.
لتگلي الگبر والچفن والتابوت
فكرة موتك مامقتنع بيها
عدل وتضل عدل لو تندفن مرتين
يامحبوب عيني ومي سواجيها
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
لو مخليني بضماي هواي ارحم
شجابك ومريت بيّه وبللتني ؟

من بديت اتشهى كل گطرة ندى تطيح اعله صدرك
ومن بده ستوّه الخضار يشوف دربه فارگتني !
.
.
.
.
#شعراء_وذاوقين_الشعر_الشعبي
#زيد_الهاجري
#نٌےـوُرَ

.
راح اعوفك لأن مااريد انصدم
ولأن مااحس روحي عندك شي مهم
ولأن كلما اريد اشوفك واعتنيك
يصير جدول مواعيدك مزدحم
صوچي من قررت اتقرب عليك عليك
وصوچي من گتلك غلاتك ياحجم
بس ارجعك للمكان الچنت بي
واله ارجع شوفتي بعينك حلم
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
.
بعد لتگول احبك مااصدگ بيك
بانت بيه نيتك ثاري تتسله
الف ياحيف ضايع وكتي وياك
ما اريد العنب بس رجع السلة
طلعت فنجان حاير بين الافواه
تعبت ابمزاجك هيبة الدلة
طلع صيتك چذب لا ابن ديوان
لا شارب فرات وراوي من دجلة
قبل تتمنى تاخذ صورة وياي
هسة الگلب بيدك وانته اتذله
.
.
.
.
#شعراء_وذاوقين_الشعر_الشعبي
#مأمون_النطاح
#نٌےـوُرَ

• • .
مرات اختنك لمن يجيني الليل
افك شباج صدك و اوكف اتأمل
صياد احس روحي والنهر وشل
اشوفك جاي لية واركض اتخيل
اوصل للنهاية وابتدي من أول
اذا رفضت ضنوني جيتك ع البال
اغافلهن واكلك ما عليك اقبل
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

• .
من أول نظرة حيل تعلقت بيك
عشكتك ما سألتك حاب ما حاب
خصه لبيتكم لمن تعنيت
بديت اصرف شبابي بعتبة الباب
يابو نظرة الغميجة التأخذ الروح
ينكهة دارمي وبحلوك شياب
.
.
.
.
#شعراء_وذاوقين_الشعر_الشعبي
#مالك_السلطاني
#ابو_تراب

• .
تعال الحك علية كبل ... لا اطم
روحي والگلب چا البحر ... لا طم
ترى انا بكل عزا بجفاك ... لاطم
مهدل والعزا يلطم علية

رخى جسمي اعلى مودك ... من رخصتك
واسومن بيك غالي ... من رخصتك
دست فوكي دكلي ... من رخصتك
حتى براحتك تسحك علية

بعسر غيري النوايب ... فاتحت من ؟
وسهم غدرك بگلبي ... فات حتمآ
كتلتني وجاي تنشد ... فاتحة من ؟
ولا جنك رحت جناز بية
.
.
.
.
#شعراء_وذاوقين_الشعر_الشعبي
#حسين_صالح
#ابو_تراب

.
اذا عندك اعتاب تدزة هسة
من اطوي صفحتك باجر انسى
صح مشتاكلك بس اسف هواي
جروحي بغيبتك ما تبقى خرسة

مو ذاك التعرفه تغيرت فد نوب
هسة اضحك واسولف كلشي مابية
اخاف ابالك ارجع للسهر وياك
وحق جروحي احطلك جرح ليلية
.
.
.
.
#شعراء_وذاوقين_الشعر_الشعبي
#سجاد_الغريب
#ابو_تراب

.
ماتت بعيني الاموت بعينهه
الجرحي بعده مچلب بسچينهه
گلبي من حبهه گلبهه بلاية دين
والله مو نص كملت كل دينها
.
.
.
.
#شعراء_وذاوقين_الشعر_الشعبي
#حسين_علي_المطوري
#نٌےـوُرَ

.
اليوم خلافكم ماينحسب يوم
يل منسيني ازر ازرار الهدوم
اشيل ايدي لشكو صاحب منارة
لو انساك لو انسى الجگارة
.
.
.
.
#شعراء_وذاوقين_الشعر_الشعبي
#حسين_العميدي
#نٌےـوُرَ

.
.
بعد شيرجعه انتهى البيناتنه
لا اسفنه يفيد لا دمعاتنه
مايرجعنه الندم
احنه داخلنا انهدم
ومر قطار الشوگ عده وفاتنه
بعد شيرجعه انتهى البيناتنه
احنه من خاطر علاقتنه انكسر
ما تنازلنه ولا بينه انجبر
صار همنا الغلط من عدمن بدر
وطبعاً تسي ٔ الامور
احنه مالينه الغرور
وكلمة ما نتحمل اثنيناتنه
العشگ يعني التفاني التضحيات
وما يدوم الا بوفى ونكران ذات
واحنه ما قدسنا حتى الذكريات
وطبعاً تسي ٔ الامور
احنه مالينه الغرور
وكلمة مانتحمل اثنيناتنه
بعد شيرجعه انتهى البيناتنه
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
ماتَ الهوى
والبُعد أمسى مدفنه
أحببتها ..
لكنني لم اكتشف
زيف الوعود وانها متلونه
صدقتُ عاطفتةً بقبلة قاتلي
في خطة للجُرح كانت متقنه
خانت..
ولم يبقى سوى عمراً مضى
ضيعتهُ في حبها سنةً .. سنة
.
.
.
.
#شعراء_وذاوقين_الشعر_الشعبي
#أيهاب_المالكي
#نٌےـوُرَ

.
اذا انت جرح ما اريدك تطيب
اروف بصفك ولا ما اروفك
واذا تطلب عيوني وداعتك هاك
عمت عين العيون الما تشوفك
الاضفر دم يذب لو فارگ الأيد
شلون بلا دموع تريد اعوفك

اذا ليلك شته شكد حلوة الاشاه
احضنك ثوب واتدفى اعلى الانفاس
واذا صيف وسموم الصيف معروف
احسه عذيبي ذاك اليحرك الناس
مو كامل ولكن نقص ما بيك
اليكفيني ذكاء ورقه واحساس
مكانك لا بگلبي ولا بالعيون
كل جسمي الك من دمي للراس
مرات ارد ابوسك لكن احتار
اذا كلك خدود منين تنباس
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
عني يا لب الگلب ياهو الذي ... حاجبك
مريت ما سلمت حسيت انا ... حاجه بك
فهمني ليل المضى ياهو الذي ... حاج بك
تارس اذانك حجي حد ما صبحلك ... ولم
وانا الدليلي انترس اهات منك ... وألم
عايفني عفت الاكل اكل بروحي ... والوم
حاجيتك ولا سولفت حاجاني بس حاجبك

وحك الصيحت وابرت ... من نعسه
كتلني السلم وعينه ... منعسه
الخذاها بلليل ما ردها ... من عسى
الفجر يفتح رياكه براس حية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
احس الله يحبني الحمد لله
وعسى ان تكرهو فيت عله گدي
ولا چني العشگتك والهمت بيك
اشوفك واعبر الشارع واعدي
.
.
.
.
#شعراء_وذاوقين_الشعر_الشعبي
#يحيى_العلاق
#نٌےـوُرَ

.
خلصت اوراق الجكاير والمعامل عزلت خلصت جكاير
وانا اعيش اليوم نفسة وماكو باجر
تالي احس الشيب اخذني وعتني عت صوب المكابر
ردت ادخل كالوا حاجز كبر انت ؟
كلت لا كالوا ابقى كلت حاضر
لا رضوا بية انا اسافر
ولا رضت بية المكابر
كلت احسن شي انام العمر كله
زين انا شلون انام العمر كله ؟
لازم اشرب عمري كله
وشربت ودخت وسكرت سلهمت نامت عيوني
وحلمت هم ردت اسافر بالحلم هم فتشوني
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
سواد الليل يبقى وتطفى الالوان
واعيد بذكرياتك والمشاهد
تعال اوزن اهمومي وجيب ميزان
وشوف شكد عذاب الروح زايد
اذا كل طير عنده اثنين جنحان
انا المكسور وعشت بجناح واحد


.
.
.
.
#شعراء_وذاوقين_الشعر_الشعبي
#كاظم_اسماعيل_الگاطع
#نٌےـوُرَ

.
بس بالجمعة اطول جن طباشير
ويخلص عمري وانذب باقي الايام
بفراشي واخلص الليل فزات
ناس بنص مخدتي تدكلي دمام
وانا بيتنه وكل ساعة مدعوم
لان احلامي كلها بشارع العام
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
كل ما اريد اكضها يكلي ممنوع
لزم الايد كفرة بيا ديانه ؟
ترى العشاك عبروها المسافات
وانا وياك شيب مستحانه
وجذب ناسيك والله حجاية تنكال
الابو لو غاب ياهو يسد مكانه
وحجي لسان نتفارك بس الگلوب
جم مرة يتلاكن من ورانه
.
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
اذا لوليتلك لا تغفى يمي
ملش بالشعر والطم على الزنود
انا الذبيت شبجي بوسط دمي
طلعت بس المرارة وبقى العامود
وانا الي حفرولي ونسوا طمي
وعشت وسط الحفيرة بثوب مسرود
عكارب عاشرت مصتلي دمي
مو ربعج علية ملتمة بس دود
اكطع بالجسم وانخاج لمي
وسيوفج خشب تاخذ علية زود
يا دنيا ما نفع وياج غمي
تحسبين الصعد ع النخلة صاعود
يا دنيا للمناجل حيل شمي
مو ياهو اليكص الكصبة حاصود
.
.
.
.
#شعراء_وذواقين_الشعر_الشعبي #خضير_هادي
#ابو_تراب