.
ماخذ ناكتي وعايفلك الصحراء
وخير من الله عندي متاع اليكفي
ومثل ما طيرة تنكت روحها من الماي
هيج انكت عشرتك نكت من جفي
علية فضلت وادم تنعرض بالسوك
لا من طينتي ولا تنحط بصفي
انا بره القصر بس قالق السلطان
وذوله وي العبيد الواكفه تهفي
عله صوتي عليك اعذرني ما مقصود
بس بلا صياح العتب ما يشفي
ولا تنشدني وين مسافر ومجفي
رماد ومن اسافر ما محدد وين
المهم بس اشرد من الموكد المطفي
وبعد مثل الفراغ اليبقى بالميزان
من نتلاكه جتفك ما يطخ جتفي
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

مابيهن دمع حدهن للجفون
واذا مابجن ماسميهن عيون
بعد ماشوف بيهن لاتجوني
خلص مايهن راحن عيوني
هذا الصار بيه
قسه دهري عليه
خوفي من الشماته لا يعرفون
جنت طير واطيرن وين ماريد
هسه الشوف حده لمدت الايد
صرت ياحيرتي بس اسمع الصوت
وبعد ماخاف منه لو يجي الموت
بعد ماشوف بيهن لاتجوني
خلص مايهن راحن عيوني
هذا الصار بيه
قسه دهري عليه
خوفي من الشماته لايعرفون


.
#شعراء_وذاوقين_الشعر_الشعبي
#سعدون_قاسم
#ابو_تراب

.
تذكر من احط بوسات الك ع الباب
والباب الصبح من تطلع يكلك
وتذكر من اجي لشوفتك جية روج
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلك
بصراحة انت جرح وادري من اخيطة يطيب
غلاتك لو صبر مانعني ما اشلك
السما بعينك شبج عوف الاوهام وطير
حط ايدك ب أدي لو اموت ما احلك
بعدك والسهر وحجاية البطران
تولني نهش وتشوف ما اكلك

.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
مغير لونهن بس شفت لو شفاك
اخذلك هيج واحد من بعد يخزر
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
تعالوا الليلة وحشة لا تروحون
وحق العشرة ما شبعان منكم
ما مرتاح احسكم جاي تبجون
منو من بعدي كلكم محد الكم
ب ذراعي وجع بس مو وجع موت
مضت مدة علية ما شابكتكم
.
.
.
.
#شعراء_وذاوقين_الشعر_الشعبي
#يحيى_العلاق
#ابو_تراب

.
يالفاركتني منين تنجاب
كالولي اجيت وشطت ع الباب
واركض ثكيل محمل اعتاب
ودموعي نزلن ماي وتراب
هسة انا ويني وين الوداع
وشلي بطلاع الروح كل ساع
ماضنه گلب بسوك ينباع
متلف حزن ومتلف اوجاع
من انجفت بية المشاحيف
شالني طروك النفانيف
ارد احضن العافوني بالطيف
مابية اونن گلبي نحيف
.
.
#شعراء_وذواقين_الشعر_الشعبي
#موعود_قاسم
#ابو_تراب

.
على فجاءة عفتني ما استاهل
رغم ما جنت كلشي وياك قابل
الجبير بيتنه ما طاكه الشيب
ابخت من شيبي بالعشرين نازل
وصلت لمرحلة ما اواصل الناس
ما مزوج ومن اهلي عازل
لو حاجي من الاول ما اهتميت
لكن للاخشاب وياك واصل
كون اعلى الگلوب نخلي سونار
ونعرف الحجيه جد من اليجامل
شوية شوية لون اهمالك يزيد
من اكتبلك وتبطي الرسايل
ويا فشلة الما تقراها وتبات
وانا اقرا اليجن منك خبر عاجل
الزاجل من اجاك محمل اعتاب
اخنكه ولا يرد فارغ الزاجل
.
.
#شعراء_وذواقين_الشعر_الشعبي
#حسين_الزهيري
#ابو_تراب

.
كلمة انطيتك انساك مارد بگلمتي
بعد ما ارجع وياك ما اكرر غلطتي
نقطة ضعفي العيون حقيقة اتجاوزتها
بالافضل منك هواي عشرتك بدلتها
بعد ماريد تبرير نسيتك وانتهينه
صدر مرسوم الفراك طلعت من ادينه
بعد يا ماضي يا شوك انتهت كلمة وكلتها
خارج حسابات الدمع
شايل گلب ما ينجرع
على الفركة ربيته
ما يستحق هذا التعب
مو گلبي بس گلبك لعب
وهواي اذيته
كلمة انطيتك انساك مارد بكلمتي
.
.
#شعراء_وذواقين_الشعر_الشعبي
#نور_اللامي
#ابو_تراب

.
زعلانين خلانه بزعلنا
والتفكير بالرجعة كتلنا
بس ما دام اهلنا بنعمة و بخير
اذا ضكنه الوكت نرجع ل اهلنا
غلطانين من رحنا ورجعنا
طبينا بقينا بكل الگلوب
بس بگلبه طبينا وطلعنا
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

من اموت انسو اسمي
وشيلو كلشي ايخصني من گلوبكم
وشگگو كل المراسيل التخصني
وشگگو صوري التذكركم برسمي
انا خايف...
حتى لا ينزل دمعكم
خاف تبچون وعزيزة ادموعكم
.
.
#شعراء_وذواقين_الشعر_الشعبي
#علي_السعيدي
#ابو_تراب

.
من هو بحالنه احنا المساكين ؟
احنا المحد النا ومدري منين ؟
خلصنه عمرنا بالمحطات
سفر وبيوتنه سطوح الفراكين
مرسومة بجلدنا ذيج الانياب
الجرح لو طاب هم يترك نياشين
وين اهلي علية ما دكوا الباب !
ترى صحتي عليلة وگلبي مو زين
خسارتنه جبيرة وغشمة على السوك
بعنه عقولنا بسوك المجانين
تمنينه نموت بغير تعذيب
وعلى المذبح نطرنا صارنه سنين
يوصلنه السرة ويتأجل الموت
يم اركابنه وتعمى السجاجين
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
ما اشوفك شلون براسي اخليك
محط بس للنوارس راسي عنوان
جبت عمرك مدنك وانا مهيوب
من ينجاب طاري الهيبة تنهان
اندك بالفطاحل ما اندك بيك
انا براسي المعلمك حاط نيشان
وعيب ترجعه ما متلطخ السيف
يتشمت كرابه ويبقى فشلان
.
.
.
.
#شعراء_وذواقين_الشعر_الشعبي
#نور_اللامي
#ابو_تراب

.
بعدك تحن ؟
وشباقي عندك غير سلة صغيرة لاوراق الحزن
بعدك تحن ؟
مو بس شواطئ الذكريات محركه بيها السفن
ساكن بيت النار كل هذا الوكت
ساكن بيت النار مو ما ينسكن
توزع غناك بوحشة الحيطان والعود انكسر
وبراسك اكثر من لحن
ليش الحزن رباك صايرلك ابو
وانت برضاتك صاير لحزنك ابن
وبعدك خلاف وي الزمن
هو صعب وانت مرن
شنهو اليجبرك على الصبر
وشنهو اليجبرك تنتظر
ما دام خلوك ومشوا
وزنوك من باعوا وزن
المن تحن ؟
.
.
#شعراء_وذواقين_الشعر_الشعبي
#الكاطع
#ابو_تراب

.
شيجيبكم
يا الما نواصف طيبكم شيجيبكم
يا اهلنا الضيعونه
يا اهلنا المرمرونه
كون اصير تراب وي هبت عواصف
ريحكم بس اوصل الكم
شيجيبكم يا ماي عيني
.
.
#شعراء_وذواقين_الشعر_الشعبي
#خضير_هادي
#ابو_تراب

.
مو مهم ما تكلي احبك
المهم تثبتلي حبك
المشاعر مو كلام الفعل اصل الغرام
بيها اعرف شكو بگلبك
اثبتلي ما تتخلى عني ولا تضيع بيوم مني
انت لو فعلا تحبني
خلي ينبض بية گلبك
خل اشوف الحب واحسه
وما اريد دموع خرسه
اليحب لا تكول ينسى لا تتعبني واتعبك
.
.
#شعراء_وذواقين_الشعر_الشعبي
#حازم_جابر
#ابو_تراب

.
يا حبيبي
بس الك وحدك كلتها
وانت من شعري وعذابي حسستها
ما كلتها لغيرك بحركة وترافه
والمحبة بكربك اكثر جربتها
وانت تدري
تدري كل ليلة بعادك ينهدم ثلثين عمري
وانت تدري
لحظة من فرحة ودادك بيها يكبر باقي عمري
وانت عمري ولا تضن غيرك حبيبي
وحدك الدنيا وحياتك بس الك وحدك عشتها
يا حبيبي بس الك وحدك كلتها
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب

.
احبك لچن ما اكدر احاجيك
واكضي العمر كله شلون بشلون
وبس اصرف نظر لمن الاكيك
وعلى دربك تصد وتربي العيون
يمتى تحن علية والله يهديك
ونسوي الي نريده وهلك يرضون
.
.
#شعراء_وذواقين_الشعر_الشعبي
#منقول
#ابو_تراب

.
تبقى المسافة نفس
ولوحدك عايش بعلبة يا نصيب
يطلع اسمك جرس جسمك
دكته تسمعها الم
مو مهم تفتح .... تسد
ان جنت كافر او تبت
الموت ما يكطع تكت
.
.
#شعراء_وذواقين_الشعر_الشعبي
#يوسف_الدراجي
#ابو_تراب

.
بعد كلشي انتهى وما ارجع وياك
واحلفلك بدمع عيوني انساك
بيد الله الهوا مو بيد انسان
ما اموتن ترى بيك وبلياك
شفت منك اذية
كبالي وتنطي بية
على السويته بية هواي ممنون
بعد تعب الليالي
تعبني الجان غالي
ولا جان اعلى بالي تبجي العيون
اعاتب ليش گلبه
حافظ جذبه جذبه
اني استاهل السلمته گلبي
جان مخلي گلبي بأيدة لعبه
.
.
#شعراء_وذواقين_الشعر_الشعبي
#رقية_محمد
#ابو_تراب