• .
لو غلطة جان تهون لكن كسر عود
كلشي اسمه صحبه وياك من كاعه مردود
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
آنة مـشتاگلك
وأمنيتـي أشكيلك
إغـلط بيـة من ڪل گلبي أعديلك
أتعارك وأعوفك وأرجع بڪل شوگ
بحجة ناسي شي مو مهم وأحچيلك
أي مشتاگلك من يبطي ردك ذاك
و أگول أحرگ الدنيا وتالي أهفيلك
من تنام فجأة و اني أنام بضيم
وأحلف ثار أسوي وما أسويلك
أمنيتي نرد سوة وبصوتي الوليلك
وتعاند ما تنام إلة اني أغنيلك
الفقد ذاكرة حزنه وضحك دمعة وياك
بس لمن يغار يگوم يبچيلك !
.
.
.
.

#شعراء_وذواقين_الشعر_الشعبي
#محمد_الطالقاني
#فـطومۿہ

.
باجر يصير الحزن
مزنه جرح والضمه

باجر يدور الوكت وارجع مثل اولي
ضحكه ع كد السمه

باجر عيون السهر ادعيلهن بالعمه

كلمن يحب وجنتي يلكاني يمه حضن
والماشره ملكتي مايسوه استهضمه

وارجع مثل اولي
ضحكه ع كد السمه
.
.
.
.

#شعراء_وذواقين_الشعر_الشعبي
#هادي_حسين
#فـطومۿہ

.
كلشي ما شفت بحياتي لا مواعيد بحدايق
ولا كرستال الفنادق
ولا كضيت الليل بحضان الركص
طبع ابن فلاح طبعي و عمري كضيته بشكص
من امر بشارع الستين تتحنى البنات
وشارع السادة يهلهل والجوادر تنخبص
.
.
.
.
#شعراء_وذواقين_الشعر_الشعبي
#جبار_محيبس
#ابو_تراب

.
هذوله احنا الكتبنا الملكَه جا ليش
بكصصنا وداع المحبين مكتوب

اذوب بزادمن ؟ حتى الوفا يعيش
واعيش بيا وجه حتى ابقى مرغوب

ماي الوجه راية جيش تنهان
اذا طاحت ذليلة بدكة البوب

وبالمكلوب من كمت امشي معذور
لكيت الدنيا تمشي وياي مكلوب
.
.
.
.


#شعراء_وذواقين_الشعر_الشعبي
#عقيل_العرد
#فـطومۿہ

.
عفت كلشي
وبديت اتذكر اشكلتي ؟
اتذكر حجيتي هواي
غيرك ما يحط حنتي
ولحيتك كافي خلها اطول
اريد ازين ابزفتي
واجت زفتج شفت وياج ليركصون لا صحباني لا اهلي
عفت كلشي
وبديت اتذكر اشكلتي
.
.
.
.

#شعراء_وذواقين_الشعر_الشعبي
#علي_البديري
#فـطومۿہ

• .
شوف اصعب وجة تقراه العيون
لكن بالگلب بس الله يعلم
گلبي كزاز بس تسحكه خسران
اذا هو انكسر انت التصب دم
الحسب عقله يحب صدكني يرتاح
الحسب گلبه يحب صدكني يندم
لذالك انا احب ادم ابو الكل
بس ما احب ابو التفاحة ادم
حسب عقلك يصاحب شوف كلشي
واضربلك مثل عن كلشي وشلون
اكو يحجون من الصبح لليل
وحرام ان جان تفهم شنهو يحجون
واكو ساكت وحلگة مخيط خياط
وحجية شكد حلو بنظرات العيون
من ابزك بالحجي لا تزعل ارجوك
اسمعني وكول شكرا كول ممنون
الابرة من تبز الثوب يا صاح
قصدها تخيط بشگ اليشكون
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
اطالع صورتك بالبيت
ذكرت فراكك وحنيت
اشوف الصورة وابجيلك
واسولفلك واغنيلك
وحق فراكك انذليت
اخلص الليل بالكوة
ويلي فراكك شسوى
ذكرتك وانهدم حيلي
صفكت ايدي وصحت ويلي
اموت اليوم اذا ما اجيت
وحق فراكك انذليت
.
.
.
.
#شعراء_وذواقين_الشعر_الشعبي
#لبيد_هاني
#ابو_تراب

.
لا ياطبيبي اتوهمت
والجرح ماشخصته
من گال انه احتاج الدوه
دخذ الدوه الوصفته
مو هذا جرحي البالجلد
بيه جرح ماشفته
رافگني واربينه سوه
لاعافني ولاعفته
بيه حچي الماينحچي
وبيه بچي الماينبچي
وبيه سوالف من صغر
متعلمه اعله السكته
لا ياطبيبي اتوهمت
والجرح ماشخصته
لا ياطبيبي قصرت
وتگلي كاتبلك عمر
عمريش هوه العشته
حقك تهمك حالتي
ماشايف الي شفته
ضيم وخلافات وقهر
واقرب شخص ضيعته''''
.
.
.
.
#شعراء_وذواقين_الشعر_الشعبي
#كاظم_اسماعيل_الكاطع
#فـطومۿہ

.
مشتاكلك والليل وحشه
ودمعتي التنزل ثكيله
وصوتها من اطيح عالي
وحتى محد يدري بيها
اركض اتلكاها بيدي
لمن تمر عله بالي
.
.
.
.
#شعراء_وذواقين_الشعر_الشعبي
#إيهاب_المالكي
#فـطومۿہ

.
ادك بابك عليمن باب وبسرداب
ليش ارجه الهلا ودري بكفاك كبور
طحت مره وجيتك الهث وفحطان
ماشلتك صدك موخبث لامجبور
لو اثلم صفاحك لو تضل مطروح
بشر ماتنطي لزمه چن رماد بخور
.
.
.
.
#شعراء_وذواقين_الشعر_الشعبي
#سعد_شميل
#فـطومۿہ

عليك وبس
من أغتاظ
أغمْض عيوني بدموعي
وزاعل غبشة عيونك
عليك وبس
من أزعل
أكَلك من صدك رايح
وآصيحن وينك ؟ آلزمني
وآذب راسي على متونك
شكَد آبيض زعل كَلبي عليك
آشكَد ترف غيظي
شكثر محظوظ ، خيعونك
.
.
.
.


#شعراء_وذواقين_الشعر_الشعبي
#عبد_الكريم_القصاب
#فـطومۿہ

مَزاجي و ما احس بالدنيا تفهمني
ما ادري الخلل بالناس لو مني
مرات احب كلش انعزل و ابعد
و مرات اجتماعي و ما ارد احد
مَرة الگاني ساكت، مَرة احچي هواي
نوبه اكره اليمي و نوبه احب الجاي
اتعب رغم اعرف ماكو شي بيّه
عايش وَي خيالي و بين الأغنيّه
و لأن ما رايد الناس اتعرف حزني
- عفت بس الأغاني يعبرن عَني ..

.
.
.
.
#شعراء_وذواقين_الشعر_الشعبي
#احمد_ابراهيم
#فـطومۿہ

.
باجر عيد..
باجر دموع الحزن تندل دربها
باجر من اشتاگلك ياديره اطبها
الليله اكلب بالرسايل
بلكي منك عيدك مبارك واحبها
الليله اعايد ذكرياتك وحده وحده
واطفه سكته
شلي بالعيد وضحكته..؟
شلي بالناس التعايد..ماكو انتَ؟
.
.
.
.
#شعراء_وذواقين_الشعر_الشعبي
#فواز_رشم
#فـطومۿہ

.
يا عيد باجر تجي تلگانة نضحك جذب
وگلوبنة محملة ضيم وجفة وعازة
ميلوك النة الفرح هم شايف انتَ
ضحك لاگ اعلة جنازة
.
.
.
.
#شعراء_وذواقين_الشعر_الشعبي
#حكيم_الفريجي
#فـطومۿہ

.
هذا العيد احير شلون اعايد
انا فاكد هواي احباب فاكد
بيش تفيد الايامك سعيدة
للمحبوبته عنه بعيدة
ويومية نقص من عدنا واحد
هذاك العيد جانت كلها يمي
حبيبي و صاحبي وجيراني وامي
هسة لوحدي يا وحشة العيد
احسن كلشي اريد وكلشي ماريد
انا زعلان من الزاعلوني
لا اروحلهم ولا هم يجوني
هم معاندين واني اعاند
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

• .
زعلان منه لخاطره ولخاطرة ما سامحت
مر اعلى بالي ودنكت لا اشرتله ولا صحت
زعلان منه ومن نمت
من الشوك ميت صبحت
عيونه واحلامه وصفنته ولهفته ودن علية وما رحت
ووصيت روحي اياج تنطي وجه لمن يجي
ان صالحج ما صالحج
اعصابي سواهن حبل
ويتمرجح بواهس طفل
وما جنت اخلي بخاطرة وما كتله ياما تمرجحت
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

• .
شكد جان بعيونك هلا لمن جنت ماعرفك
ومو ايدي احس جنحان الي لمن كعدت بصفك
وديتني لكل التفاصيل اليحبها الحالم
وفزيت لنك واحد يجذب علية ويكلي ضرفي وضرفك
اه يالعيونك والي جروحك وسعه
هدني ارد اذب روحي اعلى اقرب دمعه
طلعت صوتي يا الجنت حجي العيون تسمعه
صح جنت للجية وطن
بس البجن يتعلمن
وخليها بأذنك للزمن
مو كلشي بالروحه انكسر يتصلح وي الرجعه
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

• .
سنة ما شايفك بس انت موجود
لهسة اشتم عطر من شوفة العام
ما تاجرت بأسمك بس تعاطيت
بيني وبين روحي وهجرك اعدام
شفتك بالحلم فزيت مرعوب
ما لحكت اشوفك مسرع اجدام
نذر لو ملتفتلي جا تحنيت
من اطراف جدمي لشعرة الهام
ملثم من تمر ما اعرفك تريد
اعرفك لو تحط اعلى اسمك ألثام
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
ها يا عيد اكشخ بيش واني مفارك معدل
شما البس واجيب هدوم احس رويحتي مبهذل
حلات العيد يم اعزاز واني اعزازي دافنهم
واني ادري الصور متفيد مابيها عطر منهم
اريد اغبش واشم كبور واول ناس اعايدهم
واكلهم بلكت يرجعون والله البيت رايدهم
جنت كل عام واني بخير ، هسة الخير شيعتة
حريمة الجان غالي هواي ، جوة الكاع ضيعتة
ليش ينام جوة تراب ، ذاك اليكشخ هواية
وليش يروح بس الزين ، والما يخلف أحجاية
يربي الموت حق معروف، بس يوجعنة فرگاهم
حاولنة سنة وسنتين، بس ما جاي ننساهم
اذا ما بيهم يرجعون، خلي نروح وياهم
بلكي نروح وياهم
.
.
.
.
#شعراء_وذواقين_الشعر_الشعبي
#حيدر_الشكري
#فـطومۿہ