حبيتج حب ما حبه انسان لحد
حسبالي توافين ل اخر حد
خدعتيني خدعتيني وما وفيتي
خدعتيني بعتي حبنه ما شريتي
نادم ندم
على الايام
الي حبيتج بيها
.
.
#شعراء_وذواقين_الشعر_الشعبي
#منقول
#ابو_تراب

.
حنيتلك من ناموا الناس
اكثر من الدم بية الاحساس
ويخنكني شوكي الما رضى يفض
وكل ما نكال اسمك اغمض
ارد انسى بس ال ليش تعرض
وها حشى جدامك صوج دربي
المشكلة عيونك هنه هنه
جا وين وديت المحنه
.
.
#شعراء_وذواقين_الشعر_الشعبي
#علي_مهدي
#ابو_تراب

.
جنت ما راضي عني تروح
اثر جفيني ضل بهدومك من الجر
ولو ناسيك جا هذا الوجع وخر
اذا مشتاكلي مروتك
انا مشتاكلك واكثر
انا بفراك اخوي سويعة ما كبريت
ليش فراكك يخليني جاي اكبر
ترى حتى الله ما يرضى
اردن على الرسالة بساع
وانت اسبوع تتأخر
ولك جا ليش تتغير
جنت بگلبي اهفيلك اعرفك تين
ما تحمل سموم الحر
كزازك نابت بگلبي واخاف عليك تتعور
.
.
#شعراء_وذواقين_الشعر_الشعبي
#مالك_الباوي
#ابو_تراب

خاف تسمع بية ميت
لا تكول الله يرحمه
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
المكان البي تشاوفنا وضحكنه هواي
امس مريتله لوحدي وردت للبيت اجيبه وياي
وجاي اتأذى من عمرك لان ما جاي اعيشه وياك
واذا سألوني عن گلبي
اأشر بالخريطة اعلى اسم منطقتك واكولن ذاك
وشوف الشوك شيسوي من تبعد علية ايام
شكو كرسي يصير بصفي من دونك
احسن فوكه حبل اعدام
.
.
#شعراء_وذواقين_الشعر_الشعبي
#رسول_محسن
#ابو_تراب

.
تسطي وتطك وتعيل وامشي اعلى ممشاك
انا الصديق الدوم حق باطل وياك
.
.
#شعراء_وذواقين_الشعر_الشعبي
#عدنان_البركي
#ابو_تراب

يا الهي اعليك اسم زينب ... جفيني
شر التايه الترست ... جفيني
من اموت ابيض فلا اريدن ... جفيني
سواد بلون نية الكطع بية
.
.
#شعراء_وذواقين_الشعر_الشعبي
#اياد_عبدالله
#ابو_تراب

وانت ... انت
وگلبك الما مرة حن
وشنو الاصعب ؟ لمن انت بعز شبابك
تباوع ايامك على المامش جزن
كبرتني بكد توابيت الوطن
.
.
#شعراء_وذواقين_الشعر_الشعبي
#مثنى_كامل
#ابو_تراب

.
جنت وياك انزل عيني بالكاع
بوكت جانت بأسمي تنرفع روس
وتدوس انت على انسانيتي وتفوت
وانا حتى اعلى ضلك جنت ما ادوس

كطعت لساني خاطر ما احاجيك
خاطر ينتهي البينك وبيني
لكيت انوب عيني تسولف وياك
يعني شلون اكص لسان عيني ؟
عيني صاحت بية من شافتك جاي
وما سمعت عيوني التحاجيني
والله ما شفتك رغم عيني عليك
جنت سارح بالي مو يم عيني
.
.
#شعراء_وذواقين_الشعر_الشعبي
#عامر_العيثاوي
#ابو_تراب

مثل البارحة اشتاقيتلك حيل
والله اليوم اكثر شوكي صاير
ومن هسة اكلك خافن تكول
ميحبني وكضى عمره يكابر
احبك انا على الفطرة واتانيك
و لابد يجي يوم وترد باجر
واذا تعرف تريد بيوم ناسيك
من تشوفني مبطل الجكاير
.
.
#شعراء_وذواقين_الشعر_الشعبي
#حسن_مهدود
#ابو_تراب

انا شفتك نهر والدنيا چانت صيف
ذبيت الهدم گلت اسبح هنانه
أول غطه اليه وللجرف رديت
لگيت شگد بشر جواك غرگانه
ما احب النهر بي كثرهه اليسبحون
انا اريد النهر سباحه بس انه
.
.
#شعراء_وذواقين_الشعر_الشعبي
#منقول
#ابو_تراب

.
هسة انت مو قسمتي
جا ليش ما تنسي وارد اعرف اخبارك
مو چنى حتى الهوا بي احنا نتشارك
بروحي الخضار شكثر
ولخاطرك صوفرت حتى ارهم لنارك
شكرا حبيبي اعتذر جان السبب بيه
مو ذنبك من ابعدت هو العشك نيه
هم مثلي دمعك يصب من تسمع اغنيه
وهم مثلي شابع ندم
وعيونك اعلى السكف ما تغفى ليليه
من اشتاك اشم الصور صدكني يوميه
وكل لحظة اكولن تجي بس ما الك جيه
وابرد واخلص الورق وابقى اكتب بأسمك
وجفوفي ترسم شمع مرات وترسمك
.
.
#شعراء_وذواقين_الشعر_الشعبي
#حسين_الحبتري
#ابو_تراب

.
طبع السعادة دهن
وماي انا ما ننجمع
شما ننخبط ننعزل
والفرحة طير بغصن
سهام الملامه وهلي
واعداي والمستحى
معقولة ما تنكتل
.
.
#شعراء_وذواقين_الشعر_الشعبي
#سمير_صبيح
#ابو_تراب

الما يعرف شبيه يكوم بيه يلوم
السهر شكلك يخربه عليمن تخربه ؟
اسهر مو غشيم ادري السهر موزين
بس المشكله شما تعتقد صعبه
اذا كسره بفراشك ما تعرف تنام
شلون تنام عينه الكسرته بگلبه ؟
.
.
#شعراء_وذواقين_الشعر_الشعبي
#منقول
#ابو_تراب

.
ذبيته الفرح كحله بظلام الليل
ذبيته ونسيته وراح من بالي
لكوا غيري واجوا دكوا عليه الباب
الك هذا الفرح ؟ لا كلت مو مالي
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شالوك حتى من الحلم
وحلمك يجيني بلا صور وبلا خلك
ولمن افز يبجي الحلم
واثنينه اعلى الراس نتكابل ندك
رادوني ما اشوفك ابد
ويا حال من بعدك صرت
غصن وخذوني من الشجر
وذبوني يم نار الهجر
واليوم باجر احترك
عشت بطرك روحي وسوادين العشك
.
.
#شعراء_وذواقين_الشعر_الشعبي
#جبار_رشيد
#ابو_تراب

شخبارك يسألوني وشبيك ؟
نگلت جنازة بثكل رجليك !
ولكم فشلتي من اقرب الناس
شلونك كلتله وكال شعليك
.
.
#شعراء_وذواقين_الشعر_الشعبي
#ساجد_المحنا
#ابو_تراب

.
يا گلبي وداعتك ملتهي الما تنساه
لا تطري اعلى باله ولا مجرب الهم
حلاتك مو سهل كلما تشح تنهاب
الماي البي حياة وكت الغرك ينذم
ينصاد الصكر بالالف يا الله
وبصم الدخن تلزم سرب دلم
دمعتك غاليه من تطيح كون تطيح
للجفن المبلل على فراكك دم
يا گلبي ليا وكت تعتني الما يشتاك
وتبذر احساسك على الما يهتم
ال على ايدك ما يضل شلفايده من يعود
يتبعثر وراك وتلتفت يلتم
من حنيتك شكد نبهتني الناس
بس اخجل اكلهم گلبي ما يفهم
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
هو ذنبي
لا سكنت وي الاجوني ولا تبعت الراحلين
.
.
#شعراء_وذواقين_الشعر_الشعبي
#الكاطع
#ابو_تراب