لتمن براسي انعم الله اعلى الصهيل
شوك ملگه فراك دمعات و سهر
زارع بروحي قلق سويته ليل
وضوة زارع بيك ما خضر كمر ؟!
الهوا بظهر حجايتي من تمر عليك
غيمت سالفتي ما لاحك مطر ؟
حافي يمشي السيف بجروحي وبقيت
لا رحت مني ولا راح الاثر
.
.
#شعراء_وذواقين_الشعر_الشعبي
#علي_رشم
#ابو_تراب

.
العمر ضاع العمر وياك يا فلان
ضنيتك وفي و خيبت الضنون
ضنيتك نبع ما مرة انسان
واجيت اطفي لهيبي بشوف العيون
شفت مايك كلت خليني عطشان
كرهت الماي من كثر اليشربون
اذا ضنيت اردلك انت غلطان
يا دمعة الرضت ترجع للعيون
.
.
#شعراء_وذواقين_الشعر_الشعبي
#سمير_صبيح
#ابو_تراب

.
هالمره احس مشتاقلك فد مره
وبغيبتك عايش فراغ شكبره
حتى الاغاني استغربتني بلياك
كالتلي وينه وكلت جاي انتظره
وانت اطمئن مابيه شي انا بخير
بس اختنك ما بين فتره وفتره
.
.
#شعراء_وذواقين_الشعر_الشعبي
#احمد_عاشور
#ابو_تراب

.
بعراء وعاري وتذبني ... وانا غطاك
شجاني اصبر على ضيمك ... ونغطاك
كتلتني بلجك ونوحك ... ونغطك
غراب انت ؟ گلب مزروع بية
.
.
#شعراء_وذواقين_الشعر_الشعبي
#سمير_صبيح
#ابو_تراب

.
تجرحني و اشوفك بس ابريك
واوصيك استغل جروحي غشمه
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

الليله اموت
الليله اخر ليله
الغيم مد ايده اعله راسي
والمطر شد حيله
الليله گطرات العمر
ناكوط حب سهران
يمه ادخيلچ
اترجاچ
ضميني بسواد الشيله
.
.
#شعراء_وذواقين_الشعر_الشعبي
#الكاطع
#ابو_تراب

.
ولك مو هيج
عاد اسمعني جاملني
جذب مثل كل عمرك العشته وياي
جذب واهتم شويه
اجيت اشكيلك من الخوف
من النار من جفاك
من ليلي وبواجيه
من تشوفني اصرخ من ورا الدخان
لا تسكتني طفي المحترك بيه
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
اكو باقين بس عن گلبي راحوا
واكو راحوا بنص الگلب باقين
غلط كل ادمي تسمونه انسان
وجريمة كل علي تسمونه ابو حسين
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

ما دام كل شي انتهى وجان السبب بيكم
خليتكم بالگلب جا وين اخليكم
جا هاي تاليها ؟
ضليت من صدمتي اكمش عيون الجثث
افتح واسد بيها
.
.
#شعراء_وذواقين_الشعر_الشعبي
#منقول
#ابو_تراب

.
خافن يجيني الموت غفله ارد اوصيك
طب عاون الدفان حتى انتجي عليك
.
.
#شعراء_وذواقين_الشعر_الشعبي
#علي_الجياشي
#ابو_تراب

.
تريد تعرف بي شلون
چان جفاك جنـي
مدد بسدية وهلي من حالتي ملو
عدل وتعاملوا عد راسي وي الدفان
وعلى الفاتحه أتفقو
كل ذني ولا فركاك
انا ماردت اموت عليك اموت وياك
.
.
#شعراء_وذواقين_الشعر_الشعبي
#زيد_السومري
#ابو_تراب

افضحني بعد خاف انا ما مفضوح
كلهم رادني بس انا فشلته
تانيني شوكت ما افوت كلهم ذاك
كسرت بخاطره ومن راح ما صحته
حقك تفتخر ذليت واحد جان
ذرات الهوى ال بالماي عاشكته
.
.
#شعراء_وذواقين_الشعر_الشعبي
#ياسر_فليح
#ابو_تراب

كتلك كضاني المرض
حط ايدك اعلى الوجع
خاطر تطيبني
تسحك برجلك كمت
وين اليتعبني
وياك طاير جنت
ومأمن تحبني
شمدريني من سابع سما
من نوصل تذبني
.
.
#شعراء_وذواقين_الشعر_الشعبي
#منقول
#ابو_تراب

.
شايف لمن وحدك تضل
من اليحبك ينسحب
والجان الك يتخلى
وحاير تضل بعلتك
من تفطن بروحك وجع
حتى انت ما تندله
.
.
#شعراء_وذواقين_الشعر_الشعبي
#جبار_العبادي
#ابو_تراب

.
كالوا بالعرس طشيتي جكليت
فرحانه وترستي بركصج البيت
المهم بعدج بجينه
انجرحنا وما حجينه
اخاف احجي وتكول الناس مليت
كالوا بالعرس طشيتي جكليت
كالوا بالعرس لبست تراجي
الهي بيا ذنب يومية باجي
.
.
#شعراء_وذواقين_الشعر_الشعبي
#علي_البديري
#ابو_تراب

.
ما مرتاح ..... ؟
لان شفت الشمس نزلت تبوس الكاع
وبجف الطفل تنلاح
ما مرتاح منك
مني
من الناس
من العدل
من الجاي
من الراح
ما مرتاح
.
.
#شعراء_وذواقين_الشعر_الشعبي
#الكاطع
#ابو_تراب

.
هواي بيه وما اعرفهن
يمتى اطلعهن واموت ؟
واخ بيه شكم صدى مضيعله صوت
منين ما ادبرلي يونس
يطلع بنص روحي حوت
منين ما خطيت جدمي الناس غربه
وكله صوجي
بعت دربي وما عرفت منين افوت
ليلي يخلص بالمدافع
وطارش لباجر لهسه بلايا حس
والصبح ما سوى شي
رجع ليه ب شمس امس
وهي حلوة هواي بس مالي نفس
الدنيا ما ادري عرس من كلها تتمركص كبالي
وخفت اهز جتفي ويفلشون العرس
.
.
#شعراء_وذواقين_الشعر_الشعبي
#عقيل_العرد
#ابو_تراب

امي بكثر ما شافتني تعبان
كالتلي منو العايفني اعلى موده
وكتلها اليربي انسان لو راح
شلون يعيش ؟ كالت عيشه سوده
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
يا وكت كفيت لو بعدك وراي ؟
لا تضن فد يوم تسمع بي تبت
خله مطرك ضيمك يطك بكافي
هذا مشيي ما مشيت وحدبت
يتم ريوكي واخذ خبزة غداي
بدوي وبزاد الخرج لو عزبت
جاي تنشدني انا شباقي شوراي ؟
لو ثخين الفي عليه ما سومرت
سرى لزمت ناس على الذله وسراي
بأول الناس بسرى النخوه صرت
.
.
#شعراء_وذواقين_الشعر_الشعبي
#فاضل_غضبان
#ابو_تراب

عمد ارد اكطعه وياك حبل الموده
بلكت قريب تصير ليه من اشده
.
.
#شعراء_وذواقين_الشعر_الشعبي
#منقول
#ابو_تراب