.
احنا معدان ولمن نعشك نموت
يطك بينا خبال مالت سادة
خلي نلزم خصرك بوكت الشباب
ومن نشيب نلزم السجادة
ركبتك مو للكلايد لا حرام
عدنا شفه تصير خوش كلادة
احنا اجينه بحضرتك ندعي ونتوب
شو رجعنا ويانا تمشي ذنوبنه
هي شامة ويندل الله يحطها وين
بالمكان البي يعذب گلوبنه
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
.
ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
بهواك اعصرني مني تطيح سعفات
حقي اشتاقلك لان روحي خضرة
سهم يركص بضلعي بيدي جف مي
جهنم بية تلحك وانت صحرة
اعرفك زين عفت الماي بالايد
وجه ما منطي الية انوب كطرة
تجي بشمره كبر شمره سما تروح
واضل ب اثنينهن مخنوك عبرة
تدري بجفني ليش مركص الليل
واذا نعس اكض ظهره واكسرة
حالف بالنجم ما مرة انساك
اذا اكرهك احس كاتلي كمرة
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
ساعة انت اعلى بالي والعمر ساعة
وبجة قبطان روحي ورادك شراعة
يسألوني اعلى جرحك بس شجاوبهم
طلع طلعة سهام الحرب من مكفاي ما حسيت بوداعة
وتبچي ذراعي اذا كالوا حبيبك لزموا ذراعة
اسمر تحرك بگلبي والابيض تعشك اطباعة
النار وي الجذع تحرك گلبنه النار
و بيت الكطن من تمشي طماعة
.
.
.
.
#شعراء_وذاوقين_الشعر_الشعبي
#علي_طالب
#ابو_تراب

.
في ذرى الاطواد صمت شامل
وسكون غشي الكون الفسيح
كل شئ مستريحآ هادئ
وقريبآ انت ايضا تستريح
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
ما مجبور احب انسان
هو بعمره ما حبني
وما مجبور اضل اشتاك
كلما لحظة فاركني
ليش انا افكر بي
وهو بية ما فكر
وكلما حاولت انساه
اعرف روحي ما اكدر
وادورله عذر ضليت
واكل لروحي يتندم
اليسحك على الورد معذور
اذا ما يدري بي ينشم
.
.
.
.
#شعراء_وذاوقين_الشعر_الشعبي
#جبار_المياحي
#ابو_تراب

.
دليني عليك سنين تايه بيك
وامشي وياي ادورك خاطر اندلك
عرفني علشخصك رايد احجي وياك
بس كلمه وبعد ماغيرها نكلك
وحده من الثنين وحده راح اختار
لو كلك احبك لو احب كلك

#جبار_رشيد

دليني اعلى گلشي البيج ما ضكته
مو فترة ولا كضيان حاجة وياج
والعباس احبج حب ابو ل بنته

#مالك_السلطاني


دليني الهوا من تروح وين الكاه
بدونك نفسي ضيك و الارض خنكة


#ايهاب_المالكي
.
.
.
.
#شعراء_وذواقين_الشعر_الشعبي
#ابو_تراب

.
الفوكك مو شرط سيطر لان فوك
عمر الفوك لو ما الحدر ما كان
بقت على الكاع بس تخوف النار
وصعد ليفوك بس فارغ الدخان
الجذر ضحى ودفن روحه جوه الكاع
حتى ترتفع ليفوك الاغصان
لا يا رأس لا تحتقر رجليك
لان لوحدك متصير انسان
شلون تكول ما محتاج واحد ؟
من تموت هم تحتاج دفان
بلا بستان متصير انت فلاح
واذا ماكو فلح متصير بستان
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
اول مرة احس بروحي خسران
قبل ما ماره علية الخساير
شنو ذنبي واكضي الليل سهران
ومكابل صورك والجكاير
واذا بيك حلمت تحسبني حلمان ؟
حلم كاروك ويمر عين عاجر
هي الغاثتني وحيل زعلان
تضحك وانا دمي عليك فاير
ومن اضحك تكول الناس بطران
ومن ابچي بزمانه تكول حاير
حيره وما يحلها الا دفان
وكبر كون اعلى عرفك بالمكابر
وتمر انت اعلى گبري وتقرأ فلان
مات وضلت بنفسة الضفاير
.
.
.
.
#شعراء_وذواقين_الشعر_الشعبي
#حسين_الحبتري
#ابو_تراب

.
لون لوحتك وردي الحياة ألوان
خلص عمرك لوحتك ملت الداكن
ولا ترسم جبل ارسم نهر بي روح
وارسم ريح بلكي تحرك الساكن
بلكي من النهر يطفح ركاد الغيض
ويطك زود ويهدم سدة ال لكن
وعلك على الوجه ضحكة وأمل بالروح
بزواية العين كافي شجم حزن راكن
وفك باب القفص خلي الاحلام تطير
وانت من الطفولة شجم حلم ساجن
ووخرها الستارة الشمس خل تفوت
ولا تخلي الجروح تبين الباطن
كلها تموت صفرة الموت هم بي لون
عاجبني الكطن للموت ميهادن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
بعد ما اريدكم تحجون بية
هواي تكبرت كلتوا علية
خلصت وانتهت بس بحرامات
الخمس سنين ضاعت من أدية
المغرب ناس تدعي وتلتقي بناس
وانا اتخبل من المغربية
حتى الطير من يهاجر يموت
انا تهاجرت جا مو خطية
حتى الماي من يمتد على الكاع
ينشف والجرف ينعكس فية
نزلت وياكم لحد ما تريدون
وياكم ما مدور منصبية
موش انطيتكم ماي ال بالعيون
طحت جا ليش ما صرتوا تچية ؟
الفقر مو عيب من يكضلك الباب
بس عيب اعلى صاحب ينطي بية
.
.
.
.
#شعراء_وذاوقين_الشعر_الشعبي
#علي_الجنوبي
#ابو_تراب

.
شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
الليله اموت
الليله اخر ليله
الغيم مد ايده اعله راسي
والمطر شد حيله
الليله گطرات العمر
ناكوط حب سهران
يمه ادخيلچ
اترجاچ
ضميني بسواد الشيله
الليله ليله
هد عليه الليل بخيول الظلام
منين اجيبن حيل ويرد خيله
حيرتني اضنوني موتي
اوف نعشي اشلون اوصله الباب اهلنه
ومن يگابلني عيله ونشيله
الليله اموت
الليله گلبي ينام دافي
وتندفن وياه حرارة چيله

.
.
.
.
#شعراء_وذاوقين_الشعر_الشعبي

#الكاطع
#ابو_تراب

.
الله يسامحك ادعيلك بهاي
وعليك من الندم ما ضل اصابيع
شريتك وكت محد جان شاريك
وبعتني برخص وكت المحد يبيع
يطيبن ها تكلي يطيبن شلون ؟
شنو ابالك بعد هم ضل مشاريع ؟
شتداوي وبية انا جروحك درابين
اذا ينزل دواك بينها يضيع
من الباب اجيتك جنت شاريك
وعاف هواي گلبي وگلبك اختار
صار سنين احبك مو عشك يوم
حتى انساك سكته ووجهي يندار
الك بالروح حسرة تكطع الروح
والك جرحي اعلى طولي من البعد صار
انا بنار هجرك مشتعل ماي !
ماي ومشتعل بيش انطفي بنار ؟
.
.
.
.
#شعراء_وذاوقين_الشعر_الشعبي
#احمد_هندي
#ابو_تراب

.
لا تحرك خيم حامي الخيم موجود
ما يقبل بحرك خيام عايلته
لازم يرجع ومو شرط جايب ماي
يرجعلي واعرفه وما يعوف اخته
اذا رد للخيم يصعد وفر بالنار
جن مشهد نزوله السحب عايدته
وكع لا جذبت عباس عود يطيح !
جا زود البروحي منين جايبته
اكو سبب اخرة بس مو موت
هذا اياب روحي وعدل شايفته
انا متعاهدة ومتحالفه انا ويا
متفقين اموت وما مفاركته
.
.
.
.
عظم الله اجورنا واجوركم بمصيبه الحسين وما جرا على الحسين وعلى اهل بيته
#شعراء_وذاوقين_الشعر_الشعبي
#ايهاب_المالكي
#ابو_تراب

.
هذا شاهدك يا حسين موجود
بقى مجدك ومجد اعداك زايل
المن كاصدينك هالملايين ؟
والمن فارشة الكاع العوايل ؟
نور بحضرتك يطلع بالغروب
شمس وانطت ظهرها للسنابل
من طاحت الراية من ايد عباس
بحضرته اليوم تنشال بهلاهل
راسك من تعلى فوك الرماح
ضل راس الزمن لليوم نازل
كل احنه اشتركنه بيوم عاشور
مو بس الشمر يا حسين قاتل
زنجيل الاثم ملفوف على الكاع
اشتركنه بدمك افراد وقبايل
صلينه ورى مسلم صلاتين
والباقين ضلوا بالمنازل
واذا جتك رسايل منا يا حسين
بعد يا حسين لا تصدك الرسايل !
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
لا ادري من الذي يدعونه سر الحياة
لا ادري انا الفرات ام ترى انت الفرات
يا سيد الماء الذي يجري
النهر هل يروى من النهر
لا ادري
يوم العطش وكت الظهر
شفتك نهر صاعد مهر
يالجنك الماي
وجروفي حقها تشتبه
اثنيناتنه نفس الوجه
نتشابه هواي
خذني اسيرآ سيدي وارجائي للخيام
لزينبآ وصبرها عليهما السلام
يا ماء وجه كربلاء قد امطرت سهام
خوفي على النحر الذي لم يبلغ الفطام
خذ عمري في قربه مرسومة فوق السحاب
خذ عمري واجعله لو ثانية عند الرباب
اني انا المحتاج ذو الفقري
النهر هل يروى من النهر
لا ادري
.
.
.
.
#شعراء_وذاوقين_الشعر_الشعبي
#كرار_حسين_الكربلائي
#ابو_تراب

.
باست ظهر ابوها بداخلة العباس
زينب عالمة دروب السما شبيها
اعلى ظهرة تحط اذنها وتبتسم مرات
عباس بكفاه مدري شيحاجيها
الجربة تحب علي تفتر وراه بالبيت
تشم ريحة بكفاه لجتاف راعيها
علي يدخن كفاه لو ينطي زينب ماي
اكو زلمة وراه كال انى الانطيها
الله وياك خوية بظهر ابوها تصيح
اريد جتافة ترجع شخط ما بيها
علي بظهرك علي مودع ترد منصور
علي هد بكفاك الزلم تكضيها
بظهرة وصاح زينب كلي للزهراء
عد عباس شغلة يكول تكضيها
ترضى اخطب ل ابوي ام البنين يكول
ترى امي تحب علي وتستحي تحاجيها .
.
.
.
#شعراء_وذواقين_الشعر_الشعبي
#علاء_العيساوي
#ابو_تراب

.
وين اتجه يا عباس ؟ حيرني دهري
واتشمتت بية الناس وانكسر ضهري
وشلون افكدك خوية ؟ شلون افكدك
من طاح الكمر وانكطعن الجفين
وسهم القدر صابه وسلب ضي العين
بهالحال اعتناله للشريعة حسين
يصيح بصوت وينك يا عضيدي وين ؟
مسني الهضم وتعنيت يا خوية يمك
متنثر اعلى التربان وشلون ألمك ؟
هذا انا عندك خوية هذا انا عندك
.
.
.
.
#شعراء_وذواقين_الشعر_الشعبي
كلمات : الاستاذ #جابر_الكاظمي
#ابو_تراب

.
بحرگه توادع العباس وي حسين
موادع غالي راح يفارك الغالي
صبروا ما بچوا بس قبل ما يمشون
واحد حس بالأخر دمعة تلالي
الهوة بيناتهم ما طب وكف عن لا !!
يتطاير دمعهم بالهوة العالي
وبچى حسين وفتح ذرعانة للعباس
گله بغيرك انا تخيلت حالي
انا عطشان صح بس ما شغلني الماي
لكن لو تركتك ينشغل بالي
كل الطف وين ألتفت وانساك ؟؟
انا الصامت عيوني وضايع هلالي
ما اهتم اذا رديته خالي الجود
حاجيني ب جوادك من يرد خالي
اخذ من عندي چف وچف الي تخلي
من عندك الية وذكرى يبقالي
.
.
.
.

#شعراء_وذواقين_الشعر_الشعبي
#ايهاب_المالكي
#ابو_تراب

.
نويت ان ازور مدينة النحور
نيابة عن سيدي المهدي
خزانة السماء
بقلبه العزاء
ل ارض كربلاء نويت ان ازور
قد توضيت بدمعي قاصدآ قبر الغريب
في ركاب العشك احدو صوب شمس لا تغيب
حاملآ جرحي بكفي صوت انفاسي نحيب
ناذرآ خطوات دربي للحبيب ابن الحبيب
سيدي مهدينا القاك اين ؟
فوق تل الغوث ام عند الحسين
حان فرض الملتقى بيني وبين
جرحك الباقي وابكى كل عين
يا قبلة الغرام
يا جوهر الكلام
ذي احرفي خجلآ من السرد
كقلبك الكسير
بحسرة اسير
ل ارض كربلاء نويت ان ازور
.
.
.
.
#شعراء_وذواقين_الشعر_الشعبي
كلمات الموفق : #سيف_الجناحي
#ابو_تراب