.
لا ياطبيبي اتوهمت
والجرح ماشخصته
من گال انه احتاج الدوه
دخذ الدوه الوصفته
مو هذا جرحي البالجلد
بيه جرح ماشفته
رافگني واربينه سوه
لاعافني ولاعفته
بيه حچي الماينحچي
وبيه بچي الماينبچي
وبيه سوالف من صغر
متعلمه اعله السكته
لا ياطبيبي اتوهمت
والجرح ماشخصته
لا ياطبيبي قصرت
وتگلي كاتبلك عمر
عمريش هوه العشته
حقك تهمك حالتي
ماشايف الي شفته
ضيم وخلافات وقهر
واقرب شخص ضيعته''''
.
.
.
.
#شعراء_وذواقين_الشعر_الشعبي
#كاظم_اسماعيل_الكاطع
#فـطومۿہ

.
وصحت لــ إبعيد
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس
.
.
.
.
#شعراء_وذواقين_الشعر_الشعبي
#كاظم_اسماعيل_الكاطع
#فـطومۿہ