من تشوفني تعرفني ؟ لا و الله
مو ذاك الغشيم المن كبل شفته
كبالك غير واحد بي شبه من ذاك
ما يشبه هذاك البي جرح عفته
مره التجربة المريت بيها وياك
مره وعلمتني وحنضلك ضكته
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
من يزود بعينك شوية السهر
يجي ابالك تكعد تكلب الصور
وتلزم ألالبوم وتفتحه بهدوء
مثل ما تفتح الجنطة ال بالسفر
ورغم كل الفوضوية ال بالمكان
ابتسم تلكى التشابه بالبشر
العامل المشترك بين الغايبين
التقارب بالكتابه اعلى الشجر
بلا مخدة تخلي راسك فوك اديك
سكتتك كاسرها بشوية مطر
تغمض وتفرك عيونك لا تنام
نوم لا شابع ولا شابع سهر

.
.
#شعراء_وذواقين_الشعر_الشعبي
#محمد_الشمري
#ابو_تراب

.
يا صحتي كلش موش زينة
گلبي كطيعة كاطعينة
ليش بسهولة عايفينة
انتم طوينة وهو طينة
عوف الشلونك خاب موزين
عين بصوركم وابجي تك عين
طردت الباب تريد رجلين
بالدين مامش نوم بالدين
.
.
#شعراء_وذواقين_الشعر_الشعبي
#مالك_الباوي
#ابو_تراب

صدك ما مشتاقلي؟؟ كالوا نسيت
وكالوا امكيّف حبيبي بموتي
وكالوا لكبري ولا مرة إجيت
وكالوا اذنك ماتحنّ لصوتي
صدّكتهم ما أظن تدري عليك
وعرفوا ادري مبيّن من سكوتي
اتذكرت شفت ايدك اتعزّ السلام
ما شلتها من خطف تابوتي
.
.
#شعراء_وذواقين_الشعر_الشعبي
#ميثم_فالح
#ابو_تراب

.
عفتك للزمن ما شايل اعليك
الزمن يتكفل بجبر الخواطر
من تنكسر مرة وترجع تعيش
بخور تحسه دخان الجكاير
.
.
#شعراء_وذواقين_الشعر_الشعبي
#جبار_العبادي
#ابو_تراب

بعدك بالگلب رغم الخلافات
المسافات انلغت بينك وبيني
ما ينطيني گلبي ازعل وياك
بس ان شاء الله گلبي ينطيني
اتوقع يجي فد يوم انساك
بس اتمنى اموت وما يجيني
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

رهمتك علية بس ما رهمت وياي
انت الما ردت شتريد اسويلگ
عاشرتك نجم من جان عمرك ليل
اذوب واشتعل حتى ابقى اضويلگ
من طلعت شمس خط رجعة ما خليت
وما جازيتني لمن خلص ليلگ
بانيلك جنت حضرة عشك بالروح
ومرقد للمحنة بروحي بانيلگ
واندلك جنت وافتر واحني الباب
هسة اتهدمت يا باب احنيلگ
.
.
#شعراء_وذواقين_الشعر_الشعبي
#احمد_الذهبي
#ابو_تراب

هنيالكم
عدكم گلب ينسى العشك هنيالكم
تحبون بس مو من صدك هنيالكم
ضل جفني يبجي بلا دمع ب فراكم
وصفناتي كامت تنسمع ب فراكم
هنيالكم
ما حسبت حبكم فرص
كل عمري وياكم خلص
يلا دخلت ابالكم
وغيري دقايق من اجه
وياكم حچاية حجه
شبسرعة نال اعجابكم؟
اذكر واشبع بچي ب أيامكم
راحت بعد ما اضن تجي ايامكم
هنيالكم
.
.
#شعراء_وذواقين_الشعر_الشعبي
#صفاء_الربيعي
#ابو_تراب

.
انت الحنين قسيت شلون ترحمني الظروف ؟!
.
.
#شعراء_وذواقين_الشعر_الشعبي
#سمير_صبيح
#ابو_تراب

.
الليل يبدي وابدي ادور الشككتهن
حتى كلماته التغثني استاحشتهن
يمتى ينفك باب بية
واسبق الضويات واطلع من ضلمتي
ياما اشتاك بغربتي
جنت اكابل بابكم وانا بغرفتي
.
.
#شعراء_وذواقين_الشعر_الشعبي
#علي_مهدي
#ابو_تراب

.
.
شتكل للناس اذا سألوك عني ؟
وشنو عذرك اذا عرفوا بعتني ؟
تكلهم عافني لو اني عفته ؟
خسر هو تكلهم لو خسرته ؟
ما غلطان انا وياك مرتاح
وحسبت الله اعلى تعبي يعوض الراح
مع كل الاسف خيبت ضني
.
.
#شعراء_وذواقين_الشعر_الشعبي
#منقول
#ابو_تراب

.
وصيني كبل لا اروح شتريد ؟
كتله الليل لا يخنك ضوانة
شوصيها السنابل على الحواصيد
لو اوصي الجرح يلچم دوانة
لو اوصي العطش بالصيف لا يزيد
وصية وغيرها وخلنا بعمانة
بس عينك عليك وكلشي ماريد
يمك انت الي مخليك امانة
.
.
#شعراء_وذواقين_الشعر_الشعبي
#سمير_صبيح
#ابو_تراب

اذا متريدني ومابيك جية
وما مر بيك ضيم المار بية
لا تخليني حاير بين الاثنين
لو اتانيك لو اتاني المنية
انا اتمنى اكلك عايش بخير
بس المشكلة مبين علية
صح شوية جنت اشاوف وياك
بس الشفته منك مو شوية
.
.
#شعراء_وذواقين_الشعر_الشعبي
#عصام_كريم
#ابو_تراب

يا حزن ياريت اعرفك
جنت اسويلك حديقة ياسمين
وممشى من كاشي الفرح جدام بيتك
يا حزن ياريت اعرفك وين تسكن
جنت اكلك لا تجيني وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص شكد بجيتك
.
.
#شعراء_وذواقين_الشعر_الشعبي
#مظفر_النواب
#ابو_تراب

.
على كلن عشت ما خذت بس انطيت
وي ليل المجازة الما شفت ضية
وين وين الالكاه بي جاي يبيع
وين ال انا منطي من هوا الرية
والزم جفني خاف من ارمش يزعلون
واتناسه الحجاية ال بذني محجية
ومن الكالي حك عد محب ما اداعي
اكو حك برجعته يعيب راعية
عرفتلها وكمت ما ازاعل اليرحون
ولا على الباب اضل متاني ليلية
من شفت الحلم ينوخذ مو ع اللون
بعد بطلت اضم احلام وردية
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وحك طولك وحك عينك ... ورمشاك
اضل طول العمر امشي ... ورى مشاك
عندي بالگلب منك ... ورم شاك
يهيد الورم لو مريت بية
.
.
#شعراء_وذواقين_الشعر_الشعبي
#حمزة_الحلفي
#ابو_تراب

جا نسيتي فلان انا
ما صح ورق وب ورد كمتي تكاتبيني ؟؟
جا نسيتي فلان انا
ذاك ال اجي ولو اجوا هلج حدر العباية تلبديني
ها ترى گلب الصخر لان وتكلم
وهم صخر لو جان گلبج كلميني
.
.
#شعراء_وذواقين_الشعر_الشعبي
#منقول
#ابو_تراب

.
صوغني ولو من ليلكم نجمة تبات وياي
ولو طال السهر ويجيسها الوهواس
اطفيها بصبح والغبشة رشكه الماي
واشلعني ولع يدوي العطش بالروح
حتى انزع جلد روحي وارد لصباي
من يا صوت اصيحك والصدى يجاريك
واكلك مكدرت يالتكدر بلياي
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
متغير وناسيني
يمكن طرف ثالث دخل يخصمها بينه وبيني
ويكول افكدك لو غبت
بس وكتي ما يكفيني
جذاب ما يحجي الصدك
والله العظيم من احترك
يستنكف يطفيني
المن كضيت سنيني
وي شخص ما يعنيني
ردت اذب روحي من الجسر
بس وكفت امي بعيني
.
.
#شعراء_وذواقين_الشعر_الشعبي
#حسين_السلطاني
#ابو_تراب

رحت للسيد وكتله انا عاشك
واريد العاشك تقربلي گلبه
كال ادلل ولا تنزل دموع
هاي الشغلة سهلة وماهي صعبه
كلي انطيني صورة للتحبه
من انطيت اباوع زاد تعبه
باوع على الصورة وكام يبچي
كتله شبيك تبچي كال احبه
.
.
#شعراء_وذواقين_الشعر_الشعبي
#علي_الشمري
#ابو_تراب