.
ما اعرف اجذب بالمشاعر
تحجي الصدك تشبع خساير
حال المسودن حالي صاير
بجفوفي اطفيها الجكاير
.
.
#شعراء_وذاوقين_الشعر_الشعبي
#منقول
#ابو_تراب

.
يم داركم
صدفة واخذني الدرب من يم داركم
والتمت بروحي المحنة واشتهيت اخباركم
ما اذكرت عايفكم وعفتوني
رد من جديد الشوك بين عيوني
ولو ما احس اعبرت عتبة داركم
والتمت بروحي المحنة واشتهيت اخباركم
.
.
#شعراء_وذاوقين_الشعر_الشعبي
#كاظم_الرويعي
#ابو_تراب

.
جنها هالمرة صدك متفاركين
اليوم اودي وين كل هذا الحنين
مرة فاركتك دقايق ومن اجيت
كتلك اشعطلك كل هاي السنين
.
.
#شعراء_وذاوقين_الشعر_الشعبي
#زيد_السومري
#ابو_تراب

.
الما يمشي عدل مو صوج رجلية
اهو ناقص عقل بس كاملة الساك
اليكلي اشتاكلك وينام جذاب
يفز من نومة يركض كون مشتاك
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
شايف من تضل تنعاد الايام
نفسهه وماكو شي بيهه يتجدد
يجي شچم باچر ومايختلف شي
نفس البارحة بس عمرك ازيد
ساعتهه العمر مستعمل يصير
واحلامك شوية شوية تنهد
صح تنكتب عايش بالسجلات
بس انته مجرد رقم ينعد
مثل الهوى ال بالمگبرة يدور
لاتخنگ ولا يشتمك احد

.
.
#شعراء_وذواقين_الشعر_الشعبي
#احمد_عاشور
#ابو_تراب

.
منو يسأل علينه احنا البعيدين
ومنو يسأل علينه لمن نغيب
احنا المحد النا ومدري منين
مكتوب بجناسينه غريبين
وين اهلي علية ما دكوا الباب
ترى صحتي علية وگلبي موزين
خلصنه عمرنا بالمطارات
سفر وبيوتنه انباعت يا طيبين
غنينه وعلينه ألتمت الناس
وانا وصاحبي ما نعرف الناس
وبعنه عقولنه بسوك المجانين
.
.
#شعراء_وذواقين_الشعر_الشعبي
#الكاطع
#ابو_تراب

.
مدري وين انا وكفتلك ؟!
بلچن الله وتعبر الشارع واكلك
( دير بالك  جاي من بعيد احبك )
.
.
#شعراء_وذواقين_الشعر_الشعبي
#مظفر_النواب
#ابو_تراب

• .
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك

.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
البارحة مدري شلون عدت
بية مابية غفيت
البارحة من اذكرتهن
دنكت راسي وبجيت
هسة لو يمي واعاتب يمكن ارحم
بس والله الهاضمتني شكثر باجر
وهم محد بية مهتم
.
.
#شعراء_وذواقين_الشعر_الشعبي
#عزام_الشمري
#ابو_تراب

.
طرت على الخاطر ايامه ... ومرت
وذكرته ونشفت رياكي ... ومرت
اعتصم مرات انا بصبري ... ومرات
اتضعضع والوسيعة تضيج بية
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
.
.
#شعراء_وذواقين_الشعر_الشعبي
#علي_الشمري
#ابو_تراب

.
حتى انت گلبك لعب
الله يا للعجب
اسحبت روحك مثل
اي واحد من انسحب
ومن اجلك اني طحت
يا الي علية اسحكت
ياما عليك اتعبت
ما تستحق هالتعب
.
.
#شعراء_وذواقين_الشعر_الشعبي
#الكاطع
#ابو_تراب

جنت شايل دنيا بيدي
ويوم شفتك صفگت
.
.
#شعراء_وذواقين_الشعر_الشعبي
#منقول
#ابو_تراب

.
شتلونه نخل بينك وبيني كبور
شلون عروكنا تتلاكى شيحلها
بقيت ادفع بعركي وما احجيلك خوف
الجماجم كمت من عيونها ادخلها
وصلت كتلك صعب بيناتنه يخربون
شلت ايدك وكلت الله يسهلها
.
.
#شعراء_وذواقين_الشعر_الشعبي
#سعد_شميل
#ابو_تراب

.
ذبحني الهواجس بيع .... لا تبيع
كلتلهن كبلها هواي خسران
عتكن ما يفيدن طلعن صوف
مشوهن علية كالولي كاشان
سمت جوة السعر بهواي ماريد
شايل وارد ابيع بيش ما جان
.
.
#شعراء_وذواقين_الشعر_الشعبي
#سمير_صبيح
#ابو_تراب

.
تستاهل تضل وحدك يا الكرهتني بطيبتي
يا الجنت مو من ألتفت كدامي تاخذ غيبتي
مو انا اليرد منكسر منك رجعت بهيبتي
واخر قصيدة اكتبها الك
منا واسد موضوعك
يالشوفتني دمعتي لازم اشوف دموعك
.
.
#شعراء_وذواقين_الشعر_الشعبي
#احمد_عاشور
#ابو_تراب

.
ضيعتني
وهسة من راحن سنيني اذكرتني !
ليش من گلبك رجف ما صارحتني
شبيك من عينك خذتني
تذكرت موقف بجيت وطيحتني
ومن اجيتك حتى بحجاية جذب ما جاملتني
انا اجيتك غاسل جفوفي بورد من سلميت
وانت غاسل جفك بماي الغرور وصافحتني
.
.
#شعراء_وذواقين_الشعر_الشعبي
#جبار_رشيد
#ابو_تراب

.
لا على البال ولا على الخاطر
بغير وداع تريد تسافر ؟
ياما وياما عشنا سنين
سنين بحبك مرتاحين
تالي تخلي جفون الحبك يبقى مساهر
لا على البال ولا على الخاطر
كلشي محسبين احنا حسابه
بس ما حسبناك تروح
واليترك وردة ل احبابه
بليل الذكرى تضل تفوح
من كلت مسافر صدكني
گلبي وياك يريد يروح
وياما وياما عشنا سنين
سنين بحبك مرتاحين
تالي تخلي جفن الحبك يبقى مساهر
لا على البال ولا على الخاطر
.
.
#شعراء_وذاوقين_الشعر_الشعبي
#عباس_چيچان
#ابو_تراب

.
ساعي يرد ويروح ساعي
زعلك عليمن مالة داعي
ماكو اعلى عرفك ردت ناعي
متعوب گلبي جدم راعي
وانت المجانك بالگلب جان
موش الحنين وياي خربان
تعبان مالي خلك تعبان
وكفه الصورة تريد حيطان
.
.
#شعراء_وذواقين_الشعر_الشعبي
#مالك_الباوي
#ابو_تراب

.
ليش اجيك
لا وحق اي دمعة نزلت ما اجيك
اشتريتك يا البعتني والزمن غشاني بيك
وصعبة ابيعك مو لان غالي ثمن
بس افكر من ابيعك راح اغشك المشتريك
.
.
#شعراء_وذواقين_الشعر_الشعبي
#فاضل_كريم
#ابو_تراب