.
عليمن بين گلبي وعقلي محتار
بهاي وهاي اباوع روحي خسرت
لا حظ لا بخت لا دنيا تندار
لا شافتني عين وبيه عثرت
صار سنين اطك حجار بحجار
و اول ما شعلت النار مطرت
.
.
#شعراء_وذواقين_الشعر_الشعبي
#سيف_الغزالي
#ابو_تراب

.
عن يا جرح روحي ما حجتلك
عمت عيني اعلى عيني شكد بجتلك
عفت زاد امي واشهيت سمك
الله مخلي راحة بالي يمك
.
.
#شعراء_وذواقين_الشعر_الشعبي
#حسين_علي_المطوري
#ابو_تراب

مو من اقل دفعه تحشم الناس
اذا ماطحت بالك تشكي وتصيح
امس بعيوني اباوع ..شفت الشراع
مايمشي اذا مادفعته الريح
اثبت بالشدايد بالك تميل
شمعه الماتدوس ادموعهه تطيح
.
.
#شعراء_وذواقين_الشعر_الشعبي
#فاضل_كريم
#ابو_تراب

.
اخبرنك بدمع العين ... وشل
وانت الي تخيط الجرح ... وتشل
تبي تبعد عليه شلون ... وتشيل
اذا ناوي الرحيل ابتصر بيه

بعد ما ابطل الونه ... واچلها
ولملل بيد من دمعي ... وجلها
روحي الماي ابي احرمها ... وچلها
لما اشوفك ترد وتعود اليه
.
.
#شعراء_وذواقين_الشعر_الشعبي
#عقيل_حياوي
#ابو_تراب

ليش اجيك
لا وحق اي دمعة نزلت ما اجيك
اشتريتك يا البعتني والزمن غشاني بيك
وصعبة ابيعك مو لان غالي ثمن
بس افكر من ابيعك راح اغشك المشتريك
.
.
#شعراء_وذواقين_الشعر_الشعبي
#فاضل_كريم
#ابو_تراب

أشم عطاب
مدري شيحترك بيّه
وآذب روحي على الشباج
.
.
#شعراء_وذواقين_الشعر_الشعبي
#عبدالكريم_القصاب
#ابو_تراب

انت رايدني من الاول حتى هسة ما ردتني ؟
وانا جنت ابالك اصلآ ؟ حتى من بالك شلتني
وانا جنت ادري المصيبة
وباقي ابيع وياك طيبة
الظاهر الطيبة البگلبي
لهذا حالي وصلتني
انت رايدني من الاول حتى هسة ما ردتني
.
.
#شعراء_وذواقين_الشعر_الشعبي
#منقول
#ابو_تراب

.
ألومن طيبتي ريف وكصب بالروح
بكثر ماي النهر تنكالنا ال فدوة
شكبرها لو شفت زرعك يشبع الغير
وعلى نار السعف من تأخذك غفوة
هذا انا اختلف ما احب كصر الليل
واكرهه الليل الاحمر واعشك الهدوة
واحب رت الغنم كحله العجاج يصير
واحب شرب اللبن من شفة الشجوة
.
.
#شعراء_وذواقين_الشعر_الشعبي
#سمير_صبيح
#ابو_تراب

.
من اموت برودتك خليها على التابوت
وبيدك كون نعش جنازتي تطبكه
وخليلي دمعتك على الكبر نيشان
خاف بجفن كبري دموع ما تلكه
وخاف يمر وكت وتزورني من بعيد
تدليك بمكاني حرورة الشهكه
.
.
#شعراء_وذواقين_الشعر_الشعبي
#علي_رشم
#ابو_تراب

.
لو يدري اعلى بعده شصار ما يرحل
اول مرة احس بگلبي ما يندل
اشكك بالصور حسبالي صورة حل
حرامات اعلى شوفك صاير اتوسل
.
.
#شعراء_وذواقين_الشعر_الشعبي
#علب_درويش
#ابو_تراب

غير انت ماتنجرع
غير انت جنك سجن
ولابو اليحن للصور
ولعيونك وللحضن
بس هيه مطرت بعد
شحجيلك عله الكلب
معذور لازم يحن
.
.
#شعراء_وذواقين_الشعر_الشعبي
#انس_فاروق
#ابو_تراب

.
تبرت كلها مني و وحدي ضليت
بس موادعك ضل لازم الباب
ركض طيفك بعيني وفحط الليل
شمعة ونفس منك ليلي ما جاب
حسرتي وياك چوت خد الغيوم
هواك اختنك بيها ونزلت شهاب
نشف واهس عيوني بكل الوجوه
ذبل عمري واحلامي انطشن تراب
خريفك هوا يمرني ويخنك الشوك
وعليه يمر خضارك لابس ثياب
الك مو عيب لازم دمعتي تطيح
مثل ما عيب سيف ينام ب كراب
.
.
#شعراء_وذواقين_الشعر_الشعبي
#علي_رشم
#ابو_تراب

تعَال اشتَاقلي بكدي
اذا ما ارسَم عيَونك
على الشبَاك هذا
الليل ميَعدي
لان ماعنَدي غيرك
اشكي حزني وياه
چنت ابجيَلك لوحدي
.
.
#شعراء_وذواقين_الشعر_الشعبي
#منقول
#ابو_تراب

.
امس روحي اشتهت واحد مزعلها
وحنت والمحنة ما تطيح الها
امس جثه هنود الروح تالي الليل
كبال عيون اهلها تحترك كلها
امس حطيتهن مرسال يم مرسال
وعاينت لردودك ما استاهلها
.
.
#شعراء_وذواقين_الشعر_الشعبي
#سعد_شميل
#ابو_تراب

.
رايح وين ؟
احنا شفنا منك خل نشوف زين
رايح وين ؟
يا بعدين ترجع يا الكلت بعدين
.
.
#شعراء_وذواقين_الشعر_الشعبي
#جبار_رشيد
#ابو_تراب

.
تذكر من جنت كبل المواعيد
اركض على الدرب ركضه شضيه
وتذكر هذا شارعنا الكبل جان
بس جيتك الي يحسبها جيه
وتذكر من جنت تتعارك وياي
لان كل ساعه جايبلك هديه
لا تشمهم كلتلك ما يضلون
جذاب العطر على المزهريه
مو بس انت كبلك كاسرتني الناس
كبلك خاسر وعاذر
بذاكرتي شكثر وادم مراية بسوك
.
.
#شعراء_وذواقين_الشعر_الشعبي
#صفاء_الصمت
#ابو_تراب

اخونك ما اكدر استحي من عيونك
يا المخليني اموت وياك و بدونك
رحت انت وكل عقلك سنه وانساك ؟
جنت وياي من تنام اطلع صورة واحجي وياك
انا تعبان من دونك انت شلون من دوني
مو يمي بعيد انت بين رموشي وعيوني
.
.
#شعراء_وذواقين_الشعر_الشعبي
#حسن_مهدود
#ابو_تراب

.
خايف اخسرك چنت
وتمنيت خايف أظل
ما ردت أصيرن بشر ما عنده شي يخسره
كون انت سلعة واضل اجمعلك وتنشره
يا ال بالنفس تنذكر
شتستخدم انت عطر ؟
من جفي صح انمسح بس حفضته الذاكره
.
#شعراء_وذواقين_الشعر_الشعبي
#مهند_العزاوي
#ابو_تراب

.
مستعد لو رديت من الجاهلية
ذنوب العرب لليوم كلهن علية

من خرب شكلك جيت تتغازل وياي
من جنت ألوج عليك جا ما كلت جاي

احنا معدان ولمن نعشك نموت
يطك بينه خبال مالت ساده
خلي نلزم خصرك بوكت الشباب
و من نشيب نلزم السجاده
.
.
#شعراء_وذواقين_الشعر_الشعبي
#زيد_السومري
#ابو_تراب

.
غيرك يا بعيد منين
اجيب اليعرف شبيه ؟
ونار شموع يحسبني
يخاف من الهوا عليه
غبت عني وبعدني انا
ورد مشتل واريد اليعتني بيه
غبت والماله نيه يعود
تفكده اكثر من البي امل جيه
وتنسى اسمه ويضل ابالك الحافض معانيه
.
.
#شعراء_وذواقين_الشعر_الشعبي
#عمار_سالم
#ابو_تراب