شلك علية يا زمن وشرايد ؟
انطيتك الي ردته مني وزايد
ضحيت ب أغلى احبابي
وخسرت كل اصحابي
شتريد تاخذ ؟ بينت ومعاود
شلك علية يا زمن وشرايد ؟
نيشان اكثر من جرح مو كافي ؟
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد
.
.
#شعراء_وذواقين_الشعر_الشعبي
#الكاطع
#ابو_تراب

طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
#شعراء_وذواقين_الشعر_الشعبي
#علي_نجم
#ابو_تراب

لو صار العشك للبيع
لا تعتب على الشراي
كثر اللوم على الباعة
انا الليلة الج يا روح
ل اكص جفج
واعلكه برمح المداعة
الغفى بفي النخل
يترجى تمرة تطيح
مو مثل التشلبه وجاب ب ذراعة
.
.
#شعراء_وذواقين_الشعر_الشعبي
#الكاطع
#ابو_تراب

.
بعدني ابجي
انا مجبور يا محمد بعدني ابجي
بعدني ابجي على ام شامات
اخبرنك ولا ضل واحد بدنياك طيب ذات
چثيرة وناعمة همومي ما كضهن ولا غربيل
افك الصبح من وحدة يجن ١٣ بالليل
تصير انوب نص درزن
وعيوني خشب ناعم وكع بيهن
ادور عارفه بهالناس عود يدور ويلكيهن
يا محمد
كمرنا الغاب من سنين جذب ما بلعته الحوته
وان عاتبت ( خالد ) كسر تابوته
.
.
#شعراء_وذواقين_الشعر_الشعبي
#عبدالاله_منشد
#ابو_تراب

كون كايلي من الاول ما ادوم
جان ما جبت العمر كله انتظار
انت حليان بغيابي وانا وين ؟!
وجهي صاير هيمه من كد الصفار
ليش تحضن غيري مو تدري اموت
امي من تحضن اخوي كبالي اغار
.
.
#شعراء_وذواقين_الشعر_الشعبي
#منقول
#ابو_تراب

خلص وشل صبرهن ما بعد منهن
وضل ليلك طويل ولا عمر عدهن
ذابن والصبر نار اعلى راس الخيط
ما غزر ضواهن بالهوا تحطهن
.
.
#شعراء_وذواقين_الشعر_الشعبي
#سمير_صبيح
#ابو_تراب

عليك الناس تسأل وين ما وين
وعساك بخير عايش يا ضوة العين
هم ترجع وتجمعنا الليالي ؟
واشوفك من صدك كاعد كبالي
بعد ما ضل صبر والصبر لي وين
عليك الناس تسأل يا ضوة العين
.
.
#شعراء_وذواقين_الشعر_الشعبي
#جبار_صدام
#ابو_تراب

عمر وياك بس ما كاعد وياك
اجه واحد غريب لمشيك انضم
اول ساعة حط ايدة اعلى المتون
ورا شجم ساعة يمكن ... الله يعلم
حيلي ودمي طاحن وي الخيال
شسولفلك بعد هو انت تهتم
اليدك مو رجلة گلبه بصفي والله
من خيالي يطلع صدك الدم
ضلمك دفن لونك جوة التراب
اوصلك الصورة حتى تفهم
اذا يم الشمس صورة اخذ وياك
ما تطلع حلو لا تطلع اظلم
.
.
#شعراء_وذواقين_الشعر_الشعبي
#علي_الشمري
#ابو_تراب

وليت وما كعد حضي ... على جماي
غفيت بكثرة جروحي ... ع لجماي
بحلك بطران صرت انا ... علج ماي
من كتر لكتر ويلوج بيه
.
.
#شعراء_وذواقين_الشعر_الشعبي
#منقول
#ابو_تراب

تعالوا الليلة وحشة لا تروحون
وحق العشرة ما شبعان منكم
ما مرتاح احسكم جاي تبجون
منو من بعدي كلكم محد الكم
ب ذراعي وجع بس مو وجع موت
مضت مدة علية ما شابكتكم
.
.
#شعراء_وذواقين_الشعر_الشعبي
#يحيى_العلاق
#ابو_تراب

مدري شجاني السنة والعام
ما انام طول الليل ما انام
اثاري السهر مدرسة العيون
وكثرن غياباتج يا الاحلام
.
.
#شعراء_وذواقين_الشعر_الشعبي
#الكاطع
#ابو_تراب

على روحي كمت اخذ اعزاز وياي
بلكي تسامحك يومية امر بيها
وتطلعلي الجروح وانعل الشيطان
على جروحك اغلس لو اواسيها
شالتني الغرب يوم الطحت وياك
شردتك وكفه كمت انوب اسميها
تعيرني اعلى ياهي وانا وكت الضيم
اضحك شفتك واطفالي ابجيها
اشتميت الهوا من عفتك ارتاحيت
ونبضات البصدري كمت احس بيها
.
.
#شعراء_وذواقين_الشعر_الشعبي
#حامد_الشمري
#ابو_تراب

شيبه طلعتلي بغيابك
فوك راسي الشيبه طلعت
وشلعتها وانت تدري
الشيبه تكثر لو نشلعت
شلون راح ارتاح بعدك
بغير حضنك وين انام ؟
الدنيا تعبتني بغيابك
وتدري بيها بت حرام
.
.
#شعراء_وذواقين_الشعر_الشعبي
#منقول
#ابو_تراب

صافي سماي واهلي ... عيروني
وحسافة بوزن ناقص ... عيروني
المشت روحي وراهم ... عيروني
صرت كدام حطوا عيب بيه
.
.
#شعراء_وذواقين_الشعر_الشعبي
#منقول
#ابو_تراب

ما امنعك بكيفك لو تريد تروح
كلشي تريد اخذ وجروحك اتركهن
ما اكدر انطيهن ذكرياتي وياك
من يوم العرفتك ما مفاركهن
كتال الربى وانا المربي جروح
من كبرن واجيت تريد تاخذهن ؟!
اتيه بيتنا وشارعنا والجيران
بس جروحك انت مغمض اندلهن
لذتهن وجعهن وانا تالي الليل
اتؤنس عليهن لمن ألجمهن
.
.
#شعراء_وذواقين_الشعر_الشعبي
#احمد_الذهبي
#ابو_تراب

من ينتهي التعداد وتعدنا كلنا
هاك اسم هذا فلان سجله وي اهلنا
.
.
#شارك_بالتعداد
#شعراء_وذواقين_الشعر_الشعبي
#منقول
#ابو_تراب

انا من اشتريتك بعت ناس هواي
يمكن ناس فقرة وشوروا بيه
.
.
#شعراء_وذواقين_الشعر_الشعبي
#منقول
#ابو_تراب

تعال اشتاقلي بگدي
إذا ما ارسم عيونك على الشباك
هذا الليل ميعدي
ولأن ما عندي غيرك
اشكي حزني وياه
جنت ابجيلك لوحدي
.
.
#شعراء_وذواقين_الشعر_الشعبي
#منقول
#ابو_تراب

عيونك عيونك هنه هنه
جا وين وديت المحنه ؟
.
.
#شعراء_وذواقين_الشعر_الشعبي
#علي_مهدي
#ابو_تراب

.
يا عشرتنا داريناها چنه احنان
وما ردناها تخرب نومه الخطار
طلعنا بوجه الابيض رغم ما سمران
هذن التايهات بحوشنه محولات
فخاتي وما تكضهن سدت البيبان
من كالولي حزنك لا تبالغ بي
كتلهم بحجم الفاكده حزنان
جرب شيل صورة معلكه من سنين
سواد بكدها راح تعوف على الحيطان
.
.
#شعراء_وذواقين_الشعر_الشعبي
#سعد_شميل
#ابو_تراب