انا ناسيك وبچيت
شلون ما اسكت بروحي
تلتفت للماضي تبچي
حط على الحايط حزنها
هي تحجي وحايط الايام يحجي
وانا صافن
مثل المحجر على الريح ارتجيت
لا متت انت ولا اني احتيت .
.
.
#شعراء_وذواقين_الشعر_الشعبي
#مظفر_النواب
#ابو_تراب

يا الفاركتني شلون تنجاب
كالولي اجيت وشطت ع الباب
واركض ثكيل محمل عتاب
وعيوني كتن ماي وتراب
.
.
#شعراء_وذواقين_الشعر_الشعبي
#منقول
#ابو_تراب

واكف جنت بالباب من صيحوا مات
خبلني ملك الموت من يا كتر فات
.
.
#شعراء_وذواقين_الشعر_الشعبي
#رحيم_المالكي
#ابو_تراب

ساكت وناسيك كوه
وامي تحجي وذكرتني
كالت الحبيته وينه ؟
كلت عفته وصدكتني
عفته يتلفت وراي وگلبي بارد
وهو اني من كثر ما ملتفتله
منشف دموعي اعلى متني
وخفت لا من عينها اوكع واني ابنها
لو درت انت العفتني
عمر اركض وانت تمشي
وبالمشي جدامك جزتني
وماكو شي يستوجب ازعل
بس خنتني
الله يفشلك فشلتني
.
.
#شعراء_وذواقين_الشعر_الشعبي
#منقول
#ابو_تراب

كلي ساعتي يمتى ... و يومي
وجفي للهوا يأشر ... ويومي
ردت نسوان تبجيلي ... وي امي
على هذا المصاب الصار بيه
.
.
#شعراء_وذواقين_الشعر_الشعبي
#منقول
#ابو_تراب

دمع عيني على الوجنه ... ترى سأل
واخبرك يا ولف جسمي ... ترى سل
لون مرسال من عندك ... تراسل
اطيب وما يضل اي ألم بيه
.
.
#شعراء_وذواقين_الشعر_الشعبي
#منقول
#ابو_تراب

منو من الزيج لذياله ... شك الكم
هدومه وبالگلب يكبر ... شك لكم
يا ماشين وعلي مدري ... شكلكم
شني الموخوش وشنهو الذنب بيه
.
.
#شعراء_وذواقين_الشعر_الشعبي
#منقول
#ابو_تراب

اعادي الناس كلها ... وانت لا لا
لانهم ليل هندس ... وانت لاله
اصبحت قيس بعشرتك ... وانت ليلى
شحلاتك من ترد العقل ليه
.
.
#شعراء_وذواقين_الشعر_الشعبي
#منقول
#ابو_تراب

حبايب سووا تعزيز للقناة حتى نرتبلكم شغلات حلوة ☝🏻☝🏻☝🏻☝🏻

خسارة اليوم اعوفك كون بأول يوم
شما اگرب عليك يكثرن جروحي
انا بعشرتك ما عندي كل رداد
شلاع الگلب انا الجايبة ل روحي
.
.
#شعراء_وذواقين_الشعر_الشعبي #رائد_ابو_فتيان
#ابو_تراب

ما حسبت حبكم فرص
كل عمري وياكم خلص
يلا دخلت ابالكم
وغيري دقايق من اجه
وياكم حچاية حجه
شبسرعة نال اعجابكم؟
اذكر واشبع بچي ب أيامكم
راحت بعد ما اضن تجي ايامكم
هنيالكم
.
.
#شعراء_وذواقين_الشعر_الشعبي
#منقول
#ابو_تراب

ماطول الدرب مگطوع
والوادم خذاها الليل
نعتب ليش ونتاني ؟
اليغيب بلاعذر معذور
لاگيله وطن ثاني
.
.
#شعراء_وذواقين_الشعر_الشعبي
#منقول
#ابو_تراب

حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكلوب اصناف
والعشرة الطويلة تريد نوعية
وين وين الالكاه بي جاي يبيع
وين ال انا منطي من هوا الرية
.
.
#شعراء_وذواقين_الشعر_الشعبي
#ايهاب_المالكي
#ابو_تراب

تعال وشوف بية شسوة الفراك ؟
لون تمثال تدمع على التشوفه
جرف وانظر عليك بعين بحار
جن بس للجرف مخلوق شوفه
كوخي لخاطرك لو عاند الغيم
من تملك قصر لا تحركة عوفه
باجر من يخونك قصرك شلون ؟
ترد منه بجرح كوخك يروفه
خشن جذع النخل من طبعة تغتاض
بس تعطف علية لو شفت جوفه
جنت شلال اخوف من تمر نار
وهسة انا حطب ما اسوى خوفه
كعبة حبنا طاحت صارت تراب
مكان البي اثركم ليش اطوفه
.
.
#شعراء_وذواقين_الشعر_الشعبي
#ميثم_فالح
#ابو_تراب

انت جنت تريد حجة
حتى ما نبقى سويه
جانت اعذارك ابد مو منطقيه
الغايه منها تضحي بيه
عاشت ايدك على الاذيه
منيلك هالقابليه
شكم سنه تمثل عليه
.
.
#شعراء_وذواقين_الشعر_الشعبي
#منقول
#ابو_تراب

يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
#شعراء_وذواقين_الشعر_الشعبي
#جبار_رشيد
#ابو_تراب

كلها موسم حتى طبع الطير موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

عشرة بتعبهه وضيمهه بزلة تفض
هسة اني خليني الملح مايعرض ؟
بأول زعلنا ولحگت تعشگ ليش
لليوم داعيك اتصارح وارفض
وهسة اعلى كيفك جاي تمشي ومرتاح
غير اليطفي النار لازم يركض
شليت حالي وكتلي الله يعوض
.
.
#شعراء_وذواقين_الشعر_الشعبي
#سعد_شميل
#ابو_تراب

ابد لا تنفعل وصيت الرموش
يا مايع بين ادي يا طيب الانفاس
نام انت عوافي اتغطى بالروح
وانا اغزل للصبح بخيوط النعاس
كضيت الليل كله اسله بأثنين
مرة بالجكارة ومرة بالكاس
كالوا اصبرلها وكلت لا بأس
انا محد فادني شكد عاشرت ناس
انا صندوك فضة مرصع هموم
ويسألوني شجاك مشيب الراس
تعب هاي الحياة هموم والألم
وعلى هالدنيا الله يساعد الناس
.
.
#شعراء_وذواقين_الشعر_الشعبي
#منقول
#ابو_تراب