#Adliya_tanlov

📣📣 Jurnalist va blogerlar diqqatiga!

✅Adliya vazirligi tomonidan Konstitutsiyada belgilangan qoidalarni tushuntiradigan eng yaxshi post va maqola tayyorlagan ijodkorlar eʼtirof etiladi.

Bunda Konstitutsiyada belgilangan huquqlarni targʻib qiluvchi eng yaxshi ijodiy ishlar jamoatchilik faollari va ekspertlardan iborat komissiya tomonidan saralab olinadi.

Tanlovda ishtirok etish uchun 2025-yilning 1-yanvaridan 1-dekabriga qadar boʻlgan davr oraligʻida Oʻzbekiston Respublikasi Konstitutsiyasi boʻyicha tayyorlangan hamda ommaviy axborot vositalari va ijtimoiy tarmoqlarda eʼlon qilingan yoki nashr etilgan maqola va blogpostlar mualliflar tomonidan Telegramdagi @axborot_xizmati_AV elektron manziliga yuboriladi.

Tanlov quyidagi nominatsiyalar boʻyicha oʻtkaziladi:
✔️ “Konstitutsiyada belgilangan qoidalarni tushuntiradigan eng yaxshi maqola”.
✔️ “Konstitutsiyada belgilangan qoidalarni tushuntiradigan eng yaxshi blogpost”.

🗓 Muddat: 2025-yil 1-dekabrgacha.

Saralab olingan ishlar mualliflari esdalik sovgʻalar bilan taqdirlanadi.

Telegram | Instagram | Facebook | YouTube | Bot

❗️Adliya vazirligi Taʼlim tashkilotlarida toʻlov-kontrakt shakli va undan tushgan mablagʻlarni taqsimlash tartibi toʻgʻrisidagi nizomga oʻzgartirishlarni davlat ro‘yxatidan o‘tkazdi (ro‘yxat raqami 2431-5, 2025-yil 21-noyabr).

⏳Unga ko'ra, oliy taʼlim tashkilotlarida kontrakt asosida oʻqish uchun toʻlov quyidagi muddatlarda amalga oshiriladi:

🔹toʻlov miqdorining kamida 25 foizi – abituriyentlar uchun 15-sentabrgacha hamda yuqori bosqich talabalari uchun 1-oktabrgacha yoki oliy ta’lim tashkiloti rektori tomonidan uzaytiriladigan muddatgacha;

🔹to‘lov miqdorining kamida 50 foizi 1-yanvargacha, 75 foizi 1-martgacha va 100 foizi 1-maygacha yoki oliy ta’lim tashkiloti rektori tomonidan uzaytiriladigan muddatgacha amalga oshiriladi.

✅Bunda, Davlat komissiyasi yuqoridagi toʻlov muddatlarini uzaytirishi mumkin.

💸Kontraktdan tushgan mablagʻlar xorijiy oliy ta‘lim tashkilotlarida istiqbolli yosh pedagog va ilmiy kadrlarni malakasini oshirish va ularning stajirovka o‘tashlariga sarflanishi mumkin.

💰Shuningdek, oliy taʼlim tashkilotlari o‘z talabalarini ijtimoiy muhofaza qilish doirasida bir yilda bir talabaga mehnatga haq to‘lash eng kam miqdorining 6 barobarigacha moddiy yordam koʻrsatishi mumkin bo‘ladi.

Telegram | Instagram | Facebook | YouTube | Bot

❗️Adliya vazirligi Retsipiyentlar va donorlarni inson aʼzolari transplantatsiyasi amaliyotiga tayyorlash va ularning amaliyotdan keyingi reabilitatsiyasi haqidagi nizomni ro‘yxatdan o‘tkazdi (ro‘yxat raqami 3708, 2025-yil 21-noyabr).

✅Mazkur Nizomda davlat tibbiyot muassasalarida retsipiyentlar va donorlarni transplantatsiya amaliyotiga tayyorlash va ularning amaliyotdan keyingi reabilitatsiyasi va kuzatuvda boʻlish tartibi belgilandi.

🔹Nizomga ko‘ra, Vazirlar Mahkamasining 2024-yil 13-iyundagi 333-son qarorida ko‘rsatilgan davlat tibbiyot muassasalari retsipiyentlar va donorlarni transplantatsiya amaliyotiga tayyorlashdan oldin, ularning sog‘lig‘i bo‘yicha maxsus tibbiy tayyorlov choralarini amalga oshiradi.

🔹Retsipiyent va donordan transplantatsiya amaliyotidan oldin rozilik olinadi hamda u videoyozuvga qayd etiladi.

🔹Retsipiyentlar va donorlar transplantatsiyasi amaliyotidan so‘ng 21 kungacha reabilitatsiyada bo‘ladi, reabilitatsiyadan keyin esa ular hududiy tibbiyot muassasalarida dispanser nazoratiga olinadi.

🔹Retsipiyentlar dispanser nazoratida bo‘lgan vaqtda shifokorlar tomonidan bepul immunosupressiv dori vositalari bilan ta’minlanadi.

Telegram | Instagram | Facebook | YouTube | Bot

#Qonunchilikdagi_yangiliklar

✅Davlat xizmatlari yagona reyestrini yuritish tartibi tasdiqlandi

✅O‘zbekiston Respublikasi Adliya vazirining 2025-yil 21-noyabrdagi buyrug‘i bilan “Davlat xizmatlari yagona reyestrini yuritish tartibi to‘g‘risidagi Nizom” tasdiqlandi.

🔹 Reyestr — jismoniy va yuridik shaxslar foydalanishi mumkin bo‘lgan davlat xizmatlari bo‘yicha yagona ochiq ma’lumotlar bazasi hisoblanadi.
🔹 Har bir xizmat bo‘yicha pasport shakllantiriladi: unda xizmat nomi, tartibi, talab qilinadigan hujjatlar, to‘lov miqdori, ko‘rsatish muddati va natijasi kabi ma’lumotlar jamlanadi.
🔹 Yagona reyestr “Davlat xizmatlari” onlayn axborot tizimi orqali shakllantiriladi va yuritiladi.
🔹 Yangi xizmatlarni kiritish, eskirganlarini chiqarish yoki ma’lumotlarga o‘zgartirish kiritish normativ-huquqiy hujjatlar asosida amalga oshiriladi.
🔹 Adliya vazirligi reyestrning to‘liq va yangilangan yuritilishini ta’minlaydi, xizmat ko‘rsatuvchi tashkilotlar esa o‘z ma’lumotlarini o‘z vaqtida yangilashga mas’ul bo‘ladi.

📌 Ushbu tartib davlat xizmatlarining shaffofligi, qulayligi va fuqarolar uchun ochiqligini ta’minlashga qaratilgan.

Telegram | Instagram | Facebook | YouTube | Bot

#Qonunchilikdagi_yangiliklar

🔵Endilikda fuqarolar Davlat xizmatlari markazlariga faqat bitta pasport bilan murojaat qilib, doimiy yoki vaqtincha yashash joyi bo‘yicha ro‘yxatdan o‘tish xizmatidan foydalanishlari mumkin.

✅Ushbu tartib fuqarolarga xizmat ko‘rsatish jarayonini yanada soddalashtirish hamda ortiqcha hujjatlar talabini kamaytirishga xizmat qiladi.

Telegram | Instagram | Facebook | YouTube | Bot

🖥Startapingizni g‘oyadan biznesgacha olib chiqadigan bepul qo‘llanma!

🌐Butunjahon intellektual mulk tashkiloti (WIPO) va Adliya vazirligi hamkorligida o‘zbek tiliga moslashtirilgan “G‘oyalarni tijoratlashtirish: startaplar uchun intellektual mulk bo‘yicha qo‘llanma” endi bepul yuklab olish uchun ochiq.

❗️Ushbu qo‘llanma:
✅startaplar va tadbirkorlarga patentlar, tijorat siri, mualliflik huquqi, tovar belgilari, sanoat namunalari kabi vositalarni sodda tilda tushuntiradi;
✅intellektual mulkni biznes modeliga qanday integratsiya qilish va undan raqobat ustunligi yaratish yo‘llarini ko‘rsatadi;
✅bozorda raqobatchilarni oldinga o‘tkazib yubormaslik, xavflarni boshqarish va nizolardan qochish bo‘yicha aniq metodik tavsiyalar va misollar beradi;
✅texnologiyani g‘oyadan tayyor mahsulotgacha olib kelish bosqichlarini (TTD) tushuntiradi va investorlar ko‘zi bilan qarashni o‘rgatadi.

✅Qo‘llanma kimlar uchun?
• o‘z innovatsion texnologiyasini bozorga chiqarishni rejalashtirayotgan startaplar uchun;
✅brend, dastur, servis yoki yangi biznes g‘oyasini himoya qilishni xohlayotgan tadbirkorlar uchun;
✅intellektual mulk tizimi tamoyillarini amaliy misollar orqali o‘rganmoqchi bo‘lgan talabalar va startap ekotizimi ishtirokchilari uchun.

📥Qo‘llanmani yuklab oling, g‘oyalaringizni himoya qiling va ularni barqaror biznesga aylantiring.

https://www.wipo.int/export/sites/www/sme/en/documents/guides/customization/enterprising-ideas-uz-uzb.pdf

Telegram | Instagram | Facebook | YouTube | Bot

#Mualliflik_huquqi

✅Amerikalik tarjimon va sharqshunos olim Mark Reese’ning mualliflik huquqi buzilgani bo‘yicha chora ko‘rildi

🔹Ijtimoiy tarmoqlarda tarjimon va sharqshunos olim Mark Reese uning 15 yil davomida ingliz tiliga (“Bygone Days”) tarjima qilgan “O‘tkan kunlar” asarining ruxsatsiz elektron shaklda tarqalayotgani haqida murojaat qilgan.

🔹Murojaat asosida Adliya vazirligi tomonidan O‘zbekiston davlat jahon tillari universitetida o‘rganish o‘tkazildi. Natijada ushbu asar Mark Rizedan ruxsat olinmasdan, hech qanday shartnomasiz to‘liq holda elektron shaklga o‘tkazilgani va unilibrary.uz tizimiga joylangani aniqlandi.

🔹Aniqlangan huquqbuzarlik bo‘yicha universitet mas’ullari yuzasidan Ma’muriy javobgarlik to‘g‘risidagi kodeksning 177¹-moddasi bilan bayonnoma rasmiylashtirilib, sudga yuborildi. Sud qaroriga ko‘ra, mas’ul xodimga 2 060 000 so‘m miqdorida jarima belgilandi hamda asarning elektron nusxasi unilibrary.uz tizimidan o‘chirildi.

🔹Shuningdek, kelgusida bunday huquqbuzarliklarning oldini olish maqsadida universitetda mualliflik va turdosh huquqlarga rioya qilish bo‘yicha seminar-trening tashkil etildi.

‼️ Ma’lumot uchun: Tarjimon Mark Reesega “Mualliflik va turdosh huquqlar to‘g‘risida”gi Qonunning 65-moddasiga muvofiq, zararni qoplash uchun huquqbuzardan BHMning 20 baravaridan 1000 baravarigacha miqdorda tovon talab qilish huquqiga ega ekanligi tushuntirildi.

Telegram | Instagram | Facebook | YouTube | Bot

#Adliya_tanlov

📣📣 Jurnalist va blogerlar diqqatiga!

✅Adliya vazirligi tomonidan Konstitutsiyada belgilangan qoidalarni tushuntiradigan eng yaxshi post va maqola tayyorlagan ijodkorlar eʼtirof etiladi.

Bunda Konstitutsiyada belgilangan huquqlarni targʻib qiluvchi eng yaxshi ijodiy ishlar jamoatchilik faollari va ekspertlardan iborat komissiya tomonidan saralab olinadi.

Tanlovda ishtirok etish uchun 2025-yilning 1-yanvaridan 1-dekabriga qadar boʻlgan davr oraligʻida Oʻzbekiston Respublikasi Konstitutsiyasi boʻyicha tayyorlangan hamda ommaviy axborot vositalari va ijtimoiy tarmoqlarda eʼlon qilingan yoki nashr etilgan maqola va blogpostlar mualliflar tomonidan Telegramdagi @axborot_xizmati_AV elektron manziliga yuboriladi.

Tanlov quyidagi nominatsiyalar boʻyicha oʻtkaziladi:
✔️ “Konstitutsiyada belgilangan qoidalarni tushuntiradigan eng yaxshi maqola”.
✔️ “Konstitutsiyada belgilangan qoidalarni tushuntiradigan eng yaxshi blogpost”.

🗓 Muddat: 2025-yil 1-dekabrgacha.

Saralab olingan ishlar mualliflari esdalik sovgʻalar bilan taqdirlanadi.

Telegram | Instagram | Facebook | YouTube | Bot