#oyning_eng_yaxshi_xodimi

✅Adliya vazirligida oyning eng yaxshi xodimi aniqlandi

🔶Adliya vazirligi Davlat xizmatlari markazlari va FHDYO organlari faoliyatini muvofiqlashtirish boshqarmasi bosh maslahatchisi Tursunaliyev Anvarjon Baxodirjon o‘g‘li 2025-yilning iyul oyi uchun vazirlik tomonidan oyning eng yaxshi boshqaruv xodimi deb topildi.

🔷Tursunaliyev Anvarjon 2019-yilda Toshkent davlat yuridik institutini bakalavrini tamomlagan.
🔶Adliya vazirligi tizimida mehnat faoliyatini 2019-yilda Andijon viloyat adliya boshqarmasining Nodavlat notijorat tashkilotlar bo‘limi katta maslahatchisi lavozimidan boshlagan.

🔹2020-2022-yillarda Andijon viloyat adliya boshqarmasi Kadrlar bo‘yicha bosh maslahatchisi, O‘zbekiston Respublikasi Prezidenti hujjatlari va topshiriqlari ijrosini nazorat qilish bo‘limi bosh maslahatchisi, Huquqiy xizmat ko‘rsatishni davlat tomonidan tartibga solish bo‘limi boshlig‘i, hamda Davlat xizmatlari markazlari va FHDYO organlari faoliyatini muvofiqlashtirish bo‘limi boshlig‘i lavozimlarida ishlagan.

🔹2022-2024-yillarda Adliya vazirligi Davlat xizmatlari markazlari va FHDYO organlari faoliyatini muvofiqlashtirish boshqarmasi yetakchi maslahatchisi lavozimida ishlagan.

🔹2024-yildan buyon Adliya vazirligi Davlat xizmatlari markazlari va FHDYO organlari faoliyatini muvofiqlashtirish boshqarmasi bosh maslahatchisi sifatida faoliyatini davom ettirmoqda.

🔶Anvarjon Tursunaliyev normativ-huquqiy hujjatlar loyihalarini ishlab chiqish, Davlat xizmatlari markazlari va FHDYO organlari faoliyatini takomillashtirish bo‘yicha ko‘plab loyihalarda samarali faoliyat yuritmoqda.

🔷Vazirlik jamoasi Anvarjon Tursunaliyevni ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

Telegram | Instagram | Facebook | YouTube | Bot

#Mening_adliyam

✅Adliya vazirligi Intellektual mulkni ro‘yxatga olish va rivojlantirish boshqarmasi 1-toifali ish yurituvchi kotibi Shayusupova Shoxida Erkinovna joriy yilning iyul oyi uchun “Oyning eng yaxshi texnik xodimi” deb topildi.

🔷Shoxida Shayusupova Adliya vazirligida o'z mehnat faoliyatini 2022-yilda boshlab, bugungi kunga qadar EHM uchun dasturlar, Ma'lumotlar bazalarini ro'yxatdan o'tkazish hamda Integral mikrosxemalar topologiyalarini ro'yxatdan o'tkazish kabi murakkab va muhim texnik yo‘nalishlarda samarali faoliyat olib bormoqda.

🔶Jumladan, shu kunga qadar 14349 ta EHM uchun dastur hamda 524 ta Ma’lumotlar bazasini ro'yxatdan o'tkazib, davlat reyestriga kiritdi. Shuningdek, intellektual mulkning rasmiy ro'yxatdan o'tkazilgan obyektlari to'g'risidagi ma'lumotlar bazasini shakllantirishda o'z hissasini qo'shib kelmoqda.

🔷Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda.

🔶Vazirlik jamoasi Shoxida Erkinovnani ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi!

Telegram | Instagram | Facebook | YouTube | Bot

#Qonunchilikdagi_yangiliklar
#birinchi_qism

✅Intellektual mulk sohasidagi huquqbuzarliklar uchun jinoiy javobgarlik belgilandi.

✅Joriy yilning 8-avgust kuni Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1080-son O‘zbekiston Respublikasining Qonuni qabul qilindi.

🔸Qonun bilan intellektual mulk sohasidagi huquqbuzarliklar uchun javobgarlik choralari kuchaytirildi.

Xususan:
▪️intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilandi;
▪️muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirildi;
▪️adliya organlarining kontrafakt tovarlarni ko‘zdan kechirish va xatlash vakolatlari kiritildi;
▪️mualliflik huquqi va turdosh huquqlarni buzganlik uchun ma’muriy jarima miqdori oshirildi;
▪️seleksiya yutug‘i va integral mikrosxemalar topologiyasiga bo‘lgan huquqlarni buzganlik uchun ma’muriy javobgarlik belgilandi;
▪️patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish qo‘shimcha ma’muriy jazo chorasi sifatida kiritildi;
▪️tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishi nazarda tutildi.

❗️Ushbu qism Qonun qabul qilingan kundan boshlab uch oy o‘tganidan keyin kuchga kiradi.

🔸Mazkur Qonun intellektual mulk huquqlarining samarali himoya qilinishiga, kontrafakt tovarlar aylanmasining oldini olishga, xorijiy investitsiyalar oqimini oshirishga hamda O‘zbekistonning Jahon Savdo Tashkilotiga a’zo bo‘lish jarayonini jadallashtirishga xizmat qiladi.

Telegram | Instagram | Facebook | YouTube | Bot