.
من بعد التجارب والخسارات
عرفتلهه وبعد ما صاحب احد
عرفتلهه وبعد مو ع اليموتون
على العدلين البسه الثوب الاسود
شايف من تضل تنعاد الايام
نفسهه وماكو شي بيهه يتجدد
يجي شچم باچر ومايختلف شي
نفس البارحة بس عمرك ازيد
ساعتهه العمر مستعمل يصير
واحلامك شوية شوية تنهد
صح تنكتب عايش بالسجلات
بس انته مجرد رقم ينعد
مثل الهوى ال بالمگبرة يدور
لاتخنگ ولا يشتمك احد
اكبر مشكلة يواجهه الانسان
اذا ع المشكلة يبدي يتعود
.
.
.
.
#شعراء_وذواقين_الشعر_الشعبي
#احمد_عاشور
#نور

.
كلش خايفة وطاح الندم بيهه
الراحتله جسد يتركهه تاليهه
الذبت روحهه بحضنه يذبهه ارماد
يحفر ساسهه ويدفن معانيهه
گالو ماتجي بس هية راح تعود
تجي تدنگ الراس وحيل مجروحة
الماخذهه يعرف يجرح الميته احساس
وراحت مني بيهه آثار مفضوحة
كتلهه ترى تروحين وتردين
وروحچ بالاشواگ تصير مرجوحة
لاتنطين روحچ باليعزب بيج
رادچ بس جسد مارادتچ روحه
شما هانت جروحچ يختلف ملگاچ
قبل چانت اعثوگچ تنگط املوحة
وهسة اتغيرن گض الاعثوگ ارخاص
المالحته قبل ياهو اليجي يلوحه

ابشركم اجت بس حيل ذبلانة
امتعبهه الخذاهه وردهه عطشانه
راحت گمرة مني وخذت نص الحيل
ردت بالجروح وحيل فحطانة
اتحبني بس مانعهه شوگ العافهه
اتحب وجع ذاك الدفر بلحافهه
الله ينطي امتون للميتله شوگ
وانه ميت بس بعيد اچتافهه
عود ليش المات نترحم عليه؟
انترسة كافور ونچتفله اديه
اكو ناس المات بيهه احساسهه
لازم اقرة الفاتحة بنص راسهه
هلبت من الله ويرد احساس بي
.
.
.
.
#شعراء_وذواقين_الشعر_الشعبي
#سجاد_الغريب
#نور

.
شوغتي من اشتاگ لأمي
وانكساري من اگعد ابصف گبر ابوي
ووحشتي ودگات گلبي اليخفگن
ذني كلهن من اذكرچ يلتقن
.
.
.
.
#شعراء_وذواقين_الشعر_الشعبي
#حسين_المطوري
#نور

.
لاتعتذر مايلتم اليتشضه
بس البشر من يخسر الله يعوضه
والجايات هواي والدنيا بخير
والعاف واحد مثلي يا ول حظه
راجعت نفسك گبل لا ترفضني؟
مافكرت لو رحت شيعوضني؟
حتى القدر وياك مايلعب دور
من يمك تصحيني وتمرضني
والكاتبه الله يصير بس مو وياك
بحچايه عن الكاتبه الله تكضني
وحتى من اريد اتشاهداتعارضني
وتعرفني ماازعل حفظ حافظني
وراجع قرارك بيه لا تتسرع
لوهسة ترجع لو بعد لا ترجع
ماعندي واحد يلعب ورايح راد
بس النفس يدخل بكيفه ويطلع
وهالمرة مو موزين ميت صدگ
والگلب چذاب الگلب ليش يدگ
وعيونك الماشافن اشصار ودار
مابيه رفعة راس خلني مدنگ
مو نقص بس الوكت ماخذني هواي
مو سهلة تبدي من الصفر وتلحگ
مو سهلة هاي سنين لو يوم يهون
چا هية الايد الوحدة گوة تصفگ
.
.
.
.
#شعراء_وذاوقين_الشعر_الشعبي
#حسين_السلطاني
#نور

عمر تبني بسفينه وتنذر الناس
وكلها تصيحلك تاليك مفضوح
تخيل حاله لو مجاي طوفان
بين الناس يمشي بيا وجه نوح؟
انا البانيهم من الساس ياحيف..
نكروا كلشي بس وصلوا للسطوح
.
.
.
.
#شعراء_وذاوقين_الشعر_الشعبي
#حسين_المطوري
#نور

.
ماكو اي شي بروحي ضام
واضحة القطعة الثمينة
يلبسوها هدوم جام
وهية لو بس دمعة تنضم
العبرة ميضمها اللثام
منين ادبر دم والجروح ازدحام
كلشي بفراگك مخيف
خلص دمي اليجري بعروك الخريف
جاي احس بروحي عيسى
وينسأل من يا عمام بديرة مابيهم شريف
مابقى بروحي مجال لأي حلم
كل حروبي اخسرها قابل
من اجل لحظة سلم
كتلها بلاية ما احس گمت انزفج
يل ولا مرة بردتي حرورة اصواب بجريح
يل حرمتيني هواج بعز خنگتي
ومن متت زرتيني ريح
وياج محد درى بقصتي
يالصلبتيني اعلى غفلة
بمگفة عامود المسيح
يا حبيبة الماتحسب ياجرح عفتي بحبيبج
شما اگربج خطوة اشوفج
شايلة بوجهي صليبج
.
.
.
.
#شعراء_وذاوقين_الشعر_الشعبي
#حسين_المطوري
#نور

.
بعد ما اعاتبك تندل عناويني
من امس واصلني كونك موش ناسيني
ظروفك والمسافة اعذار محترگات
شمس شتكلفك الجية لروازيني
لچن بينت من مرسالك بلا شوگ
صلاة متأخرة بس تريد تگضيني
وگلت مالك ثمر
وانه ادري برحي اوياك
وگلتلك عادي في صفصافة خليني
شسويلك بعد بهدومي اجيم النار
من تبرد جنت وتگلي دفيني
.
.
.
.
#شعراء_وذاوقين_الشعر_الشعبي
#حيدر_هواد
#نور

.
اگدر اوصله بس انتو روحوله
وباليعجبكم اشتردون گلوله
واذا يذكر ايامي بوجه لتضحكون
وعلى رجعتنه واهس لا تسووله
گلوله الگبل فارس احلامك چان
شاعر مايدور چلمة مگيوله
واضل لوحدي ولا هوه ثاني يصير
الرهم وي غيري مايگعد علي طوله
التركني احچي ويه روحي
شرايد احچي وياه
البقى بيناتنه بس ذمة مشكولة
تركني بدمعتي امبلل
يزعل عادي مايزعل
انه ادري بحضنه مستعمل
ويريد ارجع واحن واشتاگ معقولة؟
دگلوله الرسايل والصور عشيت بيهه النار
وعلى دخانهن سويت تعلولة

.
.
.
.
#شعراء_وذاوقين_الشعر_الشعبي
#رائد_ابو_فتيان
#نور

.
شغيرك يا حسن ظني؟
مو جنت عايش غصن وبشجرة عاجر
وردة شلتك بالتبني
ليش كل هاي القساوة الگاهه منك؟
يابعد هذا 🫀 وهذني 👀
كون احط گلبي اعله ايدك
واترسك حنية من دگته لوريدك
انته يالچنك صلاتي
شما اشكن بيك اعيدك
انته ما تنراد بس كلش اريدك
.
.
.
.
#شعراء_وذواقين_الشعر_الشعبي
#حسين_المطوري
#نور

.
انه البيك اذكر وانسى بيه
وانه الونيت بعدك ون سبيه
لون حط الله جنه وانسه بيه
هم يضل فراغ الكون بيه


عاف الخان گلبه وزع الحان
واجه وكت المفارك والزعل حان
على المايسوه صوته وزع الحان
وترك نوح امهات الحشد بيه


غشيم وسلمت ايدي بدينه
وعشت حرگة نبي وكفرو بدينه
اتفقنا الفرگة نبديهه بدينه
تك عين اندرت واشتاگ اليه


من يمروني علگم مر حلا انته
ولون اشكال اجوني مرحل انته
أرق من نسمة واصل مرحلة انته
تشهگك عيني ما تحتاج ريه
.
.
.
.
#شعراء_وذواقين_الشعر_الشعبي
#حسين_المطوري
#نور

.
ما اشوفك شلون براسي اخليك
محط بس للنوارس راسي عنوان
جبت عمرك مدنك وانا مهيوب
من ينجاب طاري الهيبة تنهان
اندك بالفطاحل ما اندك بيك
انا براسي المعلمك حاط نيشان
وعيب ترجعه ما متلطخ السيف
يتشمت كرابه ويبقى فشلان
.
.
.
.
#شعراء_وذواقين_الشعر_الشعبي
#نور_اللامي
#ابو_تراب

.
عينك علية واستمع
مرتين نفس البشر يجرحني ما اعذره
فوز وخسارة العمر
ما عدنه اي مشكلة اي واحد نخسره
جان اختياري غلط
كل ضني تسوى التعب والحبك تقدره
ويمشن عكس ماردت
ما وصلني لهدف يختارن العثره
وغلطتنه طيبة گلب
ما توبني المضن وانكرت العشرة
هي الحياة تجربة
يثبت وجودة الوفي والموقف يكبره
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
كلمة انطيتك انساك مارد بگلمتي
بعد ما ارجع وياك ما اكرر غلطتي
نقطة ضعفي العيون حقيقة اتجاوزتها
بالافضل منك هواي عشرتك بدلتها
بعد ماريد تبرير نسيتك وانتهينه
صدر مرسوم الفراك طلعت من ادينه
بعد يا ماضي يا شوك انتهت كلمة وكلتها
خارج حسابات الدمع
شايل گلب ما ينجرع
على الفركة ربيته
ما يستحق هذا التعب
مو گلبي بس گلبك لعب
وهواي اذيته
كلمة انطيتك انساك مارد بكلمتي
.
.
#شعراء_وذواقين_الشعر_الشعبي
#نور_اللامي
#ابو_تراب

.
ما اشوفك شلون براسي اخليك
محط بس للنوارس راسي عنوان
جبت عمرك مدنك وانا مهيوب
من ينجاب طاري الهيبة تنهان
اندك بالفطاحل ما اندك بيك
انا براسي المعلمك حاط نيشان
وعيب ترجعه ما متلطخ السيف
يتشمت كرابه ويبقى فشلان
.
.
.
.
#شعراء_وذواقين_الشعر_الشعبي
#نور_اللامي
#ابو_تراب

.
متغير علية مو الاولي وياي
افك ريجي الرسايل كلها تهديد
عليمن نتعب نربيك وتروح
خسرتك وانتهت مرتين ما اعيد
انطيتك فوك حجمك بالغت بيك
فعل ماضي وبقت ذكرى المواعيد
الشعر مو باب رزقي لخاطرك جان
ذهب جوة ايدي اصوغه شلون ماريد
جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ابد ما حسستك بفرق المواليد
.
.
#شعراء_وذواقين_الشعر_الشعبي
#نور_اللامي
#ابو_تراب

.
شنو بكافور غسلوا گلبك وياي
عساها بخت المدبر المكيدة
ايدك حطها بأيدي نشيع الفراك
اذا صفيت نيتك مو بعيدة
يمتى اسمع هلاهل موت الوداع
العاشك يم حبيبه يكضي عيدة
وبقت لك فرصة وحدة وينتهي الدور
اكو غيرك محب واصل بريدة
اعذروني هالمرة تواضعت حيل
اذا يقبلني اعيش بنص وريدة
.
.
#شعراء_وذواقين_الشعر_الشعبي
#نور_اللامي
#ابو_تراب

جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ما حسستك بفرق المواليد
.
.
#شعراء_وذواقين_الشعر_الشعبي
#نور_اللامي
#ابو_تراب

.
امل عندي برجعتك باقي وشلت بير
بصحراء وعطش وضنوني رحاله
افزع يا نهر ؟ عاشر وشحة ماي
وكع بين الخيم بس نار تبراله
ما ينشبع منك نعي بثالث يوم
الدمع لو ما رحيلك ما اتدناله
.
.
#شعراء_وذواقين_الشعر_الشعبي
#نور_اللامي
#ابو_تراب

.
جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ما حسستك بفرق المواليد
.
.
#شعراء_وذواقين_الشعر_الشعبي
#نور_اللامي
#ابو_تراب

كلمة انطيتك انساك مارد بگلمتي
بعد ما ارجع وياك ما اكرر غلطتي
خاف تكول ما كال بعد ماريدك اني
باجر كل شي ينكال لكيت انسان ثاني
عليمن باقي ويا الما قدر عشرتي
.
.
#شعراء_وذواقين_الشعر_الشعبي
#نور_اللامي
#ابو_تراب