روحي لا صفت لله ... ولا الي
الك كلي صرت دمعة ... والالي
كبل لا اعرفك اتمركص ... وليلي
غنى كاضيه وضحكتي ذيج هيه
.
.
#شعراء_وذواقين_الشعر_الشعبي
#اياد_عبدالله
#ابو_تراب

انا جذاب من ازعل
واكلك روح ماريدك
انا مرات من اشتاك
ارسمنك واكض ايدك
.
.
#شعراء_وذواقين_الشعر_الشعبي
#مالك_الباوي
#ابو_تراب

.
اعز من روحي اعزك وانت اعز مني
يا حسبه عمر خاويتها من صباي
بطلت صفنتي وما بطلت مني
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
ضيعيتج
ورقة ما بين الدفاتر ضيعيتج
لحظة وبساعات باجر ضيعيتج
فرة وبدولاب داير ضيعيتج
نفس بألاف الجكاير ضيعيتج
ومن سألتيني حبيبي اني وين ؟
بس فتحت عيوني بعيوني لكيتج
.
.
#شعراء_وذواقين_الشعر_الشعبي
#جبار_الفرطوسي
#ابو_تراب

.
كون اعلى صدري الليلة اخليك
وبعيني اشوف شبيك ما بيك
مغيرك فراكي لو محليك
بغير الصور جا يمتى اشوفك
واتوسلك والزم جفوفك
مشتاكلك مابيه اعوفك
ولو تنشره بدم اشتريتك
يا دوه جروحي الما لكيتك
وصورك من دموعي التطيح
يتغيرن كلما بجيتك
.
.
#شعراء_وذواقين_الشعر_الشعبي
#عمار_سالم
#ابو_تراب

الاسود لسبته صدك
بس گلبي رغم الحزن
ما همه لون الهدم
وشلون عندي گلب ؟
مرة رفعته بحرب
ضنوها راية سلم
.
.
#شعراء_وذواقين_الشعر_الشعبي
#منقول
#ابو_تراب

.
ردت اغليك وخسرتك
شجابني ويمك اجيت
شكد نصحتك لا تروح
شجنت تسمع من حجيت ؟!
المثلي ما ينعاف ساعة
بكل رساله تشوف احبك
على يا هي نسيت ؟
وانا من رديت منك ناسي اهلي
وردت اطب لغير بيت
.
.
#شعراء_وذواقين_الشعر_الشعبي
#علي_تالي
#ابو_تراب

.
عرفتك بية راح تخون جي حالفلي ما اخونك
ومن أول سلام وياك قريت وداع بعيونك
الهضيمة تغيرت وحدك
ولا تعبوا عليك هواي من رادوا يغيرونك
ولك عذبت واحد گلبة تشريني
ما اسيطر على دموعي من الاكي انسان ناسيني
ولك يا بعيد وخر عن شراييني
احسك جاي تتسابق وي الشمات ياهو اكثر يبچيني
.
.
#شعراء_وذواقين_الشعر_الشعبي
#زيد_السومري
#ابو_تراب

لو يحبونا صدك ما تيهونه
ولا حجوا جلمات خشنه وضيعونه
.
.
#شعراء_وذواقين_الشعر_الشعبي
#منقول
#ابو_تراب

شتكل للناس اذا سألوك عني
وشنو عذرك اذا عرفوا بعتني
تكلهم عافني ؟ لو اني عفته ؟
خسر هو تكلهم لو خسرته
ما غلطان اني وياك مرتاح
وحسبت الله اعلى تعبي يعوض الراح
مع كل الاسف خيبت ضني
على السويته تندم واني اذكرك
وتضل تبچي علية طول عمرك
ترى الميريدني ما اريدة اني
وانسى وما افكر بالنساني
قصة حبنه خلصت هذا حدها
كلمة اني كلتها وما اردها
توبه وما اكول لروحي حني
.
.
#شعراء_وذواقين_الشعر_الشعبي
#منقول
#ابو_تراب

ما دامتلي فرحه ولا دمعتي تروح
مدري شعنده وكتي وياي متعاند
صرت حتى من انام احلامي مو حلوات
لو مكتول افز لو كاتل وشارد!
.
.
#شعراء_وذواقين_الشعر_الشعبي
#منقول
#ابو_تراب

.
اويلي اعلى اليحب والعاشكه بعيد
دخيل الله شيسوي بحاله الغروب
ينهش حصته ويذبه ل الليل
هو يذوب سكته وشمعته تذوب
ينحط بقفص وكبال بستان
يردم بالقفص ويطيح ويلوب
ويضل ينعى نواعي الغاضريات
اذا ينعن يهدن حيل الگلوب
.
.
#شعراء_وذواقين_الشعر_الشعبي
#سمير_صبيح
#ابو_تراب

.
طويت المستحى من شفت بعض الناس
تحب العايزة وتتعمد الزله
علمني الزمن ما اضم حلم بالغيم
ولا ابني وطن بگلوب محتله
عرفت الينسحب من الحرب خسران
وهنه اثنينهن لو موت لو ذله
.
.
#شعراء_وذواقين_الشعر_الشعبي
#جبار_العبادي
#ابو_تراب

.
هلي واخر مكاتيبي
كتبت الكم على الكاع
ابنكم باعته الدنيا ولا باع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
خليك بفرح وبجرحي خليني
طبع عاكول ما متعود من الناس تسكيني
وهذاك انت مثل عارف عرب للداي
تندل وين تجويني
.
.
#شعراء_وذواقين_الشعر_الشعبي
#عمار_سالم
#ابو_تراب

.
جم مرة التحبه بگلبك تعذره ؟
لان ما واكف كباله نساني يجوز ؟
ما بين خيالي الواكف بظهره
عشت بي حارس وماعندي شي ينباك
الا شجم حلم ما ينذكر سعره
رغم انا اول الي يدعوله من يطيح
واول عين ل اجله تكابل الحضره
واول واحد الينخاني من تضيج
واول من يهد رشاشته بكتره
واول عاشك لخاطر حبيبه يموت
ولنفس المحب يدفع سعر كبره
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
اليحبك من صدك لو سهم يتلكاك
شيلمه الكاع تزغر لمن اتودعه
اليصير مرايتك يندل حسرتك وين
ويعرف وين بيك امجودره الوجعه
اليضفر حيرتك بجفوفه تلكه اعذار
الحنينك بي اطشر يكدر ايجمعه
اليطفه اكبال وجهي انطي عذر ينشاف
ما خليت نسمه بخاطر الشمعه
.
.
#شعراء_وذواقين_الشعر_الشعبي
#علي_رشم
#ابو_تراب

لو فرد مرة من العمر
ترجع واشوف عيونك
تنشدني عن حالي وترد
تنشد على الي يحبونك
انت ل هلك مو للغرب
ليش الغرب يردونك
ما غفت عيني اعلى الهجر
لا فاركيت ضنونك
.
.
#شعراء_وذواقين_الشعر_الشعبي
#منقول
#ابو_تراب

.
حجي بگلبي تكدر تساعدني اكتبه ؟
وتكدر ترجعني الانسان الاحبه ؟
زين تكدر نلتقي وتاخذ سوارك
لان ما اكدر اذبه
وتكدر تجاوب سؤالي الما سألته ؟
اني مو ما عندي غيرك ؟
ليش عندك غيري انت
تختفي وبارد كلامك ماكو اي لهفه بحجينه
المده ما بين الرسايل بيها تتحرر مدينه
غير منتهية العلاقة غير متعود بدونك
ليش من احجي وي غيرك
جاي احس بروحي اخونك
نكعد واكدر اشوفك حيل مستبعد الفكرة
الطاولة التجمعنه احس
بعدة الخشب مالتها شجرة
وعلمتني شلون احبك ممكن تعلمني اعوفك
زين من اتمشى وحدي ليش عندي احساس اشوفك
.
.
#شعراء_وذواقين_الشعر_الشعبي
#محمد_قصي
#ابو_تراب

بأسم غيري صحتلي وما زعلت وياك
وتزاعلني اعلى كلمة العام حاجيها
انا اكدر اخونك مثل ما سويت
بس طبعي اصيل وما اسويها
.
.
#شعراء_وذواقين_الشعر_الشعبي
#منقول
#ابو_تراب