانت خايف
وتطفيني العواصف واني اضويك
وتخليني بجروحي وي العواصف
بعد يا صاحبي لا تحجي وياي
لان ما قدرت كل السوالف
.
.
#شعراء_وذواقين_الشعر_الشعبي
#نائل_المظفر
#ابو_تراب

.
يا گلبي ليا وكت تعتني الما يشتاك
وتبذر احساسك على الما يهتم
ال على ايدك ما يضل شلفايدة من يعود
يتبعثر وراك وتلتفت يلتم
من حنيتك شكد حذرتني الناس
بس اخجل اكلهم گلبي ما يفهم
عشت لخاطرك من انطعن ماكول
وبحرة صوابي كبالك اتكتم
واهد جرحي واواسي الشايل السجين
واكله اعذرني اذا سجينك اتألم
جم مرة الزعل منطيه حجاية يصير
واتراجع واطمنك كبل لا تعلم
.
.
#شعراء_وذواقين_الشعر_الشعبي
#ايهاب_المالكي
#ابو_تراب

بايعني برخص وحتى ما مهتم
ولا چني المفضلك على الهوا الينشم
هم اهل الفضل مزاتهم نكران
ياهو الرد سلام الكمر من سلم ؟
وانا كتلك اتعبلي شلون هيج نعيش
واحد مبني بينه وواحد مهدم
السيف الما يتعب روحه وكت الضيج
يرجع سالم وراعيه المثلم
زينات العمر يكضن بشينه يوم
لا تجبرني كوه بغيرك اتحلم
.
.
#شعراء_وذواقين_الشعر_الشعبي
#علي_نافع
#ابو_تراب

شلونكم ؟
شلون لون المستحى البوجوهكم
مثل الاول ..؟ لو خبط مايه وتغير لونكم ؟
جنت اشوف الشمس تطلع مرتين
مرة من حضن السما
ومرة تطلع من اشوف وجوهكم
شلون حال الوفى بين عيونكم ؟
تربي لو عافت سججنه ؟
انا بعيوني اشك وما اشك بعيونكم
انا بگليبي اشك وما اشك بكلوبكم
.
.
#شعراء_وذواقين_الشعر_الشعبي
#كاظم_الركابي
#ابو_تراب

.
انسحب بس بكرامه وما اطخ راس
ولا اعقب على اسلوب الرسايل
صافي وگلبي چنه مراية الماي
ما تكسرني اطلعك انت مايل
ما احب الفراك رويحة طيور
اكتنلي ولا تزاعلني السنابل
ما احب الفراك وهمة رادوا
حنين انا ومحنة امي شايل
الماحطني ربح لايامه خسران
انا الشجرة التحبها البلابل
.
.
#شعراء_وذواقين_الشعر_الشعبي
#حيدر_هواد
#ابو_تراب

جفيان شر ل گلوبنا نشيل
ناخذ صوركم والمراسيل
هي المحنة مو تواسيل
.
.
#شعراء_وذواقين_الشعر_الشعبي
#منقول
#ابو_تراب

ما تسوون اسكت ما اعاتب
واصبر الروح واصبر على المصايب
منكم كاطع اليأس
تمشون بحجي الناس
ضيم المر علية بي غربلتكم
.
.
#شعراء_وذواقين_الشعر_الشعبي
#سمير_صبيح
#ابو_تراب

وتصدكون اذا اكلكم ؟
صحيت من العشك فشلان
وجة يضحك گلب يبجي
مثل المنه والبي باكة يتعير اذا يحجي
ينطي الظهر للشدوا بحبل الاعدام
وبرية المسعد فرش روحه ونام
حتى الهوا مصلحجي
.
.
#شعراء_وذواقين_الشعر_الشعبي
#ولاء_الركابي
#ابو_تراب

اضن من صورتك ضل چلبت بي
بس جانت ضلام شلون ضلها
وارد انوب اشوفك مو مثل ذيج
الشوفه الگبل لحظة لا مثلها
لا ثلث القصايد تنكتب بيك
لا نص القصايد والله كلها
.
.
#شعراء_وذواقين_الشعر_الشعبي
#ميثم_فالح
#ابو_تراب

مسحتوا ارقامنا من عدكم شلون
جفكم طاوعاكم والله زحمة
بذيج الليلة الا شوية و نموت
مثل واحد تموت كباله امة
ما فكرنا لحظة نخون و نبيع
اذا ناسين احنا انطينه كلمة
صح عبرت علينه هواي جذبات
عبرت چي نحب مو لان غشمة
.
.
#شعراء_وذواقين_الشعر_الشعبي
#حسن_مهدود
#ابو_تراب

.
الليله اموت الليله اخر ليله
الليلة دمي يطرز الفانيله
الغيم مد ايدة اعلى راسي
والمطر شد حيله
يمه اخافن يمه ضميني بسواد الشيله
.
.
#شعراء_وذواقين_الشعر_الشعبي
#الكاطع
#ابو_تراب

ضعت ما عاد اوجدك بعد ... كبره
ب بحر وعليك نار الشوك ... كبره
تعال وشوف اصغر جرح ... كبره
بكبر كاع الله ست نوبات بية
.
.
#شعراء_وذواقين_الشعر_الشعبي
#منقول
#ابو_تراب

عيوني وجذبن وياي
وين الكى الصدك عد من ؟
بس طيور تعبانات يمي بليل يلتمن
سوالف همي ودنياي بيمن هالكلب أمن
تعز روحي واكل للخوف
ضل بالبيت وانا امشي
.
.
#شعراء_وذواقين_الشعر_الشعبي
#الكاطع
#ابو_تراب

.
اذا ما قدرت روحي
انا ياهو اليقدرها
شنو بالليل اطب لو صورتك وارتاح
لو اكوم لخواطر اهلي اكسرها
.
.
#شعراء_وذواقين_الشعر_الشعبي
#عباس_الذهبي
#ابو_تراب