.
وهنه منين ما اكلبهن كبار
عيونك والجروح وذيج الاسرار
غشيم اليحسب فراك المسافات
وجه بوجه جنه وگلبك اندار
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

#عيسى_السوداني بـ 2019 كتب :

اريد اشرب جكارة واختنك بيها
واريد افتح جروحي وانفض البيها

رجع ب 2021 كتب :

خْلصت هالجكارة وانتهى الدخان
وانا ما حاس بيها ولا خلص فكري

عبالي اختنك من اخذ نَفسها اليوم
كملت الجكارة وانا ما ادري

#شعراء_وذواقين_الشعر_الشعبي
#zuse

لان مغرور وجه الورد ينباس
وشبع من التواضع دوس التراب
اكلهم هالكمر ما يسوى هالصيت
لو ما الليل ما جان اسمه ينجاب
وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
#شعراء_وذواقين_الشعر_الشعبي
#ميثم_فالح
#ابو_تراب

.
صح مادري منين ابدي بس راح ابدي
محد يخاف من الحياة بكدي
حاولت اوضح للبشر بس ما فاد
محد فهم بس الله يفهم قصدي

وهذا المرض لا شايفه ولا اعرفه
خنكه وصدع وذكريات و رجفه
والله اختنك والخنكه توصل للموت
بس محد يوديني للمستشفى
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
حرموك مني شعجب شنهي انت قابل خمر
تهديد دزينا الك موتنا كافي الصبر
نص ساعة اذا ما تجي ما عدنا شي ننتظر
عدنا احنا غيرك فرح بسمه اعلى شفة طفل
يا كعدة واخر عشك
يا نوم وگت الارق
بوسة توزع جنت لاي طفل واكف عدل
وانا اسفط كمت وبحجة اركد ولك صرت انا ثالث طفل
.
.
#شعراء_وذواقين_الشعر_الشعبي
#يوسف_الدراجي
#ابو_تراب

شفتك ما عرفتك لهفتك وين ؟
طبعك هذا ؟ شو متغير هواي
عطرك هذا شو ما فزز الروح
گلبك هذا شو ما هزه ملكاي
ضحكتك هاي شو بيها تجاعيد
صوتك هذا شو مابي شجى الناي
خطوتك هاي ما عرفتها الدروب
وجهك وجه رايح مو وجه جاي
.
.
#شعراء_وذواقين_الشعر_الشعبي
#ستار_الدليمي
#ابو_تراب

مَحبوبتك خطابه اجَوهه ،
وامَها وابَوها ضايكوها ،
طبولها وتصَرخ لكوها ،
تأخرت عَنها وعيروهَا ،
ينرَاد فوك كلوبنه كلوبَ ،
هم يَله تحَمل ضيم الغروب ،
عمَري كضه وضليت مَطلوب،
ينراد حَيل وحيلي متعَوب ،
البارحَه ميت لكوني ،
ولو ما صَوركم جفنوني ،
من البجي نبحَت عيوني ،
يحسَدوني تعله جيوبي مَرات ،
ما دروا تارسهن علاجات .

#شعراء_وذواقين_الشعر_الشعبي
#منقول
#zuse

تگعد يمهم ويحچون بالمعروف والعفة
گمت من يمهم وگصوك موس تصير كل
شفة
مدري شمالها الوادم الصدگ بگلوبها توفى
شحيحة راي وادمنة
وادم عطشت الجوري وتودي الماي للحلفة

#شعراء_وذواقين_الشعر_الشعبي
#مرتضى_حرب
#zuse

يعجبني الجرح لو لاكه شمات
يضم روحه بحيث يبين ألتم
وتعجبني السيوف بجف الاسباع
يحمرها الخجل لو ما لكت دم
اذا انت شفت لا تكول ما اشوف
تحجي العين اذا لسانك تلعثم
شوف الفلح من تموت الورود
بغير ورود هي تروح تشتم
بس شوف الورد لو مات فلاح
من تشمه تلكى بعطرة مأتم
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
بعدت طيوف حبك من الاطياف
وشلت لمسات شعرك من الجفوف
شضمن بيك سري ؟ وانت شفاف
وشجلب بيك وانت الرايد تعوف
ابد ميصير تين الاصلة صفصاف
وجذب ماي النهر ميجازي الجروف
مو صعبة اذا بستان ينحاف
بس صعبة الينطره وهو اليحوف
.
.
#شعراء_وذواقين_الشعر_الشعبي
#سمير_صبيح
#ابو_تراب

.
افهميني انا العطشان الج موت
دفهميني ولو مرة شتخسرين
طفل گلبي اجى وما شايل فلوس
وانتي منين ما اباوع دكاكين
.
.
#شعراء_وذواقين_الشعر_الشعبي
#جبار_رشيد
#ابو_تراب

.
خيالك من يعوفك كله تسلم
الغفى بصفك امس من جنت تحلم
توكف تنعبر تعبر يضيعوك
متاهه الدرب بين الموت والدم
تتمسك برأيك بس الوداع
دنيا تعيشيها تخليك تفهم
القرار التاخذه بوكت الزعل ريح
الكبالك تطشره وتلزم الهم
التراجع عن قرارك يحجب الريح
يطشرك والكبالك يبقى ملتم
تناقض بس تشابه بالنهايات
تندم هسه ؟ لو بعدين تندم
.
.
#شعراء_وذواقين_الشعر_الشعبي
#محمد_الشمري
#ابو_تراب

.
مو ذنبي ترى لبعض البشر ما الوك
لان طبعي صريح وراسي ما ادنكه
اللؤلؤ باللضم كلش جميل يصير
بس هو الحجي على الركبه التعلكه
.
.
#شعراء_وذواقين_الشعر_الشعبي
#سمير_صبيح
#ابو_تراب

ألزم صورتك واترسها صفنه وليش !

الناس العدها مثلي شمالها تگااطع ؟؟؟

وگفت أباب گلبك

لا هلا……
ولا رووووح….

لا لميتني ولا گتلي متراجع
لا نشفت دمعي ولا ترست العين
لا مشتري الخاطر لا كلت بايع

لهنا وأنتهت گلمن جروحه وياه
وطوينه الذگريات الضار والنافع

#شعراء_وذواقين_الشعر_الشعبي
#علي_عماد
#zuse

الوادم لو لفاها الليل
تعد الليل للؤنسه
وانا شجم ليل جم نهار
يجي ويروح من نفسه
.
.
#شعراء_وذواقين_الشعر_الشعبي
#منقول
#ابو_تراب

.
وكفنا وكال اروح وارد اوصيك
شد حيلك وكتنا سموم وعياي
اريدك من اروح تنام مرتاح
شنام وجفن عيني موالف حياي
انا ما طابك جفن من روحتك ذيج
هسه تريد انام بروحتك هاي ؟
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
مشتاكلك مابيه اعوفك
ولو تنشره بدم اشتريتك
يا دوه جروحي الما لكيتك
وصورك من دموعي التطيح
يتغيرن كلما بجيتك
.
.
#شعراء_وذواقين_الشعر_الشعبي
#عمار_سالم
#ابو_تراب

.
لا ينشغل بالك كلشي مابيه
مجرد بس اخذت بخاطري شويه
بس انا الاعجبك يوم لو يومين
ارجعلك الضحكة الكتلي مو هيه
اليثكلن ويا غيرك يمك انت خفاف
احن لشوفتك لو چيلتك بيه
اذا مو الك كلي المن الزله تطيح
والمن ضام حرورة الحنيه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
تهموني بمحبتك والله لو يدرون
على ضيم العلية يضل يواسوني
ما يدرون عايفني بمهب الريح
وانا وياك عفت الما يعوفوني
اليحبوني شكثر ولجيتي يتانون
واخجل من كثر ما كام يتنوني
وانت الما تحبني شلون بلة وياك
امرن بيك ما امر باليحبوني
عفت الي شروني ومن ارد شلون
وهم اسوى بعد والنوب يشروني
حبيتك شجاني وما حسبت حساب
خيعونك علية وانا خيعوني
متحبني واحبك والمصيبة انوب
اريدك وانهزم من اليريدوني
.
.
#شعراء_وذواقين_الشعر_الشعبي
#جبار_رشيد
#ابو_تراب

الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
.
.
#شعراء_وذواقين_الشعر_الشعبي
#سمير_صبيح
#ابو_تراب