حبيتك شجاني وما حسبت حساب
خيعونك علية وانا خيعوني
متحبني واحبك والمصيبة انوب
اريدك وانهزم من اليريدوني
من دونك صرت ماعيش ويا الناس
وانت بكل سعادة تعيش من دوني
.
.
#شعراء_وذواقين_الشعر_الشعبي
#جبار_رشيد
#ابو_تراب

شيصيرن بعد خل اليصير يصير
خل كل شي الـ الية وينگلب ضدي
خل سنيني تغرگ خله عمري يفيض
خله گبال عيني وينهدم سدي
خايف صح چنت بس چنت اخاف عليك
والمن بَعدك انتَ وخايف شعندي
.
.
#شعراء_وذواقين_الشعر_الشعبي
#جبار_رشيد
#ابو_تراب

.
تعال اشلع الطين البي عرك ملكاك
بيا صحرة حنينه تمشى قافلته
جبروك وطفيت و واهسك وياي
كفرت بگلشي بعدك والعشك صمته
على برد العطش وتبده وجهك ماي
على كل حال گلبك روحي عاذرته
.
.
#شعراء_وذواقين_الشعر_الشعبي
#علي_رشم
#ابو_تراب

الناس نامت واني ما غمضتلي عين
بالي يمك وانت بالك مدري وين !
.
.
#شعراء_وذواقين_الشعر_الشعبي
#منقول
#ابو_تراب

بعدني شما علوا حدري
بعدني شما حجوا ادري
بعدني اكبر .... شما رادوا اطيح عيونهم تعثر
شما رادوا اغيب ابالهم افتر
وبعدني اكبر
بعدني شما خذوا مني افيض بمستحاي اكثر
.
.
#شعراء_وذواقين_الشعر_الشعبي
#قاسم_بخيت
#ابو_تراب

.
تنكر يا فضل حتى الدروب شهود
وبعد هاي الادله شلون تنكرهن
بصمات الكحل والرمش والنظرات
على جروحي لكوها وخنجرك يمهن
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
شنو بكافور غسلوا گلبك وياي
عساها بخت المدبر المكيدة
ايدك حطها بأيدي نشيع الفراك
اذا صفيت نيتك مو بعيدة
يمتى اسمع هلاهل موت الوداع
العاشك يم حبيبه يكضي عيدة
وبقت لك فرصة وحدة وينتهي الدور
اكو غيرك محب واصل بريدة
اعذروني هالمرة تواضعت حيل
اذا يقبلني اعيش بنص وريدة
.
.
#شعراء_وذواقين_الشعر_الشعبي
#نور_اللامي
#ابو_تراب

.
كون يمك
الف هنيالة الينام الليلة يمك
كون يمك
كون احضنك كون ابوسك كون اشمك
كون احط راسي اعلى صدرك
بلكي خدي يزيل همك
اني احبك واني احب كل حرف ب اسمك
وانا احس يجرن سوى دمي وي دمك
ناري ما تطفى ولا نارك طفت
وعيني قبلك تبجي اذا عينك بچت
يا العزيز الما غبت عن بالي لحظة
ما اكول انت بعدت وشلون اضلمك
ومن يذكرونك كبالي يبين بوجهي القلق لو جابوا اسمك
انت نقطة ضعفي انت ولو احب ثاني ارد وارجع احبك
كون يمك
.
.
#شعراء_وذواقين_الشعر_الشعبي
#عادل_محسن
#ابو_تراب

حبيبي بيا بخت وياي ... شديت ؟
وعدا هجرك الي شقدمت ... شديت
ب أصبعك حتى تذكر خيط ... شديت
انحصر دمك ولا فكرت بية
.
.
#شعراء_وذواقين_الشعر_الشعبي
#جبار_رشيد
#ابو_تراب

منو الشايف النوم؟ يسولف شلونه
كمت احسد كلمن غمض عيونه
منو اليشبهني يكعد لصبح سهران
منو اليلكونه كاعد من يكعدونا ؟
يبو النومه الثكيلة وبال خالي هموم
لاتعتب على الماطابگ جفونه
ترة الماغافي ناس ابالة ما يغفون
يريد ينام لكن ما يخلونه
.
.

#شعراء_وذواقين_الشعر_الشعبي
#يوسف_الساعدي
#ابو_تراب

يا حبيبي الليل حلفني بضحكتك
يلا نمته
مرة كتلي الدنيا شنهي ؟
وكتلك انت
.
.
#شعراء_وذواقين_الشعر_الشعبي
#باهر_الجنديل
#ابو_تراب

جربها مرة ونام ملچوم
وشوف شثكلها عليك الهدوم
شبعداتكم بس هو الاغرب
ليش الدرب من يمكم اقرب
كون اليرد للبيت لو غاب
جفوف التحبه التفتح الباب
.
.
#شعراء_وذواقين_الشعر_الشعبي
#مثنى_كامل
#ابو_تراب

جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ما حسستك بفرق المواليد
.
.
#شعراء_وذواقين_الشعر_الشعبي
#نور_اللامي
#ابو_تراب

كالولي انخطف گلبه
وعذر ما كاعد الكالك
صدك من تسمع اغنية ؟
شخص غيري يجي ابالك
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
المثلك ما يجي ابالي وتمنيتك
وتسوى عيونك دموعي و ترجيتك
كتلك لا تبجيني الدمع يمحيك
بس ما جني وصيتك
رخيص ومن بجيت عليك غليتك
ومو بس على المواعيد الصدك ندمان
حتى اعلى الاحلام ال بيها تانيتك
بعد بعيوني ما تحله
شيرد لهفتي لشوفك صعب تحيي السهل كتله
ومثل فزت الحلم گلبي بعد ما تكدر تردله
.
.
#شعراء_وذواقين_الشعر_الشعبي
#عمار_سالم
#ابو_تراب

شكد دعينالك تجينه
ما طفى الشوك ونسينه
تسمع الفرحة بجينه
وينك حبيبي
لا نسينه ولا تعبنه
ولا قنع واحد گلبنه
وينك حبيبي
عالية انفاس انتظارك
الروح محتاجة لخضارك
يا حبيبي وين دارك
وينك حبيبي
.
.
#شعراء_وذواقين_الشعر_الشعبي
#فاضل_حسن
#ابو_تراب

انا خايف منك وخايف عليك
خاف اكلك روح تفهمني غلط
دورتلك حل وسط حتى استراح
وما لكيت لروحي كبلك حل وسط
يا نقاط تريد احط اعلى الحروف
وهي نص حروفنا بلايا نقط
.
.
#شعراء_وذواقين_الشعر_الشعبي
#عماد_العكيلي
#ابو_تراب

رسايل ما رضن يرحن و اوديهن
يخافن جفك الغايب يأذيهن

.
.
#شعراء_وذواقين_الشعر_الشعبي
#علي_طالب
#ابو_تراب

اربع وعشرين ساعة بالي يمك
وهسة بالاحلام صارت شوفتك
وكمت اول ما افز من نومي لازم
الزم بجفي جكارة وصورتك
.
.
#شعراء_وذواقين_الشعر_الشعبي
#حسن_مهدود
#ابو_تراب

.
شسويت شوف شسويت
ما كدرتها وغصيت
بالحطب غطيت النار
ردت اليصير وما صار
انوب جبتلها جروح
حطيت فوك جروحي
شوف شلعبت بروحي
.
.
#شعراء_وذواقين_الشعر_الشعبي
#سمير_صبيح
#ابو_تراب