.
لاغايب واگولن باچر تعود
ولا مصيوب وارجى يطيب الـ صواب
ولا بيّه اعله بعدك وأگدر انساك
ولا بيك وتجيني اويه الهوى الهاب
ودّيلي بقميصك خيط بيه روح
مرّات الـ قميص يجيب غيّاب
مضيعك والسچچ والوادم تعيل
والـ مضيعك ذليل وبيش ينهاب
وحگ الـ غمضن من شافن الـموت
اخاف أحچي وتگول الـ ناس چذاب
انه بيوم شال النعش لـ اليوم
عين أبچيك بيها وعين عـ الباب
وانه ادري القدر لو صار مكتوب
ولـدنيا ولغزها اسباب واسباب
ليش الموت متغيّر هالايام
يضحك لـ الچبير وياخذ الشاب
بسّك ياقهر ياموت يا ليش
حلاتك ياذنب لو صاحبك تاب
وحلاتك يادمع للفاگد متاع
لو من مشتهاتك صار العتاب
چا هيّ الگبور گبور لو غَير
شـ نهي العطلاكم ها يالاحباب
.
.
.
.
#شعراء_وذواقين_الشعر_الشعبي
#ضرغام_لطيف
#فـطومۿہ

.
منو اليسوة وتعاتب عوف العتاب
گلوب الناس ما تشبة شكلها
لا تهتم ترى شما وكفت ادور
وهية كم سنة وتاخذنة الگبور
ضل عالي النصت لا تنزل الها
الناس الباعتك مو قصة تبيع
لأن طيب گلب مالايگلها
.
.
.
.
#شعراء_وذواقين_الشعر_الشعبي
#حيدر_الشكري
#فـطومۿہ

.
وابد ما دورت عزة نفس وياك
انه و كلشي بيه يروحلك فدوه
ماريدك واريدك حرت واحتاريت
العفتني والبقيت اثنينهن بلوه
من اشوفك عمري يخلص يوم يوم يضيع
وبنفس الوكت جن منولد توه
صدفه الجابتك مو موعد ونظرات ..
وصدفه الحب يجي وما يجي بالگوه
ويجي دور الصبح واعتذر من فيروز
وابدأ اسمع بصوتك شعر مو غنوه
واخذني براحتك واشمرني وين تريد
بزندك على اشفافك وين ما تهوه
طبعك مو حلو بس انه قانع بيك
لكن مالت الله اسوالفك حلوه
ركز بيه واشبع شوف ما اوصيك
على غير الاسد متباوع اللبوه
صدلي بربع عينك واشتريك بروح
الـ مو ادم صدك ما يفتهم حوه

.
.
.
.
#شعراء_وذواقين_الشعر_الشعبي
#مالك_السلطاني
#فـطومۿہ

.
شسالفه وعزيت روحك مرتين
لا والتكتلك ضال غالي و مريود
مگفاك والشارع و الله الفوگاك
والنَّاس و المو ناس ع الفشلة إشهود
صدفة و ألف موعد و چف و فنجان
يفتحلي بابه و ألگه وجهك مسدود
شسالفه و بعدين جرّت بعدين
حد ما رحت منا و منا مگيود
شفت السمه و ضليت أحلم بجناح
بليل شعرك چنت مدري شموعود
.
.
.
.
#شعراء_وذواقين_الشعر_الشعبي
#ياسر_فليح
#فـطومۿہ

• .
خسرانه رجعت من هذيج امالها
جرحو احساسي السولفولي احوالها
يكولون هسه عيونها وذيج الجفون
الدمع بيهن كلشي ما خلالها
يكولون تحلم بيه رجعت من جديد
الكبل ما قبلت اضل ابالها
ثروه ما عندي وكدرت انطيها روح
عمري ما فكرت بستغلالها
الرخصتني ودورت عل يشترون
الراحت وضل بالكلب تمثالها
يكولون نبرة صوتها تحس بيها خوف
وابتسامتها الدمع يختالها
باحلامها اخطوط المخالب واضحات
موقعلها اعله الحلم جتالها
الوادعتني وراحت لكوكب بعيد
اضاهر الكوكب رفض ما شالها
الما عرضتلها ولا كلتلها ليش
كلت ميخالف تروح بفالها
العلمتني شلون اكول الله كريم
الدنيا تفتر ما تظل بحالها
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وصحت لــ إبعيد
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس
.
.
.
.
#شعراء_وذواقين_الشعر_الشعبي
#كاظم_اسماعيل_الكاطع
#فـطومۿہ

چا واني عِفتني بلا اهَل لا طول !
چنت مأمِنه ما لميت قمصَاني
چا واني ؟
ولك چَا واني !
چا واني ورث لـۉ وزعُوا ماگول
اول مَرا اگل لبشر چَا وانِي !..

.
.
.
.
#شعراء_وذواقين_الشعر_الشعبي
#احمد_الصالحي
#فـطومۿہ

.
كوه علئ كلبي دست ،
وكوه علئ روحي اقسيت ،
مو هينه اجي بدمعتي واوكف اباب البيت
.
.
.
.
#شعراء_وذواقين_الشعر_الشعبي
#عادل_محسن
#فـطومۿہ

.
مو قصدي ابلل عتبتك
وابدي العتب مو قصدي

بس انته تدري من اختنك
غير الدمع ما عندي
.
.
.
.

#شعراء_وذواقين_الشعر_الشعبي
#عقيل_العرد
#فـطومۿہ

.
من زِمان دياركم تشچّي الـ ظلام
وهل نثرنه إعيونه عليها نجوم
وأنت تدري
أطباعنه أطباع الـ حمام
من يتيه يظل علىٰ دياره يحوم
.
.
.
.

#شعراء_وذواقين_الشعر_الشعبي
#صاحب_الضويري
#فـطومۿہ

وي اسم فاطمه كل المعجزات
تنزل تقبل جدمهه وتبتسم
حاضر تگلهه عيونج سالمات
انشف دموعج واطيبلج ألم
اشري يم احسين گولي وتأمرين
والله اخلي الگمر بيدج ينلزم
والله اكونلج ارض بيهه سماء
والا اخلي الدنيا بس تمطرهه دم
بدال واحد الا اگونلج ضلوع
ومااخلي الحسن يوصل چبده سم
ومااخلي الشمر يم زينب يعيل
ومااخلي بنحر عبدلله السهم
ومااخلي، ومااخلي، هوااااااي صارن
وابد ماخلي گلبج ينلجم
بس وحقج فاطمه كل هالاحداث
ربج الكونهه بي موقف يضم
.
.
.
.
#شعراء_وذاوقين_الشعر_الشعبي
#زهراء_الموسوي
#محمد

• .
جاي تكلي اسف ؟ .... ضحكتني
ولا جنك بدم بارد بعتني
تضحك جاي ؟ يابة شوكحه عينك !
عاد امسح رسوم الحاضنينك
رخيص شكثر عندك حسستني
لا والنوب جاي وكلك اخلاق
ناعم وبترافة تلكي مشتاق
اش لا تحجي عن الشوك كلمة
و وخر عطرك انغث من اشمة
بقساوة اتعامل ؟! ... انت العلمتني
جاي تكلي اسف .... ضحكتني
دمعي وسهر ليلي وغربة الكأس
هاي الاسف ليا لچمة منهن
العفتهن وحيدات بوحشة الناس
ثمنهن هذا لو كفارة عنهن ؟
حلم ترجع بعد تغفى اعلى متني
جاي تكلي اسف ضحكتني
.
.
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
كلش خايفة وطاح الندم بيهه
الراحتله جسد يتركهه تاليهه
الذبت روحهه بحضنه يذبهه ارماد
يحفر ساسهه ويدفن معانيهه
گالو ماتجي بس هية راح تعود
تجي تدنگ الراس وحيل مجروحة
الماخذهه يعرف يجرح الميته احساس
وراحت مني بيهه آثار مفضوحة
كتلهه ترى تروحين وتردين
وروحچ بالاشواگ تصير مرجوحة
لاتنطين روحچ باليعزب بيج
رادچ بس جسد مارادتچ روحه
شما هانت جروحچ يختلف ملگاچ
قبل چانت اعثوگچ تنگط املوحة
وهسة اتغيرن گض الاعثوگ ارخاص
المالحته قبل ياهو اليجي يلوحه

ابشركم اجت بس حيل ذبلانة
امتعبهه الخذاهه وردهه عطشانه
راحت گمرة مني وخذت نص الحيل
ردت بالجروح وحيل فحطانة
اتحبني بس مانعهه شوگ العافهه
اتحب وجع ذاك الدفر بلحافهه
الله ينطي امتون للميتله شوگ
وانه ميت بس بعيد اچتافهه
عود ليش المات نترحم عليه؟
انترسة كافور ونچتفله اديه
اكو ناس المات بيهه احساسهه
لازم اقرة الفاتحة بنص راسهه
هلبت من الله ويرد احساس بي
.
.
.
.
#شعراء_وذواقين_الشعر_الشعبي
#سجاد_الغريب
#نور

.
شوغتي من اشتاگ لأمي
وانكساري من اگعد ابصف گبر ابوي
ووحشتي ودگات گلبي اليخفگن
ذني كلهن من اذكرچ يلتقن
.
.
.
.
#شعراء_وذواقين_الشعر_الشعبي
#حسين_المطوري
#نور

• .
لميت كلشي جنح و استغربت من شفت
حضن السما الخالي
تلاكينه و شكد ورد ضل مستحي ابالي
و فزيت و تلفتت بس انا و خيالي
وبردت الدنيا وغصن شابك غصن
والنهر معقولة ما يلتفت للعينها تلالي
معقولة اصبعك بعد ما يفكد هلالي
هو انا صح ما متت بس انت چتالي
يبو عيون الشهل شمضيع وتحسب ؟
تعبني اليحب من يتعب يچلب
( اسحكني ) الترب من تنسحك تنباس
ماصخ شوكها الما تعرك من تحب
واشلع گلبي شلعان الگلب مريود
الشاعر من يضل مرتاح ما يكتب
وكلهم بس انا مدلل بهذا الكون
النهر متروس بس يغار من الحب
ياهو اليوصلك يالجوة ضلعي تبات
انا الليل ونهارة بابكم محرب
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
مغثتك بز وشم دافع عداله فلوس
العذر ما يمسح الينحجي بلون اخضر
الجذر والجنح ما ينجنن صفة براي
لو تثبت بحجيك لو تضل تفتر
رمح ينثلم راسك كبل مردي تصير
بيرغ ما نحطه الكبل بي منحر
باب وعد بدو تغنتب نچيم بيك
تصير حبال خيمة نصلبك تخير
بالفي ما نكعدك لو تصير خيال
رشمه فرس خلصت عيشتك تنجر
تفتر بي الدنيا بفرغته الفنجان
وانت اطباع مغزل من تخف تسكر
ما ينعدل حجيك درب بين كبور
شما ردنا نتسايس تالي تتغير
.
.
.
.
#شعراء_وذواقين_الشعر_الشعبي
#رضا_العبادي
#ابو_تراب

• • .
يا حبيب لو ردت باجر تشيل
ما تصيرش بس نكول احنا ولوا
جنت احشم كل عمامي اعلى الرحيل
وما يهمني الي اجوا والما اجوا
يا حبيب لو جنت انت زعلان
جا زعلت اعلى الهوا لو زعلاك
وما يمر بريتي وهذا المچان
الي گبل ما اشم هوا اشتم هواك
وجفي لكطى لكاك بدروب الزمان
وكيفيت بين ضلعيني ازرعاك
الدنيا مدري شلون فرشتلي الشليل
وفرهديتك يوم عذالي التهوا
وانا جبت الغانمة وانا الدليل
وكورت واهل الهوا ما حصلوا
.
.
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
لاتعتذر مايلتم اليتشضه
بس البشر من يخسر الله يعوضه
والجايات هواي والدنيا بخير
والعاف واحد مثلي يا ول حظه
راجعت نفسك گبل لا ترفضني؟
مافكرت لو رحت شيعوضني؟
حتى القدر وياك مايلعب دور
من يمك تصحيني وتمرضني
والكاتبه الله يصير بس مو وياك
بحچايه عن الكاتبه الله تكضني
وحتى من اريد اتشاهداتعارضني
وتعرفني ماازعل حفظ حافظني
وراجع قرارك بيه لا تتسرع
لوهسة ترجع لو بعد لا ترجع
ماعندي واحد يلعب ورايح راد
بس النفس يدخل بكيفه ويطلع
وهالمرة مو موزين ميت صدگ
والگلب چذاب الگلب ليش يدگ
وعيونك الماشافن اشصار ودار
مابيه رفعة راس خلني مدنگ
مو نقص بس الوكت ماخذني هواي
مو سهلة تبدي من الصفر وتلحگ
مو سهلة هاي سنين لو يوم يهون
چا هية الايد الوحدة گوة تصفگ
.
.
.
.
#شعراء_وذاوقين_الشعر_الشعبي
#حسين_السلطاني
#نور

• • .

من تراب مثلي نعم
بس للجمال اسباب
رب الجمال اعتقد
سواك في محراب
اباب جنة عدن
تين ونخل واعناب
ب قالبك خلة عسل
وشوية ذب تراب

ابسواد العين يسمر ... منته رابي
شعجب گلبك تغير ... من ترى بي؟
انا ما اضن ترابك ... من ترابي
حضنتك والعسل چلب ب ادية
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

• .
وين الله اعلى غفلة وتسكن الريح
وأيس ما اناطر دكته الباب
وانكت ظهري بس يا كاع التشيل
من يطشرن طعنات الاصحاب
افرغ راسي من اضغاث الاحلام
واعوف الكاع ما دام الجنح طاب
لان مغرور وجه الورد ينباس
وشبع من التواضع دوس التراب
اكلهم هالكمر ما يسوى هالصيت
لو ما الليل ما جان اسمه ينجاب
وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب