.
چان ابن جارك قبل يسمى اخوك
بنص خواتك نومه ومأمن تضل
وچانت طلايب كبل كلها تطيح
لا اخذ عطوة ولا ودي فصل
ولاية تحزن قبل لو شايب يموت
وسنة تلفزيونه ما يشتعل
.
.
.
.
#شعراء_وذواقين_الشعر_الشعبي
#حسين_ابو_عراق
#ابو_تراب

.
.

من افكر بيك مرات انهضم
كلها يمي وانته مو يمي ظلم
المفترض يمك احط راسي وانام
بس تلاگينه بزمن ما يحترم
حبك النوع المركز والثگيل
وشوگي الك من هذا اليدگ بالعظم
هذا المخليني ما اگدر انام
وعنك يحچيني مااگدر اضم
عايش ويه سوالفك بيهن اعيد
چنك بذاكرتي لاضمهن لضم
الخاطر الله شكد حلو شكد تنهضم
انته غير مسوي للدنيا طعم
هية اصلا فاهية وما الها لون
لغوة چانت قالو وقلنا لهم
الفرگة ما مرت علي مر الكرام
هسة كمت اعرف احساس الينحرم
بس المفارگ صدگ يعرفهه زين
يصفر الدنيا وحبيبه يضل رقم
.
.
.
.
#شعراء_وذاوقين_الشعر_الشعبي
#يحيى_العلاق
#نٌےـوُرَ

.
حاير والظنون اشكال بيه اتدور
غيب براحتك لا تعتذر معذور
شوكت ما عاودت موجود ومتانيك
ونذر دمي حبيبي لجيتك منذور
غيب براحتك لا تعتذر معذور
.
.
.
.
#شعراء_وذاوقين_الشعر_الشعبي
#سجاد_خيري
#نٌےـوُرَ

.
صاير تبتسم كلما اصد اعليك
وتخلق اي سبب بس حتى توصلي
بصراحة افعالك مخوفتني هالايام
مبين حابني بس مستحي تگلي
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
تربة بطيحتي مكسر واضل مهيوب
وانا مثل الضوة يا جف اليكضني
النخل ماية اعلى جدمه الكصص مو بس فوك
انا شامخ ترى شما ردت تبعدني
ما احب السهم ينكرص جدمة وراح
ما ياخذ بثارة السهم يلچمني
يشبة ماي كصتي الثار زحمة يطيح
ولا انا الاتركه ولا هو يتركني
مرات الحجي يثلم سيوف اعداك
يا ابن ولايتي جا ليش تثلمني
مصلى من انسحك لا تعتقد مذلول
ليغرك اليسحك يرجع و يحني
.
.
.
.
#شعراء_وذواقين_الشعر_الشعبي
#علي_خلف_الدريساوي
#ابو_تراب

• .
احبها وما اعرف مثل اليمثلون
الم سوالفي واوكف واكلها
ولا عندي بخت حتى انتچي علية
ولا اعرف المواقف واستغلها
حب فطرة وعشك وادم فلاليح
النحبها نوسط الوادم ل اهلها
نجي يم بابها نحط عش عصافير
وفوك العش احبج نكتبلها
بس چنة اختلف حب هاي الايام
سوالف باردة وما اعرفلها
سوالف ماي لاجن مو طعم ماي
والف جلمة عطش موش بمحلها
.
.
.
.
#شعراء_وذاوقين_الشعر_الشعبي
#صباح_الطائي
#ابو_تراب

.
شلي بعينك سما ومتشوف گلبي شبي
وتغض الطرف عن طيبته وعشكه
سبع عيون عدها الخضرمه ومتشوف
لذا ما تشفعلها عيونها الزركه
شفت ظهري انحنى شحسبالك انذليت
ترفع راس اهلها الدلة المدنكه
عشت ازمه ثقة ويا الناس مثل الطير
يخاف من البشر وتفززة الصفكه
بعد منا وهيج احسبها غير احساب
سهمك لو خطف بعيوني ما لحكه
ورث ميت حسبتك عيب اسولف بيك
تكضي الفاتحه وكلمن يجي حكه
.
.
.
.
#شعراء_وذاوقين_الشعر_الشعبي
#سيف_علي_زبون
#ابو_تراب

.
مو سهلة عندي من اعترف
واكسر قيود من الخجل
واتشاطر ويه الگلب
بس انه كلش مقتنع مو عاشگ الماينغلب
هية العلاقة المن صدگ
لذتهه شلعان الگلب
.
.
.
.
#شعراء_وذاوقين_الشعر_الشعبي
#حسين_جبار
#نٌےـوُرَ

.
واحد يتقدم عالثاني
ومحد من عدنه يمد ايده
ومانعرف شنهي مخوفنه
بلكت فاعل خير يجرب
واحد عالثاني يعرفنه
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

• .
تالي الليل اكلهم باجر انساك
وارد من غبشة الله واحجي بس بيك
بغيرك فكرت كلت بلكي انساك
طلع غيرك يشبهك فكرت بيك
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

• .
من هو بحالنه احنا المساكين ؟
احنا المحد النا ومدري منين ؟
خلصنه عمرنا بالمحطات
سفر وبيوتنه سطوح الفراكين
مرسومة بجلدنا ذيج الانياب
الجرح لو طاب هم يترك نياشين
وين اهلي علية ما دكوا الباب !
ترى صحتي عليلة وگلبي مو زين
خسارتنه جبيرة وغشمة على السوك
بعنه عقولنا بسوك المجانين
تمنينه نموت بغير تعذيب
وعلى المذبح نطرنا صارنه سنين
يوصلنه السرة ويتأجل الموت
يم اركابنه وتعمى السجاجين
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
لان طكات شماتي ... ب هامي
وشلت لا تضن عيني ... بها ماي
اذا على الذل رضى يبصم ... بهامي
اكطعة ان جان يرضالي بردية
العلية غير اهلها ... من علاها
وروحي يخسى الكلك ... من علاها
بعزم الله نخلتي ... من علاها
يراموها بحجر وتضل صفية
.
.
.
.
.
#شعراء_وذاوقين_الشعر_الشعبي
#عريان_السيد_خلف
#رحيم_المالكي
#ابو_تراب

.
تتكلب وما تغفى اذا ما ترتاح
وهو انت ما ترتاح اذا ما تغفى
و نفسك عزيزة وجذب ما تكتلها
والدنيا ما تستاهل تكملها
ما تسوى ترفع عينك بعين الناس
لو عينك بعين الله لو نزلها
لوما ضحكتك ياهو اليباوع بيك
هاي الحقيقة وياهو يتقبلها
جا مو شرط من تالي تعرفهم زين
مرات تاليتها من اولها
.
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

عليك الناس تسأل وين ما وين ؟
وعساك بخير عايش يا ضوة العين
هم ترجع وتجمعنا الليالي ؟
واشوفك من صدك كاعد كبالي
بعد ما ضل صبر والصبر ليوين
عساك بخير عايش يا ضوة العين
.
.
.
.
#شعراء_وذواقين_الشعر_الشعبي
#جبار_صدام
#ابو_تراب

• .
عاد كافي تغيضني وانت بحماي
خلها جمرة غيضتي بصندوكها
انا من اغتاض بية يوج رداي
واعدل العوجة واخيط فتوكها
لشجرة الخوة اصب من عيني ماي
ولو اغتاض اشلعها من عروكها
انا احط حجايتي حطة عباي
واعرف اليشريها واندل سوكها
حاسدتني الناس جي راجح الرأي
ولشليلة بهيده افك مطبوكها
جي اخلي الرمدة تبصر من ضواي
واطلع الليطه بهدو من موكها
جي اطيح اعلى الجرح واعرف الداي
واعزل الشفاف من ملثوكها
.
.
.
.
#شعراء_وذواقين_الشعر_الشعبي
#عبدالكريم_القصاب
#ابو_تراب

• .
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
عدمن تشتكي بهالليل الشطوله
وانت اليوجعك ما تكدر تكوله
وين يدير وجهه البعده ما خلصان
حجية وتخلص الناس اليسمعوله
وشينسيك اذا من نعمة النسيان
اسامي الناس التحب صدك مشيوله
غلطتك تبتدي بزله گلب و لسان
وكلت أول احبك بالغلط ل انسان
كارها بكثر ما ب اذنه مكيوله
ومن ذاك الوكت تفشل لحد الان
بعدك ما مصلح غلطتك الاولى
ومن الحب ابد ما يطلع الغلطان
لو كلش قوي لو جثة مشيوله
.
.
.
.
#شعراء_وذواقين_الشعر_الشعبي
#عصام_كريم
#ابو_تراب

.
متغير علية مو الاولي وياي
افك ريجي الرسايل كلها تهديد
عليمن نتعب نربيك وتروح
خسرتك وانتهت مرتين ما اعيد
انطيتك فوك حجمك بالغت بيك
فعل ماضي وبقت ذكرى المواعيد
الشعر مو باب رزقي لخاطرك جان
ذهب جوة ايدي اصوغه شلون ماريد
جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ابد ما حسستك بفرق المواليد
.
.
.
.
#شعراء_وذواقين_الشعر_الشعبي
#نور_اللامي
#ابو_تراب

• .
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
مغير لونهن بس شفت لو شفاك
اخذلك هيج واحد من بعد يخزر
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
محد يحترك گلبه علية
ويمد ايده ويطفي النار بية
اذا ال بيتي ضدي شحال جاري ؟
يذب فوكي حطب وتزيد ناري
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب