#Adliya_xabari

Buyuk Britaniyaning nufuzli universitetlari bilan hamkorlik yoʻlga qoʻyildi

Adliya vaziri oʻrinbosari Sherzod Rabiyev boshchiligidagi delegatsiya yuridik kadrlarining salohiyatini oshirish, taʼlim sohasida hamkorlikni kengaytirish, jumladan, Toshkent davlat yuridik universitetida Buyuk Britaniyaning nufuzli universitetlari bilan qoʻshma dasturlarni joriy etish maqsadida Londonga tashrif buyurdi.

Xususan, adliya vaziri oʻrinbosari Sh. Rabiyev va Toshkent davlat yuridik universiteti rektori v.v.b. I.Rustambekov London universiteti rahbariyati bilan muzokaralar oʻtkazdilar. Natijada London universiteti va Adliya vazirligi taʼsischiligida Oʻzbekistonda Britaniya xalqaro universitetini ochish boʻyicha tegishli choralarni koʻrish toʻgʻrisida kelishuvga erishildi.

Tomonlar oʻzaro hamkorlikni yoʻlga qoʻyish, akademik almashinuv dasturlarini tashkil etish, London universiteti professor-oʻqituvchilarini TDYUga jalb qilish, hamkorlikda Ingliz huquqi kafedrasini ochishga kelishib oldi.

Tashrif doirasida Oʻzbekiston delegatsiyasi Kardiff va SOAS universitetlari rahbariyati bilan ham uchrashdi. Muzokaralar natijasida Kardif universiteti bilan bakalavriat bosqichida 2+2 va magistratura bosqichida 1+1 qoʻshma dasturlarini joriy etishga kelishildi. SOAS universitet va uning markazlari bilan hamkorlik shartnomalari imzolanib, birgalikda tadqiqotlar oʻtkazish, treninglar tashkil etish va akademik almashinuvni yoʻlga qoʻyiladigan boʻldi.

Shuningdek, Oʻzbekiston delegatsiyasi Buyuk Britaniyadagi xalqaro yuridik firmalari — “Vinson & Elkins” LLP, “Essex Chambers”, “GSC Solicitors” LLP, “Eldwick Chambers” va “Stone 36 Chambers” vakillari bilan uchrashib, birgalikda qoʻshma treninglar oʻtkazish, ekspertlik ishlarini tashkil etish, Oʻzbekiston investorlari va kompaniyalariga xalqaro tijoriy faoliyatida huquqiy yordam koʻrsatish masalalarini muhokama qildi. Hamkorlikning dastlabki qadami sifatida 10-sentabr kuni Toshkent davlat yuridik universitetida “English Law Day”ni oʻtkaziladi. Kelajakda yuristlar uchun turli treninglarni tashkil etishga kelishib olindi.

Adliya vazirligi
Axborot xizmati

@adliyangiliklari

#Adliya_xabari

Davlat xizmatlarini koʻrsatuvchi tashkilotlarga tavsiyalar berildi

Adliya vazirligi Sport vazirligi bilan hamkorlikda hududlardagi davlat xizmatlari markazlari va sport maktablarining masʼul xodimlariga “Zoom” dasturi orqali sport-taʼlim muassasalariga oʻquvchilarning hujjatlarini qabul qilish hamda ularning oʻqishini koʻchirish boʻyicha davlat xizmatlari koʻrsatish sifatini oshirish boʻyicha seminar oʻtkazildi.

Mazkur davlat xizmatlarini koʻrsatish jarayonida fuqarolarga tezkor va sifatli davlat xizmatini koʻrsatish, fuqarolarning ortiqcha ovoragarchiligini oldini olish hamda davlat xizmati koʻrsatilishini sifatini oshirish masalasida masʼullarga tegishli tushuntirish va koʻrsatmalar berildi.

Shuningdek, seminarda sohada yuzaga kelayotgan muammolar va ularni bartaraf etish boʻyicha takliflar tinglandi.

Maʼlumot uchun: sport maktablari va ixtisoslashtirilgan sport maktablari, Olimpiya va paralimpiya sport turlariga tayyorlash markazlari uchun 1-avgustdan 21-avgustga (shu kuni ham) qadar istalgan davlat xizmatlari markaziga yoki YIDXP davlat xizmatidan elektron shaklda foydalangan holda ariza yuborishi mumkin.

@adliyangiliklari