.
بفراكنا شحصلت من المغيرك اخ
مو چنا عشك الشلب واحد كبال اللاخ
تعاليت جنك عليه والشوك ميلوحك
وجروك مثل الكطن ما عارضت روحك
.
.
#شعراء_وذواقين_الشعر_الشعبي
#علي_مهدي
#ابو_تراب

تلاكينه بعزا والناس يبجون
وبحجة المات شكد بجينه
فشل ما نحجي بس معاتب عيون
وحجالي اعلى الزمان شعمل بينه
.
.
#شعراء_وذواقين_الشعر_الشعبي
#منقول
#ابو_تراب

.
عجيبة الدنيا والاغرب ... دردها
التبجي سنون واليضحك ... دردها
يا الهي امانتك روحي ... دردها
دخذها من وكت و استر علية
.
.
#شعراء_وذواقين_الشعر_الشعبي
#سمير_صبيح
#ابو_تراب

من كثر ما دكوا طلابت الدين
جا شرد باب الحوش لو عنده رجلين
.
.
#شعراء_وذواقين_الشعر_الشعبي
#حيدر_الشبلاوي
#ابو_تراب

.
يا حبيبي من مشيت
مشى شباچي وراك
ومن اجيت باست العتبة اديك
طافت بروحي الاشواك
ذابت بدمي مواويل وقصايد
من اجيت سير العيد اعلى روحي
واعتنتني العافية بزفة كلايد
من اجيت زخت الدنيا فراشات وحدايق
العسل صبح سبيل
من اجيت اشتهيت الليل يطول حيل يطول
حتى الم كل البساتين بلابلها اطشها اعلى المراقد
من اجيت صفك بگلبي النخل والهور والبردي اعتناني بطور داخل
بيك غنى
ابوذية من عشك ذيج المحنة ( لما فيك )
حبيبي شما كلت عنك ... لمافيك
تجلت قدرة الباري ... لما فيك
ذاهل منصدع خاشع ... لما فيك
اللمى البشفاك حط علات بيه
.
.
#شعراء_وذواقين_الشعر_الشعبي
#نوفل_الصافي
#ابو_تراب

.
الي تردون توكم ... هسة ناوين
نعمة العام اسولف ... هالسنة ون
تنشدون اعلى حالي ... هسة انا وين
حافي ومن شريفة علوك بية
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
لا تسأل شلونك ماشيه احوالي
مثل ما شلت خشمك شايلك بالي
جبت عمري انطعن واصفن بعينك زين
بس كون الكى دمعة بعين جتالي
مو سعرك ولكن گلبي راد اشريك
غالي وجنت اعرفك والله مو غالي
جنت غلطان من رحت بهذاك الرأي
من أمنت كاغد بالهوا العالي
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ما حسستك بفرق المواليد
.
.
#شعراء_وذواقين_الشعر_الشعبي
#نور_اللامي
#ابو_تراب

.
يا الماشي صوب هواي بحجاية خصه
كله اليحبك كام يمشي اعلى عصه
.
.
#شعراء_وذواقين_الشعر_الشعبي
#سيد_كريم_الحصونه
#ابو_تراب

.
ارضى لو اشوفك يوم ... بالسان
حرام ان جان اعض ابهام ... بالسن
لو غيري كدر ينساك ... بس ان
المحنة المغرب ادنيك ليه
.
.
#شعراء_وذواقين_الشعر_الشعبي
#اياد_عبدالله
#ابو_تراب

لا تمرلي ولا تحاول ثاني
اني نسيتك انت انساني
خليني بعدك مرتاح
يكفي المني ومنك راح
ليش تريد ارجعلك ثاني
اني نسيتك انت انساني
لا تعذبني ولا تتعذب
حبك نار وحيره واصعب
ارجوك اتركني وخليني
اني وهمي ودمعة عيني
لا تمرلي ولا تحاول ثاني
اني نسيتك انت انساني
دور غيري هواي احباب
حلوة الدنيا وانت شباب
يمكن واحد غيري يسعدك
ويمكن اتوفق من بعدك
.
.
#شعراء_وذواقين_الشعر_الشعبي
#منقول
#ابو_تراب

.
انا كلي تناقض وانقسامات
وصراع وفوضوية ومو جد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك واجي اردود
احط للموعد البي ننسى موعد
بأشد حالات زعلي اتصالح وياك
سماي نجوم بيها وغيم يرعد
واجيك و بأعتقادك جابني الثار
وانا من ابعد عليك يجيبني الود
واثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبي ؟
كبل ما سامع اني الطيف يبعد
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
بية المستحى شكد طمع الناس
طمع حلك المساحي بمستحى الطين
خورسني الحيا وما اكلك شلون
جرح وتخورس بحلك السجاجين
خضر عشب رجلي بعتبة الباب
ولا مديت راسي من الروازين
وانا اندل الهدم بس ما كلت وين
اخاف اطفر واشك ستر الحياطين
ولان حسيت ذله بمنة الماي
كلت يا روح موتي ولا تشربين
البلابل ما كلت خبز العصافير
لذالك تنتحر لو ما لكت تين
يوم الموت عندي بعزة الموت
مثل يوم الفرج عند المساجين
وانا مقلم الاضافر خاف فديوم
تعلى اعلى البخت لو شالت طحين
.
.
#شعراء_وذواقين_الشعر_الشعبي
#ناظم_الحاشي
#ابو_تراب

الحجي حركان روح المات ميعود
بعد كل واحد يحير بزمانه
واذا بعدك تقدر ذيج الايام
ضل عندي طلب يمك امانه
اذا گبلك متت بي امشي جناز
واذا گبلي متت جنازك انه
.
.
#شعراء_وذواقين_الشعر_الشعبي
#منقول
#ابو_تراب

.
روحي بلايه روحك مني گام تخاف
الهوا لو مر عليها يهزها ويذلها
انتَ وياها جانت گوه يمشي الحال
من دونك نِفس لِنفس ما الها
شايف من تجيلك تدري بيها شلون
مرعوبه صفت والشوك بهذلها
مثل العاشكه تطب مكبرة بنص ليل
تايه شورها وضايع گبر خلها
.
.
#شعراء_وذواقين_الشعر_الشعبي
#جبار_رشيد
#ابو_تراب

.
هيج اريدن شوفتك من اعتنيك
لا غرام ولا هوى ولا مشتهيك
انا ذاك الشايل دموعه بكفاك
وانت ذاك الشايل الخنجر ب اديك
وانا ذاك المشتري البايعني دوم
وانت ذاك الي تبيع المشتريك
الدنيا ما توكف على احد ياهو كال ؟
من درت وجهك اشو وكفت عليك

يا دوة جروحي اليوم شو وكفت عليك
ترفس تلث اوقات روحي اعلى طاريك

.
.
#شعراء_وذواقين_الشعر_الشعبي
#زيد_السومري
#ابو_تراب

بعينك صد علية بس بضميرك شوف
بوية تصيح هذا شكد حزن جارع
هذن هيج الشفتهن من عدا المضموم
اليشرح جثث ما يكدر يباوع
عمرة من المهد كضاه سكرة موت
عايش ضاهرة وبداخلة ينازع
شلون؟وليش؟ يمتى؟ وجائز! وميجوز !
قطيع من الهواجز بالصدر راتع
الخناجر لو حجت تكشف هواي اسرار
الطعنة والطعن والهدف والدافع
الحايط لو جفى بعود اخضر يسندوه ؟
من هسة اكلك ينحسب واكع
.
.
#شعراء_وذواقين_الشعر_الشعبي
#سمير_صبيح
#ابو_تراب

طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
#شعراء_وذواقين_الشعر_الشعبي
#علي_نجم
#ابو_تراب

.
مثل ضلك جنت بالخطوة نمشي اثنين
ومشيت انت بظلام وضيعت ضلك
.
.
#شعراء_وذواقين_الشعر_الشعبي
#جبار_رشيد
#ابو_تراب

لو بس تجيني بحلم جا جومت عيني
.
.
#شعراء_وذواقين_الشعر_الشعبي
#علي_طالب
#ابو_تراب