.
هي حيرة ومن صدك يفلان حيرة
نوفي حيرة
نصير بذاتين حيرة
مثل شبجة صيد والتفت ع جنحان طيرة
حيرة الغركان والروجه جبل تمشي ع راسه
وايدة تومي هلبت مسيسة تجي وصلت جزيرة
نوفي غشمة نصير
وحجاية بحلك بايع ضميرة
نصير بذاتين
ما يرهم علينه الثوب وردانه كصيرة
والله حيرة
.
#شعراء_وذواقين_الشعر_الشعبي
#مكي_الربيعي
#ابو_تراب

.
انا بلياك مدري شبية ما بية
زلف وبلاية ترجية
درب ما بية كل جية
نهر فاض وتبع مية
رجع بس ما لكاله جروف
كون تشوف روحي شخله بيها الخوف
مطلوبة نذر وتخاف ما توصل حضرتك من بعيد تطوف
كون تشوف روحي شخله بيها الخوف
مثل دم العروس الجاية اعلى اجناب
ويصبر عليها وجابها الزافوف
وشوف شخله بية الخوف
مثل حلت مدارس روحي احسها اطفال
حلت وتركتني وباقي بس صفوف
ويا وحشة صفوفي ومن يجيني الليل
ويا لون الوجه بعدك الضل مخطوف
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ماشيت النهر بس ما صرت ناعور
ورافكت الفرح بس ما ضكت ملحة
شاركت الحزن والعمر راس المال
وحجاية بخت شبعان من ربحة
مثل الخيط عايش والحياة حظوظ
لو تسكن شمع لو تسكن بسبحة
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
اغفى واسد عيوني عن كل حلم
كل طيف مابي صورتك ينطرد
كون بحطب نمرود واتذكرك
اكعد وافزن ميت من البرد
يعرض زلال عيونك بصفنتي
كل ما شفت كطرة ندى اعلى الورد
اشبكني حيل ارد اكبر بعصرتك
غيرك بريشة يجيسني وانمرد
غيرك عزفني ونشز وسولفت
الله اكولن غرد المنفرد
شايف خدودك من يمرهن خجل
تطاير نجوم السما من الجلد
.
.
.
.
#شعراء_وذاوقين_الشعر_الشعبي
#نهاد_الخيكاني
#ابو_تراب

.
.
وزعوا موت اعلى الخلك
خفنه ورجعنا ليورا
وجبرونا ان نلزم سرا
الكدام يسأل بالورا
شنهو الحصل شنهو الجرى
ثاري مثل موت النخل واحدنه ميت وكفه
على الغصن حيه مزيفة
العصفور طير شعرفه
سد عشه للنخله صعد
كضته سنون السعفه
وقرروا في جذع النخل ممنوع تنبت سعفه
وممنوع ترجف سعفه
ولو وحدة رجفت من غضب او صدفه
ول ادنى سبب
يكصون راس الصدفه
.
.
#صباح_الهلالي
#شعراء_وذواقين_الشعر_الشعبي
#ابو_تراب

.
تقريبآ الكل ما وفى ومحد سأل عن حالي
وأخرهم انت للاسف راح التعب على الخالي
والي من اولها غدر ما يوفي الك بالتالي
هسة انا محتار گلبي شيصبره ؟
وبظهري طعنات عايفها ذكرى
خليني وحدي ارد ابجي بلكي ارتاح
تعبني وكتي الراح ما خله شي عندي
فرصه سعيدة ما كلت فرصتنه مو سعيدة
والي يعيش لوحدة بهالزمن عاشت ايدة
والكال عن روحه وفي هذا الكلام يفيدة
من عكست وياي محد بچالي
صح وحدي ضليت بس راسي عالي
.
.
.
.
#شعراء_وذواقين_الشعر_الشعبي
#احمد_عاشور
#ابو_تراب

.
كالوا وصفه كتلهم عيونه كبار
شكد شام بركبته واكثر من الزار
مغرور وحلاته اليعشگ المغرور
كليب يدير وجهه وهو ما يندار
كلي تريدني تقدملي ذاك الباب
كتله وداعتك ما عندي لعب زغار
انا المو شمس وادخل من الشباچ
ابن عربي واعرف منين اطب الدار
.
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
ما ناسيك بس والله الضروف هواي
واحس ب اثنينهن مشتاق ومقصر
انا لو عايفك ما جان افز بالليل
واشبك صورتك واثنينه نجمر
انا ب اصعب ضرف مريت
وانت تگلي متغير ؟
انا بجبهه غيابك ضايعتلي سنين
حرب من طرف واحد بيها متبعثر
ومثل الجندي يومية التحق بالليل
ما تنطيني اجازة همومك تحير
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
امي بسنين العجاف نكتفي بريحة حضنها
ومن نجوع تثرد الجوع بلبنها
ولو عطشنه تعصر عيون العطش وتجيبه ماي
وتحلب الصيف وتشربنه ندى
تطحن برحه صبرها العوز وتسوي غدة
امي اخذ لونه الفرح من لونها
امي اخذ لونه الحزن من لونها
امي كاس ايام حنضل شنته بليمونها
ترفع بجفها لواء اسمه الحنان
جربة العباس ماي عيونها
.
.
.
.
#شعراء_وذاوقين_الشعر_الشعبي
#عماد_المطاريحي
#ابو_تراب

.
اول مرة احس مرتاح من دونك
وعيونك ولا مشتاك لعيونك
تكلهم ما وفالي ضحكتني بهاي
هسة انت حبيبي بالوفة شلونك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
انا احبك حتى لو غيري الخذاك
انت تبقى بداخلي مالك غرض
وكلشي بالدنيا حلو يذكرني بيك
يا خسارة عمري يالمالك عوض
وكت كمت اسمك اسمعه من الغريب
كبل جنت اسمك اسمعه ويا النبض
وانت خلي ودمعتي ونجمي البعيد
انت يقرونك علية وكت المرض
انا مابية نقص والله العظيم
انا حظ ماعندي بس عايزني حظ
.
.
.
#شعراء_وذواقين_الشعر_الشعبي
#علي_حداد
#ابو_تراب

.
انا من دنكت ما جنت ادور كاع
ولكن ثكلت الحسبات البالي
واجيت انت وكلتلك لا تدك الباب
ترى هو اليموت يموت للتالي
انا ردتك قبل من جان گلبي بخير
قبل لا اصيح ياهو يصير جتالي
قبل من جنت اغمض خاطر اتلكاك
بعدين افتهمت الظلمة تحلالي
بعدين افتهمت النجم ليش بعيد
اثاري الناس تكره كلمن يلالي
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
واحد سألني اشرحلي معنى الذله
جاوبته سجل هاي كلش سهله
شايف اذا مشتاك وانت الزعلان
وجسمك على المحبوب يرجف كله
ولا بيك تتنازل وگلبك مكسور
ولا بيك تعديها اله وتغفرله
من تختنك بالليل والبيت يضيك
تشتاكله وشخباركم تكتبله
وتتندم شوازاني هسة شدزيت
وتكتبله اسف بالغلط وتدزله
وبيدك صور تاخذ عيونك ليوين؟
لأول مسامر بين رحله ورحله
شايف اذا بالصور روحك تندار
على القبله بس ما تدري وين القبله
.
.
.
.
#شعراء_وذاوقين_الشعر_الشعبي
#انيس_العيساوي
#ابو_تراب

.
روح ما امنعك حبيبي وداعتك
اي مكان يعجبك وبي راحتك
الله موجود وبدونك ما اموت
وياهو كلك راح اضل بعازتك
بس اريدك تذكر ايام الدلال
البيها عيشتك عمر فوك الخيال
وانا للشمات ابد ما راح اكول
انت بشرهم واخذها بشارتك
انت بأيدك شلت من عينك ضواك
وخل يفيدك باجر المني خذاك
وعود لو رايدي تجيني شلي بيك
وين اكو واحد مسوي سوايتك
روح ما امنعك حبيبي وداعتك
.
.
#شعراء_وذواقين_الشعر_الشعبي
#منقول
#ابو_تراب

.
حبيبي بيا بخت وياي ... شديت ؟
وعدا هجرك الي شقدمت ... شديت
ب أصبعك حتى تذكر خيط ... شديت
انحصر دمك ولا فكرت بية
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

بدربي كلت لو مو سوه امشي بحياتي بلا درب
يمكن يشح عني الهوى
لا .. بس جذب
معقوله ما نمشي سوى
مقوله في لحظه الشمس للكاع وما تنطي ضوه
وننتهي وما نلكي صبح
معقوله يطلعلي جرح
معقوله ريشة شفتك ترسملي بلضحكه رمح
لا موصدك
خلينا من هذا الحجي
بجفوني سوله اعله البجي
وصياد كاعد بلجفن للدمع شايل فالته
وياك اني جن صرت مثل الهلال وهالته
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

اشتاگلي
المشتاك يطفى بماي عينه
ويشتعل بجفوف اديه بغير گلبه
ويبتشر والبيه بيه
الماي يخطف على الجروف وداع صدفة
ويعتني الهرش اليبس ما يعتنيه
اشتاگلي
اليعثر بظله يموت صاحي
واليعيش بلايا وعية بغير ظل
الشوك من ينبت بسچة يبات وبنادم يزل
اشتاگلي
جروحي غلاتي وعيبي صبري
ودفلتي السكته وحشتي بلايا هم
وحجتي الفشلة التطشني تراب ما يسواش لم
وهمي دنيا نبعت بيها بغيرك انت
وشنهو معناه الجرح من غير دم
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
يلچمني اليود ويريدني انساك
وانا العايشك ما عايش وياك
من كد ما دعيت الله يخليك
مدري بيا كتر بالروح خلاك
مابية نقص خاطر تكملني
بس مرات احسك منثلم مني
بشر بس عازتك عازة هوة الله وماي
جم مرة نويت انساك بس فني
من عمري اعلى عمرة الفات لومات
اعزاز وعيبكم بس المسافات
متت وترحمولي الما يرحمون
وشوك وجودرت بية الحرامات
.
.
.
.
#شعراء_وذاوقين_الشعر_الشعبي
#ياسر_فليح
#ابو_تراب

لا ترجع بعد بلكي من انام انساك
وبلكي يغطي وجهك جرجف الشراي
شفت الماخذك وتمعنت بي زين
لا صاحب طويلة ولا وجه جناي
شرى مني الشعير ال بالقحط غالي
واحس هوسة وعراضة وجادر ابالي
مو وجهه الحسن صوته يتراوالي

واتكمكش بفركاك درب الرمل باب
بلكت اثر موجود لجدام الاحباب
.
.
#شعراء_وذواقين_الشعر_الشعبي
#حسين_العميدي
#ابو_تراب

.
تفرهدني المصايب واكعد اتذكر
واشوفك مو اليه بكلشي مو وياي
وانت هناك واكف واكف مخصر
والمعبر قريب عليك مو يمي
اتمنى الفاسه بأيدي واهدم المعبر
.
.
#شعراء_وذواقين_الشعر_الشعبي
#خضير_هادي
#ابو_تراب