وأنه بلياك مثل الصوج
گلها تصيح مو بيه
وينگروني !
مثل القسمة
گل ما فرقو ولفَين تهموني
شيبة بـ گذلة العشاك
بالموعد يصبغوني •••

#شعراء_وذواقين_الشعر_الشعبي
#منقول
#zuse

اخاف يفوت عمري عليك
ويعفسة الهوى ويعتگ
ترة الديوان لو هجروه
بس البوم بي ينغگ
وترة من يكبر الرمان
طبعة يهيج يتفشگ
وترة من يبرد التنور
تلتم خبزنة وتلزگ
وبعد من يلتوي البسمار
مابي حييل من يندگ
ترد عمري ترد اردود.؟
تحوي اشراع المزگ...

#شعراء_وذواقين_الشعر_الشعبي
#محسن_الخياط
#zuse

يعوضك الله بغيرهم لو فارگوك
يجوز لو راحو حياتك تستقيم
گوم لم روحك وبلش من جديد
وگول( بسم الله الرحمن الرحيم)
شوفلك حب يستحق واتعب عليه
ولاتضل قافل تريد الا القديم
ودير بالك تقتنع لو رخصوك
دوم خليك انت عد روحك عظيم
ولاتفك بابك بعد لمن يجون
الوادم اختلفت والمسامح غشيم

#شعراء_وذواقين_الشعر_الشعبي
#علي_نافع
#zuse

.
ليش اعتب انا وفي والناس موسم ضحك
جان العشك بالگلب هسه العشك فتره
هسه المحبه ركض بأسبوع واحد تره
تتعارف وتنحضن وتتواعد وتنخذل
والرايده تخسره
جيب اليضل ينتظر
بهذا الزمن تتفق
لازم تحدد وقت بي تنتهي العشره
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
بيمن اذكرك من غبت ؟
وخليتني بس التفت مثل اليطيح بشدة
خليتني ساعة رمل كل الاوقات اتبدة
والمشكلة جرح الگلب ماله مكان تشده
ذليتني بس انا الك
والمثلي مو هسه ترى بعدين يلا تفكده
تشتاكلي من تغمض وما تغفى
من تكتب اسمي وتجي تنام بصفه
وتذكر ضحكتي وتقترب منك زوايا الغرفه
وتبجي لحد ما تيبس وما تطفى
.
.
#شعراء_وذواقين_الشعر_الشعبي
#احمد_عاشور
#ابو_تراب

ما مشتاگلك ... مشتاگلك موت
و اكبر من صبر روحي اشتياقي
يمكن من غيابك گلبي خلصان
وحبك ما خلص بالروح باقي
تصور لو زعلت بيوم وياك
اكلك روح عني وبية الكاك
مدري الحب تغير هاي الايام
مدري يختلف حب العراقي
.
.
#شعراء_وذواقين_الشعر_الشعبي
#ضياء_الميالي
#ابو_تراب

.
بزني بكلشي يوجع ... لا تبزني
بحجي و ونيت لاجلك ... لاتبزني
شربتني ماي صافي ... لا تبزني
نزلني اعلى ريجك نفع بيه
.
.
#شعراء_وذواقين_الشعر_الشعبي
#اياد_عبدالله
#ابو_تراب

ربك باقيات شجم سنة وياي
عزلت ل شوفتك وانطيته سهمه
رحت بس انا ما راضيلك تروح
ضعف موقف وكفتك ردت احسمه
حرت من وادعتني اتشاهد ؟ اشتاك ؟
بحروف الموادع جانت ازمه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

احسد عيون اصحابك الشافتك
واتمنى ابوس رموشهم والجفن
دمعة عيوني التوكع بغيبتك
دورها تلكى شجم حلم مندفن
ما لحكت واحجيلك شبالگلب
وضميتلك باقي السوالف وأن
ادري برجعتك ما تصح بحلم
لا بيك رجعة ولا عمر ينضمن
الشجرة العليها اسمائنا تعلكت
علكت بيها شجم علك على الغصن
يوفقك الله ادعيلك بكل كتر
واتخيل انت بخير حتى اطمئن
.
.
#شعراء_وذواقين_الشعر_الشعبي
#ميثم_فالح
#ابو_تراب

لا تمسح دموعي شعندك وياهن
سولف غيرهن ذني افتهمناهن
على هذا الخذاك احجيلي يفهم بيك؟
واستوعب رموشك عرف معناهن
شلته بينهن والجان بيهن طاح ؟
ذبيته الگبل بعيونة خلاهن
جا من شلته منهن ما حسبته يموت؟
هذاك الكالك ما اعيش لولاهن
البداك اعلى روحة بلحظة تغدر بي ؟
البداك اعلى روحه سنينه بداهن
المهم سولفلي عن هذا الجديد شلون؟
من يشرب عيونك يسكر وياهن
.
.
#شعراء_وذواقين_الشعر_الشعبي
#ميثاق_الهلالي
#ابو_تراب

.
وهنه منين ما اكلبهن كبار
عيونك والجروح وذيج الاسرار
غشيم اليحسب فراك المسافات
وجه بوجه جنه وگلبك اندار
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

#عيسى_السوداني بـ 2019 كتب :

اريد اشرب جكارة واختنك بيها
واريد افتح جروحي وانفض البيها

رجع ب 2021 كتب :

خْلصت هالجكارة وانتهى الدخان
وانا ما حاس بيها ولا خلص فكري

عبالي اختنك من اخذ نَفسها اليوم
كملت الجكارة وانا ما ادري

#شعراء_وذواقين_الشعر_الشعبي
#zuse

لان مغرور وجه الورد ينباس
وشبع من التواضع دوس التراب
اكلهم هالكمر ما يسوى هالصيت
لو ما الليل ما جان اسمه ينجاب
وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
#شعراء_وذواقين_الشعر_الشعبي
#ميثم_فالح
#ابو_تراب

.
صح مادري منين ابدي بس راح ابدي
محد يخاف من الحياة بكدي
حاولت اوضح للبشر بس ما فاد
محد فهم بس الله يفهم قصدي

وهذا المرض لا شايفه ولا اعرفه
خنكه وصدع وذكريات و رجفه
والله اختنك والخنكه توصل للموت
بس محد يوديني للمستشفى
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
حرموك مني شعجب شنهي انت قابل خمر
تهديد دزينا الك موتنا كافي الصبر
نص ساعة اذا ما تجي ما عدنا شي ننتظر
عدنا احنا غيرك فرح بسمه اعلى شفة طفل
يا كعدة واخر عشك
يا نوم وگت الارق
بوسة توزع جنت لاي طفل واكف عدل
وانا اسفط كمت وبحجة اركد ولك صرت انا ثالث طفل
.
.
#شعراء_وذواقين_الشعر_الشعبي
#يوسف_الدراجي
#ابو_تراب

شفتك ما عرفتك لهفتك وين ؟
طبعك هذا ؟ شو متغير هواي
عطرك هذا شو ما فزز الروح
گلبك هذا شو ما هزه ملكاي
ضحكتك هاي شو بيها تجاعيد
صوتك هذا شو مابي شجى الناي
خطوتك هاي ما عرفتها الدروب
وجهك وجه رايح مو وجه جاي
.
.
#شعراء_وذواقين_الشعر_الشعبي
#ستار_الدليمي
#ابو_تراب

مَحبوبتك خطابه اجَوهه ،
وامَها وابَوها ضايكوها ،
طبولها وتصَرخ لكوها ،
تأخرت عَنها وعيروهَا ،
ينرَاد فوك كلوبنه كلوبَ ،
هم يَله تحَمل ضيم الغروب ،
عمَري كضه وضليت مَطلوب،
ينراد حَيل وحيلي متعَوب ،
البارحَه ميت لكوني ،
ولو ما صَوركم جفنوني ،
من البجي نبحَت عيوني ،
يحسَدوني تعله جيوبي مَرات ،
ما دروا تارسهن علاجات .

#شعراء_وذواقين_الشعر_الشعبي
#منقول
#zuse

تگعد يمهم ويحچون بالمعروف والعفة
گمت من يمهم وگصوك موس تصير كل
شفة
مدري شمالها الوادم الصدگ بگلوبها توفى
شحيحة راي وادمنة
وادم عطشت الجوري وتودي الماي للحلفة

#شعراء_وذواقين_الشعر_الشعبي
#مرتضى_حرب
#zuse

يعجبني الجرح لو لاكه شمات
يضم روحه بحيث يبين ألتم
وتعجبني السيوف بجف الاسباع
يحمرها الخجل لو ما لكت دم
اذا انت شفت لا تكول ما اشوف
تحجي العين اذا لسانك تلعثم
شوف الفلح من تموت الورود
بغير ورود هي تروح تشتم
بس شوف الورد لو مات فلاح
من تشمه تلكى بعطرة مأتم
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
بعدت طيوف حبك من الاطياف
وشلت لمسات شعرك من الجفوف
شضمن بيك سري ؟ وانت شفاف
وشجلب بيك وانت الرايد تعوف
ابد ميصير تين الاصلة صفصاف
وجذب ماي النهر ميجازي الجروف
مو صعبة اذا بستان ينحاف
بس صعبة الينطره وهو اليحوف
.
.
#شعراء_وذواقين_الشعر_الشعبي
#سمير_صبيح
#ابو_تراب