.
.
معقولة ما أيست يا گلبي معقولة ؟؟
تحفر ابير الهوا ١٦ متر برمل
ب هيمه ولوحدك
شيطلعك وما نبع جا خلكك شطولة ؟
الماشي عليهن كبل غيرهن وتنسعد
اترك بعد كل حجي واترك طريق البجي
والضحكة مشمولة
وميصير سيلك نهر مادام مايه مشى بكل كاع مجهولة
واليسألك هاجرت ؟؟ اي ريش جيبه عذر
والدم يبس وانشلع لا كله مكتولة
براسه خيط وجذب فر مغزلك بالهوة
الظاهر الها الخلك يا گلبي مكيولة
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
بيني وبينك خطوة وباب
واهلي واهلك ميعرفونه شكد احباب
كلها بهاي الدنيا تجذب
بس العاشك مو جذاب

ما عرفوني
ونزلن دمعاتي من عيوني
وصارن فوك العتبة تراب
شلت سنيني بجفي وجيتك !
وماتت روحي بعتبة بيتك
حتى الشارع يدري بشوكي
ويعرف بية شكد حبيتك
وي انفاسي وخطوة بخطوة
وي كل دكة بگلبي لكيتك
صح ما شفتك بس حسيتك
عطرك ريح ويعصف بية
وكلش كافي من اشتميتك
.
.
.
.
#شعراء_وذاوقين_الشعر_الشعبي
#ادهم_عادل
#ابو_تراب

.
ضل بالقفص محبوس صدكني ترتاح
تنوكل فوك الكاع يا المالك جناح
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
اطالع صورتك بالبيت
ذكرت فراكك وحنيت
اشوف الصورة وابجيلك
واسولفلك واغنيلك
وحق فراكك انذليت
اخلص الليل بالكوة
ويلي فراكك شسوى
ذكرتك وانهدم حيلي
صفكت ايدي وصحت ويلي
اموت اليوم اذا ما اجيت
وحق فراكك انذليت
.
.
.
.
#شعراء_وذواقين_الشعر_الشعبي
#لبيد_هاني
#ابو_تراب

.
ها يروحي لخاطر الله اليوم هيدي
ها يروحي الراح راح ماهو بأيدي
الدنيا ما اكدر عليها
زين مني وباقي بيها
ويا عيوني لو يفيد الدمع زيدي
توسدت حزني اسولف للنجوم
وابد ما مرت علية الراحة يوم
منين ما اكلبها هم
وانا من دم ولحم
الدنيا ما اكدر عليها
زين مني وباقي بيها
ويا عيوني لو يفيد الدمع زيدي
.
.
#شعراء_وذواقين_الشعر_الشعبي
#منقول
#ابو_تراب

.
سميني شتريد الا النسيتك
واجرحني كل يوم راضي بأذيتك
ليش انت بالذات اقبل عذابك
يمكن لان عاش گلبي اعلى نيتك
يسلم عليك گلبي الكسرته بغيبتك
لمن رحت يسولفلي بيك
وانا ماكو ويامن تخلص والوكت
تمنيت الزمن يرجع
وابجيلك بجي مربع
انا الخسرتك واتندميتك
واعذرني مجروح لو عاتبيتك
صافن واجى الروج عالي وخذاني
ذبني اعلى فركاك كوة ونساني
لا تقبل تروح لا من تجيني
من عندي شتريد ساكن خيالي
مرات اصيح لوحدي محد يمي
من اشتاك الك
كاعد واطيح الدنيا تفتر بية
من اتخيلك
الفراك الصدك يكتل
يگلبي شلون متحمل
.
.
#شعراء_وذواقين_الشعر_الشعبي
#علي_الدلفي
#ابو_تراب

.
گلبي يوجعني عليك شلونك ؟
طعم ما بيها الثواني بدونك
جاي اعاند روحي ما اتصل بيك
وارد اشوفن غيبتي تأثر عليك
وهم اجي ابالك و بعيونك
گلبي يوجعني عليك شلونك
انت لمن سافرت وحدي بقيت
وانتظر يومية جيتك ما اجيت
انت بايعني وانا الي مشتريك
بوكت ما جان احد يرضى بيك
انا من فكري صرت مجنونك
گلبي يوجعني عليك شلونك
.
.
#شعراء_وذواقين_الشعر_الشعبي
#منقول
#ابو_تراب

.
عشنه سنين مو سهلة
باحلى ايامهن ذلة
لوحده خل يجي باجر
درب الضيم نندلة
جروح البينة ما طابت تنام وتكعد ويانة
وبينه الوكت ما يرحم نسكت مدري علة
قساوة گلوبنه انترست
ودمنه كام ميعثر
ترسنه الكاع من يمه وكبل دمعاتنه تشور
.
.
.
.
#شعراء_وذواقين_الشعر_الشعبي
#هيثم_رشيد
#ابو_تراب

.
تعوفني وتكدر بدوني ؟! ليش يا ثالث عيوني
لا تخليني احسب رموشي واغيبك
وانا گلب امك عليك
والله اطيح وياك اذا مابية اطيبك
كون جف فزاعة جفي بلايا اصابع
تكودني معول عليك
جرس ثاري وي ما باب انفتحلك شلت اديك
جدامي مثل الكذلة ثكلها المطر
الدنيا تمطر واشتهي ترد المحنة البرسايل والصور
غابت شموسك والفياي انهب
وانا وصيت وكلت ذب الكلايد
لا يجيس اثار بوساتي الذهب
من درت وجهك وامانك شح علية
خوفة الكاتل خفت حتى من ادية
.
.
.
.
#شعراء_وذواقين_الشعر_الشعبي
#علي_مهدي
#ابو_تراب

.
بعدت طيوف حبك من الاطياف
وشلت لمسات شعرك من الجفوف
شضمن بيك سري ؟ وانت شفاف
وشجلب بيك وانت الرايد تعوف
ابد ميصير تين الاصلة صفصاف
وجذب ماي النهر ميجازي الجروف
مو صعبة اذا بستان ينحاف
بس صعبة الينطره وهو اليحوف
يا الكلك جرح ومنين تنراف ؟
اذا خيط اليروفك رايد الروف
ليل شما اضمك نار تنشاف
وعيون الشماته مغمضة وتشوف
نعم انا اعترفلك صرت خواف
شفت الخوف يرجف كاتله الخوف
ودرب حبك ضياع وامشي والتاف
ترى اليسمع سمع مو مثل اليشوف
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
اثنين جانوا الك
وماكو بحياتك فقط
انا ونظر عينك
وعينك درتها ورحت
ولا چني منك جنت
وبكل سهولة خسرت واحد من اثنينك
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
يا زلف يتغاوى ويا الليل ب اطراف الكصيبة
هاك روحي الما غفت والطيف ما مرة حبيبة
وهاك جرحي الما تعطب وانت عطابة ولهيبة
هاك عمري الضاك حنضل وانت برحي
يا حريمه الشوك مر بوحشة تايه
يا حريمه انباكت الجلمات من فوك الشفايف
يا حريمه سنينك العشرين ما مرها العشك والعشك خايف
لا ولك ... لالا اعلى بختك ماني سالوفه صرت بين الطوايف
.
.
.
.
#شعراء_وذاوقين_الشعر_الشعبي
#ناظم_السماوي
#ابو_تراب

.
دنيا و وراها الموت وانا اصفنلها ؟!
شكثر ذلت ناس والله الا اذلها
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
ب أديك الخاليات شماخذ وياك
بس هذا البعدك ردت افهمه
اذا ريتي بعدها وياي چا ليش
ما تقبل تفوت بصدري نسمه
لا يكمل بعد حلم ال بلياك
ولا گلب اليريدك يرضى هدمه
كل ظني چنت بيك الضوه يعيش
فاتتني الصبح ما تبقى نجمه
مو ما فاهمك بس اني معذور
گدام امنياتي السر اكتمه
تجرحني و اشوفك بس ابريك
واوصيك استغل جروحي غشمه
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
سهمك صابني وللحين ... بعداه
بدليلي وكمت اجرن اه ... بعد اه
غيرك ما يسوي هيج ... بعداه
ولا يعمل عملتك هاي بية
.
.
.
.
#شعراء_وذاوقين_الشعر_الشعبي
#ابراهيم_ال_طلب
#ابو_تراب

.
يكولون تحلم بية رجعت من جديد
الكبل ما قبلت اضل ابالها
ثروة ما عندي وكدرت انطيها روح
و عمري ما فكرت ب استغلالها
الرخصتني ودورت على اليشترون
الراحت وضل بالگلب تمثالها
يكولون نبرة صوتها تحس بيها خوف
وابتسامتها الدمع يغتالها
ب احلامها خطوط المخالب واضحات
موقعلها اعلى الحلم جتالها
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
انا مخلص صبر تدري
اصبرنك بعد بيش
حمامة انا وخلصوا ريشاتها الناس
تطير شلون اذا مو بالجنح ريش
.
.
#شعراء_وذاوقين_الشعر_الشعبي
#منقول
#ابو_تراب

.
حسبت اطول مسافة زعل وياك
خطوة وجنه بيها شوية نبعد
كلما نمشي بيها انفاسنه تضيك
ما تكمل الخطوة للهوا نرد
حجر صدك بماي الواهس يطيح
ثواني ويصفى خلكي وزعلي يركد
تعال الشوك هم بي فزعة مرات
لهذا اعلى اليموت دموعنه تهد
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
اتمنى اعرف شنو اليرضيك ويفرحك ؟
وياك احذر لان شفاف حتى الهوة يأذيك ويجرحك
لك غير انت ما منتبه ! من كتلي صاير حلو
ليهسة جاي اضحك
نتواعد وانقهر للبيت اذا ارجع
اتمنى نبقى سوة
انا اليحب الحجي وياك احب اسمع
وشبسرعة يمشي الوكت
حتى انسى اخذ صور وياك من اطلع
وي الهوة اشتمك
حتى بهدوئك احس يلعب لعب دمك
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
لا تكلي شو ما اجيت هذا انا اجيتك
واسألهم شسويت من ما لكيتك
.
.
#شعراء_وذاوقين_الشعر_الشعبي
#علي_نجم
#ابو_تراب