.
ثلاثه انجمعن لگلبي ... بهدما
كفاي وخنجرك وايدك ... به دما
ياهو العابر تچلب ... بهدمه
وكح خاين طمع وانطيت بيه

حلمت بجفوف خلاني ... بيها دماي
تفسر وادمي تفكر ... بهدمي
وانا مطفي حريجتهم ... بهدماي
لما طاحن صرايفهم عليه
.
.
#شعراء_وذواقين_الشعر_الشعبي
#اياد_عبدالله
#ابو_تراب

وخرها الستارة الشمس خل تفوت
ولا تخلي الجروح تبين الباطن
كلها تموت صفرة الموت هم بي لون
عاجبني الكطن للموت ميهادن
اشتري وبيع بحياتك واخسر ولا تخاف
المهم سوي التريدة وجازف وراهن
وسرك لا تودعه بير ما يخفيه
دلو من يمر علية يطلع شدافن
.
.
#شعراء_وذواقين_الشعر_الشعبي
#سمير_صبيح
#ابو_تراب

شغلاتك من جنت وياي ومقدر
حمامة حضرة محد يمد جفة عليك
لا شكلوا جناحك لا الريش انجر
كالولي اليطيحك ترى المنك بيك
كتلهم شلون وكالوا تصور
بظلوعة الكصار الجادر من يطيح
و اول ما يهدمه ال بالعزا موزر
.
.
#شعراء_وذواقين_الشعر_الشعبي
#سعد_شميل
#ابو_تراب

.
عوف الناس مالك شغله بالناس
عوف الناس لا يشلعون گلبك
تعرف ليش بس من عندك يغارون
لان بس انت احبنك واحبك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
مرات حتى الصدك ما نكدر نكوله
بس علمتني البجي وصار الدمع سوله
من صغري گلبي انجرح
ولهسه ادور فرح
مثل اليدور حرف بأوراق مشعوله
طفيني كافي اشتعل كل ناري من عندك
يجوز بس حسبت مو انا اليسعدك
بس اخذ هذا الرأي
تواضع بطبع الماي
ينولد فوك الجبل ويعيش بسهوله
.
.
#شعراء_وذواقين_الشعر_الشعبي
#سمير_صبيح
#ابو_تراب

يا حبيبي بيا وجه
خلوك مني تروح ويخلوني اتاني
وهو حتى الريل
كد ما يستحي يرد للمحطة بوجه ثاني
بذمه اهلك لان خلوا
واحد وهو بصلاته يفكر شيسمع اغاني
.
.
#شعراء_وذواقين_الشعر_الشعبي
#منقول
#ابو_تراب

جم زلة منك بينت
ما جيت اعاتب مرة
ومن عشرتك كلي شفت ؟
غير ألالم والحسرة
انا ادري يهواك الگلب
وبعدك يعذب حالي
وادري اليحب ليلة صعب
هايم يضل للتالي
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب

من ذكرتك سكت كلشي
وعاند السكتة وبقى يصب الدمع
من ذكرتك مدري شنهي الصار بية
رفس گلبي وراد يشلعلي الضلع
وصحت شو محد سمعني
وللعلم لمن ذكرتك جان ليل
وصوت دخان الجكاير ينسمع
.
.
#شعراء_وذواقين_الشعر_الشعبي
#جليل_قاسم_الكعبي
#ابو_تراب

انت لو ما كايل ارجع ما اتاني
وانا من انتظر شامه
ما اتحرك من مكاني
.
.
#شعراء_وذواقين_الشعر_الشعبي
#باهر_الجنديل
#ابو_تراب

نسمة بعاصفة لو رحت هم الكاك
ضل بالليل ماكو وميزت ضلك
واندلك واجيك واكدر اوصلك
ادورك ما امل والكاك واندلك
لو حبه رمل عنوانك بصحراء
اشمن ريحتك بالكاع واوصلك
.
.
#شعراء_وذواقين_الشعر_الشعبي
#سمير_صبيح
#ابو_تراب

لو هو مثلك اكو
جا ما عشت وحدي
بليل الشتا البارد
بس هو هيج العشك
مثل الله بس واحد
.
.
#شعراء_وذواقين_الشعر_الشعبي
#حسين_المرياني
#ابو_تراب

ماكو اشكال شرعي بحبي وياك
وشنو يعني اذا اكو اشكال شرعي
وشنو يعني اذا كرهوني الناس
و شنو يعني اذا كرهوني ربعي
وشنو يعني اذا طبيت للنار
اذا انت وياي كلش زين وضعي
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

زعلانه كالوا لا تمرها بحلم
وگلولي دمعج ع الجفن ما عثر
اشتموا فراكج بية من سولفت
مريتي سيف وصار خلگي نحر
يضفرون وجهي وثنثر عزتي
وبعيوني تطفى وجوه كل البشر
شخليتي بية وصدري فارغ طلع
شعاف الندى من اثار فوك الصخر
دبريلي ملگة بروحي وحشة حضن
شكد ناس صغرت من فراغج كبر
.
.
#شعراء_وذواقين_الشعر_الشعبي
#علي_رشم
#ابو_تراب

بعد شيرجعه انتهى البيناتنه
لا اسفنه يفيد لا دمعاتنه
ما يرجعنا الندم
احنا داخلنه انهدم
ومر قطار الشوك عدا وفاتنه
بعد شيرجعه انتهى البيناتنه
احنا من خاطر علاقتنه انكسر
ما اتنازلنا ولا بينه انجبر
صار همنا الغلط من عدمن بدر
طبعآ تسيئ الامور
احنا مالينه الغرور
وكلمة ما نتحمل اثنيناتنه
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

مو مالت زعل بس انت ردت تروح
موچد غير ناس و عندك الضنه
ترى مبين الرايد حجى حتى يروح
يزعل من سوالف ما يزعلنه
.
.
#شعراء_وذواقين_الشعر_الشعبي
#علي_نافع
#ابو_تراب

انا كبران متعرفوني حقكم
تجاعيدي وسماري وشيبي منكم
والله اثنينه نفس المواليد
قبل لا اشوفكم جنت بكبركم
.
.
#شعراء_وذواقين_الشعر_الشعبي
#مثنى_كامل
#ابو_تراب

ياما لسعتنا الشمس وبفي كَصايبهم غفينه
وياما فيَّضنه الوفه وحطّولنا المهجة سفينه
وياما ذبنه العطش يمهم وبجدح جفهم روينه
تالي نزعوا شوكََنا من كَلوبهم
وكَالوا عوض عنكم لكَينه
تندمينه
وكون يسوون البجي
جا ب اثعش ناظر بجينه
.
.
#شعراء_وذواقين_الشعر_الشعبي
#الكاطع
#ابو_تراب

اذا سألت علية كولولها بخير
شفت كل الجروح المنها اعاني
صدك باقي اثر بس باجر يروح
واذا اضطر ابدل جلد ثاني
المهم ما يبقى شي من يمها تذكار
الخلت هاكثر ناس بمكاني
.
.
#شعراء_وذواقين_الشعر_الشعبي
#ميثم_فالح
#ابو_تراب

.
اماني وللاسف بالواقع نكول
المؤكد ارجح من الما مؤكد
نعم يمكن تحت تأثير الفراك
وصدمته المو بسيطة وحالة الشد
على كل ً اذا رايح خسرناك
بغيابك دمعة نزلت چوت الخد
.
.
#شعراء_وذواقين_الشعر_الشعبي
#ايهاب_المالكي
#ابو_تراب

وحتى ما عندي ابتسامه من ارد اجيك
ليش تشلع گلبك بگلب انشلع ؟
وليش تطلع خاسر ومشلول حال
وتترك الضحكة وعليمن تنقهر ؟
راجع افكارك بعد عندك مجال
ليش بية تريد گلبك ينكسر ؟
.
.
#شعراء_وذواقين_الشعر_الشعبي
#جبار_رشيد
#ابو_تراب