تقريبآ الكل ما وفى ومحد سأل عن حالي
وأخرهم انت للاسف راح التعب على الخالي
والي من اولها غدر ما يوفي الك بالتالي
هسة انا محتار گلبي شيصبره ؟
وبظهري طعنات عايفها ذكرى
خليني وحدي ارد ابجي بلكي ارتاح
تعبني وكتي الراح ما خله شي عندي
فرصه سعيدة ما كلت فرصتنه مو سعيدة
والي يعيش لوحدة بهالزمن عاشت ايدة
والكال عن روحه وفي هذا الكلام يفيدة
من عكست وياي محد بچالي
صح وحدي ضليت بس راسي عالي
.
.
#شعراء_وذواقين_الشعر_الشعبي
#احمد_عاشور
#ابو_تراب

ليلي يخلص بالمدافع
وطارش لباجر لهسه بلايا حس
والصبح ما سوى شي
رجع ليه ب شمس امس
وهي حلوة هواي بس مالي نفس
الدنيا ما ادري عرس من كلها تتمركص كبالي
وخفت اهز جتفي ويفلشون العرس
.
.
#شعراء_وذواقين_الشعر_الشعبي
#عقيل_العرد
#ابو_تراب

شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
#شعراء_وذواقين_الشعر_الشعبي
#سمير_صبيح
#ابو_تراب

واعلى واهسكم خبطنا الماي الازرك
طالبين بدين واعرض دينه
واعلى واهسكم لكينه الكصبه كعبة
نزور حزها ولو سفاهه بعينه
واعلى واهسكم عرفنه الموت الاول
واستحى وعينه انثنت من عينه
وجان ريح الخوف نفحة ريح شتوه
ولو شبچنة الكاع يعرك ليلنه
هاذبين وجانت الظلمة چوالي
تناثر الضحكة بحوافر خيلنه
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

منو مثلي بجكاير ... چاوي ريته
وصعب جرحي يتكشف ... چا وريته
الحزن كخيوط مغزل ... چوريته
وعملته شلون سجادة بدويه
.
.
#شعراء_وذواقين_الشعر_الشعبي
#منقول
#ابو_تراب

انا ضامنها جهنم من وراك
لان ما يوم وطلب رديتلك
كتلي غنيلي بمحرم ما رضيت
وكتلي ازعل للصبح غنيتلك
.
.
#شعراء_وذواقين_الشعر_الشعبي
#منقول
#ابو_تراب

عبالي من اروح عيونك تروح
يال ما ثوبت دمعة بثوابي
شلونك لا تكلي وانت مرتاح
اخاف يعكر افراحك جوابي
شفسره قماش حلمك لونه عطشان
وشفته مفصل هدوم ل سحابي
الضحكة التارسه شفافك بالسنين
اذا تنقاس تطلع كد شبابي
اقوى من الشمس كاتبلك ابيات
وترد تكول بيهن شي ضبابي
.
.
#شعراء_وذواقين_الشعر_الشعبي
#ميثم_فالح
#ابو_تراب

هدايا الشوك يمك ... يابه ردها
وعلية سيوف هجرك ... يا هو بردها ؟
ايا ليلة وداعك ... يا بردها
متت لو ما لحك حضنك علية
.
.
#شعراء_وذواقين_الشعر_الشعبي
ابوذية للاهواز
#ابو_تراب

.
تتونس انته من احترگ
وعطابي لمن يوصلك تبتسم وتطفيني
كل هذا واني اشتاگلك
كل هذا واني اتلهفك
كل هذا واني اتذكرك
چا گلي شينسيني
.
.
#شعراء_وذواقين_الشعر_الشعبي
#حسين_جبار
#ابو_تراب

.
المصبرك شنو ما دام تعذيب
يسألني الضنون شبيك متوب
اهز ايدي واكلهن ماكو ربحان
اذا عفته انغلب ويروح مغلوب
.
.
#شعراء_وذواقين_الشعر_الشعبي
#سمير_صبيح
#ابو_تراب

شنو ذنبي ؟
غريب وديرتي احساسي
وشنو ذنبي ؟
انخلقت ل ناس مو ناسي
وشنو ذنبي ؟
اديرن غيركم بالكاس واشرب ناس ما احبها
وصوركم تصعد براسي
.
.
#شعراء_وذواقين_الشعر_الشعبي
#زياد_البصراوي
#ابو_تراب

صرت وي الشجر شجرة
نص جسمي اندفن بالكاع
والباقي من اديه اغصان
وسموني بوكتها شجرة النسيان
.
.
#شعراء_وذواقين_الشعر_الشعبي
#الكاطع
#ابو_تراب

ما ندري النحبهم ليش يرحون
بينة الصوج بيهم باليحسدون ؟
حلم مروا علينه
بوكتها شكد بجينه
ما ضلت بعد بوجوهنا عيون
حسبالي الرسايل تنقري بساع
اثاري تضل شهر مشمورة بالكاع
كوم اقرأ الرسايل
شوف شبيها كايل
تعال اتمنتك رصعات المتون
ما ندري النحبهم ليش يرحون
.
.
#شعراء_وذواقين_الشعر_الشعبي
#علي_البديري
#ابو_تراب

بأخير ايام عشت بروحك هواي
ديرة شايلين و وحشه حسيت
ظلمه وريح بيها وصوت بيبان
وردت اطلع ولكن ما اندليت
طلاسم نظرتك فكتها الاعذار
وبعيونك شكد الغاز حليت
جنت تحجلي وايدي تهدم احلام
وبمعول دمعتي بقوة دكيت
بحيث من انتهيت من المواضيع
ذيج الساعة ما ضل كلشي هديت
فدى من ينجفي يكولون ع الماي
وفدوة شلون اكلك ما تبديت
.
.
#شعراء_وذواقين_الشعر_الشعبي
#ايهاب_المالكي
#ابو_تراب

شيخلص الليل وانت اعلى بالي
عديت النجوم خلصن يا غالي
لا تقبل تروح لا من تجيني
من عندي شتريد ساكن خيالي
.
.
#شعراء_وذواقين_الشعر_الشعبي
#منقول
#ابو_تراب

اريد من البواجي ارتاح ليلة
وانامن نومت المهدود حيلة
.
.
#شعراء_وذواقين_الشعر_الشعبي
#منقول
#ابو_تراب

شهدن علية زور كلهن جذبن ... وافترن
وحتى العيون الخضر صارن صفر ... و افترن
ودارن دواليب دهري بالعكس ... وافترن
وارد اعرف بيا ذنب جارت علية ... دنياي
بس هسة يالمبتعد اتوسلك ... دن ياي
مرفوع راس الوفي ما يوم ابد ... دنياي
وادري بنواعير هجرك امسكن وافترن
.
.
#شعراء_وذواقين_الشعر_الشعبي
#منقول
#ابو_تراب

بعتلك عمر طيب ومستحى واخلاق
على بيعة ضميري لا توازيني
سكت سيفك وخل نحجي انا وياك
لا تضل ساكت وسيفك يحاجيني
كلي بطيب خاطر موت اشبع موت
تكلي اسكت بغيض لسان تلكيني
بالطيبة تمشيني اعلى حد السيف
بالسيف اعلى طيبة ما تمشيني
.
.
#شعراء_وذواقين_الشعر_الشعبي
#عامر_العيثاوي
#ابو_تراب

لا تشرحلي وتحاول تداويني
تكلي يجوز والدنيا ...... نويت تروح
اي گلي انتهينا وروح
لا تنطيني أمل جذاب
مرات ألامل كتال مو الصواب
السجن لو كله حيطان اسهل يعيشوه
مشكلة السجن بي باب
.
.
#شعراء_وذواقين_الشعر_الشعبي
#صفاء_الصمت
#ابو_تراب

لحد يكلي شلونك و وين
مو زين بالعباس مو زين
مرات كوه تغمض العين
محد نشد عدلين ميتين
بالجذب ما ودوا رساله
كالوا نشوفه شلونه حاله
الجنت ع باله انشغل باله
يمكن لكى غيري وحلاله
.
.
#شعراء_وذواقين_الشعر_الشعبي
#منقول
#ابو_تراب