لو هو مثلك اكو
جا ما عشت وحدي
بليل الشتا البارد
بس هو هيج العشك
مثل الله بس واحد
.
.
#شعراء_وذواقين_الشعر_الشعبي
#حسين_المرياني
#ابو_تراب

الله يرحمج يا ضحكتي
وين ما وين اندفنتي ؟!
والله قبل لا تموتين
جنتي اعلى شفتي تخبلين
جنتي ما تخليني وحدي
ودمعة لو شفتي اعلى خدي
ب ايدج تمسحيها جنتي
الله يرحمج يا ضحكتي
.
.
#شعراء_وذواقين_الشعر_الشعبي
#علي_الشمري
#ابو_تراب

مرتاح شفتك كلت مو مشكلة
بعيونه يمكن غير واحد حلة
بالعافية وذاك التعب والسهر
جنت ادري راح يضيع من أولة
اني اعلى كد المصلحة وانترك
عود امهات وعايش بمكحلة
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مشى بيه انتظارك عكس الاميال
و وكف عقرب دمعتي بجفن الغياب
تجي منطيني ظهرك حتى بالطيف
وعليه غيمة اعذارك تمطر اسباب
على سرعة مشيتك صفنت الخيل
چنك للفراك محسب احساب
اذا ميت حنينك روح معذور
بس بهاي اعذرك مو بالغياب
.
.
#شعراء_وذواقين_الشعر_الشعبي
#علي_رشم
#ابو_تراب

.
عجيبة الدنيا والاغرب ... دردها
التبجي سنون واليضحك ... دردها
يا الهي امانتك روحي ... دردها
دخذها من وكت و استر علية
.
.
#شعراء_وذواقين_الشعر_الشعبي
#سمير_صبيح
#ابو_تراب

غمض والبالك ممكن يصير
الواقع ينتهي ويموت باجر
عليمن ضال تبجي وتكسر اشياء
هو ياهو اليعرفك وين صاير
ما يرتاح گلبك يبقى مشلوع
لان بيض انشلع گلب الدفاتر
جبت عمرك تريد تلحك الناس
تطلع من خسارة تطب خساير
وما تعرف تعيش تعيش الوياك
تمد ايدك بجيبك بس جكاير
.
.
#شعراء_وذواقين_الشعر_الشعبي
#عزام_الشمري
#ابو_تراب

ما نقصت محبتج من رحلتي
ولا بدلت اطباعي بصفنتي
مرات الدمع نلكيله اسباب
بس انتي سبب جنتي بضحكتي
.
.
#شعراء_وذواقين_الشعر_الشعبي
#منقول
#ابو_تراب

.
هلي وكوه اعلى ابنكم يخلص الليل
تجي ساعات تثكل حتى الهدوم
ما اغشكم واكلكم عايش بخير
وصلت المرحلة ما شايف النوم
ولو هو العمر من صار رقمين
لحد الان ما مرتاحلي بيوم
.
.
#شعراء_وذواقين_الشعر_الشعبي
#عزام_الشمري
#ابو_تراب

و ليش تكسر خاطري جي مشتريك
وانا ل اجلك روحي ما احاجيها
كتلك امسح عيني غركت بالدموع
ما كلتلك حط اصبعك بيها
.
.
#شعراء_وذواقين_الشعر_الشعبي
#ميثاق_الهلالي
#ابو_تراب

.
ادري بيها الدنيا صارت عاصفه
وانا فوك الدنيا كوخ
منين ما هبت تهزني
يمتى اطيحن حتى افوخ
ادري بيها بلا ضمير
وادري بيها بلا عفاف
وادري بيها عذبتني ودوختي
ومرمرتني وما تدوخ
.
.
#شعراء_وذواقين_الشعر_الشعبي
#عبدالاله_منشد
#ابو_تراب

.
شتضن مثلنا الناس ترجف بالوداع
حتى الجدم مابي يثبت على الكاع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
مر صوتك من الماضي
وحنينه اشتعل على الشباج
عبرت المستحى وعاتبتك بسكته
كل دمعة تبات الليل بعيوني وراها انت
كل لچمه تفززني من اريد اغفى
وجعها انت
وعرفت العشك مثل الموت هم ما ينعرف وكته
تتزاحم افكاري طيور عطشانه
وتغرك غرفتي بأحلام ما تنكال
واشب بين الظلام وتعب عمري هلال
واسافر والحزن ما ينتهي بموال
اكابر لو طفت روحي
واشب من الظلام خيال
واكلك يا وجع روحي
ضوا ولايه بعيدة الفرح ما ينجاس
ولك يا ضحكة عذرية توديني لبياض صباي
ادورك وين ؟
دامك عايش بروحي
ادورك وين وانت وياي
.
.
#شعراء_وذواقين_الشعر_الشعبي
#مصطفى_الخزاعي
#ابو_تراب

لمني طشرني ...... المهم تلزمني ايدك
.
.
#شعراء_وذواقين_الشعر_الشعبي
#منقول
#ابو_تراب

الظرف من يوصلك مو كلشي كايل
البچي والرجفة والنومه بلا زاد
هذني شلون احطهن بالرسايل ؟
.
.
#شعراء_وذواقين_الشعر_الشعبي
#منقول
#ابو_تراب

.
خذني يمك بعد ما ضل كل عذر لا تعتذر
ليل عمري و عمرك مخلص بعد مابية صبر
خل نلم احلامنه ونحفظ صورهن قبل لا ياخذهن بدربه الفجر
.
.
#شعراء_وذواقين_الشعر_الشعبي
#جبار_رشيد
#ابو_تراب

.
انا حالي صعب وشلون اوصفه ؟
جفني لا سكن لا طبك طرفه
انا التكعد الوادم يلا اغفى
.
.
#شعراء_وذواقين_الشعر_الشعبي
#اياد_عبدالله
#ابو_تراب

بيه بخت وتلاحكوني
توني ارد اموت وعدلوني
ما كعداني صريخ نسوان
كلولي بيك وكعدوني
بالعافية گلولي حبوك
ومهنى بيهم بله شنطوك
رايدهم انت هم رادوك ؟
ضميتك انا منين جابوك
.
.
#شعراء_وذواقين_الشعر_الشعبي
#منقول
#ابو_تراب

.
بعيدآ عن ضروفي وعن ضروفك
انتهى البيناتنه بس ارد اشوفك
شعليها المشاعر بالقرارات
انا العايفك وانطر حروفك
واتعس شي بالفراك
من ماريد اعوفك بس اعوفك
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مثل هرش الشجر واشربلك الماي
وكل هذا الخضار البيك مني
وانا بنص الملح ومشابك الطين
وبلابلنه على اغصانك تغني
تمر الريح بيك واحضن الكاع
وتريد تروح وي الريح عني ؟!
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شلي بغيرك انت والكى مثلك وين ؟
وتتعب تلكى غيري بهالتعب شلك ؟
ياهو العلمك وتريد تمشي بعيد ؟
سل الشوك خايب باجر يسلك
مثل ضلك جنت بالخطوة نمشي اثنين
ومشيت انت بظلام وضيعت ضلك
.
.
#شعراء_وذواقين_الشعر_الشعبي
#جبار_رشيد
#ابو_تراب