.
اكرهم كره بس الله يعرف بي
واكل للروح احقدي وبالحقد زيدي
ولو لحم البشر ما ينوكل مكروه
اكل من لحمهم لو وكع بيدي
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
اليشبه اسمك كمت احاجي
حتى ألفظ اسمك واستلذ بي
من كثر ما تطري اعلى بالي
سميت بأسمك كل جهالي
.
.
#شعراء_وذواقين_الشعر_الشعبي
#حسين_العميدي
#ابو_تراب

.
لك انا بية عتب لو نكعد وينحجي
يومين من الدمع ما ينشف اردانك
ويضحكلي جان الهوا من چنه نتحاجى
هسة اكعد اني وهلي
ونطلع بصورتك ونكوم نتباجى
.
.
#شعراء_وذواقين_الشعر_الشعبي
#علي_طالب
#ابو_تراب

.
يا روحي النوايب ... ما تعدي
المصايب يمي توكف ... ما تعدي
دخيل ومن دخلني ... مات عندي
هله وجتاله متحلفين بية
.
.
#شعراء_وذواقين_الشعر_الشعبي
#منقول
#ابو_تراب

.
لهسة صواب زعلك ... حار بينه
وطبيب الطيب السل ... حار بينه
عفتنا و احنا لاجلك ... حاربينه
اهلنا ولا كلت فشلة وخطية
.
.
#شعراء_وذواقين_الشعر_الشعبي
#محمد_ثامر
#ابو_تراب

.
سهل من تبتعد بس صعب تلكى انسان
شايل طيبتي ويهواك على الفطرة
باجر من ترد ما تلكى شي موجود
تلكى الورد ذابل والارض صحرة
تلكاني مدينة مسددة البيبان
بيها الكمر ميت والشمس حمرة
وتمسح ذكرياتك شجرة الصفصاف
خافن من ترد تشتاك للشجرة
.
.
#شعراء_وذاوقين_الشعر_الشعبي
#جبار_العبادي
#ابو_تراب

.
صحيح احنا تغربنا وتفاركنا وتعذبنا
وفوف شفافنا الايام جرحت امنية حبنا
لكن ولليوم يسعدني الي يسعدها
ويحزني الي يحزنها
بلغوها تحياتي اذا يأست من اخباري
انا ما أيست منها
.
.
#شعراء_وذاوقين_الشعر_الشعبي
#كريم_العراقي
#ابو_تراب

.
يا حبيب لو ردت باجر تشيل
ما تصيرش بس نكول احنا ولوا
جنت احشم كل عمامي اعلى الرحيل
وما يهمني الي اجوا والما اجوا
يا حبيب لو جنت انت زعلان
جا زعلت اعلى الهوا لو زعلاك
وما يمر بريتي وهذا المچان
الي گبل ما اشم هوا اشتم هواك
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
صح انا احبك نعم
بس حبي عزت نفس
لو فكرت تبتعد الروح امدها جسر
واكطع حبال الهجر
شايل براسي خلك
اتفاهم وي الخرس
.
.
#شعراء_وذاوقين_الشعر_الشعبي
#علي_الجياشي
#ابو_تراب

اصدقائنا تابعوا هاي القناة حلوة اقتباسات وفكريات تابعوهم واتؤنسوا
https://t.me/fkreat1

.
حمدت الله وشكرته
المثلي تعوفه انت !
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
لهسة ما عشكنه اعليك
وانت الطوك والمحبس
يطير الماي يا نورس
اغنيلك ؟ شغنيلك !
اغني شلون وانا اخرس
.
.
#شعراء_وذواقين_الشعر_الشعبي
#محسن_الخياط
#ابو_تراب

.
ما دام انتهت ورمادهن حار
خل احجيلك الما تدري بيهن
الهدايا الجانن بعينك رخيصات
ذني بماي وجهي مشتريهن
جنت وي اهلي اقصر حتى اراضيك
تالي انباع يا وسفة العليهن
عيوني الما يشوفن غيرك بطيف
عساها بحضك وبختك بجيهن
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
بينه وبينك فرق كلش جبير
وما نكول اسباب كل هذا الفرق
ما نكمل السالفة لحد الاخير
من الاساس وياك مسدودة الطرق
ويانا ما ترهم وما نرهم محال
وياك ما نكدر ندوم ونستمر
وياهو كلك بالسهل درب الوصال
وانت تدري دروبنا مورثة جمر

.
.
#شعراء_وذواقين_الشعر_الشعبي
#جبار_رشيد
#ابو_تراب

.
اثنين جانوا الك
وماكو بحياتك فقط
انا ونظر عينك
وعينك درتها ورحت
ولا چني منك جنت
وبكل سهولة خسرت واحد من اثنينك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
اجوا بعدك لكوا بية الصبح ليل
علية صفنوا شافوك بصفنتي
ردوا كالوا الحب هيج لو لا
حتى بحبك محلل خبزتي
كون الناس تتحاسب على الارقام
ويتبدل رقم جثته وي جثتي
بمكاني يموت ساعة ويرجع يعيش
ويشوف شكم ذنب منه بركبتي
بالعرس وتخيلته هوه
وسلمت على الخطار كوه
.
.
#شعراء_وذواقين_الشعر_الشعبي
#حسين_العميدي
#ابو_تراب

.
رديتلكم شايل فرحة بكد ما شايل هم من عدكم
ورديتلكم وادري بعمري تكسر مثل الجام بحبكم
رديت وشايل ضحكاتي ارد اوكف وابجيهن يمكم
يالعفتوني ولهسة هدومي من افركهن تطلع ريحتكم
صح ما عندي وياكم صورة بس مرات من اشتاكلكم
بس الزك گلبي على الحايط تطلع على الحايط صورتكم
.
.
#شعراء_وذواقين_الشعر_الشعبي
#حمزة_حسين_مطر
#ابو_تراب

.
انا كتلك بالحلم بالبيت بالشارع شماته
لا تضحكهم علية
ومن كثر ما ضحكتهم ضحكتني
انا لو غالي صدك ما رخصتني
ويا الكلتلي وياك اعيشن عمري كله
لغيري كتله وياك اموت
انت لا خفت الله بية ولا صنتني
وغبت عنك ما شفت عينك بجتني
وانا اشوفن روحي نعمة من السما طاحت عليك
ما جنت مكسور بالكاع وشلتني
اني اجيت من التعب حتى استراح
وتعبتني
.
.
#شعراء_وذواقين_الشعر_الشعبي
#اسامة_الكاتب
#ابو_تراب

.
ما اصدك تجي وتشوفك العين
وهم يمر علية يوم والاكيك ؟
اذا صح البالي وجيت يا زين
يضيع لساني مني وبيش احاجيك
اصيرن عيني كلي بطرك جفنين
واحير بيا جفن منهن اخليك
علية سوي فضل يالجيتك دين
تعال وداعتك بعيوني اوفيك
.
.
#شعراء_وذواقين_الشعر_الشعبي
#حمزة_الحلفي
#ابو_تراب

.
ما نادم عليك ولا على الصار
نادم على الگلبك ما عرف يختار
جبت بيدي عذابي
وخسرت اول شبابي
وخسارة يضيع عمري و ارد خالي
بعيوني شفت شيصبر العيون
وغركن بالدمع مادام تمشون
ضلم لو شخص ثاني
يجي وياخذ مكاني
وكباله ضحكتك مو كبالي
ليش اسأل بعد شلي بسؤالي
.
.
#شعراء_وذواقين_الشعر_الشعبي
#منقول
#ابو_تراب