.
عني كالوا بعد ما يكتب جديد
وغادر سروج الشعر وسيوفه
ما دروني من اترك العباس اموت
غصن شعري يورد اعلى جروفه
هيج مرات الهوا يحني الشراع
وهامته ترد للسما ملهوفه
وعلي من اكتب ع الكمر كل صورة اشوف
جن عروس وللكمر مزفوفه
وكون دمي ينكت الشريان حيل
ومو اسمعه كون نبضي تشوفه
هذا ابو فاضل ترسها الدنيا شوف
الشوف ما خلت عليه طفوفه
الف عام افعالك محيرة الرجال
التنعرف والبعد ما معروفه
عفية زلمة شجم قرن ما عندة ادين
لهسة ما تقبل الراية تعوفه
جان واكف وحدة ويطوفه جيش
هسة لا صارت جيوش تطوفه
.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
كلشي تكدر
تخلي بين خيامك يجري الفرات
كلشي تكدر
تبوس عبدالله وترجعله الحياة
انت رايدها ومتت
بس معاجز ما ردت
كلشي تكدر
تكدر تخلي الشمس تنزل ب أيدك
وانت ابن حيدر اذن سهلة عليك
تقرأ سورة يوسف الغايب يجيك
ذني يا عباس والعباس بيك
ما ابالغ
انت اكبر من جرح جف وسهم
ما ابالغ
تكدر تمطر السما وتطفي الخيم
بالطفوف تمكنت
بس معاجز ما ردت
كلشي تكدر ........
.
.
.
.
#شعراء_وذواقين_الشعر_الشعبي
#سيف_الجناحي
#ابو_تراب

.
صدك من صعدوك اعلى الرماح الريح
لديار العليلة وصلت عطرك
وصدك من خذوا زينب درت وجهك حيل
بس الشايلك كض راسك وفرك
وصدك للسوك من طبن العلويات
رمح الشال راس الكافل تحرك
هاي الاسئلة مو للشعر مولاي
من باب البچي وتعرفني اتصورك
احبك مو طمع بالجنة لا والله
شسوي بجنة ما مبيها مثل گبرك
الله يعين گلبك يا ابو عبدالله
عندي جم سؤال وياك ما أخرك
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

.
خطوة بأثر خطوة لگبتك ماشين
بينا جروح كثرة وحيل مهضومين
يا مكصد وحقك كصى ويانا الحيف
حد ناب الضرر وتبشروا العفنين
نغفى اعلى الجروح مهددين الحيل
ونصيح بعبرة قهر مخنوگين
لا نجلة التوجنا ولا يجي الطوفان
يا العش ما عليها ولا وكتنا يلين
دنيا الطلكتها بزهدك وعلياك
شدت حيلها ترد ثارها بقاطين
.
.
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
اتعبتني يا قلب في دينا هواك
تيهآ ولا ادري متى تلقى مناك ؟
مالي اذا حاولت ان ادنو لربي
ابعتني عنه كأني من عداك
تشتاق لروحي للسما شوق المساكين
احتاج ان اسمو كما احتاج للعين
لكن قلبي كلما اهفو يمنيني
.
.
.
.
#شعراء_وذواقين_الشعر_الشعبي
#عبدالله_القرمزي
#ابو_تراب

.
سؤال وينطرح جاوب يا دهري
ابو فاضل بشر ؟ لو نهر يجري !
العطاشى تصيح نريد الماي
ويجي العباس عذب روآي
اطرح سؤالي
واترك خيالي
يدور الجواب
مثل العطاشى
صبري تلاشى
واحساسي ذاب
ليش الطفل وكت الضمأ تحجيله امه
وتكله عباس اعتنى وتذكرله اسمه
هو بشر لو لا نهر وجروفه رسمه
العطاشى بكربلاء كلها تريده
وعطشهم ينتهي لو لزموا أيده
على هذا الحال صفنت هواي
يجي العباس عذب روآي
.
.
.
.
#شعراء_وذواقين_الشعر_الشعبي
كلمات : #وسام_الشويلي
#ابو_تراب

.
يا جابر شوصف الحالة !
زينب تدعي كون الله يعثر الجيش
عدا شيال راس حسين
خاف يطيح من يطيح شيالة
.
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
لا تحيرني بجفاك
تكوم لو اموتن وراك
امده الموت الخذاك وما خذاني
مدري اسكت مدري انوح ؟
كمت اجي يمك واروح
منين اجيبن للخيم عباس ثاني !
تكعد لو سوة نموت لو احتار وحدي
هو انا يا عباس جم عباس عندي ؟
.
.
.
.
#شعراء_وذواقين_الشعر_الشعبي
كلمات : #محمد_الموسوي
#ابو_تراب

.
من شافوا العباس لابس درع
روج الادرنالين بيهم جرة
ركزوا للتأكيد شافوا صدك
ظهر المطهم شايل الأخرة
ساعتها مو بس بقوا او ما بقوا
الخطوة صارت على النهر تنشرة
من تراجعوا غيروا لون النهر
العلكمي تشوف انجفت محبرة
سيف ابو فاضل جان من يرتفع
لحظة صعدته الشمس ترجع ورة
يهجمون بس يرجع عددهم خبر
يشاهد وموثوق من مصدرة
يرحولة جيش اطول من الحقد
يرجعون ينقاسون بالمسطرة
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
طلب من الله ابو فاضل بالصلاة
ربي تأمرلي ملك ينزل الي
اني عديت المخطط للهجوم
وارد اودي للسما يقرأ علي
أولا :
راح افيي اعلى الخيم مثل الغمام
وراح اعجج كل تراب الطف حمام
راح اشيل ايدي واسلم على الخيام
كون أوشل ايدي وراها من السلام

ثانيآ :
بروح كل عطشان راح امطر برد
نسوا طعم الماي اليحلمون ارد
اطفال تعطش تذبل الموت يحصد
للسما من الطف شفت يصعد ورد

ثالثآ :
غايتي اثبت مستحيل المستحيل
وارد اشيل من الحرب حمل الثجيل
ارد اعالج فكرة الكم القليل
واوكف بطولي واخلي الطف يميل
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
خايف على دموعك خايب ابجيهن
التجارة وي الحسين فلوسهن بيهن
التراجي بيتنا ينضمن بعاشور
امي تكول زحمة اخذوا تراجيهن
.
.
.
.
#شعراء_وذواقين_الشعر_الشعبي
#رضا_العبادي
#ابو_تراب

.
انا الحجة يا جد
اجيت اعلى الوعد
كلامي
على ذاك الضعن
نزوحة من الوطن
سلامي
بني عمر العلئ
خذتهم كربلاء
عمامي
نسلب كلشي الك
قريت بمقتلك
اسامي
وهب الك وهب
زهير ومسلم الذهب
يمن تحسبهم انت شلون ولدك
زلم صدك زلم
حبيب وعابس ونعم
وكع وانت حضنته جروح عندك
.
.
.
.
#شعراء_وذواقين_الشعر_الشعبي
كلمات : #حمزة_السماوي
#ابو_تراب

.
راح الطوله ب أرض الطف ... علم چان
وفزع عباس لو عنده ... علم جان
احتارت زينب تدور ... على مجان
الخيم محتركه وين تحط رقية
.
.
.
.
#شعراء_وذواقين_الشعر_الشعبي
كلمات : #حسين_الفيصلي
#ابو_تراب

.
حسين هذا الجيش مو من مستواي
كلهم تبوشوا من شافوني جاي
شفت بس نسوان تركض كمت اصيح
طاب بسوك العبي لو حرب هاي ؟
كبالي خيرهم لبس بركع عروس
غيرتي تفرع ويعرض مستحاي
ركضتهم وصلتهم مدري وين ؟
جني ست ايام عفت الطف وراي !
كمت اطش روس بثواب ام البنين
امشي واسمع حرمله يصيح بكفاي
يا شمر فتحوا التطوع من جديد
جيشنا شوية وابو فاضل هواي !!!
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب
_

.
وصلوا بها للقصر فهي أميرة
دخلت الى قصر الطغاه مبجله
اذ كان طاغي العصر يفخر ضاحكآ
ويضنها مكسورة ومولوله
شهره سيوف كلامها في وجهه
وقفت بكل شجاعته لتجادله
بطشت به والقصر مال بعرشه
في خطبة لكنها كالزلزله
قد حاول استفزاز بعض دموعها
لقتيلها واختار بعض الاسئله
قولي وكيف رأيتي ذبح كبيركم
قالت جميلآ قولها ما اجمله
فالاصبع المقطوع صار علامة
حتى يدل لثورته متكامله
.
.
.
.
#شعراء_وذواقين_الشعر_الشعبي
#محمد_الفاطمي
#ابو_تراب

.
احبك يا ابو فاضل موقف وروح
احب بيك الجروح الترفض تهيد
احب ايدك بلحظة شمرت الماي
واحس لوحات صبرك بيها تجريد
احب وكفة ضميرك والسهم جاي
احب هذا التزامك بالمواعيد
عشت كل عمري اشوفك ع النهر شاب
هو انتة ابو فاضل يا مواليد ؟؟
اشوفك ع النهر بس انتة عطشان
رمضان امنياتك والنهر عيد
يالمطلع قيم من فكرة الماي
كأنك بالمواقف كاعد تصيد
من الماي استشفينا الوفة البيك
ومن عندك عرفنا الماي شيفيد
على حافر جوادك يصعد الروج
يتشلبه ل جربتك مدري شيريد
وتمد ايدك عطف لكن عطش لا
لا انتة ابو فاضل ابن اجاويد
شجرى اعلى المشرعة وهلكد ترهيت
وتمشيت بيها بدون تقييد
احب ثنية ركبتك وانتة على الماي
من كلك اشربني وكتلة ماريد
.
.
.
.

#شعراء_وذواقين_الشعر_الشعبي
#ايهاب_المالكي
#ابو_تراب

.
يا ابو عبدالله ننساك محال
الا يتبرأ لحمنه من العظم
وعلى اللطم يا حسينه نعلم الجهال
اخاف مرة صدورنا تمل اللطم
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شفته العلكمي بس كتله دون حسين
تعمى عيون مايك كون يحلالي
انا شفتك بضلي وردت اشربك ماي
وتراويتلي انت بصورة خيالي
جنت على المشرعة ما لايذ بسد سيف
انا الآمر الناهي وكلشي يجرالي
عدهم فكرة فوك الكنطرة شسويت
طشارت ركبهم مالهن والي
من التالي ابد ما صاحوا العباس
چي يدروني ابرز اول وتالي
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
نقلوا سالفة من كبر طالع ضي
هنيئا كالوا الميت مقدم شي ؟
ومن سألوا لكوا هذا البشر مسكين
زلمة بريف كاعد جان عربي الزي
بس لمن يزورك رغم ما معتاز
لطيور الضريح يجيب حنطة شوي
زين الواسه زينب هذا كبره شلون ؟
يمكن لو نخاك ترده سالم حي
علي ما ندري شنكلك
حيرة ومدري شنكلك
اسمك بالاذان نفكدة وحشة تصير
الله يعين زينب فكدتك كلك
.
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
انا الكبل الصباح الخير يتعنى
من دكيت رجلي العلكمي ادنى
السطرته اعلى النهر كام البصفى يصيح
اول مرة اشوفن وجه بي حنه
بقلق مشيتهم مشيت بلم مزروف
كل شوية يترخص كتر منه
وعلي جدام المطهم ثكلت من البوس
من كد ما شواربهم اترجنه
اليتقرب علية بجفي اذا اطكه
قفص صدرة اكسره من ورى الدركه
يكون الطف سجن بي باب يتسركه
جا لبدوا كل عشرة بخوذة
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب
_