.
عينك علية واستمع
مرتين نفس البشر يجرحني ما اعذره
فوز وخسارة العمر
ما عدنه اي مشكلة اي واحد نخسره
جان اختياري غلط
كل ضني تسوى التعب والحبك تقدره
ويمشن عكس ماردت
ما وصلني لهدف يختارن العثره
وغلطتنه طيبة گلب
ما توبني المضن وانكرت العشرة
هي الحياة تجربة
يثبت وجودة الوفي والموقف يكبره
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
اروحن وين الا اشلع جذر گلبي بشرايينه
واجمع نار واحرك كلشي من بالي
احسك ضل يرافكني
يضحكني ويبجيني يسكتني ويحجيني
اروحن وين
شكثر من بحر ذبيت بي روحي
ولكيتك على الجرف تابوت تبرالي
.
.
.
#شعراء_وذاوقين_الشعر_الشعبي
#الكاطع
#ابو_تراب

.
طلعت ما اكدر بلياك
لسه بالي وگلبي وياك
ها هيه
مو بديه
ما كتبلي ربك انساك
من غيابك حالي يا حال
والليالي بعدك طوال
وبصفنتي
يمشي وقتي
ما اتحرك چني تمثال
.
.
.
#شعراء_وذواقين_الشعر_الشعبي
#منقول
#ابو_تراب

.
هذا العيد احير شلون اعايد
انا فاكد هواي احباب فاكد
بيش تفيد الايامك سعيدة
للمحبوبته عنه بعيدة
ويومية نقص من عدنا واحد
هذاك العيد جانت كلها يمي
حبيبي و صاحبي وجيراني وامي
هسة لوحدي يا وحشة العيد
احسن كلشي اريد وكلشي ماريد
انا زعلان من الزاعلوني
لا اروحلهم ولا هم يجوني
هم معاندين واني اعاند
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
توصيني اعلى يا ذمة توصيني ؟
وحياتي انت ونبض يجري بشراييني
لونك مو دمع ما ضمتك عيني
لونك مو كحل ما شالتك عيني
يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
يواهس تضحك الدنيا على شفافك
يابو الليل الحلو اليلعب على جتافك
احس روحي تأمن بيك وتخافك
واحسك لغز شنهو انت وشنو اوصافك
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
وين صبح ؟ مدري وين
بليل مر وفاركيته
و وين مسى ؟ من طلع ما سد ورا الباب
لكن بالدرب هم بمشيته
دوره ؟ كتلك ما لكيته
شوف گلبك ؟
جان كبل سنين بيته
اعطشت مرة وما سكاني
وعطش مرة وما رويته
شوف صندوق الاسرار ؟
بدون رزة وكل حجي البيهن حجيته
شوف عينك ؟ ماكو بيها
شوف عينك ؟
جان بعيوني وبجيته
.
.
.
#شعراء_وذواقين_الشعر_الشعبي
#الكاطع
#ابو_تراب

.
من حبيتك كل شي تغير
حبك صاير همي الاكبر
والفرحة الما مرت بية
الكاها بيتك يومية
لا تزعل مني ومن تزعل
ابقى محير
حبك صاير همي الاكبر
بأيدك نشفت اخر دمعة
بأيدك ودعت الاحزان
وايامي شكد جانت وحشة
من حبك صارت بستان
راحة بال وطيبة خاطر
اكثر شي يذل الانسان
والفرحة الما مرت بية
الكاها بيتك يومية
لا تزعل مني ومن تزعل
والله اتحير
.
.
#شعراء_وذواقين_الشعر_الشعبي
#منقول
#ابو_تراب

.
طيبين ونحب نعمل باصلنا
و وادم ما لكينه التعرفنه
ندلل من نحب ونضحي بالشوك
جا ليش العشك ما يوكع النه
وجا ليش النحبهم ما يوافون
حطينه الملح حتى ب عسلنه
كبل من نزعل يودولنه شيوخ
بعد محد يهم كام بزعلنه
و وكفوا وكفة الديان بالباب
لا منه استحوا لا من اهلنه
وبعدها اسمائنه مكتوبه ع الباب
مو هسة كتبناها بجهلنه
.
.
.
#شعراء_وذواقين_الشعر_الشعبي
#منقول
#ابو_تراب

.
.
هنيالكم
عدكم گلب ينسى العشك هنيالكم
هنيالكم
تحبون بس مو من صدك هنيالكم
ضل جفني يبجي بلا دمع ب فراكم
وصفناتي كامت تنسمع ب فراكم
هنيالكم
ما حسبت حبكم فرص
كل عمري وياكم خلص
يلا دخلت ابالكم
وغيري دقايق من اجه
وياكم حچاية حجه
شبسرعة نال اعجابكم؟
اذكر واشبع بچي ب أيامكم
راحت بعد ما اضن تجي ايامكم
هنيالكم
.
.
.
.
#شعراء_وذاوقين_الشعر_الشعبي
#صفاء_الربيعي
#ابو_تراب

.
مشتاقلك حيل وعلي بس جنك مضيعني
ركز بوجهي اذكرت
انا الجنت من تلتفت حتى الهوا يوجعني
انا الجزوني ربيعتي وحبك قرن رجعني
انا الكلتلك لو متت بجفوفك تشيعني
كالوا مشكك صورتي وجامعها ومكطعني
وكالوا بعز ذاك البرد من گلبك مطلعني
ينطيك گلبك احترك وعيونك يشوفني
البارحة بگلبك فتت بس محد استقبلني
البارحة من فرحتك
لو ميت كبالك نبي هم على الفراك تغني
يا نجمة حجزيلي سما وادني
يا نجمة انا بعازة كمر
يفهم سواد ال بالجفن
صفناتي حيل أذني
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

.
مدري شجاني السنة والعام
ما انام طول الليل ما انام
اثاري السهر مدرسة العيون
وكثرن غياباتج يا الاحلام
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
جفوف اللزمتك لازم تحلك يوم
وهم ترجع والزمك وابد ما احلك
شديتك نذر خيط بضريح امام
ما عندي بخت يرجعلك يفلك
.
.
.
#شعراء_وذواقين_الشعر_الشعبي
#ناظم_الحاشي
#ابو_تراب

.
احبك مو لان انت حلو ... لا
لان روحي التقت گبلي ولك بيك
اذا انت تمر على اعمى يصيح الله
والاخرس لون حاجيته يحاجيك
بكذلتك شد ركبتي وطلع الروح
اريدنها بعد تتقرب عليك
انت بحضني بس اعتبرك بعيد
اريدن هيج كون انا انخبط بيك
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
ابد موش بوكتها مشيتك هاي
الشمس للكاع نزلت وانت الفياي
ردتك بس جهامه ونفس بالبيت
اشاكف بيك من طكات دنياي
ما بياش حيل و وكتي فرعون
لو تاخذني يمك لو تجي وياي

يا روح جنج كمتي تنسين
عدا الغروب وما تونين
وانا الكبل حاسبلج احساب
عدله وراهم ما تضلين
دمعج وشم دكي على الخد
وخياط اعلى جلدج خيطي الاسود
لو انتي ميتة وهمه عدلين
جان وعلي يسوون الازيد
ضاكت ومامش الها حلال
ينساك گلبي يذكرك البال
لا عم يشبهك لا شفت خال
ومثل الشرف ما تنشرى بمال
.
.
#شعراء_وذواقين_الشعر_الشعبي
#منقول
#ابو_تراب

.
حبيبي وضعي مو زين
جانت عشرة سنين
شي طبيعي ابقى اذكرك
شسوي وترجع وياي
غافي بحظنك هواي
كل ثيابي بيها عطرك
غير اشوفك كل شي ماريد
والله اقبل لو من بعيد
ما اوعدك
ابقى بعدك
جاي اجرب كلشي ميفيد
يعني عادي عندك تروح ؟
وانت ماخذ بأيدك الروح
شلون هسة
اكدر انسى ؟
وانت عايف هالكد جروح
.
.
.
#شعراء_وذواقين_الشعر_الشعبي
#باهر
#ابو_تراب

.
شيسوي الصدك مشتاك
وشوفة وجهك بنفسه
شيسوي لحياته الليل
ليل وما حضى بشمسه
مرات اشتكي لصورتك بس صورتك متجاوب
عندي وي فكدك معركة ولوحدي باقي احارب
عودتني
وعلمتني
يومية نحجي احنه سوى
من يجي الليل
اختنك حيل
يا هوا انا بعازة هوا
.
.
#شعراء_وذواقين_الشعر_الشعبي
#منقول
#ابو_تراب

عليه محسوب سر وانت مكيول
وعلى اصغر اعدائك ما انضميت
ليهسة اكل باصبعي الاشرت بي
عليك وبي الف نيشان خليت
اني عابيت حتى عيوني بجفاك
بيهن وابنضرهن ما اعتزيت
مر من بيتنة مستطرق و شوف
تلكى اباب بيتي عيون ذبيت
اني ظهري احترف طعنات الاعزاز
وكمت اعرف اديهم لو اندجيت
بلا شوف واكلهم ها منو افلان
بس انت عكسهم ما اتسميت
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
احبهم سكته بس ما راح اكلهم
لان ما تنعرف ردة فعلهم
قبلهم جربت ولهسة مكسور
شنو اليثبتلي مو نفس القبلهم
واذا بس بالتجارب نعرف الناس
يعني شلون اجرب الناس كلهم
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
من تشوفني تعرفني ؟ لا و الله
مو ذاك الغشيم المن كبل شفته
كبالك غير واحد بي شبه من ذاك
ما يشبه هذاك البي جرح عفته
مره التجربة المريت بيها وياك
مره وعلمتني وحنضلك ضكته
ولان ما ردت منك شي يضل تذكار
ما ردته بحياتي وعلى الخلگ سمته
منو الياخذ حلم ؟ منو ينطي زايد بي ؟
حلم كلش جديد وما استعملته
عفتني ويا الجكارة اثنينه مورثين
محد طفى الاخر وانطفيت انت
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
نايم جفي وحلمان شمني وحضني
دكونا والجيلات ما فززني
.
.
#شعراء_وذواقين_الشعر_الشعبي
#منقول
#ابو_تراب