ما هجرتك وانتظرتك
دمعة دمعة يخلص الليل بغيابك
گلبي ذايب جيت اعاتب
عذبتني والجرح يحلى بعذابك
جارحني لا مو عن قصد بس المهم جارحني
بغيابك اتنفس عتب لو عاتبت سامحني
سهمك يدك ويا النبض ما يقبل يبارحني
نايم اون كاعد اون
وتزاعلن جفن وجفن
والله انا ذابحني الحزن
هلبت تجي تفرحني
.
.
#شعراء_وذواقين_الشعر_الشعبي
#منقول
#ابو_تراب

.
ضل وياي اريدك والبقن جم يوم
وهالجم يوم صارن حدك و حدي
خليني ارد اشوفك كمت احسك طيف
يا عين التكض الطيف ال يعدي
صرفنا سنين حبنا وخلصن تبذير
و على يوم النشوفك باجر نجدي
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
انت خليك بمكاني وكلي بالحل اليريح
بية صوت يهزله دنيا وماكدر بأسمك يصيح
طحت ما خذت النصيحة
وهي مو كل طيحة طيحة
فرق بين تطيح صخرة والجبل كله يطيح
انت خليك بمكاني الصار بية يصير بيك
بنص نهر لازم تعبره وتلتفت ما تلكى اديك
انا هذا الصار بية
بنص نهر عافني ادية
وعلى الجرف بس الشماته وانت كلي شلون اصيح
انت خليك بمكاني نهر وتعوفه الجروف
انت الحنين قسيت شلون ترحمني الظروف
صرت اعده من العده
وطلعت وعودك نده
جمرة ضليت بغيابك وارضى لو ترجعلي ريح
.
.
#شعراء_وذاوقين_الشعر_الشعبي
#سمير_صبيح
#ابو_تراب

يكولون تحلم بية رجعت من جديد
الكبل ما قبلت اضل ابالها
ثروة ما عندي وكدرت انطيها روح
و عمري ما فكرت ب استغلالها
الرخصتني ودورت على اليشترون
الراحت وضل بالگلب تمثالها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

متت ما اعرف اخبارك
امس مريت من دارك
ومن شفت الضوة طافي عرفتك ما متانيني
ما نرجع بعد عشاك
لا هالمرة ما زعلان ناسيني
مثل الطير باطباعك
تعوف المشتريك وترد للباعك
وانا بكيفي حبيتك انا مو صيدة اذراعك
.
.
#شعراء_وذواقين_الشعر_الشعبي
#حسين_محمد
#ابو_تراب

.
هاي الناس شلون تنام وتهود
وتسحب ايدها من انسان
عليها هواي متعود
.
.
#شعراء_وذواقين_الشعر_الشعبي
#علي_مهدي
#ابو_تراب

اخذني وياك
هناك ل ماي گلبك بلكي روحي تنام
عصفورة جرف بلل جنحها الخوف
اخذني وياك
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
ما كرهتك لسه غالي و روحي بيك
بس اخاف انطيك فرصة
وبصراحة استحي من گلبي اعتنيك
كون ينام گلبي وعلى كيفي انكل جدامي واجيك
.
.
#شعراء_وذواقين_الشعر_الشعبي
#علي_المقداد
#ابو_تراب

جنت طير واطيرن وين ماريد
هسه الشوف حده لمدت الايد
صرت ياحيرتي بس اسمع الصوت
وبعد ماخاف منه لو يجي الموت
هذا الصار بينا ويا حرامات
يومية السهر برموشنا يبات
خوفي على الاحبهم لا يحزنون
خوفي من الشماته لايعرفون
.
.
#شعراء_وذاوقين_الشعر_الشعبي
#منقول
#ابو_تراب

جايتني بعد كل ذيج السنين
جايتني بعد ما طفى الصبر شمع الحنين
جايتني والحزن لم روحه بيها
والندم واضح عليها
جا بعد ما راح العمر
وبعد كل ذاك الصبر
جايتني تعتذر
جايتني بعد ما شمع العمر وج وطفيته
جايتني بعد ما حزني رضى بيه ورضيته
روحي ردي كلشي البگلبي طويته
جا بعد ما ضاع العمر
وبعد ما ولى الصبر
جايتني تعتذر
.
.
#شعراء_وذاوقين_الشعر_الشعبي
#منقول
#ابو_تراب

خاف اموت وما اشوفك
دير بالك على عيونك لا يذبلها الغياب
وخاف اروح وما ابوسك
تدري بية شكد احبك حطلي خدك ع التراب
ومن تخلص الفاتحة بس كول احبك
حتى توصلني الاحبك بالثواب
.
.
#شعراء_وذاوقين_الشعر_الشعبي
#منقول
#ابو_تراب

.
غوشهن فراكك بس بعد بيهن
الما يعمن عليك عليمن اعميهن
صورك كطعن خيوط الضوا بالعين
ما ذبيتهن ضليت اباريهن
عشكتك عشك فقرة الصور عدنا اعزاز
نحبهن مثل ما نحب راعيهن
.
.
#شعراء_وذاوقين_الشعر_الشعبي
#علي_نافع
#ابو_تراب

اشوفك وين يا مهاجر
كلي بأي بلد صاير
فراكك مو سهل عندي
ولا هي ازمة وتعدي
فراكك عله العلة
عقل بالراس ما خلة
يوم السافرت والله
انفطر گلبي وصرت شاعر
وانت بهذا ما شاعر
اشوفك وين يا مهاجر
.
.
#شعراء_وذاوقين_الشعر_الشعبي
#حازم_جابر
#ابو_تراب

.
انا من انعزل وابتعد مو مغرور
ابو نفس العزيزة بكل وكت وحده
انا مصاحب امي الما تعرف تخون
علاقتنا قوية وتقوى يومية
نشاز العنده هيبة بوسط ناس رخاص
گلبجة المعضد بجف الحرامية
.
.
#شعراء_وذاوقين_الشعر_الشعبي
#زيد_السومري
#ابو_تراب

بعد يا عين تبجيلك ؟
ويا ديرة الترحب بيك وانت الكاتل دخيلك
دم باجر تطيح ومحد يشيلك
وبعد لعيوني ما ادنيك
خيط عكال تهوى البلكفى يخيلك
شما ضمك يبيعك باجر اليلكيك
ذهب منهوب يا رخص إلمساوم بيك
.
.
#شعراء_وذواقين_الشعر_الشعبي
#عمار_سالم
#ابو_تراب

عمومآ روح ليش تبرر وتتعب
يمكن اني ما انحب
روح وخل اضل وحدي
روح وراح تذكرني
من اي واحد يحبك مراح يفهمك بكدي
ولا يضل بالك تعدي
تلكى الاحلى من شكلي
وما تلكى الاحن من عندي
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
هذا التسمعه خلص اخر شطر ينكتب
لعيونك الخانت
والعشرة احسها بعد مو هانت انهانت
واصلني انت شكلت
واني احترام سكتت ل ايامنا الجانت
تخسرني انا انخسر ؟
ياما وياما احسبت بعروك اديك الخضر
وكل ساعة اشمها جنت مثل اليجرب عطر
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
تشابكنه ومتت بسكوت
وامي افيش شمتني 12 شمه
تشاورنه وسمعنا الموت
وبغترة عزيز اسورحت حشمه
مخابيل تداهرنا
واجانا الليل تيهنا واليدلونه غشمه
علينا هدومنا التفت مثل غركان
بي نص روح والروجه سما مغيمه
.
.
#شعراء_وذواقين_الشعر_الشعبي
#منقول
#ابو_تراب

احبك اكثر من ال عني يحچون
واكثر من صراع الروج والسد
واكثر من حجم تقصيري وياك
من تحتاجني ويتأخر الرد
احبك  ..
لكن شگد؟ مدري بس هاا
مو حلوة من احبك واعرف شگد
.
.
#شعراء_وذواقين_الشعر_الشعبي
#احمد_عاشور

.
كتبنا اعلى الجرف اسمائنا بعود
وحفضها الروج ذمة بركبة الطين
وخلينا النوارس على الحجي شهود
ودفنا اسرارنا ب في البساتين
.
.
#شعراء_وذواقين_الشعر_الشعبي
#سمير_صبيح
#ابو_تراب