.
على غيرك جذب ما ترهم الروح
ومن غيرك يسد حاجة نظرنا
يا ابن الناس غيرك ماكو موضوع
هلبت بالجذب شخصك ذكرنا
نسولف بيك ل اخر لحظة بالليل
وترد من الصبح تشغل فكرنا
.
.
#شعراء_وذواقين_الشعر_الشعبي
#جبار_رشيد
#ابو_تراب

.
توادعنا وبچينا وغربه ردينه
ومثل موادع العميان
محد شاف ياهو اكثر بچت عينه
وحبسنا دموعنا وبينا مكسورين
بيض گلوبنا يبين الجرح بينه
ولهسه اعلى الصور والذكريات نعيش
طيبين شينسينه ؟!
.
.
#شعراء_وذواقين_الشعر_الشعبي
#عمار_سالم
#ابو_تراب

.
رايح وين ؟
احنا شفنا منك خل نشوف زين
رايح وين ؟
يا بعدين ترجع يا الكلت بعدين
.
.
#شعراء_وذواقين_الشعر_الشعبي
#جبار_رشيد
#ابو_تراب

بعد ما شلع گلبي وعافني بگلبه
دارت دنيا وتلاكينه يم دربه
انا توقعت على الاقل نظرة شوك
وعلي باوعلي مثل مباوع الغربه
ورجع يمشي ولا چنه
ورجعت لمرحلة جانت عليه صعبه
رجعت لشكو موعد ما طلعت وياك
بوكت ما دبرت لهدوم للطلبه
مجازف اشرد من الصف واروح وياك
جا هانت عليك الطلعه والطبه
.
.
#شعراء_وذواقين_الشعر_الشعبي
#علي_تالي
#ابو_تراب

شجاك ورخصوك برخص التراب
هذاك الجنت ما تنسام غالي
هكوتي بيك لانك ذهب تيزاب
حسافه يزنجرك حر الليالي
انا الردتك غريب وراد الاحباب
ويا ذلة الغريب بغير والي
.
.
#شعراء_وذواقين_الشعر_الشعبي
#سعد_محمد_الحسن
#ابو_تراب

.
وبوجهي حطها الگلب
گلي انت بيك الذنب
تحط بية جمرة وهوه ؟!!!
كتله قسمتي بعد
ال تختاره بلسم الك
وتختاره يطلع جرح
وانا اختياري شطلع ؟
نفسه الجرح والدوه
.
.
#شعراء_وذواقين_الشعر_الشعبي
#سمير_صبيح
#ابو_تراب

اجي والمكبرة تكلي ... هلا هنا
استريح ودمعك الينزل ... هلا هنا
المضيع هله يلكى ... هله هنا
واشوفنك مضيع جاي لية
.
.
#شعراء_وذواقين_الشعر_الشعبي
#منقول
#ابو_تراب

.
خل تفض
يا التلمح تريد نكلك وترفض !
ما عايز مريض يسوي هيج وياي
انا من كاعي متمرض
كسره ب بشر يسوى ولا مزاج يرض
اريد اخلص اريد اكطع
اليغمض عيونه ويبجي ما يسمع
طلعت روحي هاي وعود ما بادين
جا بأخر ايامي بيش راح اطلع ؟
.
.
#شعراء_وذواقين_الشعر_الشعبي
#علي_مهدي
#ابو_تراب

اكو حضنة ملاكه وحضنة وداع
ياهو تريد منهن من الاكيك
ارسمك ملتفتلي وتطلع اوهام
ملامح وجهي مافهمت معانيك
بثكل جرحك كبل خطواتك وياي
شنو شو عالزعل خفيت رجليك
.
.
#شعراء_وذواقين_الشعر_الشعبي
#علي_رشم
#ابو_تراب

.
احببتها لكنني لم اكتشف
زيف الوعود وانها متلونه
صدقت عاطفةً بقبلة قاتلِ
في خطة للجرح كانت متقنه
خانت ولم يبقى سوى عمرآ مضى
ضيعته في حبها سنة سنة
حتى ملامحها الجميلة لم تعد
تلك التي كانت بعيني فاتنه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
كون الگلب ينعت واعته
واشلع ضلوعي ويا سته
لو ينمرد بيدي مردته
وزتت حطب للنار ازته
الصوج بيه استاهل انا
لساني ما جريت اذانه
كون الوجع اندل مكانه
اچوي ولا حمل المهانه
ريت الهوا مكطوع ريته
ولا انطرد من باب بيته
.
.
#شعراء_وذواقين_الشعر_الشعبي
#محمد_ثامر
#ابو_تراب

.
يا مخرج الدنيا الدور هذا جبير مابيه
امثل واحد يضحك و مرتاح
وانا بصدري طفل ينذبح يوميه
انا خسران اريد اصرخ
انا مهزوم اريد اركض
انا عنوان ضاع بجثه منسيه
انا اخر حلم بعيون اليموتون
انا الثار البرد بجفوف راعيه
هسه الماله حق يفرح عليمن ماله حق يحزن
الحزن حاله احتياج انساني
مثل العطش مثل الجوع
ليش الناس علموني استحي منه ؟
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
مدري شلون عايش مدري شمتاني
ياريت الله ياخذني كبل لا ياخذ اخواني
وبصدري سوالف ضاله بصدري
وافتر بالشوارع دايخ ومصدوم
لو صاروخ يوكع يمي ما ادري
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
والله حاير
انا احبنها ضحكتك
وانت ما تضحكلي صاير
.
.
#شعراء_وذواقين_الشعر_الشعبي
#مالك_الباوي
#ابو_تراب

.
ردت اوصل گبل لا عينها تفيض
وگبل لا كطرة تنزل من كحلها
مشيت وخذت وياي المواعيد
القديمات الگبل جايبهن الها
ليلتها البحر بي صافن الروج
والغيوم الثكيلة التم شملها
ليلتها النجوم الفوكي قضبان
واقفاص البلابل مو مثلها
رجعت الها وكلت يلا الصلح خير
وكلت ما اخشن الروح اعلى خلها
فهمت طيبتي وجف الصلح ثار
وتصورت راجع حتى اذلها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
جان ابسط فعل منك
يخلي احساسي متطمن
اذكر شاورتني وصوتك يجنن
رجعت لبيتنه وكل عقلي اضم بالصوت
مخلي ايدي اعلى اذاني مثل اليأذن
.
.
#شعراء_وذواقين_الشعر_الشعبي
#يونس_محسن
#ابو_تراب

هاي جيتي من الصور بس ما عرفتك
ياهو المغيرك عليه ذمه بركبتك
شلون هيج تغيرت كلي شجاك ؟
انا جنت المحترك واركض وراك
ومن طفيت وشفتك مشربني ماي
مكيف شمدريني بالموت بدواي
ما معودني على هذا التزامك
ما ردت تشبكني بس بارد سلامك
شلون تنسى اسمي بعد ذاك الدلال
وانا كايل ل امي شنسمي الجهال
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
افهميني انا العطشان الج موت
دفهميني ولو مرة شتخسرين
طفل گلبي اجى وما شايل فلوس
وانتي منين ما اباوع دكاكين
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ثاريها الضنون تخيب وتخيب
من ضنيت بيك تصير الاوتاد
مضيف المبرد يغش المعازيب
ما سير عليه السيف لو حاد
جنت اتصور تفوز التجاريب
ودمعك ما تكضه جفون العناد
جدامك صارن بيوت العناكيب
و اخف من كتلك يلوكلنا ال بعاد
ايدي اعلى الصور والثانية تعيب
وبس الماي يكسر جنح الرماد
نفرض شككتهن خاف ما اطيب
شك الثوب فوك الميت شفاد
طايحلك نشد يعقوب بالذيب
ولا بير الحجى وكال انا سداد
انا ( اخ ) وحجوني بغرف تعذيب
ما هزيت شعرة براس جلاد
.
.
#شعراء_وذواقين_الشعر_الشعبي
#حسين_البهادلي
#ابو_تراب

وين الخلل بالزمن ؟
مدري الخلل بالبشر
محد يفسر هاي
الكبر خياله الضوة
ما اشوفه نفس الحجم
غيري اليشوفه هواي
.
.
#شعراء_وذواقين_الشعر_الشعبي
#سمير_صبيح
#ابو_تراب