ألزم صورتك واترسها صفنه وليش !

الناس العدها مثلي شمالها تگااطع ؟؟؟

وگفت أباب گلبك

لا هلا……
ولا رووووح….

لا لميتني ولا گتلي متراجع
لا نشفت دمعي ولا ترست العين
لا مشتري الخاطر لا كلت بايع

لهنا وأنتهت گلمن جروحه وياه
وطوينه الذگريات الضار والنافع

#شعراء_وذواقين_الشعر_الشعبي
#علي_عماد
#zuse

الوادم لو لفاها الليل
تعد الليل للؤنسه
وانا شجم ليل جم نهار
يجي ويروح من نفسه
.
.
#شعراء_وذواقين_الشعر_الشعبي
#منقول
#ابو_تراب

.
وكفنا وكال اروح وارد اوصيك
شد حيلك وكتنا سموم وعياي
اريدك من اروح تنام مرتاح
شنام وجفن عيني موالف حياي
انا ما طابك جفن من روحتك ذيج
هسه تريد انام بروحتك هاي ؟
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
مشتاكلك مابيه اعوفك
ولو تنشره بدم اشتريتك
يا دوه جروحي الما لكيتك
وصورك من دموعي التطيح
يتغيرن كلما بجيتك
.
.
#شعراء_وذواقين_الشعر_الشعبي
#عمار_سالم
#ابو_تراب

.
لا ينشغل بالك كلشي مابيه
مجرد بس اخذت بخاطري شويه
بس انا الاعجبك يوم لو يومين
ارجعلك الضحكة الكتلي مو هيه
اليثكلن ويا غيرك يمك انت خفاف
احن لشوفتك لو چيلتك بيه
اذا مو الك كلي المن الزله تطيح
والمن ضام حرورة الحنيه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
تهموني بمحبتك والله لو يدرون
على ضيم العلية يضل يواسوني
ما يدرون عايفني بمهب الريح
وانا وياك عفت الما يعوفوني
اليحبوني شكثر ولجيتي يتانون
واخجل من كثر ما كام يتنوني
وانت الما تحبني شلون بلة وياك
امرن بيك ما امر باليحبوني
عفت الي شروني ومن ارد شلون
وهم اسوى بعد والنوب يشروني
حبيتك شجاني وما حسبت حساب
خيعونك علية وانا خيعوني
متحبني واحبك والمصيبة انوب
اريدك وانهزم من اليريدوني
.
.
#شعراء_وذواقين_الشعر_الشعبي
#جبار_رشيد
#ابو_تراب

الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
.
.
#شعراء_وذواقين_الشعر_الشعبي
#سمير_صبيح
#ابو_تراب

.
يعوضك الله بغيرهم لو فاركوك
يجوز لو راحوا حياتك تستقيم
كوم لم روحك وبلش من جديد
وكول بسم الله الرحمن الرحيم
وشوفلك حب يستحق واتعب عليه
ولا تضل قافل تريد الا القديم
ودير بالك تقتنع لو رخصوك
دوم خليك انت عد روحك عظيم
ولا تفك بابك بعد لمن يجون
الوادم اختلفت واليسامح غشيم
.
.
#شعراء_وذواقين_الشعر_الشعبي
#علي_نافع
#ابو_تراب

.
طاح العمر والهوا
وعيوني بيهن خلل
بس گلبي بعده يشوف
وادري شكتب ما كتب
گلبك وذب القلم
جان الورق مهجتي
والنبض جان حروف
.
.
#شعراء_وذواقين_الشعر_الشعبي
#جبار_رشيد
#ابو_تراب

.
اسحب كلامي خلص
لا احبه عينك بعد
لا فدوة اروحلها
ردتك تحلها كبل
بس هسه وصلت بعد
بس ربك يحلها
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
شلك بالروح لو تدري ... ولع ضام
اتيهن من علية تچبل ... والاعظام
يصلن والاشد منهن ... والاعظم
ابرد والدماء تفور بية
.
.
#شعراء_وذواقين_الشعر_الشعبي
#سمير_صبيح
#ابو_تراب

.
يا عتب والناس ما تسوى العتب
فرطونا وجنا عنكود العنب
غلبه ما اشوفنها تكضي بعضه ايد
رايد ارجع واطك راسي
شلون نكار الخشب
طحنا من كل شجرة عود ولمنه طير
وصرنا عش بعد التعب
واخ جنا عيال بيت
وعود ما ينشد الاخر
انت من يا شجرة جاي ويا نسب
شغيراكم يا اهل الگلوب الذهب
وانتم تعرفوني بنادم فطير
يصدك بجذب السياسي اعلى الشعب
.
.
#شعراء_وذواقين_الشعر_الشعبي
#سعد_شميل
#ابو_تراب

.
مو تعودني عليك وتمشي مني
خل اكلك كلشي عني
انا طيب ما انام من اسمع حجاية تغثني
چي وفي محد فهمني
اني يمكن رقم واحد بالحزن بس جاي اكابر
الوطن خلص شباب المنطقة وخلاني حاير
استراح وياك اجيتك محني من ثكل الجوادر
تعبي واضح
والله اجيتك حافظ القرآن من كثر الفواتح
.
.
#شعراء_وذواقين_الشعر_الشعبي
#زيد_السومري
#ابو_تراب

.
كلي شراح اكلك وانت راح تروح
وليش تلح عليه وتنتظر ردي
هذا لسان حالي عيوني تحجي وياك
اذا رايد جواب دموع ال بخدي
.
.
#شعراء_وذواقين_الشعر_الشعبي
#جبار_رشيد
#ابو_تراب

.
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
حيره وما عرفت شلون وياك
تصفى ويمشن احساسين بالضد
عليه يصول شوكك وانا الاكيك
وعليك خيول ضعفي الجامحة تهد
جرحي وياك ما راويته للغير
مو قصة شماته وخوف من ند
حلو جرحك واحس تعلقت بي
واحسب لا تشوفه عيون تحسد
.
.
#ايهاب_المالكي
.
حيره تصير شجرة وتثمر يضربوك
تضل يابس حطب هم ما تضل مشمور
يلمونك نعم لو حرك لو منشار
لو تصبح وصل لو طعم للتنور
واذا ردت النجاة وكلت اريد الماي
لو تنحط جسر لو تنصب ناعور
المستنقع نشف ضل بي قليل الماي
بعد طكت شمس ويبين المستور
.
.
#سمير_صبيح
.
.
#شعراء_وذواقين_الشعر_الشعبي
#ابو_تراب

.
فره واضحك يمتى ما تلكاني هيج
ما يهمني الصار والرايد يصير
خبزه يم راسي احط لو ردت انام
خاف الاكيلي بحلم واحد فقير
سوى عندي الناس كلها بلا مقام
ما اجامل عندي بس الله الجبير
ما يغرني البنات المغريات
گلبي ما ينبض على التلبس حرير
لو حبيبة تغثني انطيها كفاي
ومن تصيح بالجوامع ما ادير
وادم من تزورنا تحس بالامان
يا بياض كلوبنا يدلي الضرير
الطير لو شفنا نقص بجناحه ريش
ريش من مخادنه نحطله ويطير
.
.
#شعراء_وذواقين_الشعر_الشعبي
#مالك_الباوي
#ابو_تراب

.
عذر تافه للامانه !
يعني شايف انشغالي سبب مقنع للخيانه ؟
زين كلي اكو شي مو حلو بيه ؟
غيري جان اكثر حنانه ؟!
زين سولفي اعلى گلبي
بالزغر ما علموك التاخذه ترجعه لمكانه
تكلي اسف ؟ يا سلام !
ما هملتك من خنتيني جنت ماليك اهتمام
وهسه جاي اكل بروحي
كمت اشك بشكو مرة كتلي نعسان ارد انام
وعوف كل هاي الاذيه
انت ما كلك ضميرك اني ما استاهل السويته بيه
تندمت لو ما مقربك
بدا تعبي من كلتلك انت مو مثل البقيه
.
.
#شعراء_وذواقين_الشعر_الشعبي
#حسين_السعيدي
#ابو_تراب

جنها هالمرة صدك متفاركين
اليوم اودي وين كل هذا الحنين
مرة فاركتك دقايق ومن اجيت
كتلك اشعطلك كل هاي السنين
.
.
#شعراء_وذاوقين_الشعر_الشعبي
#زيد_السومري
#ابو_تراب

.
اليحبوني شكثر ولجيتي يتانون
واخجل من كثر ما كام يتنوني
وانت الما تحبني شلون بلة وياك
امرن بيك ما امر باليحبوني
عفت الي شروني ومن ارد شلون
وهم اسوى بعد والنوب يشروني
حبيتك شجاني وما حسبت حساب
خيعونك علية وانا خيعوني
متحبني واحبك والمصيبة انوب
اريدك وانهزم من اليريدوني
.
.
#شعراء_وذواقين_الشعر_الشعبي
#جبار_رشيد
#ابو_تراب